15/08/2026
β π»ππππππ πΎππ π½ππππ β
πππ ππππππππ ππππππππππ ππ πππ πππππ
"Ito ang araw na ginawa ng Panginoon; tayo'y magsaya at magalak."
β Awit 118:24
Ngayon ay buong galak nating ipinagdiriwang ang Kapistahan ng ating mahal na Patron, San Roque.
Sa araw na ito, sama-sama tayong magpasalamat sa Diyos sa Kanyang walang hanggang pag-ibig at katapatan sa ating pamayanan. Ang ating pagdiriwang ay hindi lamang paggunita sa buhay ng ating patron, kundi isang paanyaya upang higit nating mahalin si Kristo at isabuhay ang pananampalatayang kanyang buong pusong pinanghawakan.
Nawa'y ang halimbawa ni San Roqueβang kanyang kababaang-loob, malasakit sa mga maysakit at nangangailangan, at hindi matatawarang pagtitiwala sa Diyosβay patuloy na maging inspirasyon sa ating pang-araw-araw na pamumuhay bilang mga Kristiyano.
Sa pagdiriwang na ito, sama-sama nating itaas ang ating mga puso sa Diyos sa pamamagitan ng Banal na Eukaristiya, ang bukal at tugatog ng ating pananampalataya. Nawa'y ang bawat panalangin, bawat awit ng papuri, at bawat gawa ng pag-ibig ay maging handog ng pasasalamat sa Kanya.
πππ ππππππππππ ππ πππ πππππ
Siya ay Anak ng isang Gobernador sa Montpellier, Bansang Francia. Siya ay Naulila sa Edad na Labingdalawa sa kanyang Ama, at Edad na Dalawapu sa Kanyang Ina. Sinasabing si San Roque ay Hiningi ng kanyang mga Magulang sa Mahal na Birhen at noong ito'y Ipinanganak ay Nakita ang isang Krus na Mapula sa kanyang Dibdib na ikinahula ng mga Kabanalang Gagawin niya. Noong Maulila siya sa kanyang Magulang, ang Lahat ng kanyang Kayamanan ay kanyang Ipinamahagi ng Lihim sa mga Mahihirap. Nagdamit siya'y Peregrino at Naglakbay patungong Roma. Sa lahat ng bayang nadadaanan niya ay may Salot na Pumupuksa sa mga Tao, kaya't siya'y Nanggagamot sa Pamamagitan ng Pag-kukrus sa mga May-sakit at sila'y Gumagaling. Sa Roma, Siya'y nakahalik sa mga Paa ng Papa Benedicto XI. Sa Bayan ng Placencia, Sinubok siya ng Diyos. Nahawa si San Roque ng Salot at Pinatapon siya sa Gubat, doon ay Hindi siya Pinabayaan ng Diyos, may Nagdadala kay San Roque ng Tinapay at ang nagdadala nito ay isang A*o. Noong Gumalin si San Roque, Siya ay Bumalik sa sarili niyang Bayan, ngunit hindi siya nakilala ninuman at Inakusaan pang Espiya ng kanilang Kaaway. Hinatualan siyang Mabilanggo Habang-buhay ng kanya mismo Tiyuhin. Namatay si San Roque noong Agosto 16, 1327 at Nakita ang isang Tablang Kinasusulatan nito: "AVISO, Los Que Fueren Heridos de Peste E Implora de ROQUE Alcanzaran, SALUD" Na ang Kahulugan ay "Kung Sino mang Tumawag sa aking Aliping si ROQUE ay Ipag-aadya ko laban sa Salot, Alang-alang sa kanya." Siya ang Patron ng mga May-sakit at mga Tinamaan ng Salot.
VIVA, SAN ROQUE, VIVA!
