23/05/2026
PASTORAL NA MENSAHE MULA SA OBISPO DIOCESANO
MENSAHE NG PASASALAMAT
Sa ngalan ng ating DIOCESE OF NUEVA ECIJA , taus-puso po akong nagpapasalamat sa lahat ng naging bahagi ng matagumpay na pagdaraos ng 2026 Youth Summer Camp and Sportsfest.
Una sa lahat, taos-pusong pasasalamat sa ating mga minamahal na clergy ng Diocese sa inyong walang sawang paggabay, panalangin, suporta, at pagbibigay inspirasyon sa ating mga kabataan. Ang inyong presensya at malasakit ay naging ilaw at lakas upang maging makabuluhan at espirituwal na matagumpay ang ating gawain.
Lubos din ang aking pasasalamat sa mga FEDERATED KABATAANG AGLIPAYANO Officers na buong pusong naglingkod, nagsakripisyo ng oras, pagod, at talento upang maisakatuparan ang programang ito. Ang inyong dedikasyon at pagkakaisa ay tunay na kahanga-hanga at naging susi sa tagumpay ng okasyong ito.
Sa lahat ng youth delegates mula sa iba’t ibang parokya, maraming salamat sa inyong aktibong pakikibahagi, sigla, disiplina, at pakikipagkaisa. Kayo ang tunay na puso ng pagtitipong ito. Nawa’y ang mga aral, karanasan, at pagkakaibigang nabuo ay magsilbing inspirasyon upang lalo pang lumalim ang inyong pananampalataya at paglilingkod sa Diyos at sa Simbahan.
Pasasalamat din po sa lahat ng Parish Council officers at members ng bawat parokya sa inyong walang sawang pagsuporta sa alinmang paraan (pinansyal, moral, spiritual support), patuloy din po kayong pagpalain ng Diyos.
Hindi rin po matatawaran ang sakripisyo, dedikasyon, pagmamahal, paggabay ng mga wife and loveones ng ating mga clergy - walang hanggang pasasalamat po.
Ang tagumpay ng Summer Camp and Sportsfest na ito ay hindi lamang bunga ng mahusay na pagpaplano, kundi bunga rin ng pagkakaisa, pananampalataya, pagmamahalan, at gabay ng Panginoon.
Patuloy nating dalhin ang diwa ng ating tema:
“One Faith, One Goal, One Family”
Muli, maraming maraming salamat po sa inyong lahat. Pagpalain nawa tayo ng Poong Maykapal at patuloy na pagningasin ang apoy ng pananampalataya at pagkakaisa sa puso ng bawat kabataang Aglipayano. MABUHAY ANG SIMBAHANG AGLIPAYANO!
Patuloy na nagmamahal,
Rt. Rev. Jimmy Soriano
Diocesan Bishop
