Ang Tahanan ng Puso - Parokya ng Kamahalmahalang Puso ni Jesus

24/05/2026

𝗕𝗔𝗟𝗜𝗧𝗔𝗡𝗚 𝗣𝗨𝗦𝗢 || 𝗔𝗧𝗡𝗣 𝗦𝗼𝗰𝗖𝗼𝗺 𝗻𝗮𝗸𝗶𝗶𝘀𝗮 𝘀𝗮 𝗗𝗘𝗘𝗣𝗘𝗡 ‘𝟮𝟲; 𝟮𝗻𝗱 𝗣𝗥𝗢𝗖𝗟𝗔𝗜𝗠 𝗔𝘄𝗮𝗿𝗱 𝗳𝗼𝗿 𝗖𝗼𝗻𝘁𝗿𝗶𝗯𝘂𝘁𝗶𝗼𝗻, 𝗡𝗮𝘁𝗮𝗺𝗼

Sa ikalawang pagkakataon, pinarangalang muli ang Social Communication Team ng Parokya ng Kamahalmahalang Puso ni Jesus - Pinaod na Ang Tahanan ng Puso (ATNP) bilang natatanging kontribyutor sa Ang Sandigan News Team nitong ika-23 ng Mayo sa La Consolacion University of the Philippines, Lungsod ng Malolos, Bulacan.

Ito ay kasabay ng programa ng Diocesan Commission on Social Communication (DCSC) ng Diyosesis ng Malolos na Desiring, Encountering, and Entrusting God’s Presence in EvangelizatioN (DEEPEN) na dinaluhan ng mga SocCom Team mula sa iba’t ibang parokya sa Diyosesis.

Samantala, ang parangal na natamasa ng ATNP ay bahagi ng isa pang programa ng DCSC na tinaguriang ‘Proclaiming the Charisms, Life, Achievements, and Inspirations in the Ministry’ (PROCLAIM) kung saan kinikilala ang natatanging serbisyo, kontribusyon at aksyon ng mga SocCom Team sa bawat parokya upang mas epektibong maipahayag sa bayan ng Diyos ang mabuting balita ng Panginoon, kasabay ng pag-usbong ng makabagong teknolohiya.

Sa kabilang banda, kabilang ang 11 lingkod SocCom ng ATNP sa mga dumalo sa DEEPEN 2026, kung saan kanila namang tinalakay ang temang ‘AI: Ako Ito’, kasabay ng pagdiriwang ng ika-60 Pandaigdigang Araw ng Katolikong Pamamahayag ngayong taon.

Dito tinalakay ang matalinong paggamit ng AI sa pagbabahagi ng salita at gawa ng Panginoon pati ng simbahan sa sambayanan, kung saan nagbigay ng plenary talk si P. Edward Dantis, SPP, at sinundan ng panel discussion Head for Bulletins and Information for the Diocesan Commission on Social Communications and Mass Media of the Diocese of Antipolo, na si Bro. Herbie Briones; Head of the Commission on Social Communications for Diocesan Shrine and Parish of St. Augustine, Baliwag, Bulacan, na si Sis. Lea Reyes; at, Head of the Commission on Social Communications ng San Pascual Baylon Parish - National Shrine of Our Lady of Salambao in Obando, Bulacan, na si Bro. Mark Luke Godoy.

Kasabay din nito ang pagpapasinaya ng Theme Song ng DEEPEN 2026 na piapamagatang ‘Ako Ito’ na isinulat ni Bro. Mark Henri Ramos, nilapatan ng musika ni Bro. Aivan De Guzman, at binigyang buhay sa isang visual interpretation ni Bro. Jonald Lerum.

Samantala, inihayag naman ng ATNP SocCom Team na patuloy na pag-iibayuhin ang pagpapahayag ng ebanghelyo, saan mang lupalop ng bayan ng Diyos.

Isinulat ni JK. Carandang, ATNP
Larawan ni Jhayvee Christian Ipio, Ang Pintig

=========

24/05/2026

MAYO 24 | LINGGO NG PENTEKOSTES

Tagapagdiwang:
Rdo. P. Angelito S. Santiago
Kura Paroko

========

24/05/2026

𝗟𝗜𝗡𝗚𝗚𝗢 𝗡𝗚 𝗣𝗘𝗡𝗧𝗘𝗞𝗢𝗦𝗧𝗘𝗦

Sa dakilang pagdiriwang ng Linggo ng Pentekostes, ginugunita natin ang pagbaba ng Espiritu Santo sa mga apostol—ang sandaling nagbigay sa kanila ng tapang, lakas, at bagong sigla upang ipahayag ang Mabuting Balita sa buong mundo. Nawa’y ang apoy ng Espiritu Santo ay muling magningas sa ating mga puso upang tayo rin ay mapuspos ng pananampalataya, pag-asa, at pagmamahal sa Diyos at sa ating kapwa.

𝙋𝙖𝙣𝙖𝙡𝙖𝙣𝙜𝙞𝙣

Halina, Espiritu Santo. Punuin Mo ang aming puso ng Iyong banal na presensya. Liwanagan Mo ang aming isip upang maunawaan ang Iyong kalooban, palakasin Mo ang aming loob sa gitna ng mga pagsubok, at painitin Mo ang aming puso upang mas higit kaming magmahal at maglingkod. Gawin Mo kaming mga tunay na saksi ng Iyong pag-ibig at kapayapaan sa mundong aming ginagalawan. Amen.

=========

23/05/2026

24TH OF MAY || PENTECOST SUNDAY

Tagapagdiwang:
Rdo. P. Angelito S. Santiago
Kura Paroko

PAALALA SA LAHAT NG MANANAMPALATAYA:
Bagaman may handog na Online Mass sa pamamagitan ng live streaming, hindi nito mapapalitan ang tunay na diwa at kahalagahan ng personal na pagdalo sa Banal na Misa.

Hinihikayat po ang bawat isa na makiisa at dumalo ng personal sa Misa sa ating simbahan, sapagkat dito natin lubos na nararanasan ang ganap na pakikiisa sa sambayanan at sa Banal na Eukaristiya.

Ang live streaming ay inilaan para lamang sa mga maysakit, sa mga hindi makalabas ng tahanan dahil sa kalagayan ng katawan, sa mga nasa malalayong lugar na walang pagkakataong makapagsimba, at para sa ating mga kababayan sa ibang bansa.

Disclaimer: No copyright infringement intended, music belong to the rightful owners.
====================

19/05/2026

𝗕𝗔𝗟𝗜𝗧𝗔𝗡𝗚 𝗣𝗨𝗦𝗢

SIMBA-ARALAN 2026, MATAGUMPAY NA NAGTAPOS.

Matagumpay na isinagawa ng Parokya Ng Kamahalmahalang Puso Ni Jesus ang sinimulang Simba-Aralan mula Mayo 1 hanggang Mayo 12, 2026 sa pangunguna ng P***A at nila Sem. Ezekiel Gonzallo at Sem. Denielle Santiago.

Ito’y dinaluhan ng mga kabataan at mga bata mula sa iba’t ibang purok ng komunidad at sa loob ng halos dalawang linggo—natuto ang mga kalahok tungkol sa Salita ng Diyos, tamang asal Kristiyano, panalangin, at kahalagahan ng pananampalataya sa pang-araw-araw na buhay.

Idinaos noong Mayo 14, 2026, ang pagtatapos o graduation ceremony ng mga nagsipagtapos sa Simba-Aralan. Ito’y pinaglaanan ng programa kung saan binigyan ang mga mag-aaral ng sertipiko at munting pagkilala.

Sa tulong at pakikiisa ng mga volunteers at mga magulang, matagumpay na nairaos ang kauna-unahang Simba-Aralan na naganap sa ating parokya ngayong taon. Nawa’y patuloy na lumago sa pananampalataya at pagmamahal sa Diyos ang bawat kabataang naging bahagi ng gawaing ito.

Panulat ni Alexa Leana Salao, Ang Tahanan ng Puso
Kuhang Larawan ni Mark Ivan Hernandez, Ang Tahanan ng Puso

==========

19/05/2026

17/05/2026

IKA-17 NG MAYO | BANAL NA MISA

Dakilang Kapistahan ng Pag-akyat

Pandaigdigang Linggo ng Katolikong Pamamahayag

Pagtatalaga ng mga Kasapi ng Ang Tahanan ng Puso Commission on Social Communications

Tagapagdiwang:
Rdo. P. Angelito S. Santiago
Kura Paroko

===========

17/05/2026

𝗛𝗔𝗣𝗣𝗬 𝟲𝟬𝗧𝗛 𝗪𝗢𝗥𝗟𝗗 𝗖𝗢𝗠𝗠𝗨𝗡𝗜𝗖𝗔𝗧𝗜𝗢𝗡 𝗦𝗨𝗡𝗗𝗔𝗬

Sa ika-60 na pagdiriwang ng World Communication Sunday, ipinagdiriwang natin ang biyaya ng komunikasyong nagbubuklod, nagbibigay-inspirasyon, at nagpapalaganap ng Mabuting Balita.

Bilang mga lingkod sa larangan ng komunikasyon, nawa’y patuloy tayong maging instrumento ng katotohanan, pag-ibig, at pag-asa sa bawat mensaheng ating ibinabahagi.

Maligayang World Communication Sunday!

=========

16/05/2026

IKA-17 NG MAYO | DAKILANG KAPISTAHAN NG PAG-AKYAT

PANDAIGDIGANG ARAW NG KATOLIKONG PAMAMAHAYAG

Tagapagdiwang:
Rdo. P. Angelito S. Santiago
Kura Paroko

PAALALA SA LAHAT NG MANANAMPALATAYA:
Bagaman may handog na Online Mass sa pamamagitan ng live streaming, hindi nito mapapalitan ang tunay na diwa at kahalagahan ng personal na pagdalo sa Banal na Misa.

Hinihikayat po ang bawat isa na makiisa at dumalo ng personal sa Misa sa ating simbahan, sapagkat dito natin lubos na nararanasan ang ganap na pakikiisa sa sambayanan at sa Banal na Eukaristiya.

Ang live streaming ay inilaan para lamang sa mga maysakit, sa mga hindi makalabas ng tahanan dahil sa kalagayan ng katawan, sa mga nasa malalayong lugar na walang pagkakataong makapagsimba, at para sa ating mga kababayan sa ibang bansa.

Disclaimer: No copyright infringement intended, music belong to the rightful owners.

====================

15/05/2026

Sa darating na ika-17 ng Mayo, araw ng Linggo ay ng pagdiriwang ng Dakilang Kapistahan ng Pag-akayt ng ating Panginoon at siya ding pagdiriwang ng World Communication Sunday.

Kaugnay nito ay gaganapin din ang pag-aatas ng tungkulin sa mga bago at magpapanibagong miyembro ng Ang Tahanan ng Puso Social Communications Team sa ganap na ika-7:30 ng umaga.

Halina’t suportahan at ipanalangin ang ating mga bagong bago at mga magpapanibago ng pangako upang sila’y magpatuloy na magsisilbing ilaw at tinig ng Mabuting Balita.

=========