13/05/2026
๐ก๐ข๐ฉ๐๐ก๐๐ฅ๐๐ข ๐ฃ๐๐ฅ๐๐ก๐๐๐ ๐๐๐ก๐ ๐ฆ๐๐ก ๐๐ฆ๐๐๐ฅ๐ข ๐๐๐๐ฅ๐๐๐ข๐ฅ | Casiyam a Aldo โข Mayo 14
King lagyu ning Ibpa, ampon ning Anak, ampon ning Dios Espiritu Santo. Amen
๐ฃ๐ฎ๐บ๐ฎ๐ป๐ถ๐๐ถ
Malugud at mapamakalulu ming Jesus, kakataskatasan a Dios Anak, a migpakumbabang tinipa keti sulip ban manatbus king kapamilatan ning mal mung daya kekaming meyalipan kin g demonyo at meging anak ning kasalanan a mana, makiramdam ka sa pu kekami. King kabubusalan ding pusu mi, sisisi kami king sablang keyalan ming utang a lub keka, at pamipaimburis king banal mung kalam at lugud. Pagkalungkutan ming bina ing inablasanan ming kapanyalangsanganan ing mal mung utus at e mi kilala ing sablang dapat mung mayap at pakalulu kekaming malukang liguran mu. Salamat pu king sala ning Espiritu mu, akilala mi ing sablang kakulangan at kamalian mi. King tapat a kapakumbaban, manigapu kaming kapatawaran alang-alang king mayumu dang pamamilatan ding Indu mung Kalinislinisan at ing kekaming patulunan, i San Isidrong Talapagobra. Ibalikid mo pu kekami ding mata mung mapamakalulu at tapukanan mu kami king banal mung kalam ban lubus na keng painggulut king pamikasalang kegawi mi, at e na mikawani keka kapilan man.
Misan pa, ipasyag ming panamdaman ming masakit ing pamanyugat mi king pusu mung ganap king lugud at pamipaimburis king kayapan mung alang-angga. Pasiknangan mu pu, mayumung Jesus, ing kekaming keinan, at pasibulan mu kekami ing tapat a pamanyuyuโt pamalsinta keka angga king maging karapatdapat kaming mipala king ligaya banua, a nu ka mag-ari kambe ning Ibpa at ning Espiritu Santo, mangga man king alang-angga. YANASA
๐ฃ๐ฎ๐ป๐ฎ๐น๐ฎ๐ป๐ด๐ถ๐ป ๐ธ๐ฎ๐ป๐ด ๐ฆ๐ฎ๐ป ๐๐๐ถ๐ฑ๐ฟ๐ผ ๐๐ฎ๐ฏ๐ฟ๐ฎ๐ฑ๐ผ๐ฟ
Kapuri-puring lelangan a mitutula king panganyaliapan mu king sinta Dios, ipamilatan mu ke sa arap ning tronong kakataskatasan ngening ika magtamasa na ka king ligayang kakamtan da ring sablang angeles, birhenes, at martires pauli ning kekang kapakumbaban at katapatan king pamanyuyu kaya. YANASA
๐๐ฎ๐น๐ถ๐
๐ฉ: Arapan ding tau mangmang kaโt kalulu, dapot arapan na kayama-yama ka. Kipuan neng pusu mu king lugud a wagas, karing sablang tau at sablang ovejas.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Tibe muโt kapanaligan king lugud ning Dios a malam, menatiling matatag busal ning kapagsubukan, inggit, at kapanganiayan, sinalpantaya kaโt minuan.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: King pamagdalang pamilya, uliran ko ping miyasawa. Masuyung mipanatindi, mapanyaup kong parati.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Ini ing Dios king tula na, pigacaman na kong grasya. Pusu yu biklud na la king lugud at pamalsinta.
๐ฅ.: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Kapanganiayan da ring kalupang tau, at aliwa pang pasakit tinggap mu. Pengadi mo king Dios ba la sang magbayu, makapagmulala ing pusu mung mamu.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Arap na ning kapanyinam menatili kang banal, ditman e ka migvenganza, e tinutul, e melmura, inia ing Dios metula ya king kekang kasamak. Mala pepakit na, ban kalinisan mu kayaโy ipakilala.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Pante-pante ing lawe mu karing miyayaliwang tau. Balang mangmang liguran mu, anti mu rin ding maluka, pati na ring tampalasan. Inia naman ding kekaldan, bina ra kang pegmulalan.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Ikaming keka mamaus, mabibie busal ning takut. Tumingid ka sa,t lumunus, patawad ning Dios pakiyabut, ban king sigalut mikabyus, at king nanu pa mang salut.
๐ฅ: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฉ: Ampunan mu kami naman king bie ming espiritual, iligtas king tukning yatuโt ning laman, at king demonyong sukib a kasalang. Dalise lugud king Dios at king parang tau, kekami pakiabutan mu.
๐ฅ.: King sipagan mu mebatas kababan mung masampat. Isidrong patron mi, damdam kaโt kekami sumaup.
๐ฃ๐ฎ๐ป๐ฎ๐น๐ฎ๐ป๐ด๐ถ๐ป ๐ธ๐ถ๐ป๐ด ๐๐ฎ๐๐ถ๐๐ฎ๐บ ๐ฎ ๐๐น๐ฑ๐ผ
Mamung obeja ning Guinu, masipag a San Isidro, pasalamat ke king Dios king meging karapatdapat kang miyabe karing kayang mangarangal a santos king ligaya banua. Uling ing dalan ning kabanalan mu mayam mi yang atukian pablasang ing kekang pamagbanal meganap kapamilatan ding karaniwan at mangangalating dapat mu. King balang aldo ning bie mu, a alang aliwang kapagnasan nune ing miusug la ngan sa king mal nang kaburian ning Dios at makatula la kaya. Ikami sanang magbansag a patulunan da ka, mibie-bie king malinis at masinup, at kalingwan mi na ing kararaptanan a bulagsak ban miayus ing bie mi, lual at kilub ning pangatau mi. Nung iti apakibatan mi, pagnasan mi naman ing pakiabut mu para kekami ing korona ning bie alang-angga a yapin ing makiabe kekong sablang martires at santos, at matutula king ligaya ning Dios king bie alang-angga, YANASA.
(Mangading 3 Ibpa Mi, 3 Bapu Maria, 3 Ligaya, at aduan ing kalam a kailangan.)
๐๐ป๐๐ถ๐ฝ๐ผ๐ป๐ฎ
Linual yaโt sinalbag bini ing manasik. Ding butil a misalbag king mayap a gabun tinubu laโt memungang misna karakal at mekaibie lang kapasnawan.
๐ฉ. E no paburen ning Guinu ding maingat tuntunan king dalan a tiru na.
๐ฅ. At deti agad nong paluban king kayarian nang maligaya.
๐ง๐ฎ๐๐น๐ถ๐ป๐ด ๐ฃ๐ฎ๐ป๐ฎ๐น๐ฎ๐ป๐ด๐ถ๐ป
Ipanigapu mi pu kekaming malugud a Dios, alang-alang king kasuyuan na ning pinala mung i San Isidro, tapukanan mu keng grasyang maging mapalsinta karing kalupa ming melalang uli ning lugud mi keka, at e mu pu paburen ing maging palalu kami king pamisip, pamagsalita, at pamanyapat alang-alang king kayang alimbawaโt pamamilatan makapagserbisyu ke sana pung mitmung kapakumbaban karing kekeng katubale at kabalen king ikakayap ning bie ming miabe-abe.
Iti pu aduan mi kapamilatan ning Anak mung kekami menatbus, ing Guinu ming Jesucristo, a kayabe mu ila ning Espiritu Santo, mabibieโt mag-ari mangga man king alang-angga, AMEN.
๐ฆ๐ฎ๐ป ๐๐๐ถ๐ฑ๐ฟ๐ผ ๐๐ฎ๐ฏ๐ฟ๐ฎ๐ฑ๐ผ๐ฟ, ipanalangin mu kami!
