23/05/2026
Mayo 24, 2025
Anniversario ning Canonizacíon nang Santa Rita de Cascia
𝗣𝗔𝗧𝗥𝗢𝗡𝗔 𝗗𝗔 𝗥𝗜𝗡𝗚 𝗕𝗔𝗚𝗨𝗘 𝗜𝗠𝗣𝗢𝗦𝗜𝗕𝗟𝗜.
𝙇𝙖 𝙫𝙞𝙙𝙖 𝙙𝙚 𝙈𝙖𝙧𝙜𝙝𝙚𝙧𝙞𝙩𝙖:
Mibait ya I Margherita Lotti iniang 1381 qñg ciudad ning Roccaporena. Ing cabaldugan ning queiang lagyu a Margherita apin ing Perla. Pelayauan deng “Rita", macuyad a version ning queiang laguiung biniñagan (Baptismal name).
•𝐃𝐢𝐧𝐠 𝐩𝐮𝐭𝐢𝐮𝐜:
Qñg Aldo ning queiang panga biniag, ring putiuc (White bees) milagru lang dinatang at megluyun-luyun qñg queiang lupa. Deng Putiuc, lual-lungub la qñg queiang asbuc at milagrung e re penasaquitan nune anti la mong maquisaya qñg panga biniag niting bingut.
Qñg edad a 12 años (12 years old) pequi quesal de ring queiang pengari cang 𝘗𝘢𝘰𝘭𝘰 𝘥𝘪 𝘍𝘦𝘳𝘯𝘢𝘯𝘥𝘰 𝘥𝘪 𝘔𝘢𝘯𝘤𝘪𝘯𝘰; sumangid ding queiang paquisabi a lungub qñg cumbento, Iti era pebustan ning queiang pengari. Ing queiang ayasaua metung yang mabandi dapot palpi-pali buntuc, imoral a tau't maracal capate qñg región ning Cascia. Ing carelang Casal, meglambat yang 18 banua. Qñg panaun a ita, mequilala ya at meguing ejemplong Cristianong esposa't indu uli ning queiang sipagan ban canita mibayu ya ing queiang esposo.
Pegcapilitan nang tiisan ring insultos, abusu ampong catacsilan quilub ning pilang banua. E meglambat, icua neng apibayu ing queiang asaua at alaco qñg gulu da ring familia (family feud) a maquiquilala anting “La Vendetta”. Migbunga ing carelang lugud at mica-anac lang aduang lalaqui a milagyuan 𝘎𝘪𝘢𝘤𝘰𝘮𝘰 𝘈𝘯𝘵𝘰𝘯𝘪𝘰 “𝘎𝘪𝘰𝘷𝘢𝘯𝘯𝘪" 𝘔𝘢𝘯𝘤𝘪𝘯𝘪 at y 𝘗𝘢𝘶𝘭𝘰 𝘔𝘢𝘳𝘪𝘢 𝘔𝘢𝘯𝘤𝘪𝘯𝘪. Reti peragul da la qñg Casalpantayanan.
E meglambat, lalus dinagul ing pate da ring familiang Mancini at Chiqui. Mebayu ya't meguing mayáp ya i Paolo dapot iti, pegtacsilan de ding queiang cayabe at penyacsac neng 𝘎𝘶𝘪𝘥𝘰 𝘊𝘩𝘪𝘲𝘶𝘪 angga qñg mate ya.
Minie yang capatauaran qñg publico I Rita caring mecamate caring esposo na qñg libing ning queiang esposo.
Dapot ing capatad ning queiang asaua a y 𝘉𝘦𝘳𝘯𝘢𝘳𝘥𝘰 acumbinsi ne ding queiang anac ban canita mablas qñg geua da ding Chiqui qñg carelang tatang. Pigcapilitan nang Rita a ilaco ring queiang anac qñg “La Vendetta” dapot deti masias la lub. Uli niti, Iniauad na namu qñg Díos a mate la ring queiang anac quesa qñg midala la infiernos ring carelang caladua. Uli niti, mete la qñg dysentery ring anac na.
𝙀𝙡 𝙡𝙡𝙖𝙢𝙖𝙙𝙤 𝙙𝙚 𝙍𝙞𝙩𝙖:
Uli da ding camatayan ning queiang familia, pegnasan nang Rita a lungub qñg bie religiosa; carin qñg Monasterio di Santa Maria Maddalena carin Cascia. Dapot ding madres, e re tinggap uli ding tacut dang madame't masangcut qñg pisasabyan lalus na qñg escandalo ning brutal nang camatayan ning queiang asaua at uling ene Virgen (Virgin) I Rita.
Dapot pursigudo ya I Rita at pigcapilitan nang lungub qñg cumbento. Uli niti, dininan neng condición ning Madre Superiora bayu ya milub qñg cumbento:
Iti ing pamicasundu da ring Chiqui at Mancini. Iti ing maquicasundu caring Chiqui a mecamate qñg Queiang asaua. Ban canita e na lalus pang dagul ing gulu at e midame ing carelang cumbento qñg escandalo da ring familia.
•𝐈𝐧𝐠 𝐦𝐢𝐥𝐚𝐠𝐫𝐨𝐬𝐨𝐧𝐠 𝐩𝐚𝐧𝐥𝐮𝐛 𝐧𝐚 𝐪𝐧𝐠 𝐜𝐮𝐦𝐛𝐞𝐧𝐭𝐨:
Cayari dang micasundu reng familia, mengadi ya y Margherita caring atlung Santung queiang patulunan, ding atlung Santung Masicanan:
•𝘚𝘢𝘯 𝘑𝘶𝘢𝘯 𝘉𝘢𝘶𝘵𝘪𝘴𝘵𝘢, ing pinsan ning Guinu a meminiag Queia qñg ilug Jordan.
•𝘚𝘢𝘯 𝘈𝘨𝘶𝘴𝘵𝘪𝘯 𝘥𝘦 𝘏𝘪𝘱𝘱𝘰𝘯𝘢, Ing fundador ning Orden da ding Agustino (Ing orden a pagnasan nang luban)
•𝘚𝘢𝘯 𝘕𝘪𝘤𝘰𝘭𝘢𝘴 𝘥𝘦 𝘛𝘰𝘭𝘦𝘯𝘵𝘪𝘯𝘰 a metung pamu canitang Beato, Metung a taumaturgo at Ing pecamumunang causa ning Orden da ring Agustino.
(At mengadi ya naman cang 𝘚𝘢𝘯𝘵𝘢 𝘔𝘢𝘳𝘪𝘢 𝘔𝘢𝘨𝘥𝘢𝘭𝘦𝘯𝘢, Ing patulunan ning cumbentong queiang luluban.)
Lugud ning Díos, pebustan nang milub ya qñg cumbento!
Bista man macasara la ring pasibulan ning cumbento, I Rita, Ginato (Levitated) ya Abe reng Atlung patulunan na! Maragul a panga bigla da ring madres iniang aquit de ing mebalu a atsu quilub ning cumbento bista man macasara la't maca-cabat ding entradas.
•𝐈𝐧𝐠 𝐦𝐢𝐥𝐚𝐠𝐫𝐨 𝐧𝐢𝐧𝐠 𝐯𝐢𝐧𝐨:
Ing Madre superiora, anti mong susubucan ne ing obediencia nang Rita, inutusan neng cumang metung a nanu mang malanging sanga a queiang apulut at diligan ne. Quilub ning pabanua, dapat iti ayacua neng apatubu. Bista man balu da ring sabla a Iti, imposibli, alang malit yang memintu I Rita. Memulut yang metung a sangang malangi at aldo-aldo, gagambulan at didiligan ne Iti. Ring aliuang madres, geua reng pitucsuan at picatulan at ausan deng locu uli napin ning imposibli iting tumubu dapot qñg carelang panga bigla! Tinubu ya't linabung ing sangang malangi at meguing yang Vino (Ubas) a maragul a mamungang misna yumu! Mebigla la ring madres at icua nang Rita ing carelang respeto.
Mibie-bie ya qñg cumbento I Rita mitmung cataimican at obediencia caring macatas queiang at aldo-aldo manalangin.
𝙇𝙖 𝙚𝙨𝙩𝙞𝙜𝙢𝙖𝙩𝙖 𝙚𝙣 𝙨𝙪 𝙛𝙧𝙚𝙣𝙩𝙚:
Misan a aldo, qñg pangalalam ning panalañgin nang Rita, megnasa yang maquiagum qñg Pasion nang queralandalan ning Guinu. Iniauad nang mica sugat ya qñg canuan ibat caring coronang sucsuc a mitumpac qñg mal a buntuc ning Guinu. Iti pebustan ning Guinu, milagru, metung a sucsuc qñg buntuc ning Guinu ing biglang milaco qñg crucifijo at mitusuc at binacutcut qñg canuan nang Rita!
Iti capilan man e quinayap subali mu qñg misan a pamicatagun nung nucarin mengasna yang saquit I Rita. Aldo na canita ning Canonizacíon nang 𝙎𝙖𝙣 𝙉𝙞𝙘𝙤𝙡𝙖𝙨 𝙙𝙚 𝙏𝙤𝙡𝙚𝙣𝙩𝙞𝙣𝙤 qñg Vaticano at pegnasan nang miratang qñg Romang Rita at tumagun qñg rito ning Canonizacíon anting tanda ning capasalamatan queia inya pequisabian neng Mayáp ing Guinung macapayan ban ilaco Ne iti aguiang saguli mung penandit.
Iti pebusta'na dapot impunto a caratang da't cauli qñg cumbento ra, mibalic yang tambing iting stigmata qñg canuan na.
•𝐈𝐧𝐠 𝐦𝐢𝐥𝐚𝐠𝐫𝐨 𝐧𝐢𝐧𝐠 𝐑𝐨𝐬𝐚𝐬 𝐚𝐭 𝐡𝐢𝐠𝐮𝐞𝐫𝐚.
Iniang malapit neng mate y Santa Rita, mesalunan ya't migcasaquit. Iniang malapit neng mapupus ing bie na, Iniauad na qñg metung a menapa (memisita) queia a pangua neng metung a Rosa ampong aduang higuera (Fig) dapot iti malungcut nang gilutan ning visita na uli ping invierno (winter) canita inia aguiang nanu mu, alang mamucadcad a sampaga at mamungang tanaman canita. Dapot! Calabas na niting visita na qñg queiang jarding a sinese qñg cumbento, Atin Rosang macabucadcabd at aduang higuera ing malilut! Reti inacua nang inagtal at dela cang Rita.
𝙇𝙖 𝙢𝙪𝙚𝙧𝙩𝙚 𝙙𝙚 𝙎𝙖𝙣𝙩𝙖 𝙈𝙪𝙟𝙚𝙧!
Iniang a-22 ning mayo, Banuang 1457, cayari ning apat a Banuang pamagcasaquit qñg saquit a tuberculosis, meacua nang meangu a bie't meteng Margherita Lotti.
Apin reti reng tauli nang amanu:
“ℳ𝒶𝓃𝒶𝓉𝒾𝓁𝒾 𝒸𝒶𝓎𝓊 𝓆𝓃𝓰 𝒷𝒶𝓃𝒶𝓁 𝒩𝒶𝓃𝓰 𝓁𝓊𝓰𝓊𝒹 𝒥ℯ𝓈𝓊𝓈. ℳ𝒶𝓃𝒶𝓉𝒾𝓁𝒾 𝒸𝒶𝓎𝓊𝓃𝓰 𝓂𝒶𝓃𝒾𝓃𝓉𝓊 𝓆𝓃𝓰 ℬ𝒶𝓃𝒶𝓁 𝒶 ℐ𝓰𝓁ℯ𝓈𝒾𝒶 ℛℴ𝓂𝒶𝓃𝒶. ℳ𝒶𝓃𝒶𝓉𝒾𝓁𝒾 𝒸𝒶𝓎𝓊 𝓆𝓃𝓰 𝒸𝒶𝓅𝒶𝓎𝒶𝓅𝒶𝓃 𝒶𝓉 𝓅𝒶𝓂𝒾𝒸𝒶𝒸𝒶𝓁𝓊𝓰𝓊𝒹 𝒶𝓃𝓉𝒾𝓃𝓰 𝓂𝒾𝒸𝒶𝒸𝒶𝓅𝒶𝓉𝒶𝒹.”
“𝙈𝙖𝙣𝙖𝙩𝙞𝙡𝙞 𝙘𝙖𝙮𝙪 𝙦𝙣𝙜 𝙗𝙖𝙣𝙖𝙡 𝙖 𝙡𝙪𝙜𝙪𝙙 𝙉𝙖𝙣𝙜 𝙅𝙚𝙨𝙪𝙨. 𝙈𝙖𝙣𝙖𝙩𝙞𝙡𝙞 𝙘𝙖𝙮𝙪𝙣𝙜 𝙢𝙖𝙢𝙞𝙣𝙩𝙪 𝙦𝙣𝙜 𝘽𝙖𝙣𝙖𝙡 𝙖 𝙄𝙜𝙡𝙚𝙨𝙞𝙖 𝙍𝙤𝙢𝙖𝙣𝙖. 𝙈𝙖𝙣𝙖𝙩𝙞𝙡𝙞 𝙘𝙖𝙮𝙪 𝙦𝙣𝙜 𝙘𝙖𝙥𝙖𝙮𝙖𝙥𝙖𝙣 𝙖𝙩 𝙥𝙖𝙢𝙞𝙘𝙖𝙘𝙖𝙡𝙪𝙜𝙪𝙙 𝙖𝙣𝙩𝙞𝙣𝙜 𝙢𝙞𝙘𝙖𝙘𝙖𝙥𝙖𝙩𝙖𝙙. "
𝘔𝘦𝘲𝘶𝘪𝘭𝘢𝘭𝘢 𝘺𝘢 𝘪𝘵𝘪𝘯𝘨 𝘯𝘶𝘢𝘯 𝘢 𝘚𝘢𝘯𝘵𝘢 𝘲𝘯𝘨 𝘲𝘶𝘦𝘪𝘢𝘯𝘨 𝘤𝘢𝘣𝘢𝘣𝘢𝘯, 𝘤𝘢𝘱𝘢𝘮𝘪𝘯𝘵𝘶𝘢𝘯, 𝘭𝘶𝘨𝘶𝘥 𝘤𝘢𝘳𝘪𝘯𝘨 𝘴𝘢𝘭𝘢𝘯𝘵𝘢 𝘢𝘵 𝘱𝘢𝘤𝘢𝘤𝘢𝘭𝘶𝘭𝘶, 𝘱𝘢𝘤𝘢𝘮𝘢𝘭 𝘤𝘢𝘯𝘨 𝘑𝘦𝘴𝘶𝘴 𝘢𝘵 𝘲𝘯𝘨 𝘣𝘢𝘭𝘢𝘺𝘢𝘯 𝘯𝘢. 𝘈𝘵 𝘱𝘢𝘮𝘢𝘯𝘺𝘢𝘶𝘱 𝘣𝘪𝘴𝘵𝘢 𝘮𝘢𝘯 𝘮𝘢𝘨𝘤𝘢𝘤𝘢𝘴𝘢𝘲𝘶𝘪𝘵 𝘺𝘢. 𝘜𝘮𝘦 𝘵𝘢' 𝘴𝘢𝘯𝘢'𝘵 𝘤𝘶𝘢𝘯𝘢𝘯 𝘵𝘢 𝘺𝘢 𝘢𝘵𝘪𝘯𝘨 𝘦𝘫𝘦𝘮𝘱𝘭𝘰 𝘲𝘯𝘨 𝘲𝘶𝘦𝘤𝘢𝘵𝘢𝘯𝘨 𝘣𝘪𝘦 𝘤𝘢𝘴𝘢𝘭𝘱𝘢𝘯𝘵𝘢𝘺𝘢𝘯𝘢𝘯. 𝘓𝘶𝘭𝘶𝘨𝘶𝘥 𝘲𝘯𝘨 𝘎𝘶𝘪𝘯𝘶 𝘢𝘯𝘨𝘨𝘢 𝘲𝘯𝘨 𝘮𝘢𝘱𝘶𝘱𝘶𝘴 𝘪𝘯𝘨 𝘉𝘪𝘦.
Panalañgin qñg Díos qñg uli nang Santa Rita de Cascia.
Oh Díos a mebisang migcalam cang Santa Rita de Cascia qñg graciang milsinta caring salang na’t migdala qñg pusu ampon canuan na caring tanda ning sinta mu at pamailasa:
alang alang qñg suyu’t pamamilatan na, pagcalub mu sa quecami ing mabiasang patauad caring cagaga mi, at migunam qñg sáquit ning pamailasa mu: layun apaquiabutan mi sa ing ablas a peñgacu mu caring mamu lub at biasang maquipaglunus quecang mabibie’t manibala mangga man capilan. Yanass.
Santa Rita De Cascia ipanalangin mu Kami
No copyright infringement intended
Credits to the rightful owner
