AVSJ - Commission on Youth

08/06/2026

04/06/2026

27/05/2026

𝗛𝗔𝗡𝗗𝗔 𝗞𝗔 𝗡𝗔 𝗕𝗔𝗡𝗚 𝗠𝗨𝗟𝗜𝗡𝗚 𝗟𝗨𝗠𝗨𝗦𝗢𝗡𝗚?
Opsss… hindi sa nakaraan, kundi sa pinaka-solid na alaala ng QUEMARLABARO RYC 2026!

🌊 𝗟𝗨𝗦𝗢𝗡𝗚, 𝗞𝗔𝗕𝗔𝗧𝗔𝗔𝗡𝗚 QUEMARLABARO

Sa apat na araw ng paglalakbay, tawanan, pagod, awitan, luha, sayawan, at sama-samang pananalangin isang bagay ang malinaw naming natutunan: ang Diyos ay hindi naghahanap ng perpektong kabataan, kundi mga kabataang handang LUMUSONG.

Ngayon, balikan natin ang mga sandaling nagpasaya, nagpaiyak, nagpalalim ng pananampalataya, at nagbigay-buhay sa bawat Kalakbay. Tara, samahan kaming muling lumusong sa mga alaala ng QUEMARLABARO Regional Youth Camp 2026!

25/05/2026

Mula sa Apostolikong Bikaryato ng San Jose, lubos po ang aming pasasalamat sa aming mga foster family na buong pusong nagpatuloy upang maging aming tahanan at pamilya sa mga panahong ginugol namin sa QUEMARLABARO REGIONAL YOUTH CAMP.

Maraming salamat po sa pagmamahal, pag-aaruga, at kabutihang tunay naming naramdaman. Hindi man naging pangmatagalan ang ating pagsasama, nag-iwan naman ito ng init sa aming mga puso at alaalang habang-buhay naming iingatan.

Sa bawat ngiti, kwentuhan, pag-aasikaso, at simpleng pagpaparamdam na kami ay bahagi ng inyong pamilya, maraming maraming salamat po. Kayo po ay naging biyaya at inspirasyon sa aming paglalakbay ng pananampalataya at pagkakaisa.

Nawa’y patuloy kayong pagpalain ng Panginoon at masuklian ang kabutihang ipinadama ninyo sa amin nang higit pa sa inaasahan.

24/05/2026

QUEMARLABARO REGIONAL YOUTH CAMP 2026

𝗗𝗔𝗬 𝟰

Ang huling araw… pero hindi ang pagtatapos.

Matapos ang lahat ng tawanan, awitan, sigawan, at sama-samang paglalakbay, dala namin ang mga alaala at pananampalatayang mas lalong nagpatibay sa aming puso.

Ngayon, handa nang humakbang muli at harapin ang panibagong misyon.
Lusong, mga kapatid! 🌊

22/05/2026

QUEMARLABARO REGIONAL YOUTH CAMP 2026

𝗗𝗔𝗬 𝟯 | 𝗬𝗢𝗨𝗧𝗛 𝗡𝗜𝗚𝗛𝗧

Tapos na ang gabing puno ng sigaw, awit, sayaw, at papuri… pero ang init at saya nito ay mananatili sa puso ng bawat Kalakbay.

22/05/2026

QUEMARLABARO REGIONAL YOUTH CAMP 2026

🌊 𝗗𝗔𝗬 𝟯 | 𝗦𝗮𝗹𝗶𝗯𝗮𝗻𝗱𝗮

Masaya na ba ang lahat? Kasi kami—oo.

Naranasan mo na ba ang unang salibanda kung saan ang bawat talsik ng tubig ay kasabay ng tawa, sigaw, at pusong puno ng saya?

Ang “basaan” ay hindi lang basta basta kundi sandaling nagbubuo ng pagkakaibigan, alaala, at pagkakaisang hindi mo inaasahan?

Sa bawat tugtugin at galaw, ramdam ang sigla ng kabataang Kalakbay nagiging iisa sa saya, sa pagdiriwang, at sa pananampalatayang bumubuhay sa bawat puso.

Basa kung basa… pero ang puso, punô ng saya na hindi kayang tapusin ng kahit anong ulan.

22/05/2026

QUEMARLABARO REGIONAL YOUTH CAMP 2026

𝗗𝗔𝗬 𝟮 | 𝗦𝗼𝗰𝗶𝗮𝗹𝗶𝘇𝗮𝘁𝗶𝗼𝗻 𝗡𝗶𝗴𝗵𝘁

Iba ka, Pakil! Ang init ng pagtanggap, saya ng bawat sandali, at sigla ng bawat Kalakbay ay tunay na nagbigay-buhay sa aming paglusong. Isang gabing puno ng tawanan at pagkakaisang hindi malilimutan.

Lubos ang aming pasasalamat sa aming foster parish ang San Pedro Alcantara Parish at Diocesan Shrine of Nuestra Señora Delos Dolores de Turumba sa sobrang init na pagmamahal at pagpapasaya sa amin.

22/05/2026

QUEMARLABARO REGIONAL YOUTH CAMP 2026

🌊 𝗗𝗔𝗬 𝟮

Sa bawat awitan, panalangin, at pagbabahaginan, mas lalong lumalalim ang ating pananampalataya at pagkakaisa bilang mga kabataang handang tumugon sa tawag ng Diyos. Patuloy tayong lumulusong dala ang pag-asa at pusong handang maglingkod.

22/05/2026