What are the opening hours?

Tuesday 8am - 11am 2pm - 5pm Wednesday 8am - 11am 2pm - 5pm Thursday 8am - 11am 2pm - 5pm Friday 8am - 11am 2pm - 5pm Saturday 9am - 11am 2pm - 5pm Sunday 10am - 11am

https://www.facebook.com/276896622763070/

Sagrada Familia Parish - SJDM

Home
Philippines
San Jose del Monte
Sagrada Familia Parish - SJDM

Contact information, map and directions, contact form, opening hours, services, ratings, photos, videos and announcements from Sagrada Familia Parish - SJDM, Religious organisation, Sta Cruz 1, Sapang Palay, San Jose del Monte.

Welcome to the Official page and Publication of the Commission on Social Communications of Sagrada Familia Parish under the Vicariate of San Jose Del Monte of The Roman Catholic Diocese of Malolos!

25/05/2026

Sa pagdiriwang ng 𝗟𝗶𝗻𝗴𝗴𝗼 𝗻𝗴 𝗣𝗲𝗻𝘁𝗲𝗸𝗼𝘀𝘁𝗲𝘀, ating ginugunita ang pagkakaloob ng Espiritu Santo sa bawat isa—isang banal na apoy ng paninindigan, malasakit, at kababaang-loob na nag-aanyaya sa atin na ipahayag ang Salita ng Diyos sa lahat. Bilang kinikilalang “pagsilang ng Simbahan,” ang Pentekostes ang naging simula ng pagdaloy ng biyaya at kaligtasan, kung saan ang Espiritu Santo ang nagsisilbing pundasyon sa pagpapaging-banal, pagbibigay-buhay, at paggabay sa Simbahan—ngayon at magpasawalang-hanggan.

Ginanap ang Banal na Misa nitong ika-24 ng Mayo sa ganap na ika-4 ng hapon, sa pangunguna ng ating Kura Paroko, Rdo. P. Candido M. Pobre, Jr. Kasabay ng dakilang kapistahang ito ay ang Ikatlong Araw ng Misa Novenario para sa Mahal na Birhen ng Flores.

Sa kabila ng mga kaguluhan at hamon sa ating lipunan, ang nag-aalab na apoy ng Espiritu Santo ang nagdadala ng init ng pagmamahal—isang buhay na tanda ng pagkakaisa, matatag na pananampalataya, at tunay na kalayaan sa puso ng bawat mananampalataya.

24/05/2026

LIVE mula sa Parokya ng Sagrada Familia, ang Maringal na Pagdiriwang ng Banal na Misa alay sa Linggo ng Pentekostes, sa pangunguna ni Rdo. P. Candido M. Pobre, Jr., Kura Paroko.

20/05/2026

𝗦𝗔 𝗕𝗔𝗪𝗔𝗧 𝗗𝗔𝗦𝗔𝗟 𝗔𝗧 𝗔𝗥𝗔𝗟, 𝗠𝗚𝗔 𝗕𝗔𝗧𝗔 𝗔𝗬 𝗞𝗔𝗬 𝗞𝗥𝗜𝗦𝗧𝗢 𝗜𝗡𝗜𝗔𝗔𝗞𝗔𝗬
𝘜𝘯𝘢𝘯𝘨 𝘓𝘪𝘯𝘨𝘨𝘰 𝘯𝘨 𝘚𝘪𝘮𝘣𝘢-𝘈𝘳𝘢𝘭𝘢𝘯 2026 𝘴𝘢 Parokya ng Sagrada Familia

Sa unang linggo ng Simba-Aralan mula Mayo 4 hanggang 8, muling naging buhay ang pananampalataya sa puso ng bawat batang nakiisa sa pag-aaral ng Salita ng Diyos. Sa bawat dasal, awit, at aral na sama-samang pinagnilayan, unti-unting hinubog ang kanilang puso upang higit na makilala at mahalin si Hesus.

May kabuuang bilang na 269 na bata ang nakilahok nitong Unang Linggo — 134 na Pre-Communicants at 131 na Post-Communicants — na buong galak na nakinig at nakiisa sa mga gawaing espiritwal at pananampalataya.

Sa hanay ng mga Pre-Communicants, itinuro ang mga pangunahing panalangin at tanda ng pananampalataya tulad ng Antanda ng Krus, Ama Namin, Aba Ginoong Maria, at Pagsisisi ng Kasalanan. Samantala, mas pinalalim naman sa mga Post-Communicants ang pag-unawa sa kanilang pagiging bahagi ng Bayan ng Diyos, Katawan ni Kristo, at Templo ng Espiritu Santo, gayundin ang kahalagahan ng misyon at paglilingkod sa Simbahan.

Tunay ngang sa murang edad ay maaaring magsimula ang matibay na pananampalataya. Sa bawat batang natutong manalangin, magmahal, at maglingkod, mas lalo nating nasisilayan ang pag-asang buhay at patuloy na kumikilos ang Diyos sa ating pamayanan.

20/05/2026

𝗛𝗔𝗟𝗜𝗡𝗔, 𝗛𝗔𝗟𝗜𝗡𝗔'𝗧 𝗧𝗔𝗬𝗢'𝗬 𝗠𝗔𝗚-𝗔𝗟𝗔𝗬 𝗡𝗚 𝗕𝗨𝗟𝗔𝗞𝗟𝗔𝗞 𝗞𝗔𝗬 𝗠𝗔𝗥𝗜𝗔!

Ngayong Buwan ng Mayo, ating ipagdiwang ang Mahal na Birheng Maria, ang katangi-tanging bulaklak ng sanlibutan. Patuloy tayong dumulog sa kaniyang pananambitan, at manalangin na ang ating buhay ay mamukadkad ng mga bulaklak ng mabubuting gawa upang maging kalugud-lugod na handog sa dambana ng ating Ama.

Upang ating maialay ang karapat-dapat na pagpaparangal sa Mahal na Ina, narito ang talatakdaan ng ating mga pamparokyang gawain kaugnay ng Flores de María MMXXVI. Halina’t ihandog ang ating pagsuyo sa pinakamasamyong Bulaklak ng Langit!

19/05/2026

Katulad ng pagtingala ng mga taga-Galileang tanan, tayo rin ay namangha at nagdiwang sa 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗸𝘆𝗮𝘁 𝗻𝗴 𝗣𝗮𝗻𝗴𝗶𝗻𝗼𝗼𝗻 nitong Linggo, ika-17 ng Mayo. Ang Misa Mayor ay maringal na ipinagdiwang sa ganap na ika-4 ng hapon, sa pangunguna ng ating Kura Paroko, Rdo. P. Candido M. Pobre, Jr.

Kaalinsabay nito, matagumpay ding ipinahayo ang mga kasapi ng Komisyon ng Panlipunang Pakikipag-ugnayan ng ating Parokya bilang bahagi ng Ika-Animnapung Linggo ng Pandaigdigang Pamamahayag.

17/05/2026

𝗠𝗔𝗣𝗔𝗚𝗣𝗔𝗟𝗔𝗬𝗔𝗡𝗚 𝗣𝗔𝗡𝗗𝗔𝗜𝗚𝗗𝗜𝗚𝗔𝗡𝗚 𝗔𝗥𝗔𝗪 𝗡𝗚 𝗣𝗔𝗠𝗔𝗠𝗔𝗛𝗔𝗬𝗔𝗚!

Sa gitna ng umiigting na paglaganap ng kasinungalingan at huwad na balita, hamon sa atin ang bumalik sa tunay na bukal ng katotohanan at katarungan—ang Mabuting Balita ng ating Panginoon.

Ngayong ating ipinagdiriwang ang 𝗜𝗸𝗮-𝗔𝗻𝗶𝗺𝗻𝗮𝗽𝘂𝗻𝗴 𝗣𝗮𝗻𝗱𝗮𝗶𝗴𝗱𝗶𝗴𝗮𝗻𝗴 𝗔𝗿𝗮𝘄 𝗻𝗴 𝗣𝗮𝗺𝗮𝗺𝗮𝗵𝗮𝘆𝗮𝗴, sama-sama nating ipanalangin ang pagwawagi ng katotohanan sa lahat ng bagay. Ipanalangin natin ang lahat ng mamamahayag at tagapaghatid ng impormasyon—sa loob ng Simbahan at sa buong lipunan—na nawa'y biyayaan sila ng tapang na maging boses ng katarungan sa lahat ng pagkakataon.

Mula sa mga tagapagpahayag ng Mabuting Balita sa tahanan ng Banal na Mag-anak, isang mapagpala at mapagpalayang Linggo ng Pandaigdigang Pamamahayag!

17/05/2026

LIVE mula sa Parokya ng Sagrada Familia, ang Maringal na Pagdiriwang ng Banal na Misa alay sa Dakilang Kapistahan ng Pag-akyat ng Panginoon, sa pangunguna ni Rdo. P. Candido M. Pobre, Jr., Kura Paroko.

09/05/2026

Higit pa sa pagiging ilaw, ang isang ina ang nagsisilbing kanlungan sa gitna ng anumang unos. Sa bawat haplos at sakripisyo, doon natin nalilirip ang tunay na kahulugan ng walang maliw na pag-ibig.

Ngayong araw, ipinagdarangal natin ang lahat ng uri ng ina—ang mga nagluwal, ang mga tumatayo bilang magulang, at ang mga pusong patuloy na nag-aaruga sa kabila ng hirap. Kayo po ang buhay na saksi ng kabutihan ng Diyos sa ating mundo.

Mahal na Birheng Maria, huwaran sa pagtalima at pagmamahal, akayin mo ang lahat ng mga ina tungo sa iyong Anak.

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗜𝗻𝗮!

04/05/2026

Ngayong ika-4 ng Mayo, buong-galak nating ipinagdiriwang ang 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴𝘁𝗮𝘁𝗮𝗹𝗮𝗴𝗮 𝗻𝗴 𝗦𝗶𝗺𝗯𝗮𝗵𝗮𝗻 𝗮𝘁 𝗔𝗹𝘁𝗮𝗿 𝗻𝗴 𝗣𝗮𝗿𝗼𝗸𝘆𝗮 𝗻𝗴 𝗦𝗮𝗴𝗿𝗮𝗱𝗮 𝗙𝗮𝗺𝗶𝗹𝗶𝗮, ang sentro ng pananampalataya ng apat na erya ng Sapang Palay. Pitong taon na ang nakalilipas nang ang tahanang ito ay itinalaga sa Panginoon sa pangunguna ng noo’y Administrador Apostoliko ng Diyosesis ng Malolos na si Lub. Kgg. Honesto F. Ongtioco, D.D., sa ilalim ng mapagkalingang pagpapastol ng ating ikatlong Kura Paroko, Rdo. P. Ibarra C. Mercado, SLL.

Sa ating patuloy na paglalakbay bilang isang nagkakaisang sambayanan, nawa’y higit nating makilala at yakapin si Kristo na ating Daan, Katotohanan, at Buhay. Siya ang Daan na umaakay sa atin sa tamang landas, ang Katotohanan na nagbibigay-liwanag sa ating isipan, at ang Buhay na pumupuno sa ating mga puso ng pag-asa at pag-ibig. Sa pamamagitan ng Kaniyang pananahan sa ating altar, nawa’y mapagtibay ang ating ugnayan sa isa't isa at sa Panginoon.

Idalangin natin na sa pagharap ng ating Parokya sa mga panahong daratal, nawa’y manatili itong matatag sa pagpapayaman ng pananampalataya ng sambayanan ng Diyos sa Sapang Palay. Nawa'y maging matibay itong kanlungan para sa mga aba, huli, at ligaw ng ating lipunan, upang dito ay makasumpong sila ng tunay na pagkalinga at pagtanggap.

Banal na Mag-anak nina Jesus, Maria, at Jose, gabayan at pagpalain ninyo kami!

01/05/2026

𝗣𝗜𝗡𝗧𝗔𝗞𝗔𝗦𝗜𝗡𝗚 𝗗𝗔𝗞𝗜𝗟𝗔 𝗡𝗚 𝗠𝗔𝗡𝗚𝗚𝗔𝗚𝗔𝗪𝗔, 𝗦𝗔 𝗦𝗜𝗠𝗕𝗔𝗛𝗔’𝗬 𝗟𝗔𝗚𝗜 𝗞𝗔𝗡𝗚 𝗡𝗔𝗚𝗕𝗔𝗕𝗔𝗡𝗧𝗔𝗬!

Sa muling pagsikat ng araw ngayong ika-1 ng Mayo, muling nagbubunyi ang ating Lungsod at Bikarya sa pagdiriwang ng 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗠𝗮𝗵𝗮𝗹 𝗻𝗮 𝗣𝗮𝘁𝗿𝗼𝗻𝗴 𝗦𝗮𝗻 𝗝𝗼𝘀𝗲 𝗠𝗮𝗻𝗴𝗴𝗮𝗴𝗮𝘄𝗮.

Dalawang daan at pitumpu’t limang taon na ang nakalilipas nang unang itanim ang binhi ng debosyong ito sa ating lupa. Bagamat noong taong 1955 lamang pormal na itinatag ni Papa Pio XII ang pandaigdigang pista, ang ating bayan ay matagal nang sumisilong sa kaniyang tahimik ngunit matatag na pagkalinga.

Bilang ama at haligi ng Banal na Mag-anak, ipinamalas niya na ang tunay na kabanalan ay nasa tahimik na pagsunod at tapat na pagbabantay sa kaniyang mga mahal sa buhay. Hindi kailangan ng maraming salita upang maging tapat sa kalooban ng Diyos.

Bilang pintakasi ng mga manggagawa, binigyang-dangal ni San Jose ang bawat bisig na nagpapagal. Sa kaniyang mga kamay na hinubog ng kalyo at pagsisikap, ipinaalala niya na ang paggawa ay isang banal na pakikibahagi sa paglikha ng Maykapal. Sa bawat patak ng pawis ng isang karaniwang tao, nananahan ang halimuyak ng pagpapala.

Nawa’y sa gitna ng ating mga pagpupunyagi, baunin natin ang kaniyang halimbawa—na ang bawat gawaing inialay nang may pag-ibig ay isang hakbang patungo sa piling ng kaniyang Anak na si Hesus.
–
Lubusang pagbati sa ating mga kapatid sa Saint Joseph the Worker Parish - City of San Jose del Monte ng isang maligayang kapistahan! ¡Viva, San Jose Manggagawa!

30/04/2026

𝗛𝗮𝗹𝗶𝗻𝗮'𝘁 𝘀𝗮𝗺𝗮𝗵𝗮𝗻 𝗮𝗻𝗴 𝗽𝗮𝗴-𝘂𝘄𝗶 𝗻𝗴 𝗠𝗮𝗴-𝗮𝗻𝗮𝗸 𝘀𝗮 𝘁𝗮𝗵𝗮𝗻𝗮𝗻 𝗻𝗶 𝗧𝗮𝘁𝗮𝘆 𝗝𝗼𝘀𝗲 𝗯𝘂𝗸𝗮𝘀! Sama-sama tayong makiisa at makibahagi sa Maringal na Pambikaryang Prusisyong Kateketikal sa Saint Joseph the Worker Parish - City of San Jose del Monte sa ganap na ika-5 ng hapon!

Address

Sta Cruz 1, Sapang Palay
San Jose Del Monte
3023

Opening Hours

Tuesday	8am - 11am
	2pm - 5pm
Wednesday	8am - 11am
	2pm - 5pm
Thursday	8am - 11am
	2pm - 5pm
Friday	8am - 11am
	2pm - 5pm
Saturday	9am - 11am
	2pm - 5pm
Sunday	10am - 11am

Telephone

+639177785674

Website

facebook.com

Alerts

Be the first to know and let us send you an email when Sagrada Familia Parish - SJDM posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Sagrada Familia Parish - SJDM:

Shortcuts

Address
Telephone
Opening Hours
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in San Jose del Monte?

Sagrada Familia Parish - SJDM

25/05/2026

24/05/2026

20/05/2026

20/05/2026

19/05/2026

17/05/2026

17/05/2026

09/05/2026

04/05/2026

01/05/2026

30/04/2026

Address

Opening Hours

Telephone

Website

Alerts

Contact The Place Of Worship

Shortcuts

Share

Category