Ministry of Altar Servers - Christ The King Parish

17/05/2026

𝐏𝐑𝐀𝐘𝐄𝐑𝐅𝐔𝐋 𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒 𝐅𝐎𝐑 𝐏𝐀𝐒𝐒𝐈𝐍𝐆 𝐓𝐇𝐄 𝐀𝐃𝐌𝐈𝐒𝐒𝐈𝐎𝐍 𝐓𝐎 𝐈𝐌𝐌𝐀𝐂𝐔𝐋𝐀𝐓𝐄 𝐂𝐎𝐍𝐂𝐄𝐏𝐓𝐈𝐎𝐍 𝐒𝐄𝐌𝐈𝐍𝐀𝐑𝐘

Sa biyaya at patnubay ng Panginoon, buong kagalakang ipinapaabot ng Ministry of Altar Servers – Christ the King Parish ang taos-pusong pagbati kay 𝗕𝗿𝗼. 𝗝𝗮𝗺𝗲𝘀 𝗭𝗮𝗸𝗸𝗶𝘆𝗮𝗵 𝗙𝗮𝗮 sa matagumpay na pagpasa sa admission ng Immaculate Conception Major Seminary.

Nawa’y patuloy kang gabayan ng Diyos sa landas ng bokasyon na iyong tinatahak. Ang iyong dedikasyon, pananampalataya, at paglilingkod sa Simbahan ay magsilbing inspirasyon sa marami pang kabataan na tumugon sa tawag ng Panginoon.

Patuloy naming ipinapanalangin ang iyong paglalakbay tungo sa mas malalim na paglilingkod at pagmamahal kay Kristo at sa Kanyang Simbahan.

29/04/2026

ANG HARI’Y NARITO NA!

Inaanyayahan ang lahat na makiisa sa kauna-unahang Patronal Catechetical Procession 2026, bilang bahagi ng pagdiriwang ng ika-275 Kapistahan ni San Jose, Manggagawa, na gaganapin ngayong Mayo 1, 2026 (Biyernes) sa ganap na 4:00 N.H. – Banal na Misa at 5:30 N.H. – Patronal Catechetical Procession, sa Parokya ng San Jose, Manggagawa, Poblacion 1.

Sa banal na pagdiriwang na ito, ating ipinapahayag ang iisang pananampalataya ng Simbahan sa pamamagitan ng taimtim na pakikiisa sa prusisyon na kinalalagyan ng Poong Kristong Hari, ang ating Panginoon at sentro ng kaligtasan. Siya ang pinagmumulan ng ating buhay pananampalataya, pag-asa, at lakas sa araw-araw na paglalakbay bilang Kanyang sambayanan.

Kasabay nito, ating buong pagpapakumbabang kinikilala ang paggabay ni San Jose, Manggagawa, huwaran ng katapatan, kasipagan, kababaang-loob, at ganap na pagsunod sa kalooban ng Diyos. Sa kanyang halimbawa, tayo ay inaanyayahang manatiling tapat, masunurin, at nakaugat sa kabanalan ng buhay Kristiyano.

Ang pagdiriwang na ito ay isang mahalagang paanyaya sa bawat mananampalataya na higit pang pag-alabin ang pananampalataya, pag-asa, at pag-ibig sa gitna ng sama-samang paglalakbay bilang isang nagkakaisang Simbahan.

Halina’t makiisa at makibahagi sa banal na paglalakbay ng ating pananampalataya.

26/04/2026

Tara na, mga bata!

Matuto, magdasal, at magsaya ngayong tag-init sa SIMBA-ARALAN.

Isang makabuluhang Summer Catechetical Program na maghuhubog sa murang puso’t isipan sa liwanag ng Salita ng Diyos.

Para sa mga batang:
• 7–9 years old (Pre-Communicants)
• 10–12 years old (Post-Communicants)

Buong buwan ng Mayo (Monday–Friday)
3:00 PM – 5:00 PM

Available sa:
• Christ The King Parish
• SPPC Tigbe Gulod
• SPPC Tigbe Proper
• SPPC C/D
• SPPC NHV
• SPPC FVR

Sama-sama nating palalimin ang pananampalataya habang nag-eenjoy kasama ang bagong kaibigan.

Sa mga interesado, maaring magpatala sa ating parish office o sa ating mga SIMBA ARALAN Coordinators

ENROLL NOW!

Tara na, mga bata!
Matuto, magdasal, at magsaya ngayong tag-init sa SIMBA-ARALAN.
Isang makabuluhang Summer Catechetical Program na maghuhubog sa murang puso’t isipan sa liwanag ng Salita ng Diyos.
Para sa mga batang:
• 7–9 years old (Pre-Communicants)
• 10–12 years old (Post-Communicants)
Buong buwan ng Mayo (Monday–Friday)
3:00 PM – 5:00 PM
Available sa:
• Christ The King Parish
• SPPC Tigbe Gulod
• SPPC Tigbe Proper
• SPPC C/D
• SPPC NHV
• SPPC FVR
Sama-sama nating palalimin ang pananampalataya habang nag-eenjoy kasama ang bagong kaibigan.
Sa mga interesado, maaring magpatala sa ating parish office o sa ating mga SIMBA ARALAN Coordinators:

CONTACT PERSONS

Christ The King Parish
Joana Gonzales - 09974888179

SPPC Tigbe Gulod
Trizia Mae I. Masangcay - 09517466586

SPPC Tigbe Proper
Apollo Sarmiento - 09151345699

SPPC C/D
Zenaida E. Pael - 09616382499

SPPC NHV
Edmund Masangya - 09056352469

SPPC FVR
Marlita Andrade - 09213182323

ENROLL NOW!

21/04/2026

“At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking Iglesya.” (Mateo 16:18)

Sa pagdiriwang ng ika-14 na Anibersaryo ng pagkakatalaga ng Simbahang Bato ng Parokya ng Kristong Hari ngayong ika-21 ng Abril, taos-puso nating ginugunita ang matatag na pundasyon ng ating pananampalataya na nakaugat kay Kristo, ang ating Hari at Tagapagligtas.

Sa loob ng labing-apat na taon, ang ating simbahan ay naging saksi sa maraming biyaya—mga panalanging sinagot, mga pusong napagaling, at mga buhay na nabago sa pamamagitan ng Kanyang pag-ibig at habag. Ito ay patuloy na nagsisilbing tahanan ng pananalangin, sentro ng pagkakaisa, at bukal ng paglilingkod sa pamayanan.

Nawa’y magsilbi ang pagdiriwang na ito bilang paanyaya sa bawat isa na higit pang patatagin ang ating pananampalataya, pag-alabin ang ating pag-asa, at isabuhay ang pag-ibig ni Kristo sa araw-araw. Sa pagkakaisang ito, tayo’y maging buhay na Simbahan—matatag sa gitna ng hamon ng panahon at tapat sa ating bokasyon bilang Kanyang mga lingkod.

Patuloy nawa tayong gabayan at pagpalain ng Poong Maykapal sa ating sama-samang paglalakbay bilang isang sambayanang sumasampalataya.

Maligayang ika-14 na Anibersaryo sa Parokya ng Kristong Hari.

AD MAJOREM DEI GLORIAM!
VIVA CRISTO REY!

12/04/2026

✨ 𝐏𝐀𝐀𝐍𝐘𝐀𝐘𝐀!!! ✨

Ang 𝐌𝐈𝐍𝐈𝐒𝐓𝐑𝐘 𝐎𝐅 𝐀𝐋𝐓𝐀𝐑 𝐒𝐄𝐑𝐕𝐄𝐑𝐒 ay malugod na nag-aanyaya sa mga 𝐤𝐚𝐛𝐚𝐭𝐚𝐚𝐧𝐠 𝐥𝐚𝐥𝐚𝐤𝐢 na nagnanais makibahagi at maranasan ang 𝐩𝐚𝐠𝐥𝐢𝐥𝐢𝐧𝐠𝐤𝐨𝐝 𝐬𝐚 𝐃𝐢𝐲𝐨𝐬 at sa 𝐊𝐚𝐧𝐲𝐚𝐧𝐠 𝐬𝐚𝐦𝐛𝐚𝐲𝐚𝐧. ⛪🙏

Narito po ang mga 𝐤𝐰𝐚𝐥𝐢𝐩𝐢𝐤𝐚𝐬𝐲𝐨𝐧 sa mga nagnanais makibahagi:

• 𝐍𝐚𝐠𝐧𝐚𝐧𝐚𝐢𝐬 𝐦𝐚𝐠𝐢𝐧𝐠 𝐥𝐢𝐧𝐠𝐤𝐨𝐝 𝐧𝐠 𝐝𝐚𝐦𝐛𝐚𝐧𝐚 o 𝐚𝐥𝐭𝐚𝐫 𝐬𝐞𝐫𝐯𝐞𝐫 ng 𝐏𝐚𝐫𝐨𝐤𝐲𝐚 𝐧𝐢 𝐊𝐫𝐢𝐬𝐭𝐨𝐧𝐠 𝐇𝐚𝐫𝐢
• May edad 𝟏𝟎–𝟏𝟖 𝐭𝐚𝐨𝐧𝐠 𝐠𝐮𝐥𝐚𝐧𝐠
• 𝐍𝐚𝐤𝐚𝐭𝐚𝐧𝐠𝐠𝐚𝐩 𝐧𝐚 𝐧𝐠 𝐔𝐧𝐚𝐧𝐠 𝐊𝐨𝐦𝐮𝐧𝐲𝐨𝐧
• 𝐑𝐞𝐬𝐢𝐝𝐞𝐧𝐭𝐞 𝐨 𝐤𝐚𝐛𝐢𝐥𝐚𝐧𝐠 𝐬𝐚 𝐧𝐚𝐬𝐚𝐬𝐚𝐤𝐮𝐩𝐚𝐧 ng 𝐏𝐚𝐫𝐨𝐤𝐲𝐚 𝐧𝐢 𝐊𝐫𝐢𝐬𝐭𝐨𝐧𝐠 𝐇𝐚𝐫𝐢

Para sa iba pang 𝐤𝐚𝐭𝐚𝐧𝐮𝐧𝐠𝐚𝐧, maaaring magmessage sa 𝐩𝐚𝐠𝐞 𝐧𝐚 𝐢𝐭𝐨. 📩

"𝐌𝐚𝐠𝐥𝐢𝐧𝐠𝐤𝐨𝐝 𝐤𝐚𝐲𝐨 𝐧𝐚𝐧𝐠 𝐦𝐚𝐬𝐚𝐲𝐚 𝐚𝐧𝐠 𝐤𝐚𝐥𝐨𝐨𝐛𝐚𝐧 𝐧𝐚 𝐩𝐚𝐫𝐚𝐧𝐠 𝐬𝐚 𝐏𝐚𝐧𝐠𝐢𝐧𝐨𝐨𝐧 𝐤𝐚𝐲𝐨 𝐧𝐚𝐠𝐥𝐢𝐥𝐢𝐧𝐠𝐤𝐨𝐝 𝐚𝐭 𝐡𝐢𝐧𝐝𝐢 𝐬𝐚 𝐭𝐚𝐨."
— 𝐌𝐠𝐚 𝐓𝐚𝐠𝐚-𝐄𝐟𝐞𝐬𝐨 𝟔:𝟕 📖

✍️ 𝐄𝐝𝐢𝐭𝐞𝐝 𝐛𝐲: Bro. Mark Christian Jimenez
📢 𝐏𝐨𝐬𝐭𝐞𝐝 𝐛𝐲: Bro. Mark Andrei Loria

09/02/2026

PANUNUMPA

Noong ika-8 ng Pebrero, isinagawa ang Panunumpa sa Katungkulan ng mga bagong halal na opisyal ng Ministry of the Altar Server ng Bikarya ng San Jose del Monte. Ang nasabing seremonya ay pinangunahan ni Reb. Padre Eric T. Bagay, Kura Paroko ng Parokya ng Kristong Hari at Vicar Forane ng Bikarya ng San Jose del Monte.

Ang panunumpa ay sinimulan sa pagdiriwang ng Banal na Misa na ginanap sa Parokya ng Kristong Hari, Area H, na dinaluhan ng mga altar server, tagapayo, at mga mananampalataya mula sa iba’t ibang parokya ng bikarya.

Sa kanyang homiliya, binigyang-diin ni Reb. P. Eric T. Bagay ang mahalagang papel ng mga sakristan bilang mga lingkod ng Simbahan. Inihalintulad niya ang kanilang tungkulin sa isang pagong na dala ang kanyang tahanan saan man siya magpunta—isang paalala na ang mga altar server ay tinatawag na dalhin ang Simbahan sa kanilang asal, paglilingkod, at pamumuhay, hindi lamang sa loob ng simbahan kundi maging sa kanilang pang-araw-araw na gawain.

Ang panunumpang ito ay nagsilbing tanda ng opisyal na pagsisimula ng panunungkulan ng mga bagong opisyal, gayundin ng kanilang pangakong tapat na maglingkod sa Diyos, sa Simbahan, at sa sambayanan.

08/01/2026

𝐏𝐀𝐀𝐍𝐘𝐀𝐘𝐀!

Inaanyayahan po ang lahat na makiisa sa ating Friday Devotion na gaganapin bukas, araw ng Biyernes.

Ang buong araw na pagbabantay ay magsisimula sa ika-8 ng umaga at magtatapos sa pagdiriwang ng Banal na Misa sa ika-4 ng hapon.

Inaanyayahan po ang bawat isa na makiisa sa mahalagang gawaing pananampalatayang ito bilang pagpapakita ng ating debosyon at pananampalataya.

Maraming salamat po at nawa’y pagpalain tayong lahat.

26/12/2025

𝗠𝗔𝗟𝗜𝗚𝗔𝗬𝗔𝗡𝗚 𝗣𝗔𝗦𝗞𝗢

Narito ang mga kuhang larawan ng mga altar server's na walang sawang naglaan ng oras at sarili sa pagbuo ng siyam na araw ng simbang gabi

22/12/2025

Day 08 | Misa De Gallo

Ang Misa de Gallo ay isang banal na pagdiriwang ng ating pananampalataya, isang paghahanda ng puso at kaluluwa sa pagsilang ng ating Panginoong Hesus. Sa bawat madaling-araw na misa, tayo ay inaanyayahang magising hindi lamang sa antok, kundi higit sa lahat sa pag-ibig ng Diyos.

20/12/2025

Day 06 | Misa De Gallo

Ang Misa de Gallo ay isang banal na pagdiriwang ng ating pananampalataya, isang paghahanda ng puso at kaluluwa sa pagsilang ng ating Panginoong Hesus. Sa bawat madaling-araw na misa, tayo ay inaanyayahang magising hindi lamang sa antok, kundi higit sa lahat sa pag-ibig ng Diyos.

19/12/2025

Day 05 | Misa De Gallo

Ang Misa de Gallo ay isang banal na pagdiriwang ng ating pananampalataya, isang paghahanda ng puso at kaluluwa sa pagsilang ng ating Panginoong Hesus. Sa bawat madaling-araw na misa, tayo ay inaanyayahang magising hindi lamang sa antok, kundi higit sa lahat sa pag-ibig ng Diyos.