09/08/2026
๐ข๐ฅ๐๐ง๐๐ข ๐๐ ๐ฃ๐๐ฅ๐๐ง๐ ๐๐๐๐๐ก ๐๐๐ก๐ ๐๐๐๐๐ ๐๐๐๐
O lubus mayupayang Ibpa, tatas mi la ring pusu mi keka king kapasalamatan para karing makapagmulalang lelangan mu, kareti kayabe kami, para king kalingapan mu a mamie kekami karing kailangan mi, at para king kabiasnan mu a mumugit king daralanan ning meto-sikluban.
Tatanggapan mi la ring kasalanan mi laban keka at karing sablang lelangan mu. E kami meging mayap a katiuala ning yatu. E mi ya pekaintindian ing kautusan mung pamangasiua king yatu. Ing makapadurut kekami ya ngeni ing magdusa pauli ning mali ming kararaptanan, at ngeni pupupulan mi ing pamanabusu at kealan masabal mi.
Ing global warming atiu ne busal mi. Ding bagyu, albug, pamamakbung ring bulkan, at aliua pang kalamidad lalu lang darakal at sisikan. Lalapit kami keka, O malugud a Ibpa mi, at manigapung kapatauaran para karing kasalanan mi. Pagparalampu mi, king ding kaluguran mi at ing pikapagalan ming atangkang pibandian ing mikabus ibat king banta ning kalamidad, natural at gauang-tau.
Pagamu-amu mi keka ing gauan mu kami ngan responsabling katiuala ning lelangan mu, at maganaka ampon mapaniaup a siping-bale karing atiu king pamangailangan.
Amen.
๐ฆ๐ฎ๐ป ๐๐๐ถ๐ฑ๐ฟ๐ผ ๐๐ฎ๐ฏ๐ฟ๐ฎ๐ฑ๐ผ๐ฟ,
Kekaming patulunan,
Ipanalangin mu kami!
๐ฆ๐๐ฎ. ๐ ๐ฎ๐ฟ๐ถ๐ฎ ๐ฑ๐ฒ ๐น๐ฎ ๐๐ฎ๐ฏ๐ฒ๐๐ฎ,
Banal nang Esposang San Isidro,
Ipanalangin mu kami!
๐ฉ๐ถ๐ฟ๐ด๐ฒ๐ป ๐ฑ๐ฒ ๐น๐ผ๐ ๐ฅ๐ฒ๐บ๐ฒ๐ฑ๐ถ๐ผ๐,
Indu ning Kapaldanan,
King nanu mang kasakitan,
Ipanalangin mu kami!
๐ฆ๐๐ผ. ๐๐ฟ๐ถ๐๐๐ผ ๐ฑ๐ฒ๐น ๐ฃ๐ฒ๐ฟ๐ฑ๐ผ๐ป ๐ ๐๐ฎ๐ฟ๐ถ๐ฑ๐ฎ๐ฑ,
Guinu ming Mapamakalulu,
Uling malugud ka kekami,
King Ibpa, ipamilatan mu kami!
