What are the opening hours?

Tuesday 8am - 11am 2pm - 5pm Wednesday 8am - 11am 2pm - 5pm Thursday 8am - 11am 2pm - 5pm Friday 8am - 11am 2pm - 5pm Saturday 9am - 11am 2pm - 5pm Sunday 10am - 11am

https://www.facebook.com/276896622763070/

Sagrada Familia Parish - SJDM

Home
Philippines
San Jose del Monte
Sagrada Familia Parish - SJDM

Contact information, map and directions, contact form, opening hours, services, ratings, photos, videos and announcements from Sagrada Familia Parish - SJDM, Religious organisation, Sta Cruz 1, Sapang Palay, San Jose del Monte.

Welcome to the Official page and Publication of the Commission on Social Communications of Sagrada Familia Parish under the Vicariate of San Jose Del Monte of The Roman Catholic Diocese of Malolos!

14/08/2026

𝗡𝗔𝗦𝗔 𝗞𝗔𝗡𝗔𝗡 𝗠𝗢 𝗔𝗡𝗚 𝗥𝗘𝗬𝗡𝗔, 𝗠𝗔𝗡𝗜𝗡𝗚𝗡𝗜𝗡𝗚 𝗦𝗔 𝗚𝗜𝗡𝗧𝗢'𝗧 𝗚𝗔𝗡𝗗𝗔!

Ngayong darating na Sabado, ika-15 ng Agosto, buong-puso nating ipagdiwang ang maluwalhating Pag-aakyat sa Langit sa Mahal na Birheng Maria—katawan at kaluluwa—dahil sa kanyang ganap na katapatan sa Diyos at pagiging kalinis-linisang Ina ng Manunubos. Ang Maringal na Pagdiriwang ng Banal na Misa ay ihahain sa ganap na ika-7 ng umaga.

Halina’t makiisa sa pananalangin, at sama-samang tumanggap ng mga pagpapala ng Panginoon sa pamamagitan ni Mariang iniakyat sa langit!

07/08/2026

Tunghayan ang Official Launching of the Digitalization of Church Records Management System Version 2.0 ng Diyosesis ng Malolos, sa pakikipagtulungan ng Bulacan State University.

07 Agosto 2026 | 10:30 ng Umaga.

=================
Visit our Website and Follow our Social Media Platforms!
Website: https://dioceseofmalolos.ph/
Facebook: https://www.facebook.com/angsandiganmalolos
Instagram: https://www.instagram.com/angsandiganmalolos
YouTube: https://www.youtube.com/c/angsandiganmalolos
TikTok: https://www.tiktok.com/

01/08/2026

𝗔𝗻𝗴 𝗽𝗮𝗴𝗽𝗮𝗽𝗮𝗿𝗶 𝗮𝘆 𝗻𝗮𝗴𝗺𝘂𝗺𝘂𝗹𝗮 𝘀𝗮 𝗺𝗶𝘀𝗺𝗼𝗻𝗴 𝗯𝘂𝗸𝗮𝗹 𝗻𝗴 𝗽𝗮𝗴-𝗶𝗯𝗶𝗴, 𝗮𝗻𝗴 𝗣𝘂𝘀𝗼 𝗻𝗶 𝗛𝗲𝘀𝘂𝘀. Sa pamamagitan ng kanilang pagkakatalaga ayon sa orden ni Melquisedec, sila ay nagiging daluyan ng mga biyaya ng Panginoon upang higit tayong mapalapit sa Kanya.

Bunga ng dakilang misyong ito, patuloy nating alalahanin ang ating kaparian sa ating mga panalangin—lalo na ang ating Kura Paroko, Rdo. P. Candido M. Pobre, Jr. Isamo natin na sa kanilang ministeryo, patuloy nawa silang pagkalooban ng Diyos ng lakas at kalusugan upang manatiling matapat at masigasig sa paglilingkod, habang nagiging buhay na larawan ng ating Panginoong Hesukristo.

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗣𝗮𝗿𝗶, 𝗙𝗿. 𝗗𝗶𝘂𝗻𝗲!

San Juan Maria Vianney, huwara't pintakasi ng kaparian, ipanalangin mo kami.

24/07/2026

Mistulang mga mabubuting binhi na inihasik sa bukid, muli nang ipinahayo sa pastulan ng Panginoon ang mga kasapi ng 𝗣𝗮𝗻𝗱𝗶𝘆𝗼𝘀𝗲𝘀𝗶𝘀 𝗻𝗮 𝗦𝗲𝗻𝘁𝗿𝗼 𝗻𝗴 𝗞𝗮𝘁𝗲𝗸𝗲𝘀𝗶𝘀 (𝗣𝗔𝗦𝗞𝗔) sa ating Parokya nitong nagdaang Linggo, ika-19 ng Hulyo, upang ipahayag ang Mabuting Balita sa ating pamayanan.

Idalangin natin na nawa, sa kanilang paglilingkod sa misyong ito, ay patuloy silang maging mabubuting binhi na magbubunga ng mas malapit na pakikipag-ugnayan ng sambayanan kay Hesukristo.

24/06/2026

Tuwing ika-24 ng Hunyo, ating ipinagdiriwang ang 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴𝘀𝗶𝗹𝗮𝗻𝗴 𝗻𝗶 𝗦𝗮𝗻 𝗝𝘂𝗮𝗻 𝗕𝗮𝘂𝘁𝗶𝘀𝘁𝗮, ang Ikalawang Patron ng Parokya ng Sagrada Familia. Sa kanyang pagsilang, nag-iwan ng isang malalim na tanong ang mga nakasaksi sa mga himalang nakapalibot sa kanya: “Magiging ano kaya ang batang ito? (cf. Lc. 1:66)" Mula sa kaniyang pagkabata sa ilang, naging malinaw na ang buong buhay ni Juan ay hinubog para sa isang natatanging layunin. Siya ang naging tinig na sumisigaw sa disyerto, na walang pagod na nag-anyaya sa buong Israel na magsisi, tumalikod sa kasalanan, at magpabinyag upang ihanda ang daan para sa dumarating na Mesiyas.

Ang tunay na kadakilaan ni San Juan Bautista ay nakaugat sa kaniyang radikal na kababaang-loob. Sa kabila ng kaniyang mahalagang papel sa kasaysayan ng kaligtasan at sa dami ng mga sumusunod sa kaniya, hindi niya kailanman inangkin ang karangalang hindi para sa kaniya. Sa harap ng mga nagtatanong, buong-puso niyang ipinahayag na siya ay tagahanda lamang ng daan at hindi siya ang Kristo—na hindi man lamang siya karapat-dapat na mag-alis ng panyapak ng Susunod sa kaniya (cf. Gawa 13:25).

Patuloy tayong hinahamon ng ehemplo ni San Juan na talikdan ang sariling pagpapalalo; tinatawag tayong maging tulad niya na marunong magpakumbaba upang ang liwanag at paghahari ng Panginoon ang mas magningning sa ating buhay.

San Juan Bautista, ipanalangin mo kami.

20/06/2026

Hindi lamang sila tagaakay sa oras ng pangangailangan; ang isang tunay na ama ay nagsisilbing gabay tungo sa tamang landas at nagiging kanlungan sa gitna ng pangamba. Sa bawat payong may bitbit na karunungan at proteksiyong ibinibigay nang walang hinihinging kapalit, nadarama nating lubos ang kuwento ng pag-ibig na handang mag-alay ng lahat.

Sa araw na ito, buong-puso nating ipinagdiriwang ang mga amang tunay na nagpapakita ng pananagutan — ang mga haliging hindi natitinag ng anumang bagyo, ang mga amang biyolohikal man o espirituwal na kailanman ay hindi nang-iwan, at ang bawat lalaking piniling maging lakas at takbuhan ng kaniyang tahanan. Kayo ang buhay na patunay ng mapagkalingang bisig ng Maykapal.

San Jose, uliran ng mga ama at pinuno ng Banal na Mag-anak, ipanalangin mo kami.

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗔𝗺𝗮!

12/06/2026

Ngayong araw, ipinagdiriwang natin ang 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗞𝗮𝗺𝗮𝗵𝗮𝗹-𝗺𝗮𝗵𝗮𝗹𝗮𝗻𝗴 𝗣𝘂𝘀𝗼 𝗻𝗶 𝗝𝗲𝘀𝘂𝘀 — ang kauna-unahang pusong nagmahal sa atin. Sa paglipas ng mga dantaon, ang kapistahang ito ay nananatiling buhay upang ipaalala sa sandaigdigan ang nag-aalab na pag-ibig ng Anak ng Diyos na hayagang ipinakita sa kasaysayan ng Kaniyang Simbahan. Ito ang pinakadakilang sagisag ng katapatan ng isang Amang hindi kailanman sumisira sa Kaniyang pangako, na patuloy na nagpaparamdam ng walang maliw na pagmamahal sa lahat ng salinlahi. Ang Kaniyang Puso ang pinagmumulan ng tunay na pag-ibig; ang sinumang patuloy na umiibig ay nananatili sa Diyos, habang ang Diyos naman ay nananatili sa loob ng kaniyang puso.

Sa mga sandaling tayo ay lubos na napapagal, ang Kaniyang Puso ang nag-iisang tahanan kung saan maaari nating ibaba ang lahat ng mabibigat na pasanin at makatagpo ng tunay na pagpapahinga. Ipinaaalala Niya na mahalagang ibigin at patawarin din natin ang ating sarili, dahil ang ating sugatang pagkatao ay lubos na mahalaga sa Kaniyang paningin. Ang kahinahunan at kapayapaang Kaniyang ipinagkakaloob ang muling magpapaalab sa napaparam na ningas ng ating diwa, upang tayo ay muling magkaroon ng lakas na humayo at mag-alay ng tapat na pag-ibig para sa mundong labis na nasasaktan.

Mahal na Puso ni Jesus, maawa Ka sa amin.

11/06/2026

𝐈𝐍 𝐌𝐄𝐌𝐎𝐑𝐈𝐀𝐌 | + Sis. Ruby G. Dagasdas (1947 – 2026)

Kamakailan lamang, tinawag na sa tahanan ng Ama ang isa sa ating minamahal na lingkod, si Sis. Ruby G. Dagasdas. Siya ay buong-pusong naglingkod bilang kasapi ng Pandaigdigang Lambat-Panalangin ng Papa sa loob ng dalawampu't anim na taon.

Kapayapaan kailanman ang igawad ng Maykapal sa yumaong ating mahal; siya nawa ay silayan ng Ilaw ng walang hanggan. Mapanatag nawa siya sa kapayapaan. Amen.

08/06/2026

Puspos ng biyayang nagmumula sa pagkaing nagbibigay-buhay, maringal nating ipinagdiwang ang Banal na Misa alay sa 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗞𝗮𝗯𝗮𝗻𝗮𝗹-𝗯𝗮𝗻𝗮𝗹𝗮𝗻𝗴 𝗞𝗮𝘁𝗮𝘄𝗮𝗻 𝗮𝘁 𝗗𝘂𝗴𝗼 𝗻𝗴 𝗣𝗮𝗻𝗴𝗶𝗻𝗼𝗼𝗻 nitong nagdaang Linggo, ika-07 ng Hunyo. Ito ay inihain sa ganap na ika-4 ng hapon, sa pangunguna ng ating Kura Paroko, Rdo. P. Candido M. Pobre, Jr.

Inaanyayahan tayong pumasok sa isang buhay na pakikipagtagpo. Bilang mga mananampalatayang nananahan sa Kaniya sa pamamagitan ng tinapay at alak, ang Eukaristiya ay nagiging mismong tibok ng ating puso—isang pakikipag-isang-dibdib kung saan ang ating karupukan ay niyayakap at pinababanal ng Kaniyang dakilang pag-ibig. Dahil dito, tayo ay hinihimok na huwag lamang panatilihin sa simbahan ang pagkaing ito na pumupuno sa ating pagkatao. Tulad ni Kristo, nawa’y matutunan din nating ihandog ang ating sarili upang maging "tinapay" na pumapawi sa gutom ng kapwa sa katarungan at kalinga, at maging "alak" ng kagalakan at kapayapaan sa gitna ng sugatang lipunan.

07/06/2026

𝗠𝗔𝗚𝗛𝗔𝗥𝗜 𝗞𝗔𝗡𝗚 𝗧𝗨𝗡𝗔𝗬 𝗦𝗔 𝗔𝗣𝗔𝗥𝗥𝗜 𝗛𝗔𝗡𝗚𝗚𝗔𝗡𝗚 𝗝𝗢𝗟𝗢! ❤️‍🔥

Sa ating pagtatanghal sa bandila ng ating kasarinlan at pagdiriwang ng kalayaang ipinaglaban para sa ating bayan, inaanyayahan ang bawat isa sa atin na maglakbay pabalik sa mismong ugat ng lahat ng pagpapalang ito. Tayo’y tinatawagan na bumalik at manahan sa Pusong lubos na umiibig—ang Kamahal-mahalang Puso ni Jesus na walang sawang nag-aalay ng Kaniyang sarili para sa atin. Ito ang Pusong nagkakaloob ng ating lakas, pag-asa, at tunay na kalayaan.

Kaalinsabay nito, buong-giliw tayong bumabaling sa Kalinis-linisang Puso ng Mahal na Birheng Maria. Sa pamamagitan ng kaniyang mapagkandiling puso, tayo ay inaakay at inilalapit sa Kaniyang Anak upang maging huwaran natin siya ng tapat na pag-ibig sa Lumikha at sa ating kapwa.

Upang sama-sama nating matahak ang landas ng pag-ibig at pasasalamat, narito ang talatakdaan ng ating mga pamparokyang gawain kaugnay ng Dakilang Kapistahan ng Kamahal-mahalang Puso ni Jesus, gayundin sa ating matapat na Paggunita sa Kalinis-linisang Puso ng Mahal na Birheng Maria. Halina't ipagdiwang ang mga pusong dahilan ng ating pag-ibig!

Address

Sta Cruz 1, Sapang Palay
San Jose Del Monte
3023

Opening Hours

Tuesday	8am - 11am
	2pm - 5pm
Wednesday	8am - 11am
	2pm - 5pm
Thursday	8am - 11am
	2pm - 5pm
Friday	8am - 11am
	2pm - 5pm
Saturday	9am - 11am
	2pm - 5pm
Sunday	10am - 11am

Telephone

+639177785674

Website

facebook.com

Alerts

Be the first to know and let us send you an email when Sagrada Familia Parish - SJDM posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Sagrada Familia Parish - SJDM:

Want your place of worship to be the top-listed Place Of Worship in San Jose del Monte?