๐๐จ๐ฆ๐๐ง ๐๐๐ญ๐ก๐จ๐ฅ๐ข๐ ๐๐ซ๐๐ก๐๐ข๐จ๐๐๐ฌ๐ ๐จ๐ ๐๐ข๐ฉ๐
๐๐๐ง ๐๐ฎ๐๐ง ๐๐๐ฉ๐จ๐ฆ๐ฎ๐๐๐ง๐จ ๐๐๐ซ๐ข๐ฌ๐ก
๐๐๐ ๐๐๐๐๐๐๐ ๐
๐๐๐๐๐ ๐๐๐๐๐๐
๐๐ซ๐ ๐ฒ. ๐๐ฎ๐ก๐๐ฒ๐ง๐๐ฌ๐๐ฉ๐, ๐๐๐ง ๐๐ฎ๐๐ง, ๐๐๐ญ๐๐ง๐ ๐๐ฌ
๐๐ข๐ญ๐ฎ๐ฅ๐๐ซ ๐๐๐ญ๐ซ๐จ๐ง: ๐๐๐ง ๐๐ข๐๐๐ง๐ญ๐ ๐
๐๐ซ๐ซ๐๐ซ ๐๐ ๐๐ฎ๐ก๐๐ฒ๐ง๐๐ฌ๐๐ฉ๐
๐๐ง๐ ๐๐๐ฉ๐๐ ๐ก๐ข๐ฆ๐๐ฅ๐๐ง๐ ๐๐๐ญ๐ซ๐จ๐ง ๐๐ญ ๐๐ข๐ง๐ญ๐๐ค๐๐ฌ๐ข ๐ง๐ ๐๐ฎ๐ก๐๐ฒ๐ง๐๐ฌ๐๐ฉ๐ (๐๐๐ฉ๐ข๐ฌ๐ญ๐๐ก๐๐ง: ๐๐ฉ๐ซ๐ข๐ฅ ๐ | ๐๐๐๐ซ๐๐ฐ๐๐ง: ๐๐๐ง๐ฎ๐๐ซ๐ฒ ๐๐)
๐๐๐ ๐ฎ๐ง๐๐ ๐๐๐ญ๐ซ๐จ๐ง๐: ๐๐ ๐๐ง๐ฆ๐๐๐ฎ๐ฅ๐๐๐ ๐๐จ๐ง๐๐๐ฉ๐๐ข๐จ๐ง ๐๐ ๐๐ฎ๐ก๐๐ฒ๐ง๐๐ฌ๐๐ฉ๐
๐๐ง๐ ๐๐๐ฉ๐๐ ๐ก๐ข๐ฆ๐๐ฅ๐๐ง๐ ๐๐ง๐ ๐๐ญ ๐๐๐ฒ๐ง๐ ๐ง๐ ๐๐ฎ๐ก๐๐ฒ๐ง๐๐ฌ๐๐ฉ๐
(๐๐๐ฉ๐ฎ๐ฌ๐๐ง: ๐๐ฎ๐ง๐ ๐ | ๐๐๐ฉ๐ข๐ฌ๐ญ๐๐ก๐๐ง: ๐๐๐๐๐ฆ๐๐๐ซ ๐)
๐๐๐๐๐๐๐๐๐๐ ๐๐ ๐๐๐๐๐๐๐:
Taong 1930, sa ilalim ng panunungkulan ni (+) Rdo. Domingo Carceller, ORSA bilang kura paroko ng Parokya ni San Juan Nepomuceno na nakakasakop sa buong bayan ng San Juan, itinatag sa Brgy. Buhaynasapa ng layko na si (+) G. Vicente Hernandez at mga kasamang ka-nayon, sa paghimok ng (+) Kapitan del Barrio Pedro Dinglasan, ang noon ay maliit na tuklong na gawa lamang sa pawid at kawayan sa gawing timog kanluran ng kinatatayuan ng kasalukuyang kapilya. Ayon sa kuwento ng mga nakatatanda sa nayon, may dalawang naratibo o bersyon hinggil sa kung paano nagsimula ang debosyon sa Mahal na Patrong San Vicente Ferrer sa Brgy. Buhaynasapa at sa kung bakit siya ang naging patron at pintakasi ng lugar. May bersyon ng kuwento na nakita umano ng isang mangingisda na taga-Buhaynasapa ang imahen ni San Vicente Ferrer sa dagat na dinala sa barangay at saka nagpatayo ng tuklong. Ito ang tinitingnang posibleng pinagmulan at dahilan ng tradisyunal na pagpapaligo sa imahen sa dagat tuwing ika-4 ng Abril, bisperas ng kapistahan. Ang isang bersyon naman ay hango umano ang imahen sa San Vicente Ferrer de Banay-Banay na matatagpuan sa Pang-Arsidiyosesis na Dambana at Parokya ni San Vicente Ferrer sa Lungsod ng Lipa, Batangas na noong unang panahon ay kapilya pa lamang. Namanata raw si (+) G. Vicente Hernandez sa San Vicente Ferrer sa simbahan ng Banay-Banay, Lipa City, at nangako na kung siya ay gagaling sa sakit ay magpapagawa siya ng imahen ng santo na kasinglaki ng nasa simbahang iyon. Dahil gumaling si (+) G. Hernandez, bilang pasasalamat sa milagrosong p**n, nagpagawa siya sa tulong ng ilang mga kasama at kabarangay ng personal na imahen ni San Vicente Ferrer sa Paete, Laguna na inilagak sa kanilang tahanan bago pa man ang taong 1930. Wala pa noong tuklong o kapilya sa Brgy. Buhaynasapa kaya hinikayat ni nooโy (+) Kapitan del Barrio Pedro Dinglasan si (+) G. Hernandez na ipagkaloob ang naturang imahen sa buong barangay na naging daan upang magtayo sila ng tuklong na nakatalaga kay San Vicente Ferrer. Ang dating personal lamang na pag-aaring imahen, naging pinipintuhong patron ng mga taga-Brgy. Samantala, nang maitatag ang tuklong noong 1930, nagsimula ring magdaos ng Flores de Mayo o araw-araw na pag-aalay ng bulaklak sa Mahal na Birhen sa buong buwan ng Mayo. Batay sa mga lumang larawan, Hunyo 2 noon ipinagdiriwang ang Tapusan ng San Vicente Ferrer Chapel sa pamamagitan ng santacruzan at sagala na pagpaparangal sa imahen ng Nuestra Seรฑora del Santisimo Rosario na personal na pag-aari ng pamilya ni (+) Don Vicente De Villa, ang may-ari din ng lumang imahen ng Poong Jesus Nazareno ng Buhaynasapa. Kalaunan naging Hunyo 1 ang pagdiriwang ng Tapusan sa karangalan ng Mahal na Birhen sa titulo namang La Inmaculada Concepcion. Taong 1935 naman nang ilipat ang lumang tuklong sa kasalukuyang lote na kinatatayuan nito. Donasyon ang lote sa kapilya ng pamilya Mercado na may kabuuang sukat na 1,508.0000 square meters. Kasalukuyan nang nakapangalan ang lupa sa Roman Catholic Church batay sa tax declaration na nakatala sa San Juan, Batangas Municipal Assessor Office. Taong 1935 din nang magsimulang manungkulan ang kauna-unahang pangulo ng kapilya na si (+) G. Eusebio Reglos. Kasama niyang nanungkulan ang kauna-unahang ingat-yaman o treasurer na si (+) Gng. Rosario Bagnes-Sayat. Natapos ang kanilang termino noong 1966. Nakaligtas ang tuklong maging ang imahen ng patron sa Ikalawang Digmaang Pandaigdig o World War II na naganap noong 1942 hanggang 1945 kung saan sinakop ng mga Hapon ang Pilipinas. Matapos ang gyera, nagsikap ang mga residente at deboto na unti-unting mapatayuan ng mga konkretong pader at pundasyon ang kapilya. Mula 1966 hanggang 1972, nanungkulan bilang pangulo ng kapilya si (+) G. Agapito Dinglasan, pangalawang pangulo si (+) G. Pedro Alcantara at ingat-yaman si (+) Gng. Erlinda Salud-Castillo. Taong 1972 naman sa pamumuno ni (+) G. Benito Dinglasan, Sr. bilang pangulo ng kapilya at Gng. Minda Dinglasan-Rogel bilang ingat-yaman, sa tulong na rin ng mga deboto at kabarangay, isinagawa ang pagsasaayos at malawakang pagpapasemento ng pundasyon at mga pader ng kapilya. Inayos din ang bubong nito. Kura paroko noon ng Parokya ni San Juan Nepomuceno, ang parokyang nakakasakop sa kapilya, si (+) Rdo. Felipe Maraya, OAR. Bago pa man ang pagpasok ng bagong milenyo, dinarayo na ang kapilya ng mga debotong mula pa sa karatig-barangay at bayan na namamanata kay San Vicente Ferrer tuwing Biyernes, ang araw ng pagdedebosyon sa kinikilalang patron din ng mga batang may sakit. Nagsimula ring magdaos ng regular na first Friday Mass sa kapilya. Ang namayapang Auxiliary Bishop ng Arsidiyosesis ng Lipa na si Most Rev. Salvador Quizon, D.D. ang kauna-unahang obispo na nakabisita sa kasaysayan ng kapilya. Sa ilalim ng panunungkulan ni Rdo. Carlito Argente, OSJ (1999-2003), nagtalaga ng kauna-unahang batch ng Leccom o โLectors and Commentators Ministryโ sa kapilya. Taong 2007, sa pamumuno ni (+) Engr. Cesar Sayat, Jr., bilang pangulo, sinimulan muli ang malawakang pagsasaayos ng kapilya upang punan ang dumaraming bilang ng mga debotong namamanata rito lalo na tuwing Biyernes. Mas pinalawak ito at itinaas ang bubungan. Pinagawa rin ang konkretong retablo at altar na kasalukuyang nakikita. Nagsimula ring magdaos ng Misa tuwing araw ng Linggo at nagtalaga ng kauna-unahang batch ng Marelloโs Altar Knights at Marelletes sa ilalim ng panunungkulan ni Rdo. Perseverando Marquez, OSJ. Nang mga sumunod na mga taon, napalagyan ito ng kisame, tiles, at pansamantalang kampanaryo. Taong 2008 naman nang bansagan ang San Vicente Ferrer Chapel ni nooโy kura paroko at bikaryo poranyo, Rdo. Perseverando Marquez, OSJ, bilang โSentrong Dambana ni San Vicente Ferrerโ sa buong bayan ng San Juan dahil sa malalim na debosyon ng mga residente at mga namamanata rito na nagmumula pa sa iba't ibang lugar, barangay, at bayan, partikular ang mga bata at mga maysakit. Taong 2013 nang simulan ang pagdaraos ng taunang BaSAPA Festival tuwing Abril 4-5, isang cultural festival na binuo ng mga mamamayan ng Buhaynasapa na nagtatampok sa makulay at mayamang kultura ng mga Buhaynasapeรฑo at nagpaparangal sa patrong si San Vicente Ferrer. Tampok dito ang dance parade na tinatawag ding karakol. Taong 2021 nang itayo ang bagong opisina ng kapilya na matatagpuan sa gilid nito. Ito rin ang taon kung kailan sinimulan ng San Vicente Ferrer Chapel ang paggamit ng social communications o social media sa pagpapalaganap ng debosyon at pananampalataya. Binuo rin ang โSocial Communications Ministryโ na pinangunahan ng mga kabataang layko upang makasabay sa makabagong panahon at maihatid nang mas malawak ang Mabuting Balita, pananampalataya at debosyon. Binuhay ding muli ang San Vicente Ferrer de Buhaynasapa Chapel Music Ministry at iba pang organisasyon bilang isa sa mga naging prayoridad ng bagong pamunuan. Abril 2023 naman nang magkaroon ng bagong bihis o kulay ang retablo mayor ng kapilya at maipagawa ang opisyal na estandarte at varra alta ni San Vicente Ferrer de Buhaynasapa. Ilan sa mga natatanging selebrasyong taunang ipinagdiriwang sa kapilya ay ang Kapistahan ng Mahal na Patrong San Vicente Ferrer tuwing ika-5 ng Abril; Tradisyunal na pagpapaligo sa kanyang imahen tuwing bisperas ng piyesta; Kaarawan ni San Vicente Ferrer tuwing Enero 23; Tapusan ng Flores de Mayo tuwing Hunyo 1; Pagtatapos ng buwan ng Santo Rosaryo tuwing Oktubre 31; at Kapistahan ng La Inmaculada Concepcion tuwing Disyembre 8; mga gawaing nagpaparangal sa Mahal na Patron at Mahal na Birheng Maria na nakasentro sa Panginoon. Tuwing Biyernes ang kinagisnang araw ng pagdedebosyon at pamimintuho kay San Vicente Ferrer kung saan pumupunta ang mga deboto sa kapilya para manalangin, bumisita at humalik o humawak sa imahen ng p**n. Nagsasagawa rin ng nobena tuwing araw na ito. Bukod sa dinarayong orihinal at pinaniniwalaang milagrosong imahen ni San Vicente Ferrer de Buhaynasapa na kinikilalang patron at pintakasi ng Buhaynasapa, matatagpuan din sa kapilya ang lumang imahen ng Mahal na Birhen, La Inmaculada Concepcion na kinikilala namang Ina at Reyna ng Buhaynasapa. Nakalagak din dito ang pre-World War II restored image ni San Juan Nepomuceno na dati ay personal na pag-aari ni (+) Gng. Maria Rogel bago ito ipagkaloob sa kapilya. Nakatampok din sa kapilya ang life-size image ng Poong Sto. Cristo o Banal na Krus na ipinuprusisyon sa kabayanan ng San Juan tuwing Biyernes Santo. Ang San Vicente Ferrer Chapel sa Brgy. Buhaynasapa ay nasa ilalim ng pangangalaga ng Parokya ni San Juan Nepomuceno sa ilalim ng Arsidiyosesis ng Lipa.
