Sts. Peter and Paul Chapel

Sts. Peter and Paul Chapel The Roman Catholic Church in Magpapalayoc, San Leonardo, Nueva Ecija

16/08/2026

Sa unang pagkakataon, buong galak at pananampalataya nating ipinagdiwang sa ating pamayanan ang Dakilang Kapistahan ng Pag-aakyat sa Langit sa Mahal na Birheng Maria, ang Nuestra Señora de la Asunción.

Kasabay ng makasaysayang pagdiriwang na ito ang kanyang primera salida sa ating barangay, kung saan buong pagpapakumbaba siyang inihatid sa mga pangunahing lansangan upang makapiling at magbigay pagpapala sa ating pamayanan.

Ang pagdiriwang na ito ay isang mahalagang simula upang higit na maipakilala ang debosyon at pamimintuho sa Mahal na Birhen ng Asunción, ang Ina ng ating pamayanan. Isang mapagmahal na Ina na handang makinig sa ating mga panalangin at buong pagmamahal na inilalapit ang mga ito sa kanyang Anak na si Hesukristo, na ngayon ay kapiling niya sa kalangitan.

Nawa'y sa bawat pagdiriwang, prusisyon, at pananalangin sa kanyang karangalan ay lalo nating mapalalim ang ating pananampalataya at mapalapit ang ating mga puso kay Kristo sa pamamagitan ng kanyang Mahal na Ina.

At bilang tanda ng ating patuloy na debosyon, hangad nating maging taunang tradisyon ang pagdiriwang ng Kapistahan ng Nuestra Señora de la Asunción, bilang pasasalamat sa kanyang paggabay at pagkalinga sa ating pamayanan.

Nuestra Señora de la Asunción, Ina ng aming Pamayanan, ipanalangin mo kami.

Viva La Virgen!
Viva Nuestra Señora de la Asunción!



𝐌𝐀𝐑𝐈𝐍𝐆𝐀𝐋 𝐍𝐀 𝐏𝐑𝐔𝐒𝐈𝐒𝐘𝐎𝐍 𝐒𝐀 𝐊𝐀𝐑𝐀𝐍𝐆𝐀𝐋𝐀𝐍 𝐍𝐆 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐀𝐒𝐔𝐍𝐂𝐈Ó𝐍 Mga kuhang karawan mula sa ginanap na Maringal na P...
16/08/2026

𝐌𝐀𝐑𝐈𝐍𝐆𝐀𝐋 𝐍𝐀 𝐏𝐑𝐔𝐒𝐈𝐒𝐘𝐎𝐍 𝐒𝐀 𝐊𝐀𝐑𝐀𝐍𝐆𝐀𝐋𝐀𝐍 𝐍𝐆 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐀𝐒𝐔𝐍𝐂𝐈Ó𝐍

Mga kuhang karawan mula sa ginanap na Maringal na Prusisyon sa Dakilang Kapistahan ng Pag-aakyat sa Langit sa Mahal na Birheng Maria.

Isang pasasalamat sa lahat ng nakiisa sa mga aktibidad kaugnay ng kapistahan ng ating Mahal na Ina.

VIVA ASUNCION!
VIVA LA VIRGEN!


𝐅𝐈𝐄𝐒𝐓𝐀 𝐀𝐒𝐔𝐍𝐂𝐈𝐎𝐍 𝟐𝟎𝟐𝟔Mga kuhang larawan mula sa ginanap na pagdiriwang ng Banal na Misa para sa Dakilang Kapistahan ng Pa...
15/08/2026

𝐅𝐈𝐄𝐒𝐓𝐀 𝐀𝐒𝐔𝐍𝐂𝐈𝐎𝐍 𝟐𝟎𝟐𝟔

Mga kuhang larawan mula sa ginanap na pagdiriwang ng Banal na Misa para sa Dakilang Kapistahan ng Pag-aakyat sa Langit sa Mahal na Birheng Maria. Ang Misa ay pinangunahan ng ating kura paroko, Reb. Padre Marco Divine B. Pangilinan, SSS.

Agosto 15, 2026


✨𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗣𝗔𝗚-𝗔𝗔𝗞𝗬𝗔𝗧 𝗦𝗔 𝗟𝗔𝗡𝗚𝗜𝗧 𝗦𝗔 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔✨Inaanyayahan ang lahat na makiisa sa pagdiriwang ...
14/08/2026

✨𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗣𝗔𝗚-𝗔𝗔𝗞𝗬𝗔𝗧 𝗦𝗔 𝗟𝗔𝗡𝗚𝗜𝗧 𝗦𝗔 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔✨

Inaanyayahan ang lahat na makiisa sa pagdiriwang ng Dakilang Kapistahan bukas, ika-15 ng Agosto.

BANAL NA MISA | 11:00n.u.
MARINGAL NA PRUSISYON | 4:00 n.h.

Viva Asuncion! Viva la Virgen!


"𝐍𝐚𝐬𝐚 𝐤𝐚𝐧𝐚𝐧 𝐌𝐨 𝐚𝐧𝐠 𝐫𝐞𝐲𝐧𝐚, 𝐦𝐚𝐧𝐢𝐧𝐠𝐧𝐢𝐧𝐠 𝐬𝐚 𝐠𝐢𝐧𝐭𝐨'𝐭 𝐠𝐚𝐧𝐝𝐚."Sa kauna-unahang pagkakataon, ipagdiriwang sa ating Kapilya ang D...
13/08/2026

"𝐍𝐚𝐬𝐚 𝐤𝐚𝐧𝐚𝐧 𝐌𝐨 𝐚𝐧𝐠 𝐫𝐞𝐲𝐧𝐚, 𝐦𝐚𝐧𝐢𝐧𝐠𝐧𝐢𝐧𝐠 𝐬𝐚 𝐠𝐢𝐧𝐭𝐨'𝐭 𝐠𝐚𝐧𝐝𝐚."

Sa kauna-unahang pagkakataon, ipagdiriwang sa ating Kapilya ang Dakilang Kapistahan ng Pag-aakyat sa Langit sa Mahal na Birheng Maria, ang Nuestra Señora de la Asunción. Narito ang talaan ng mga gawain para sa Dakilang Kapistahan:

𝐀𝐠𝐨𝐬𝐭𝐨 𝟏𝟓, 𝟐𝟎𝟐𝟔
(Sabado)

𝐏𝐚𝐠𝐝𝐚𝐫𝐚𝐬𝐚𝐥 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐲𝐨 | 10:30 n.u.
𝐁𝐀𝐍𝐀𝐋 𝐍𝐀 𝐌𝐈𝐒𝐀 | 11:00 n.u.
𝐌𝐚𝐫𝐢𝐧𝐠𝐚𝐥 𝐧𝐚 𝐏𝐫𝐮𝐬𝐢𝐬𝐲𝐨𝐧 | 4:00 n.h.

Magsama-sama tayo sa isang araw ng papuri sa Diyos, at pagpupugay kay Maria, ang Nuestra Señora de la Asunción. Inaanyayahan ang lahat ng mga mananampalataya na makiisa sa mga aktibidad kaugnay ng kapistahan.


𝐌𝐚𝐫𝐢𝐚, 𝐬𝐚 𝐩𝐮𝐬𝐨 𝐧𝐢𝐧𝐮𝐦𝐚𝐧. 𝐈𝐤𝐚’𝐲 𝐭𝐚𝐥𝐚 𝐧𝐠 𝐤𝐚𝐥𝐚𝐧𝐠𝐢𝐭𝐚𝐧, 𝐍𝐢𝐧𝐠𝐧𝐢𝐧𝐠 𝐦𝐨 𝐚𝐲 𝐰𝐚𝐥𝐚𝐧𝐠 𝐩𝐚𝐠𝐦𝐚𝐦𝐚𝐥𝐢𝐰, 𝓘𝓷𝓪𝓷𝓰 𝓼𝓲𝓷𝓽𝓪, 𝓘𝓷𝓪𝓷𝓰 𝓰𝓲𝓷𝓲𝓰𝓲𝓵𝓲𝔀✨𝘕𝘶𝘦𝘴𝘵𝘳𝘢...
11/08/2026

𝐌𝐚𝐫𝐢𝐚, 𝐬𝐚 𝐩𝐮𝐬𝐨 𝐧𝐢𝐧𝐮𝐦𝐚𝐧.
𝐈𝐤𝐚’𝐲 𝐭𝐚𝐥𝐚 𝐧𝐠 𝐤𝐚𝐥𝐚𝐧𝐠𝐢𝐭𝐚𝐧,
𝐍𝐢𝐧𝐠𝐧𝐢𝐧𝐠 𝐦𝐨 𝐚𝐲 𝐰𝐚𝐥𝐚𝐧𝐠 𝐩𝐚𝐠𝐦𝐚𝐦𝐚𝐥𝐢𝐰,
𝓘𝓷𝓪𝓷𝓰 𝓼𝓲𝓷𝓽𝓪, 𝓘𝓷𝓪𝓷𝓰 𝓰𝓲𝓷𝓲𝓰𝓲𝓵𝓲𝔀✨

𝘕𝘶𝘦𝘴𝘵𝘳𝘢 𝘚𝘦ñ𝘰𝘳𝘢 𝘥𝘦 𝘭𝘢 𝘈𝘴𝘶𝘯𝘤𝘪ó𝘯,
𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐀𝐒𝐔𝐍𝐂𝐈Ó𝐍 Ama naming makapangyarihan,Sa Iyong kaningningan naakit ang Mahal na Birheng...
08/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐀𝐒𝐔𝐍𝐂𝐈Ó𝐍

Ama naming makapangyarihan,
Sa Iyong kaningningan naakit ang Mahal na Birheng Maria.
Sa tulong ng Iyong mga biyaya, namuhay Siyang kalinis-linisan
at karapat-dapat sa Iyong mga itinakda;
kaya’t pinagpala Mo Siyang iniakyat sa kalangitan
taglay ang kaluluwa at katawan.
Ibinigay Mo Siya sa aming Ina at huwaran.
Sa tulong ng kaniyang mga panalangin
at sa pagsasaloob namin ng mga bagay sa kaitaasan,
pagindapatin Mong kami’y mamuhay rin sa kalinisan
at karapat-dapat sa Iyong mga itinakda,
at kaisa Niya’y magtamasa sa Iyong piling
ng kaningningang walang maliw.
Sa pamamagitan ni Hesukristo,
kasama ng Espiritu Santo,
magpasawalang hanggan.

Amen.

𝑵𝒖𝒆𝒔𝒕𝒓𝒂 𝑺𝒆ñ𝒐𝒓𝒂 𝒅𝒆 𝒍𝒂 𝑨𝒔𝒖𝒏𝒄𝒊ó𝒏, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

𝐏𝐀𝐆𝐁𝐀𝐁𝐀𝐒𝐁𝐀𝐒 𝐒𝐀 𝐈𝐌𝐀𝐇𝐄 𝐍𝐆 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐀𝐒𝐔𝐍𝐂𝐈𝐎𝐍Mga kuhang larawan mula sa ginanap na pagbabasbas ng bagong imahe n...
07/08/2026

𝐏𝐀𝐆𝐁𝐀𝐁𝐀𝐒𝐁𝐀𝐒 𝐒𝐀 𝐈𝐌𝐀𝐇𝐄 𝐍𝐆 𝐍𝐔𝐄𝐒𝐓𝐑𝐀 𝐒𝐄Ñ𝐎𝐑𝐀 𝐃𝐄 𝐋𝐀 𝐀𝐒𝐔𝐍𝐂𝐈𝐎𝐍

Mga kuhang larawan mula sa ginanap na pagbabasbas ng bagong imahe ng Nuestra Señora de la Asunción noong Mayo 17, 2026, Dakilang Kapistahan ng Pag-akyat ng Panginoon sa Langit.

Ang imahe na ito ng Birheng Maria ay pormal na itinalaga ng ating Parokya sa ating kapilya upang maging tagapangalaga at tagapagpakilala ng debosyon sa Nuestra Senora dela Asuncion, ang birheng iniakyat sa langit. Ang titulong Nuestra Señora de la Asunción ay tumutukoy sa isang mahalagang aral ng Simbahang Katolika na kilala bilang Assumption of Mary. Ito ay ang paniniwala na ang Mahal na Birheng Maria, matapos ang kanyang buhay sa lupa, ay iniakyat sa langit—katawan at kaluluwa—upang makibahagi sa kaluwalhatian ng Diyos.

Ang aral na ito ay pormal na idineklara bilang dogma ng Simbahan ni Pope Pius XII noong 1950 sa pamamagitan ng apostolikong konstitusyon na Munificentissimus Deus.

Ang Nuestra Señora de la Asunción ay hindi lamang isang titulo ng Mahal na Birhen kundi isang paalala ng katuparan ng pangako ng Diyos—na ang buhay ng katapatan at pananampalataya ay hahantong sa ganap na pakikipag-isa sa Kanya. Sa pamamagitan ni Maria, ipinapakita sa atin ang larawan ng ating hinaharap: ang muling pagkabuhay at kaluwalhatian sa piling ng Diyos.

Ang kapistahan ng Nuestra Señora de la Asunción ay ipinagdiriwang tuwing ika-15 ng Agosto.

Isang pasasalamat sa lahat ng mga taong tumulong upang maipagawa ang imaheng ito at ang kaniyang retablo sa ating side chapel.

⚜️PISTANG PAROKYA 2026⚜️Mga kuhang larawan mula sa ginanap na Maringal na Prusisyon at Street Dancing para sa Dakilang K...
05/08/2026

⚜️PISTANG PAROKYA 2026⚜️

Mga kuhang larawan mula sa ginanap na Maringal na Prusisyon at Street Dancing para sa Dakilang Kapistahan ni San Juan Maria Vianney, patron ng ating parokya.

Agosto 4, 2026


03/08/2026

✠ 𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐉𝐔𝐀𝐍 𝐌𝐀𝐑𝐈𝐀 𝐕𝐈𝐀𝐍𝐍𝐄𝐘

𝟰 𝗔𝗚𝗢𝗦𝗧𝗢 𝟮𝟬𝟮𝟲

Ngayon ay ipinagdiriwang natin ang Dakilang Kapistahan ng isang dakilang santo, Pari na namuhay bilang isang mabuting pastol sa kawan ng Panginoon. Sa kanyang mapagpakumbabang paglilingkod, walang pagod niyang ginampanan ang tungkulin bilang mabuting pastol, naging tapat na tagapagbantay ng kaluluwa, masigasig na tagapagpahayag ng habag ng Diyos sa Sakramento ng Kumpisal, at masikhay na manggagawa sa ubasan ng Panginoon. Nawa'y sa kanyang halimbawa ay lalo tayong tumugon sa panawagan ni Kristo na maging mga tapat na saksi ng Ebanghelyo sa ating panahon.

𝗣𝗔𝗡𝗔𝗟𝗔𝗡𝗚𝗜𝗡

Ang buhay mo ay naging ganap na pag-aalay sa Diyos sa paglilingkod para sa lahat. Nananalangin kami na sa tulong ng Espiritu Santo kaming lahat ay makatugón ngayon, ng may paninindigan sa bawat hamon ng aming personal na bokasyon.

Ikaw ay masugid na tagasamba ni Kristo sa Banal na Sakramento. Tulungan mo kaming tumanggap sa Eukaristiya ng may buong pananampalataya at paggalang upang makamtam namin ang saya nang pamamalagi ni Kristo sa Kabanal-banalang Sakramento.

Tunay kang kaibigan ng mga makasalanan. Sa tuwina'y ipinaaalala mo sa kanila: "na ang kanilang mga kasalanan ay tulad lamang ng buhangin sa harap ng matayog na bundok ng awa ng Diyos." Tulungan mo kaming maging malaya sa lahat ng takot na naglalayo sa amin upang humingi ng patawad ng Diyos; tulungan mo kaming tunay na na makapagsisi sa lahat naming mga kasalanan. Matuklasan nawa namin ang tunay na larawan ng Diyos na siyang laging naghihintay sa kanyang alibughang anak.

Lagi kang handa sa pagdamay sa mga aba: "Isa lamang ang aking sinusundan; kailangan kong ipamahagi ang lahat sa iba at walang dapat maiwan sa akin." Turuan mo kaming magbahagi sa lahat ng nangangailangan. Tulungan mo kaming maging malaya sa lahat ng aming pagkaalipin sa salapi at mapanlinlang na kayamanan. Isa kang masugid na mapagmahal na anak ng Mahal na Birhen, "ang tanging matibay na ugnayan mo." Turuan mo kaming lumapit sa kanya sa kapayakan at may pagtitiwala ng gaya sa isang anak.

Ikaw ngayon ay huwaran ng lahat ng mga pari sa mundo. Ang pag-ibig mo tulad ng isang pastol ay maging tanglaw nawa sa mga pastol namin ngayon at mapahalagahan nila ang ugnayan ng lahat sa pagkaka-isa nang walang pagtatangi sa iba. Mapuspos nawa sila ng pagmamahal sa Simbahan, may malasakit sa kanilang paglilingkod, at tatag sa harap ng lahat ng pagsubok. Amen

𝐒𝐚𝐧 𝐉𝐮𝐚𝐧 𝐌𝐚𝐫𝐢𝐚 𝐕𝐢𝐚𝐧𝐧𝐞𝐲, 𝐩𝐚𝐭𝐫𝐨𝐧 𝐧𝐠 𝐦𝐠𝐚 𝐩𝐚𝐫𝐢!
Ipanalangin mo kami!



Address

Magpapalayoc
San Leonardo
3102

Website

Alerts

Be the first to know and let us send you an email when Sts. Peter and Paul Chapel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category