12/09/2026
ALDO NING SABADO
ING DEVOCIÓN QÑG
VIRGEN DE LOS REMEDIOS, ING INDU NING CAPALDANAN, TULA DING CAPAMPAÑGAN
Qñg lagiu ning Ibpa, † ampon ning Anac, † ampon ning Banal a Espíritu. Amen.
Panalañgin parañgal qñg Virgen de los Remedios:
O Dios a Ibpa mi, ing Indu ning Anac mu, ing Nuan a Vírgen María, Indu ning Capaldanan, Tula ring Capampañgan qñg pamamilatan at panalañgin na pagcalaman mu lang casaupan ding atiu qñg pamañgailañgan, canuanan ding pacacalulu, sicanan ding mañgaina, tula ring maluñgcut, camasmas ding salunan, pagsacdalan ding macasalanan, canuanan at capayapan ding sabla ñgening magcapilit caming maniadsad qñg casalpantayanan, sumulung qñg pamicalugud, at lumacad miabe-abe papunta qñg banua ning nuan a capanayan.
Iti aduan mi q***a, O Dios, qñg capamilatan nang Jesucristong Anac mu, a mabibie at mag-ari cambe mu qñg cametuñgan ning Banal a Espíritu, mangga man qñg alang angga. Amen
Nuestra Señora de los Remedios, Indu ning Capaldanan, Tula da ring Capampañgan, ipanalañgin mu cami!
Qñg lagiu ning Ibpa, † ampon ning Anac, † ampon ning Banal a Espíritu. Amen.
No copyright infringement intended
Credit to the rightful owner
