The United Methodist Church Hebron

05/10/2026

Maraming mga relihiyosong tao. Actually, ang Pilipinas ay isa sa mga Kristiyanong bansa. Pero bakit may mga bagay pa rin sa ating lipunan na hindi naaayon sa kalooban ng Diyos?

𝗦𝗮 𝗠𝗮𝘁𝗲𝗼 𝟮𝟭:𝟯𝟯–𝟰𝟲, 𝗶𝗽𝗶𝗻𝗮𝗸𝗶𝘁𝗮 𝗻𝗶 𝗝𝗲𝘀𝘂𝘀 𝗮𝗻𝗴 𝘁𝗮𝗹𝗶𝗻𝗴𝗵𝗮𝗴𝗮 𝘁𝘂𝗻𝗴𝗸𝗼𝗹 𝘀𝗮 𝗺𝗴𝗮 𝗸𝗮𝘁𝗶𝘄𝗮𝗹𝗮 𝗻𝗴 𝘂𝗯𝗮𝘀𝗮𝗻. 𝗜𝗽𝗶𝗻𝗮𝗴𝗸𝗮𝘁𝗶𝘄𝗮𝗹𝗮 𝘀𝗮 𝗸𝗮𝗻𝗶𝗹𝗮 𝗮𝗻𝗴 𝗶𝘀𝗮𝗻𝗴 𝗯𝗮𝗴𝗮𝘆 𝗻𝗮 𝗵𝗶𝗻𝗱𝗶 𝗻𝗮𝗺𝗮𝗻 𝗸𝗮𝗻𝗶𝗹𝗮, 𝗻𝗴𝘂𝗻𝗶𝘁 𝘀𝗮 𝗵𝗮𝗹𝗶𝗽 𝗻𝗮 𝗮𝗹𝗮𝗴𝗮𝗮𝗻 𝗮𝘁 𝗶𝗯𝗶𝗴𝗮𝘆 𝗮𝗻𝗴 𝗻𝗮𝗿𝗮𝗿𝗮𝗽𝗮𝘁 𝘀𝗮 𝗺𝗮𝘆-𝗮𝗿𝗶, 𝗶𝗻𝗮𝗻𝗴𝗸𝗶𝗻 𝗻𝗶𝗹𝗮 𝗶𝘁𝗼 𝗽𝗮𝗿𝗮 𝘀𝗮 𝗸𝗮𝗻𝗶𝗹𝗮𝗻𝗴 𝘀𝗮𝗿𝗶𝗹𝗶.

Ganoon din sa buhay natin. May mga bagay na ipinagkakatiwala sa atin—posisyon, pera, kaalaman, kapangyarihan, oportunidad, at maging ang ating buhay. Ngunit ang tanong: Ginagamit ba natin ang mga ito ayon sa layunin ng Diyos, o ginagamit natin para sa sarili lamang?

Hindi sapat ang pagiging relihiyoso kung ang puso at pamumuhay natin ay malayo sa Diyos.

𝐀𝐧𝐠 𝐢𝐩𝐢𝐧𝐚𝐠𝐤𝐚𝐭𝐢𝐰𝐚𝐥𝐚 𝐧𝐠 𝐃𝐢𝐲𝐨𝐬 𝐚𝐲 𝐡𝐢𝐧𝐝𝐢 𝐩𝐚𝐫𝐚 𝐚𝐧𝐠𝐤𝐢𝐧𝐢𝐧, 𝐤𝐮𝐧𝐝𝐢 𝐩𝐚𝐫𝐚 𝐠𝐚𝐦𝐢𝐭𝐢𝐧 𝐧𝐚𝐧𝐠 𝐭𝐚𝐦𝐚, 𝐦𝐚𝐲 𝐩𝐚𝐧𝐚𝐧𝐚𝐠𝐮𝐭𝐚𝐧, 𝐚𝐭 𝐩𝐚𝐫𝐚 𝐬𝐚 𝐊𝐚𝐧𝐲𝐚𝐧𝐠 𝐤𝐚𝐥𝐮𝐰𝐚𝐥𝐡𝐚𝐭𝐢𝐚𝐧.

“𝐀𝐧𝐠 𝐤𝐚𝐡𝐚𝐫𝐢𝐚𝐧 𝐧𝐠 𝐃𝐢𝐲𝐨𝐬 𝐚𝐲 𝐢𝐩𝐚𝐠𝐤𝐚𝐤𝐚𝐥𝐨𝐨𝐛 𝐬𝐚 𝐦𝐠𝐚 𝐭𝐚𝐨𝐧𝐠 𝐦𝐚𝐠𝐛𝐢𝐛𝐢𝐠𝐚𝐲 𝐧𝐠 𝐛𝐮𝐧𝐠𝐚 𝐧𝐢𝐭𝐨.”
— 𝐌𝐚𝐭𝐞𝐨 𝟐𝟏:𝟒𝟑

05/10/2026

"𝒀𝒖𝒏𝒈 𝒌𝒂𝒃𝒖𝒕𝒊𝒉𝒂𝒏 𝒏𝒊 𝑳𝒐𝒓𝒅 𝒕𝒔𝒂𝒌𝒂 𝒚𝒖𝒏𝒈 𝒂𝒘𝒂 𝒏𝒚𝒂 𝒊𝒔 𝒍𝒂𝒈𝒊 𝒏𝒂𝒕𝒊𝒏𝒈 𝒌𝒂𝒔𝒂𝒎𝒂 𝒔𝒂𝒂𝒏 𝒎𝒂𝒏 𝒕𝒂𝒚𝒐 𝒎𝒂𝒈𝒑𝒖𝒏𝒕𝒂 𝒂𝒕 𝒂𝒏𝒐 𝒎𝒂𝒏𝒈 𝒔𝒊𝒕𝒘𝒂𝒔𝒚𝒐𝒏 𝒐𝒓 𝒑𝒂𝒏𝒂𝒉𝒐𝒏 𝒏𝒈 𝒃𝒖𝒉𝒂𝒚 𝒏𝒂𝒕𝒊𝒏." — 𝑩𝒓𝒐. 𝑳𝒂𝒏𝒄𝒆

Sa Matthew 21:33–46, ikinuwento ni Jesus ang tungkol sa mga nangungupahan sa ubasan na paulit-ulit na tumanggi at gumawa ng masama sa mga sugo ng may-ari. Sa huli, maging ang kanyang anak ay kanilang itinakwil.

Isang makapangyarihang paalala na huwag nating isara ang ating puso sa tinig at tawag ng Diyos. Maaaring dumating ang Kanyang mensahe sa mga paraang hindi natin inaasahan, ngunit nasa atin ang pagpiling makinig, tumanggap, at sumunod.

Panoorin ang takeaways ni Bro. Lance Jimenez mula sa sermon at pagnilayan kung paano tayo tinatawag ng Diyos na maging tapat na katiwala ng mga bagay na ipinagkatiwala Niya sa atin. ✨

04/10/2026

03/10/2026

𝗪𝗢𝗥𝗗 𝗙𝗢𝗥 𝗧𝗢𝗗𝗔𝗬!! 📖

Minsan, dahil sa ating mga pagkukulang at pagkakamali, naiisip nating baka hindi na tayo karapat-dapat mahalin. May mga pagkakataong hinahanap natin ang ating halaga sa pagtanggap ng ibang tao at nakakalimutan nating mayroon tayong Ama na nagmamahal sa atin.

"𝙄 𝙖𝙢 𝙮𝙤𝙪𝙧 𝙁𝙖𝙩𝙝𝙚𝙧, 𝙖𝙣𝙙 𝙄 𝙡𝙤𝙫𝙚 𝙮𝙤𝙪 𝙚𝙫𝙚𝙣 𝙖𝙨 𝙄 𝙡𝙤𝙫𝙚 𝙢𝙮 𝙎𝙤𝙣, 𝙅𝙚𝙨𝙪𝙨." — 𝙅𝙤𝙝𝙣 17:23

Ipinapaalala sa atin ng talatang ito na sa pamamagitan ni Cristo, maaari tayong magkaroon ng malalim na ugnayan sa Diyos. Ang Kanyang pag-ibig ay hindi nakabatay sa ating pagiging perpekto, kundi sa Kanyang biyaya at katapatan.

Hindi natin kailangang makipagkumpitensya upang makuha ang pagmamahal ng Diyos. Maaari tayong lumapit sa Kanya bilang mga anak na nagtitiwala sa kanilang Ama.

You are deeply loved by your Heavenly Father. Kaya sa mga araw na pinagdududahan mo ang iyong halaga, alalahanin mong ang pag-ibig ng Diyos ay hindi nasusukat sa opinyon ng mundo. Lumakad ka sa bawat araw na may katiyakang ikaw ay minamahal, tinatanggap, at inaanyayahang manatili kay Cristo. ✨

02/10/2026

𝗪𝗢𝗥𝗗 𝗙𝗢𝗥 𝗧𝗢𝗗𝗔𝗬!! 📖

May mga pagkakataong hindi natin agad nauunawaan kung bakit may mga bagay na nangyayari sa ating buhay. May mga panalanging hindi pa nasasagot at mga sitwasyong hindi umaayon sa ating inaasahan.

"𝙄 𝙖𝙢 𝙧𝙞𝙜𝙝𝙩𝙚𝙤𝙪𝙨 𝙞𝙣 𝙖𝙡𝙡 𝙈𝙮 𝙬𝙖𝙮𝙨 𝙖𝙣𝙙 𝙠𝙞𝙣𝙙 𝙞𝙣 𝙖𝙡𝙡 𝙩𝙝𝙖𝙩 𝙄 𝙙𝙤." — 𝙋𝙨𝙖𝙡𝙢 145:17

Ngunit ipinapaalala sa atin ng talatang ito na matuwid ang Diyos sa lahat ng Kanyang ginagawa at mabuti Siya sa lahat ng Kanyang nilikha.

Maaaring hindi natin maintindihan ang Kanyang mga paraan, ngunit maaari tayong patuloy na magtiwala sa Kanyang pagkatao. Hindi lahat ng nangyayari ay madali o kaaya-aya, ngunit maaari tayong kumapit sa katotohanang ang Diyos ay makatarungan at mahabagin.

Kaya sa mga araw na marami tayong tanong, piliin pa rin nating manalangin, magtiwala, at maghintay nang may pananampalataya. Hindi man natin maunawaan ang lahat ng Kanyang ginagawa, maaari tayong magtiwala sa Kanyang kabutihan. ✨

01/10/2026

𝗪𝗢𝗥𝗗 𝗙𝗢𝗥 𝗧𝗢𝗗𝗔𝗬!! 📖

Panibagong buwan na naman ang ipinagkaloob sa atin ng Diyos! Sa pagbubukas ng Oktubre, magpasalamat tayo sa Kanyang paggabay sa mga nagdaang buwan at salubungin ang panibagong simula nang may pananampalataya.

" 𝙄 𝙖𝙢 𝙩𝙝𝙚 𝙚𝙫𝙚𝙧𝙡𝙖𝙨𝙩𝙞𝙣𝙜 𝙂𝙤𝙙." — 𝙋𝙨𝙖𝙡𝙢 90:2

Hindi natin alam kung ano ang naghihintay sa atin sa mga susunod na araw. Maaaring may mga bagong hamon, panalanging patuloy na hinihintay, at mga pangarap na nais nating makamit. Ngunit sa kabila ng mga pagbabagong dala ng panahon, may isang bagay tayong tiyak na mapanghahawakan ang ating Diyos ay walang hanggan at hindi nagbabago.

Ang Diyos na naging sandigan natin kahapon ay Siya ring Diyos na maaari nating pagkatiwalaan ngayon at sa mga darating pang araw.

Kaya sa pagsisimula ng Oktubre, huwag tayong pangunahan ng takot sa hinaharap. Sa halip, humakbang tayo nang may pag-asa, pasasalamat, at pananalig sa Kanya. ✨

30/09/2026

𝗪𝗢𝗥𝗗 𝗙𝗢𝗥 𝗧𝗢𝗗𝗔𝗬!! 📖

Sa huling araw ng Setyembre, maaari nating balikan ang mga araw na lumipas, ang mga panalanging nasagot, mga bagay na hinihintay pa rin, at mga pagkakataong hindi naging ayon sa ating plano.

Ngunit isang bagay ang nananatiling pareho, tapat ang Diyos sa Kanyang mga pangako.

"𝙄 𝙝𝙖𝙫𝙚 𝙩𝙝𝙚 𝙖𝙗𝙞𝙡𝙞𝙩𝙮 𝙩𝙤 𝙙𝙤 𝙖𝙡𝙡 𝙩𝙝𝙖𝙩 𝙄 𝙝𝙖𝙫𝙚 𝙥𝙧𝙤𝙢𝙞𝙨𝙚𝙙." — 𝙍𝙤𝙢𝙖𝙣𝙨 4:20-21

Maaaring may mga bagay na hindi pa natin nakikita ang katuparan. Maaaring may mga panalangin pa rin tayong hinihintay. Pero sa pagtatapos ng buwang ito, piliin nating iwan ang Setyembre na may pusong nagtitiwala.

Kung kaya ng Diyos na dalhin tayo hanggang sa huling araw ng buwan, kaya rin Niyang pangunahan tayo sa mga susunod na araw. ✨

29/09/2026

𝗪𝗢𝗥𝗗 𝗙𝗢𝗥 𝗧𝗢𝗗𝗔𝗬!! 📖

Maraming bagay sa mundo ang pansamantala. Ang mga bagay na pinaghihirapan natin ngayon ay maaaring magbago, mawala, o maiwan natin balang araw.

"𝙔𝙤𝙪 𝙝𝙖𝙫𝙚 𝙖𝙣 𝙚𝙫𝙚𝙧𝙡𝙖𝙨𝙩𝙞𝙣𝙜 𝙞𝙣𝙝𝙚𝙧𝙞𝙩𝙖𝙣𝙘𝙚 𝙧𝙚𝙨𝙚𝙧𝙫𝙚𝙙 𝙞𝙣 𝙝𝙚𝙖𝙫𝙚𝙣 𝙛𝙤𝙧 𝙮𝙤𝙪." — 1 𝙋𝙚𝙩𝙚𝙧 1:3-4

Pero ipinapaalala sa atin ng Diyos na may mana na hindi nasisira, hindi kumukupas, at nakalaan para sa atin sa langit.

Kaya habang ginagawa natin ang ating mga responsibilidad dito sa mundo, huwag nating kalimutang ang buhay ay higit pa sa mga bagay na nakikita natin. Manatili tayong tapat sa Diyos, panghawakan ang ating pananampalataya, at mamuhay nang may pag-asa.

Maaaring hindi natin hawak ang lahat ng bagay sa buhay na ito, pero may pangakong naghihintay sa atin sa piling ng Diyos. ✨

28/09/2026

𝗪𝗢𝗥𝗗 𝗙𝗢𝗥 𝗧𝗢𝗗𝗔𝗬!! 📖

May mga pagkakataong parang malakas ang kasamaan at tila mahirap itong harapin. Pero ipinapaalala sa atin ng Salita ng Diyos na hindi kasamaan ang may huling salita.

"𝙄 𝙬𝙞𝙡𝙡 𝙨𝙤𝙤𝙣 𝙘𝙧𝙪𝙨𝙝 𝙩𝙝𝙚 𝙚𝙫𝙞𝙡 𝙤𝙣𝙚 𝙪𝙣𝙙𝙚𝙧 𝙮𝙤𝙪𝙧 𝙛𝙚𝙚𝙩." — 𝙍𝙤𝙢𝙖𝙣𝙨 16:20

Tinatawag tayo na manatiling matatag sa pananampalataya, umiwas sa masama, at patuloy na piliin ang mabuti. Hindi natin kailangang mamuhay sa takot, dahil ang Diyos ay kasama natin at Siya ang may kapangyarihan laban sa kasamaan.

Kaya sa bawat pagsubok, manatiling malapit sa Diyos. Magtiwala sa Kanyang kapangyarihan at patuloy na mamuhay ayon sa Kanyang kalooban. ✨

28/09/2026

"𝑵𝒂𝒘𝒂 𝒌𝒆𝒏𝒈 𝒔𝒂𝒓𝒊𝒍𝒊 𝒕𝒂𝒎𝒖 𝒂-𝒂𝒅𝒐𝒑𝒕 𝒕𝒂𝒎𝒖 𝒊𝒕𝒂𝒏𝒈 𝒑𝒂𝒎𝒂𝒏𝒂𝒏𝒈𝒖 𝒏𝒂 𝒏𝒊𝒕𝒂𝒏𝒈 𝒌𝒂𝒅𝒘𝒂𝒏𝒈 𝒂𝒏𝒂𝒌 𝒂𝒕 𝒊𝒏𝒈 𝒑𝒂𝒎𝒂𝒈 𝒔𝒖𝒏𝒖𝒅 𝒏𝒂 𝒏𝒊𝒕𝒂𝒏𝒈 𝒎𝒖𝒎𝒖𝒏𝒂𝒏𝒈 𝒂𝒏𝒂𝒌" - 𝑺𝒊𝒔. 𝑩𝒍𝒆𝒔𝒔

Sa Matthew 21:23–32, ikinuwento ni Jesus ang tungkol sa dalawang anak na tinawag ng kanilang ama upang magtrabaho sa ubasan. Ang una ay tumanggi, ngunit kalaunan ay nagsisi at sumunod. Ang ikalawa naman ay nagsabing “Opo,” ngunit hindi naman nagpunta.

Minsan, maaari tayong maging katulad ng isa sa kanila, magagandang salita ngunit kulang sa pagkilos, o maaaring nagkamali sa simula ngunit piniling magbago at sumunod.

Panoorin ang takeaways ni Sis. Katrina Bless mula sa sermon at pagnilayan ang mensahe ng Matthew 21:23–32.

Hindi perpekto ang mahalaga, ang pusong handang magsisi, magbago, at sumunod sa Diyos. ✨