Most Sacred Heart of Jesus Parish

16/08/2026

𝐀𝐠𝐨𝐬𝐭𝐨 𝟏𝟔, 𝟐𝟎𝟐𝟔 : 𝐏𝐚𝐠𝐩𝐚𝐩𝐚𝐬𝐢𝐧𝐚𝐲𝐚 𝐧𝐠 𝐦𝐠𝐚 𝐁𝐚𝐠𝐨𝐧𝐠 𝐒𝐭𝐞𝐞𝐥 𝐆𝐫𝐢𝐥𝐥𝐬 𝐧𝐠 𝐀𝐭𝐢𝐧𝐠 𝐒𝐢𝐦𝐛𝐚𝐡𝐚𝐧

Maraming, maraming salamat po sa lahat ng mga mananampalataya na nagpa-abot ng kanilang suporta para sa pagpapagawa at paglalagay ng mga bagong steel grills ng ating simbahan

15/08/2026

𝐦𝐠𝐚 𝐊𝐀𝐁𝐀𝐓𝐀𝐀𝐍! 𝐓𝐀𝐑𝐀 𝐒𝐀 𝗣𝗔𝗥𝗜𝗦𝗛 𝗬𝗢𝗨𝗧𝗛 𝗙𝗘𝗟𝗟𝗢𝗪𝗦𝗛𝗜𝗣 2026 🙌✨

𝗣𝗔𝗥𝗜𝗦𝗛 𝗬𝗢𝗨𝗧𝗛 𝗙𝗘𝗟𝗟𝗢𝗪𝗦𝗛𝗜𝗣 2026 🙌✨

May ganap na naman tayo, mga kabataan! Tara at makiisa sa isang masaya, makabuluhan, at puno ng magandang kwentuhan na 𝙔𝙤𝙪𝙩𝙝 𝙁𝙚𝙡𝙡𝙤𝙬𝙨𝙝𝙞𝙥! 💛

𝐎𝐏𝐄𝐍 𝐓𝐎 𝐀𝐋𝐋 𝐏𝐀𝐑𝐈𝐒𝐇 𝐘𝐎𝐔𝐓𝐇!

Dito, hindi lang tayo magkakaroon ng oras para magsaya at makilala ang isa’t isa.

📅 𝗔𝘂𝗴𝘂𝘀𝘁 21, 2026 | 𝗙𝗿𝗶𝗱𝗮𝘆
📍 𝗠𝗦𝗛𝗝𝗣 𝗠𝗲𝗿𝗰𝗮𝗱𝗼 𝗛𝗮𝗹𝗹
⏰ 8:00 AM to 12:00 NN

Kaya ano pang hinihintay mo? 𝗜𝘀𝗮𝗺𝗮 𝗮𝗻𝗴 𝗸𝗮𝗶𝗯𝗶𝗴𝗮𝗻, 𝗸𝗮𝗽𝗮𝘁𝗶𝗱, 𝗸𝗮𝗸𝗶𝗹𝗮𝗹𝗮, 𝗼 𝗸𝗮𝗵𝗶𝘁 𝘀𝗶𝗻𝗼 𝗻𝗮 𝗴𝘂𝘀𝘁𝗼 𝗺𝗼𝗻𝗴 𝗺𝗮𝗸𝗮𝘀𝗮𝗺𝗮!

𝗞𝗶𝘁𝗮-𝗸𝗶𝘁𝘀, 𝗺𝗴𝗮 𝗸𝗮𝗽𝗮𝘁𝗶𝗱! 𝗧𝗮𝗿𝗮, 𝘀𝗮𝗺𝗮 𝘀𝗮𝗺𝗮 𝘁𝗮𝘆𝗼𝗻𝗴 𝗺𝗮𝘁𝘂𝘁𝗼, 𝗺𝗮𝗴𝘀𝗮𝘆𝗮, 𝗮𝘁 𝗹𝘂𝗺𝗮𝗴𝗼 𝘀𝗮 𝗽𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮. ❤️💙💛

15/08/2026

𝐀𝐠𝐨𝐬𝐭𝐨 𝟏𝟓, 𝟐𝟎𝟐𝟔 : 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐚𝐤𝐲𝐚𝐭 𝐬𝐚 𝐋𝐚𝐧𝐠𝐢𝐭 𝐬𝐚 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

Pasasalamat sa Diyos sa pagkakaloob Niya sa Mahal na Birheng Maria ng natatanging kaluwalhatian sa langit — isang malinaw na tanda ng pangakong ibinigay ni Hesukristo na tayo mandin na mga nananalig sa Kanya, sa oras ng ating pagpanaw, ay may pagsalba sa ating mga kaluluwa patungo sa ganap na kaluwalhatian kapiling ang Diyos magpakailanman!

"Ang puso ko’y nagpupuri sa Panginoon, at nagagalak ang aking Espiritu dahil sa Diyos na aking Tagapagligtas. Sapagkat nilingap Niya ang Kanyang abang alipin!"

14/08/2026

𝐀𝐠𝐨𝐬𝐭𝐨 𝟏𝟔, 𝟐𝟎𝟐𝟔 : 𝐈𝐤𝐚𝐝𝐚𝐥𝐚𝐰𝐚𝐦𝐩𝐮𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

Malaking pananalig -- ito ang kailangan natin upang matupad ang ating mga hinihiling sa Diyos...paano nga ba natin ito makakamtan?

Pagnilayan natin ang Mabuting Balita ngayong araw ng Linggo! Makipagdiwang sa Banal na Misa sa ating Parokya sa ika-6 ng umaga, 8 ng umaga, 9:30 ng umaga o 5 ng hapon

Ang Mabuting Balita ng Panginoon ayon kay San Mateo (Mateo 15 : 21 - 28)

Noong panahong iyon, si Hesus ay nagpunta sa lupaing malapit sa Tiro at Sidon. Lumapit sa kanya ang isang Cananeang naninirahan doon at malakas na sinabi, “Panginoon, Anak ni David, mahabag po kayo sa akin! Ang anak kong babae ay inaalihan ng demonyo at masyadong pinahihirapan.” Ngunit gaputok ma’y di tumugon si Hesus. At lumapit ang kanyang mga alagad at sinabi sa kaniya, “Pagbigyan na nga po ninyo at nang umalis. Siya’y nag-iingay at susunud-sunod sa atin.” Sumagot si Hesus, “Sa mga tupang naliligaw ng sambahayan ng Israel lamang ako sinugo.” Ngunit lumapit sa kanya ang babae, lumuhod sa harapan at ang sabi, “Tulungan po ninyo ako, Panginoon.” Sumagot si Hesus, “Hindi dapat kunin ang pagkain ng mga anak upang ihagis sa mga tuta.” “Tunay nga po, Panginoon,” tugon ng babae, “ngunit ang mga tuta man ay nagsisikain ng mumong nalalaglag sa hapag ng kanilang panginoon.” Kaya’t sinabi sa kanya ni Hesus, “Napakalaki ng iyong pananalig! Mangyayari ang hinihiling mo.” At noon di’y gumaling ang kanyang anak.

Ang Mabuting Balita ng Panginoon.

10/08/2026

Mapagpalang ika-11 Anibersaryo ng pagka-Obispo sa ating pastol, Obispo Dennis C. Villarojo, D.D.!

| 𝐂𝐎𝐍𝐒𝐎𝐋𝐀𝐌𝐈𝐍𝐈 𝐏𝐎𝐏𝐔𝐋𝐄 𝐌𝐄𝐔𝐒 |

Pinagpalang Ika-11 guning taong Anibersaryo ng Ordinasyon bilang Obispo:

𝘓𝘶𝘣𝘩𝘢𝘯𝘨 𝘒𝘢𝘨𝘢𝘭𝘢𝘯𝘨-𝘨𝘢𝘭𝘢𝘯𝘨
𝐃𝐄𝐍𝐍𝐈𝐒 𝐂𝐀𝐁𝐀𝐍𝐀𝐃𝐀 𝐕𝐈𝐋𝐋𝐀𝐑𝐎𝐉𝐎, 𝐃.𝐃.
𝘖𝘣𝘪𝘴𝘱𝘰 𝘯𝘨 𝘋𝘪𝘺𝘰𝘴𝘦𝘴𝘪𝘴 𝘯𝘨 𝘔𝘢𝘭𝘰𝘭𝘰𝘴

10 𝘈𝘨𝘰𝘴𝘵𝘰
𝘒𝘢𝘱𝘪𝘴𝘵𝘢𝘩𝘢𝘯 𝘯𝘪 𝘚𝘢𝘯 𝘓𝘰𝘳𝘦𝘯𝘻𝘰, 𝘋𝘪𝘺𝘢𝘬𝘰𝘯𝘰 𝘢𝘵 𝘔𝘢𝘳𝘵𝘪𝘳

Ang amin pong taos-pusong panalangin para sa iyong kalusugan, kabanalan, at mabungang paglilingkod sa bayan ng Diyos!

Maligayang Bati po, Bishop Dennis!


=================
Visit our Website and Follow our Social Media Platforms!
Website: https://dioceseofmalolos.ph/
Facebook: https://www.facebook.com/angsandiganmalolos
Instagram: https://www.instagram.com/angsandiganmalolos
Youtube: https://www.youtube.com/c/angsandiganmalolos
TikTok: https://www.tiktok.com/

10/08/2026

"...mag-aral kayo sa Akin; Ako'y maamo at mababang-loob, at makasusumpong kayo ng kapahingahan para sa inyong kaluluwa." (Mateo 11 : 29)

ka-IsaPuso! Mag-aral tayo ng mga nilalaman ng Bibliya -- Ang Salita ng Diyos!

📚 BASIC BIBLE STUDY 1

Grow deeper in faith. Get to know God better through His Word.

🗓️ Sept 5 & 6, 2026 | ⏰ 8AM – 5PM

📍 Our Mother of Perpetual Help Sub Parish - Palmera

Everyone is welcome! Join us and receive God’s blessings 🙏✨

📚 BASIC BIBLE SEMINAR
Grow deeper in faith. Get to know God better through His Word.

🗓️ Sept 5 & 6, 2026 | ⏰ 8AM – 5PM
📍 Our Mother of Perpetual Help Chapel Sub-Parish, Palmera Phase 1

Everyone is welcome! Join us and receive God’s blessings 🙏✨

Bible Apostolate | Most Sacred Heart of Jesus Parish

07/08/2026

𝐀𝐠𝐨𝐬𝐭𝐨 𝟗, 𝟐𝟎𝟐𝟔 : 𝐈𝐤𝐚𝐥𝐚𝐛𝐢𝐧𝐠𝐬𝐢𝐲𝐚𝐦 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

"Tao lang.", "Marupoked." -- mga karaniwang salita o expressions na ating maririnig sa tuwing tayo o ang ating kapwa ay mistulang "nagkamali" o "nalihis mula sa tamang landasin". Ano nga ba ang dapat nating gawin upang maka-ahon mula sa kinasadlakang pagkakamali at maitama ang ating landasin sa lalong madaling panahon?

Pagnilayan natin ang Mabuting Balita ngayong araw ng Linggo! Makiisa sa pagdiriwang ng ating Banal na Misa sa Parokya sa alinmang oras: 6AM, 8 AM, 9:30 AM o 5 PM

Ang Mabuting Balita ng Panginoon ayon kay San Mateo (Mateo 14 : 22 - 33)

Noong panahong iyon, matapos pakainin ang mga tao, agad pinakasakay ni Hesus sa bangka ang kanyang mga alagad at pinauna sa kabilang ibayo samantalang pinauuwi niya ang mga tao. Pagkaalis ng mga ito, umahon siya sa burol upang manalangin. Nag-iisa siyang inabot doon ng gabi. Samantala, nasa laot na noon ang bangka at sinasalpok ng mga alon sapagkat pasalungat sa hangin. At nang madaling araw na’y sumunod sa kanila si Hesus na naglalakad sa ibabaw ng tubig. Kinilabutan sa takot ang mga alagad nang makita nilang may lumalakad sa ibabaw ng tubig. “Multo!” sigaw nila. Ngunit agad siyang nagsalita at sinabi sa kanila, “Huwag kayong matakot; si Hesus ito!” At nagsalita si Pedro, “Panginoon, kung talagang kayo iyan, papariyanin ninyo ako sa ibabaw ng tubig.” Sumagot siya, “Halika.” Kaya’t lumunsad si Pedro sa bangka at lumakad sa ibabaw ng tubig, palapit kay Hesus. Ngunit nang mapansin niya ang hangin, siya’y natakot at nagsimulang lumubog. “Sagipin ninyo ako, Panginoon!” sigaw niya. Agad siyang inabot ni Hesus. “Napakaliit ng iyong pananalig!” sabi niya kay Pedro. “Bakit ka nag-alinlangan?” Pagkasakay nila sa bangka, tumigil ang hangin. At sinamba siya ng mga nasa bangka. “Tunay na kayo ang Anak ng Diyos!” sabi nila.

Ang Mabuting Balita ng Panginoon.

05/08/2026

𝐀𝐠𝐨𝐬𝐭𝐨 𝟕, 𝟐𝟎𝟐𝟔 : 𝐔𝐧𝐚𝐧𝐠 𝐁𝐢𝐲𝐞𝐫𝐧𝐞𝐬 𝐧𝐠 𝐀𝐠𝐨𝐬𝐭𝐨

Sama-sama tayong magtanod sa Santisimo Sakramento at mag-alay ng panalangin sa Banal na Oras sa ika-5:30 ng umaga gayundin sa kasunod na Banal na Misa sa ika-6:30 ng umaga sa ating Parokya

05/08/2026

𝐀𝐭𝐢𝐧𝐠 𝐝𝐚𝐬𝐚𝐥𝐢𝐧 𝐚𝐧𝐠 𝐏𝐀𝐍𝐀𝐋𝐀𝐍𝐆𝐈𝐍 𝐏𝐀𝐑𝐀 𝐒𝐀 𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆-𝐀𝐀𝐊𝐘𝐀𝐓 𝐒𝐀 𝐋𝐀𝐍𝐆𝐈𝐓 𝐒𝐀 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀

O Makapangyarihang Diyos, na Siyang nag-akyat sa langit at naglaan ng natatanging puwesto kay Maria, ipagkaloob Mo ang hinihiling namin sa Iyo, na sa pamamagitan nawa ng pagtulong at pagdalangin na rin ng Mahal na Birhen, kami ay malayo sa lahat ng kasamaan dito sa lupa at tukso na dulot ng kasalanan, upang sa oras ng aming kamatayan, kami ay makasama niya sa kalangitan, upang tulad ng lahat ng Iyong mga banal ay makapagpuri kami sa Iyong dakilang harapan. Ikaw na naghahari kasama ng Iyong Anak na aming Panginoong Hesukristo, sa pakikipagkaisa ng Espiritu Santo, magpasawalang hanggan. Amen.

Mahal na Birheng Maria na iniakyat sa langit, ipanalangin mo kami!

04/08/2026

𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐚𝐤𝐲𝐚𝐭 𝐬𝐚 𝐋𝐚𝐧𝐠𝐢𝐭 𝐬𝐚 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

Ang Mahal na Birheng Maria ay iniakyat sa langit! Kasama ng mga Samahang Pansimbahan, hilingin natin ang pamamagitan ng Mahal na Birheng Maria para sa ating mga idinadasal at hinihiling sa Diyos at makiisa tayo sa siyam na araw (nobena) ng taimtim na pananalangin, pag-aalay ng bulaklak at kandila:

• Agosto 6 (Huwebes) 6:30 AM -- kasama ang Pamparokyang Sento ng Katekesis (P***A) at Parish Renewal Experience

• Agosto 7 (Biyernes) 6:30 AM -- kasama ang Apostolado ng Panalangin, Divine Mercy Movement, at Legion of Mary

• Agosto 8 (Sabado) 6:30 AM -- kasama ang Parish Ministry of Lectors & Commentators

• Agosto 9 (Linggo) 5:00 PM -- kasama ang mga Sub-Parish Pastoral Councils ng
Our Lady of Salvation Kaban Sub-Parish at Our Mother of Perpetual Help Sub Parish - Palmera

• Agosto 10 (Lunes) 6:30 AM -- kasama ang Parish Ministry of Greeters & Usherettes

• Agosto 11 (Martes) 6:30 AM -- kasama ang Bible Apostolate, Parish Commission on Basic Ecclesial Communities, at Sub-Parish Pastoral Council ng Sta. Cruz Sub-Parish - Kaypian

• Agosto 12 (Miyerkules) 5:30 PM -- kasama ang El Shaddai Francisco Homes Chapter - Most Sacred Heart of Jesus Parish at Parish Music Ministry

• Agosto 13 (Huwebes) 6:30 AM -- kasama ang Knights of Columbus at Parish Bikers League

• Agosto 14 (Biyernes) 6:30 AM -- kasama ang Apostolado ng Panalangin at Divine Mercy Movement

Sa araw ng kapistahan:

• Agosto 15 (Sabado) 6:30 AM -- kasama ang Parish Executive Committee, mga Pinuno ng mga Komisyong Pamparokya, mga Sub-Parish Pastoral Councils at mga Mananampalataya, at ang mga mag-aalay ng bulaklak ay ang Catholic Women's League, Legion of Mary, at Block Rosary Movement

𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐈𝐍𝐈𝐀𝐊𝐘𝐀𝐓 𝐒𝐀 𝐊𝐀𝐋𝐀𝐍𝐆𝐈𝐓𝐀𝐍, 𝐈𝐏𝐀𝐍𝐀𝐋𝐀𝐍𝐆𝐈𝐍 𝐌𝐎 𝐊𝐀𝐌𝐈!