21/09/2025
Sa Liwanag ng Katotohanan, Korapsyon ay Wakasan.
Bilang Inang Simbahan, matatag ang paninindigan ng Simbahang Katolika na ipagtanggol ang ating Inang Bayan laban sa anumang anyo ng katiwalian at korapsyon na sumisira sa kapakanan, kinabukasan, at dangal ng sambayanang Pilipino. Malinaw sa Ikapitong Utos ng Diyos: โHUWAG KANG MAGNANAKAW.โ Ang lahat ng uri ng pandarambong at korapsyon, maliit man o malaki sa anumang pamamaraan ay paglabag sa utos na ito at isang matinding kasalanan laban sa Diyos at sa kapwa.
Sa ating bansa, laganap ang mga gawaing katiwalian gaya ng paglustay ng pondo mula sa buwis ng mga tao, hindi pantay na pamamahagi ng tulong para sa mga mahihirap, panggigipit sa mga nasa laylayan tulad ng mga manggagawa, at mga pampublikong proyekto ng pamahalaan na sobra-sobra ang singil gayoโng marami ang hindi natatapos at naisasagawa nang maayos. Dahil dito, patuloy pa rin ang paghihirap ng maraming Pilipino, walang maayos na serbisyong pangkalusugan, kulang ang suporta sa sektor ng edukasyon, nagkalat ang mga walang maayos na tirahan, at nananatiling mababa ang kabuhayan ng maraming pamilya sa kabila ng nagtataasang presyo ng mga bilihin.
Nasasayang ang kaban ng bayan na dapat ay nailalaan para sa kapakinabangan ng bawat mamamayan. Ang mga nasa pamahalaan na patuloy na ginagamit ang kapangyarihan at impluwensiya upang makaiwas sa batas at pagtakpan ang sariling kasalanan ay hindi kailanman makatatakas sa kanilang pananagutan sa harap ng Diyos. Ang batas ng tao ay maaaring manipulahin ng sinumang nasa itaas ngunit ang walang hanggang hustisya ng Panginoon ay tiyak at wagas. Kung kayaโt ang simbahan bilang Ina ng mga mananampalatayang Katoliko ay hindi mananahimik sa pagbaha ng katiwalian na lumulunod saating bayan.
Hindi sapat ang panawagang โTama na!โ kung mananatili pa rin ang pagkabulag at pananahimik ng iilan. Isa sa mga nais iparating ng mga Obispo ng simbahan ay ang tunay na pagbabagong may puspos ng pagsisisi hindi lamang sa malaking katiwalian sa pamahalaan gayudin ang maliliit na pandaraya sa pang-araw-araw na pamumuhay. Napakahalaga ng katapatan at katarungan na nagsisimula sa puso tulad ng tapat at matalinong pagboto, pag-iwas sa mga suhol, at paglaban ng patas. Ang pakikiisa ng simbahan sa malawakang paniningil sa pamahalaan ay hindi lamang upang tuligsain ang masama kundi hikayatin ang lahat na manalangjn, magbuklod, magtulungan para sa isang Pilipinas na patas, malinis, at makatarungan.
Gaya ng liwanag sa Ebanghelyo, ang bawat isa mula sa pinakamataas na pinuno hanggang sa karaniwang mamamayan ay may tungkuling isabuhay ang katapatan at pagkilos laban sa katiwalian. Ang pananampalataya kay Kristo ang magbibigay-lakas upang tumindig para sa mabuting pamamahala at paglilingkod na makatao at maka-Diyos.
Bilang pagtugon, kaisa ang Katedral ni San Jose sa panawagan ng Kapulungan ng mga Obispo sa Pilipinas sa paglaban sa korapsyon sa ating bansa.
Inaanyayahan ang lahat ng dadalo sa banal na misa na magsuot ng kulay puting damit bilang pagtugon sa panawagang ito.
