15/08/2026
SOLEMNIDAD KAN PAGSAKATAN KI MARIA SA LANGIT (Asuncion) Agosto 15
Ebanghelyo: Lukas 1:39-56
An Pagbisita ni Maria ki Santa Isabel
Ngunyan na aldaw ginigiromdom asin ipinagcecelebrar ta an sarong dakulang dogma kan satuyang pagtubod: An ASUNCION ki Santa Maria sa Langit - hawak asin kalag.
1. ๐๐ก๐ข ๐๐ก๐ ๐ฃ๐๐๐๐๐๐๐ ๐๐๐ก "๐๐ฆ๐๐๐ก๐ฆ๐๐ข๐ก" ๐๐ฆ๐๐ก "๐๐ฆ๐จ๐ก๐๐๐ข๐ก"?
Baka magukuhan kita.
- ASCENSION - ini ki Jesus. Siya mismo, sa saiyang kapangyarihan, an suminakat sa langit.
- ASUNCION - ini ki Santa Maria. Siya isinakat sa langit kan Dios, hawak asin kalag.
An parehas ninda: "Parehas sindang yaon ngunyan sa langit, hawak asin kalag."
Ini an pinakadakulang onra na itinao nin Dios sa sarong tawo.
Ngata?
Huli ta si Maria an nagin "Ina kan Dios". An nagdara ki Jesus sa saiyang tulak, an nag-ataman, an nagdanay sagkod sa paanan kan Cruz.
P**n pa sa tulak ni Santa Anna, pinili na siya nin Dios. Kaya ngani nginaranan siyang "Inmaculada Concepcion" - malinig, banal, asin daing digta p**n kan siya ipinangidam.
Kaipuhan sana na malinig man an nagdara sa Satuyang Paratubos.
Pero tandaan ta: Si Maria bakong Dios. Tawo man siya siring sato. Igwa man siyang katalingkasan.(Freedom)
Kaya kan mag-abot an Anghel, hinagad an saiyang "iyo". Asin ano an simbag niya? "FIAT" - "Oripon ako nin Kagurangnan, mangyari lugod sako sosog sa saimong kabotan!" - Lukas 1:30
2. ๐ง๐๐ ๐ ๐๐๐ฌ๐ ๐ก๐ ๐ฆ๐๐ฌ๐ ๐๐ฆ๐๐ก๐๐๐๐ง ๐ฆ๐ ๐๐๐ก๐๐๐ง?
Opo, tama sana!
Huli ta sa bilog niyang buhay, idinusay niya an saiyang sadiri ki Jesus.
An kamondoan ni Jesus - kamondoan man ni Maria.
An kaogmahan ni Jesus - kaogmahan man ni Maria.
Dai siya nagbutas. Nagdanay siya. Arog kan sarong Ina na dai napapagal mamoot sa aki.
Kaya ngunyan, si Maria yaon na sa kamurawayan. Pero dai ta malingawan: Siya an satong modelo.
3. ๐๐ก๐ข ๐๐ก ITINU๐ง๐จ๐๐๐ข ๐ฆ๐๐ง๐ข ๐กIN ๐๐ฆ๐จ๐ก๐I๐ข๐ก?
Mga tugang, kun si Maria isinakat sa langit, tinatawan man kita nin paglaom.
Bako man na isasakat kita hawak asin kalag arog saiya. Pero pwede kitang "isakat" sa langit huli sa satuyang marahay na gibo, sacrificio, asin pagkamoot digdi sa kinaban.
Ano an leksyon sato?
A. DAI MAGING MAPAGMATAAS
Digdi sa kinaban, kun yaon kita sa itaas huli sa poder, kwarta, o kasikatan - tandaan ta: temporaryo sana ini.
An tunay na pag-itaas, an daing sagkod na kaogmahan, nasa langit.
B. MAGDARA NIN KAOGMAHAN AROG KI MARIA.
Sa Ebanghelyo ngunyan, nagduman si Maria ki Santa Isabel. Dai siya nagdara nin problema. Nagdara siya nin kaogmahan.
Kan madangog ni Isabel an taong-galang ni Maria, naglukso an aki sa saiyang tulak.
Sabi ni Isabel: "Paladan ka na nagtubod huli ta maootob an sinabi saimo nin Kagurangnan."
Kaya kita man. Kun saen man kita magduman, magdara kita nin:
Bako kamondoan, kundi kaogmahan.
Bako pagkabaranga, kundi pagkasararo.
Bako hinanakit, kundi pagpapatawad.
Bako pagka uyam, kundi pagkamoot.
Bako nang 'fake news' an darahon niato kundi 'good news'.
PANGHURING HAPOT:
Kumusta an satong paglakaw sa buhay?
Nagdadara ba kita nin kaogmahan o kamondoan?
Nagpapatibay ba kita o nagpapaluya nin pagtubod?
Gusto ni Maria na kita man makaabot sa langit. Pero dapat magp**n kita digdi - sa pagigin "langit" para sa iba.
PAMIBI::
Amang Langitnon,
Sinasamba Ka kan gabos na linalang.
Sa saimong kadonongan, isinakat Mo si Maria Santisima sa kalangitan huli sa saiyang pagigin Ina ni Jesus.. Tabangi kaming magsunod sa saiyang halimbawa. Tabangi kaming magdara nin kaogmahan, magdanay sa pagtubod, asin magserbi nin may pagkamoot. Kaiba ni Maria, inoomaw mi Ika kaiba ni Jesucristo asin kan Espiritu Santo, sarong Dios, sa kapanahonan kan mga panahon. Amen.
Viva la Virgen!
Viva Maria, Asunta sa Langit! ๐
