San Ildefonso Parish Church

San Ildefonso Parish Church Official Parochial Page of San Ildefonso de Toledo Parish Church

Parish Priest: Rev. Fr. Jose Rodolfo "Ino" Colendrino Jose Rodolfo "Ino" C. John Paul "JP" M.
(1)

Colendrino
Parochial Vicar: Rev. Morales

AGOSTO 27 | PAGGUNITA KAY SANTA MONICAHuwaran ng mga may-asawa, mga ina at mga balo, si SANTA MONICA ay isinilang sa Tag...
26/08/2026

AGOSTO 27 | PAGGUNITA KAY SANTA MONICA

Huwaran ng mga may-asawa, mga ina at mga balo, si SANTA MONICA ay isinilang sa Tagaste (ngayon, Souk-Ahras), Aprika noong 332. Upang makarating sa rurok ng Kabanalan, tatlong krus ang tiniis ng santa-ang isang biyenang mabagsik, isang asawang malupit at isang anak na makasalanan.

Napangasawa niya si Patricio, isang di-binyagan na sa kanyang matimyas na pag-ibig at walang tigil na panalangin ay kanyang nahikayat na magpabinyag bago siya namatay noong 371. Kung itinatanong sa kanya ng ibang babae na binubugbog ng kanilang mga asawa, kung ano ang nararapat nilang gawain, ito ang laging ipinapayo ni Santa Monica: "Kung pipigilin lamang ninyo ang inyong mga dila ay marahil hindi kayo bubugbugin ng inyong mga asawa at sila'y magbabago ng buhay". Para magbalik-loob ang kanyang asawa, biyenan at anak ni San Agustin, dalawa ang kanyang ginamit na paraan- panalangin at pagpapakasakit.

Ganoon na lamang ang paghihinagpis ng santa nang malaman niyang nahulog sa kamalian ng manikeismo ang kanyang anak at, higit sa lahat, sumama sa isang babae at nagkaroon ng anak, si Adeodatus. Sinabi sa kanya ng isang obispo: "Huwag kang mawalan ng pag-asa, Monica, hindi mangyayari na ang isang anak ay mapahamak sa kabila ng napakaraming luha!" Pinagtaguan siya ng kanyang mga anak at lihim na tumakas patungong Roma; subalit nang magpunta roon si Santa Monica, ay wala na si Agustin, nagpunta ito sa Milan, at dito, sa wakas, ay naganap din ang malaon nang hiling ng santa- ang pagbabalik-loob ng kanyang anak sa pangaral ni San Ambrosio, ang banal na obispo ng Milan.
Bago mamatay si Monica sa Ostia, noong 387, ito ang huling habilin sa kanyang anak: "Walang kuwenta sa akin kahit na saan mo ako ilibing: Huwag mo lamang akong kalilimutan kung nasa altar ka na!"

Santa Monica, Ipanalangin mo kami!

AGOSTO 25 | PAGGUNITA KAY SAN JOSE DE CALASANZSi San Jose de Calasanz ay isang paring Espanyol, na isinilang sa Aragon, ...
24/08/2026

AGOSTO 25 | PAGGUNITA KAY SAN JOSE DE CALASANZ

Si San Jose de Calasanz ay isang paring Espanyol, na isinilang sa Aragon, Espanya noong 1557. Nagtungo siya sa Roma sa huling bahagi ng ikalabing-anim na siglo at doo’y nagpasimula ng mga paaralan para sa mga batang palaboy. Nagpasimula rin siya ng kongregasyong naglalayong mapaglingkuran ang mga paaralang ito na ngayon ay laganap na sa buong daigdig. Pumanaw siya sa Roma sa araw na ito noong 1648.

San Jose Calasanz, Ipanalangin mo kami!

AGOSTO 25 | PAGGUNITA KAY SAN LUIS IXLalabing-isang taon pa lamang si Luis nang mamatay ang kanyang amang si Luis VIII, ...
24/08/2026

AGOSTO 25 | PAGGUNITA KAY SAN LUIS IX

Lalabing-isang taon pa lamang si Luis nang mamatay ang kanyang amang si Luis VIII, ang hari ng Pransiya, at siya’y lumaki sa ilalim ng pag-aalaga ng kanyang ina, si Reyna Blanca ng Kastilya. Ito ang tagubilin ng kanyang ina na tinupad niya hanggang kamatayan: “Anak ko, nanaisin ko pang makita kitang patay sa aking mga bisig kaysa magkasala ka ng mabigat sa Panginoong Diyos.”

Si Haring LUIS IX ( 1215 – 1270), ay naging isang ulirang hari at ito’y kinilala ng kanyang mga kapanahon. Ginawa siyang tagapayo ng ibang kaharian, at dalawampu’t pitong taon pagkamatay niya ay sinuri ang kanyang buhay upang itaguyod ang kanyang kanonisasyon. Sa pagmamahal niya sa katarungan at sa batas ng Diyos, sinupil ang pagmamalabis at paghihimagsik ng mga prinsipe, ipinagtanggol ang maralita at nagtayo ng isang ospital sa mga bulag. Pinangasiwaan din niya ang mga bagay na nauukol sa Panginoong Diyos at sa ikapagtatagumpay ng pananampalataya. Sa kanyang kilos loob o labas man ng palasyo ipinakita niya sa lahat ang pamumuhay ng sang-ayon sa Mahal na Kalooban ng Diyos. Nagkaroon siya ng labing-isang anak kay Margarita ng Provensa.

Bilang pasasalamat sa pagkakagaling sa isang mabigat na karamdaman, pinamunuan niya ang Krusada sa palestina. Ditto nagtiis ng gayon na lamang ang santo; nabihag siya at nagkasakit na siyang ikinamatay nang malapit na sila sa bayan ng Tunis. Sinasabing kailanman ay di naringgan ng pagmumura ang santong ito.

San Luis, ipanalangin mo kami!

AGOSTO 24 | PAGGUNITA KAY APOSTOL SAN BARTOLOMESi San Bartolome ay isa sa Labindalawang Alagad ni Hesus. Kaibigan ni San...
23/08/2026

AGOSTO 24 | PAGGUNITA KAY APOSTOL SAN BARTOLOME

Si San Bartolome ay isa sa Labindalawang Alagad ni Hesus. Kaibigan ni San Felipe si San Bartolome. Ayon sa tradisyon, ipinahayag niya ang mabuting balita sa Ethiopia, India, Persya, at Armenya kung saan siya pinatay sa pamamagitan ng pagpupugot sa kanyang ulo. Walang ibang alagad ang nagpahayag ng paniniwala kay Hesus sa unang pagtatagpo nang gaya kay San Bartolome. Namatay si San Bartolome sa Albanopolis sa Armenya kung saan siya binalatan ng buhay, hinampas at pinugutan ng ulo ayon sa utos ni Astyages matapos maging Kristiyano ang kapatid nitong si Polymius na Hari ng Armenya. Inilipat ang kanyang mga labi sa Simbahan ng San Bartolome sa Isla sa Roma. Sinasabing may ebanghelyo ring naisulat si San Bartolome noong sinaunang panahon.

San Bartolome, Apostol, Ipanalangin mo kami!

PANG ARAW-ARAW NA PAGBASA | AGOSTO 24UNANG PAGBASAPahayag 21, 9b-14Pagbasa mula sa aklat ng PahayagWika ng anghel sa aki...
23/08/2026

PANG ARAW-ARAW NA PAGBASA | AGOSTO 24

UNANG PAGBASA
Pahayag 21, 9b-14

Pagbasa mula sa aklat ng Pahayag

Wika ng anghel sa akin, “Halika, at ipakikita ko sa iyo ang Babaing makakaisang-dibdib ng Kordero.” Nilukuban ako ng Espiritu, at inihatid ako ng anghel sa ibabaw ng isang napakataas na bundok. Ipinakita niya sa akin ang Jerusalem, ang Banal ng Lungsod, na bumababa mula sa langit buhat sa Diyos. Nagliliwanag ito dahil sa kaningningan ng Diyos; kumikislap na gaya ng hiyas na haspeng sinlinaw ng kristal. Ang pader nito’y makapal at mataas at may labindalawang pinto, bawat isa’y may bantay na anghel. Nakasulat sa mga pinto ang pangalan ng labindalawang lipi ng Israel. Tatlo ang pinto ng bawat panig: tatlo sa silangan, tatlo sa timog, tatlo sa hilaga, at tatlo sa kanluran. Ang pader ng lungsod ay may labindalawang saligang-bato at nakasulat dito ang pangalan ng labindalawang apostol ng Kordero.

Ang Salita ng Diyos.

SALMONG TUGUNAN
Salmo 144, 10-11. 12-13ab. 17-18

Talastas ng mga tao
dakilang paghahari mo.

Magpupuring lahat sa iyo, O Panginoon, ang iyong nilalang;
lahat mong nilikha ay pupurihin ka’t pasasalamatan.
Babanggitin nilang tunay na dakila ang ‘yong kaharian,
at ibababalitang tunay kang dakila’t makapangyarihan.

Talastas ng mga tao
dakilang paghahari mo.

Dakila mong gawa’y upang matalastas ng lahat ng tao,
mababatid nila ang kadikalaan ng paghahari mo.
Ang paghahari mo’y sadyang walang hanggan, hindi magbabago.

Talastas ng mga tao
dakilang paghahari mo.

Matuwid ang Diyos sa lahat ng bagay niyang ginagawa;
kahit anong gawin ay kalakip doon ang habag at awa.
Siya’y nakikinig at handang tumulong sa lahat ng tao
sa sinumang taong pagtawag sa kanya’y tapat at totoo.

Talastas ng mga tao
dakilang paghahari mo.

ALELUYA
Juan 1, 49b

Aleluya! Aleluya!
G**o, Anak na Butihin
ng Diyos Amang masintahin,
ika’y hari ng Israel.
Aleluya! Aleluya!

MABUTING BALITA
Juan 1, 45-51

Ang Mabuting Balita ng Panginoon ayon kay San Juan

Noong panahong iyon, hinanap ni Felipe si Natanael, at sinabi rito, “Natagpuan namin si Hesus na taga-Nazaret, ang anak ni Jose. Siya ang tinutukoy ni Moises sa kanyang sinulat sa Kautusan, at gayun din ng mga propeta.” “May magmumula bang mabuti sa Nazaret?” Tanong ni Natanael. Sumagot si Felipe, “Halika’t tingnan mo.”

Nang malapit na si Natanael ay sinabi ni Hesus, “Masdan ninyo ang isang tunay na Israelita; siya’y hindi magdaraya!” Tinanong siya ni Natanael, “Paano ninyo ako nakilala?” Sumagot si Hesus, “Bago ka pa tawagin ni Felipe, nakita na kita nang ikaw ay nasa ilalim ng puno ng igos.” “Rabi, kayo po ang Anak ng Diyos! Kayo ang Hari ng Israel!” wika ni Natanael. Sinabi ni Hesus, “nanampalataya ka ba dahil sa sinabi ko sa iyong nakita kita sa ilalim ng puno ng igos? Makakikita ka ng mga bagay na higit kaysa rito!” At sinabi niya sa lahat, “Tandaan ninyo: makikita ninyong bukas ang langit, at ang mga anghel ng Diyos ay manhik-manaog sa kinaroroonan ng Anak ng Tao!”

Ang Mabuting Balita ng Panginoon.

Pinagmulan: awitatpapuri.com

𝐋𝐀𝐑𝐀𝐖𝐀𝐍 𝐍𝐆 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀:Ika-23 ng Agosto | Ikadalawampu't Isang Linggo sa Karaniwang PanahonBanal na Misa
23/08/2026

𝐋𝐀𝐑𝐀𝐖𝐀𝐍 𝐍𝐆 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀:

Ika-23 ng Agosto | Ikadalawampu't Isang Linggo sa Karaniwang Panahon

Banal na Misa

𝐒𝐚𝐥𝐢𝐭𝐚 𝐧𝐠 𝐁𝐮𝐡𝐚𝐲 𝐥 𝐈𝐤𝐚𝐝𝐚𝐥𝐚𝐰𝐚𝐦𝐩𝐮'𝐭 𝐈𝐬𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧"Anumang bagay na mahalaga sa iyo, pinaglalaanan mo i...
23/08/2026

𝐒𝐚𝐥𝐢𝐭𝐚 𝐧𝐠 𝐁𝐮𝐡𝐚𝐲 𝐥 𝐈𝐤𝐚𝐝𝐚𝐥𝐚𝐰𝐚𝐦𝐩𝐮'𝐭 𝐈𝐬𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

"Anumang bagay na mahalaga sa iyo, pinaglalaanan mo ito ng oras,at kung mahalaga sa iyo ang tanong na, sino ka Panginoon? paglalaanan mo ito ng oras para makilala mo siya. Para maging bahagi siya ng buhay mo at maging parte siya ng iyong pananampalataya.”

-Rdo. P. Jose Rodolfo C. Colendrino
Kura Paroko

23/08/2026

Ika-23 ng Agosto | Banal na Misa

Ikadalawampu't Isang Linggo sa Karaniwang Panahon

"Kayo po ang Kristo ang Anak ng Diyos na Buhay"

- Mt. 16:16

Punong Tagapagdiwang:
Rdo. P. Jose Rodolfo C. Colendrino

𝐒𝐚𝐥𝐢𝐭𝐚 𝐧𝐠 𝐁𝐮𝐡𝐚𝐲 𝐥 𝐈𝐤𝐚𝐝𝐚𝐥𝐚𝐰𝐚𝐦𝐩𝐮’𝐭 𝐈𝐬𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧"𝒀𝒐𝒖 𝒌𝒏𝒐𝒘 𝑯𝒊𝒎 𝒃𝒆𝒄𝒂𝒖𝒔𝒆 𝒚𝒐𝒖 𝒉𝒂𝒗𝒆 𝒍𝒊𝒗𝒆𝒅 𝑯𝒊𝒔 𝒍𝒐𝒗𝒆. Sa pag...
23/08/2026

𝐒𝐚𝐥𝐢𝐭𝐚 𝐧𝐠 𝐁𝐮𝐡𝐚𝐲 𝐥 𝐈𝐤𝐚𝐝𝐚𝐥𝐚𝐰𝐚𝐦𝐩𝐮’𝐭 𝐈𝐬𝐚𝐧𝐠 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

"𝒀𝒐𝒖 𝒌𝒏𝒐𝒘 𝑯𝒊𝒎 𝒃𝒆𝒄𝒂𝒖𝒔𝒆 𝒚𝒐𝒖 𝒉𝒂𝒗𝒆 𝒍𝒊𝒗𝒆𝒅 𝑯𝒊𝒔 𝒍𝒐𝒗𝒆.
Sa pag-ibig Niya na naranasan mo, doon mo Siya tunay na makikilala.”

-Rdo. P. Lester John D. Cabais
Bikaryo Paroko

𝐋𝐀𝐑𝐀𝐖𝐀𝐍 𝐍𝐆 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀:Ika-16 ng Agosto | Kapistahan ni San Roque at San Tarcisio ng Roma
22/08/2026

𝐋𝐀𝐑𝐀𝐖𝐀𝐍 𝐍𝐆 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀:

Ika-16 ng Agosto | Kapistahan ni San Roque at San Tarcisio ng Roma

Address

Poblacion
San Ildefonso
3010

Opening Hours

Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 5pm
Sunday 8am - 5pm

Telephone

+639164654299

Website

Alerts

Be the first to know and let us send you an email when San Ildefonso Parish Church posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to San Ildefonso Parish Church:

Shortcuts

Share

Category