https://www.facebook.com/105616971086232/

Sto. Niño Parish Roxas, Roxas, Oriental Mindoro, Roxas (2026)

04/10/2026

𝐌𝐚𝐫𝐚𝐦𝐢𝐧𝐠 𝐒𝐚𝐥𝐚𝐦𝐚𝐭 𝐁𝐫𝐨.𝐁𝐡𝐨𝐧!

Ang parokya ni Santo Nino ay buong pusong nagpapasalamat sa panahon ng iyong paglilingkod sa ating parokya bilang Pastoral Associate.

Sa mga taong iyon ay buong puso at katapatan mong inialay ang iyong panahon, lakas, talento, at buhay sa paglilingkod sa parokya.

Sa pagtatapos ng iyong paglilingkod sa parokya nais naming ipabatid na ang iyong paglisan ay hindi nangangahulugan ng pagtatapos ng iyong pagiging bahagi ng pamilya ng Parokya ni Santo Nino. Ang mga alaala at pagkakaibigan ay mananatiling buhay sa aming mga puso.

Maraming salamat, Bro. Bhon, Salamat sa iyong panahon, sakripisyo, at walang sawang pagtulong sa ating parokya.

Nawa'y patuloy kang gabayan at pagpalain ng Patrong Santo Nino sa panibagong yugto ng iyong buhay. Dalangin namin na saan ka man dalhin ng Panginoon, patuloy kang maging instrumento ng Kanyang pagmamahal, pananampalataya, at paglilingkod.

Muli, maraming salamat, Bro. Bhon.
Mabuhay ka at pagpalain ka nawa ng Diyos!
Viva Santo Niño!

04/10/2026

𝐈𝐬𝐢𝐧𝐚𝐠𝐚𝐰𝐚 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐅𝐫𝐚𝐧𝐜𝐢𝐬𝐜𝐨 𝐧𝐠 𝐀𝐬𝐬𝐢𝐬𝐢 𝐚𝐧𝐠 𝐢𝐬𝐚𝐧𝐠 𝐁𝐚𝐧𝐚𝐥 𝐧𝐚 𝐌𝐢𝐬𝐚, 𝐏𝐚𝐠 - 𝐚𝐚𝐥𝐚𝐲 𝐧𝐠 𝐦𝐠𝐚 𝐏𝐮𝐧𝐨𝐧𝐠 𝐧𝐚𝐦𝐮𝐦𝐮𝐧𝐠𝐚, 𝐩𝐚𝐠𝐭𝐚𝐭𝐚𝐧𝐢𝐦 𝐧𝐠 𝐦𝐠𝐚 𝐩𝐮𝐧𝐨𝐧𝐠 𝐧𝐚𝐦𝐮𝐦𝐮𝐧𝐠𝐚 𝐚𝐭 𝐚𝐧𝐠 𝐩𝐚𝐠𝐛𝐚𝐛𝐚𝐬𝐛𝐚𝐬 𝐧𝐠 𝐦𝐠𝐚 𝐀𝐥𝐚𝐠𝐚𝐧𝐠 .𝐇𝐚𝐲𝐨𝐩.

Sa pagdiriwang ng Kapistahan ni San Francisco ng Assisi, patron ng kalikasan at mga hayop, isinagawa ng ating Parokya ang Culminating Activity ng Season of Creation bilang pasasalamat sa Diyos sa kaloob na sangnilikha.

Naging makahulugan ang pagdiriwang sa presensya at veneration ng mga relics ni San Francisco ng Assisi, na nagpaalala sa atin ng kanyang malalim na pagmamahal sa Diyos, sa kalikasan, at sa lahat ng Kanyang nilikha.

Nanguna s programang ito sina Rev. Fr. Jonjon N.Cusi, Rev. Fr. Richard Rodriguez kasama Sevice Commision ng ating parokya na pinamumunuan ni Bro. Gil Guanio, at ang buong pamilya ng Santo Nino School of Roxas sa pangunguna ni Madam Yannie Abo. isinagawa ang isang Banal na Misa, pag - aalay ng mga punong itatanim kasunod ang pagbabasbas sa mga itinanim na puno at sa mga alagang hayop.

Sa bawat punong ating itinatanim, binibigyang-buhay natin ang pag-asa.

Sa bawat nilikhang ating inaalagaan, ipinapakita natin ang paggalang sa buhay.
Sa bawat pagkilos para sa kalikasan, naipapahayag natin ang ating pananampalataya at pasasalamat sa Maykapal.

Nawa'y maging inspirasyon sa ating lahat ang halimbawa ni San Francisco ng Assisi na mahalin, pangalagaan, at respetuhin ang buong sangnilikha.

San Francisco ng Assisi...
Ipanalangin mo kami...

Mahal nating Patrong Danto Nino... Maawa ka sa amin...

04/10/2026

0ct. 3, 2026 / 𝐈𝐤𝐚𝐭𝐥𝐨𝐧𝐠 𝐀𝐫𝐚𝐰 𝐧𝐠 𝐏𝐚𝐠𝐝𝐚𝐫𝐚𝐬𝐚𝐥 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐲𝐨 𝐬𝐚 𝐚𝐭𝐢𝐧𝐠 𝐏𝐚𝐫𝐨𝐤𝐲𝐚

Sa ikatlong araw ng ating sama-samang pagdarasal ng Banal na Santo Rosaryo, sama-sama nating pagnilayan ang Misteryo ng Tuwa, na nagpapahayag ng kagalakan ng pagtanggap sa plano ng Diyos at ng pagdating ng ating Tagapagligtas.

Misteryo ng Tuwa:

1. Ang Pagbati ng Anghel kay Maria
2. Ang Pagdalaw ni Maria kay Elisabet
3. Ang Kapanganakan ni Hesus
4. Ang Pagdadala kay Hesus sa Templo
5. Ang Pagkakita kay Hesus sa Templo

Nawa’y sa bawat Aba Ginoong Maria ay lumalim ang ating pananampalataya, pag-asa at pagtitiwala sa Diyos. Tulad ni Maria, nawa’y matutuhan nating buong pagpapakumbabang tanggapin ang kalooban ng Panginoon at maging instrumento ng Kanyang pag-ibig sa ating kapwa.

Maria, Ina ng Diyos at Ina ng Simbahan, ipanalangin mo kami

Mahal na Birheng Maria, Reyna ng Santo Rosaryo, ipanalangin mo kami!

Maraming salamat po sa mga nanguna sa pagdarasal ng Santo Rosaryo ang Legion of Mary sa pqngunguna ni Sister Sol Acosta, HC Pawnshop sa pangunguna ng buong pamilya ni Gng. Shirley Hernandez at sa Pamayanang Simbahan ng Hapag ng Tubigan

Sa mga kabataang nag alay ng kanilang sayaw para sa ating Mahal na ina, marMing salamat po mga kabataan ng Hapag ng Pamayanang Simbahan ng Hapag ng Tubigan.

04/10/2026

𝐏𝐀𝐁𝐀𝐓𝐈𝐃 | Ipinababatid sa ating lahat na taga parokya ni Santo Nino ang Pahayag Pastoral ng Catholic Bishops’ Conference of the Philippines (CBCP) na pinamagatang “Panahon na upang Buksan ang mga Pintuan ng Paglilingkod sa Bayan.”

Tinutukoy sa pahayag ang panawagan para sa isang makabuluhan at mabisang Batas Laban sa Political Dynasty, gayundin ang pagsuporta sa Dapat Isa Lang People’s Initiative bilang isang mapayapa, naaayon sa batas, at demokratikong pagkilos ng mga mamamayan.

Hinihikayat ang bawat isa na alamin, basahin, at unawain nang mabuti ang nilalaman ng pahayag at ng nasabing inisyatiba, at makilahok sa mga usaping panlipunan nang may pananagutan, paggalang, at malasakit sa kabutihang panlahat.

04/10/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐑𝐞𝐯.𝐅𝐫. 𝐂𝐫𝐢𝐬 𝐑𝐚𝐲𝐦𝐮𝐧𝐝𝐨.

Ang buong parokya ni Santo na minsan ay iyong tahanan sa iyong buhay bilang pari ay bumabati sa iyo ng Maligayang kaarawan Rev. Fr. Cris Raymundo.

Salamat sa iyong piniling bokasyon ang paglingkuran ang batan ng Diyos bilang isang Pari ni Kristo

Nawa ay patuloy kang bigyan ng lakas at tiyaga bilang pari.

Nawa ay patuloy kang bigyan ng talino at malusog na pangangatawan upang mas lalong makapaglingkod ng may pagmmamahal sa simbahan at sambayanan.

Muli, Happy birthday Rev. Fr. Cris at Pagpalain ka ng Poong Maykapal.

04/10/2026

Linggo, Oktubre 4, 2026

Ika-27 Linggo sa Karaniwang Panahon (A)

Isaias 5, 1-7

Salmo 79, 9 at 12. 13-14. 15-16. 19-20
Panginoon, iyong tanim
ang ubasan mong Israel.

Filipos 4, 6-9

Mateo 21, 33 - 43

IKALAWANG PAGBASA
Filipos 4, 6-9

Pagbasa mula sa sulat ni Apostol San Pablo sa mga taga-Filipos

Mga kapatid, huwag kayong mabalisa tungkol sa anumang bagay. Sa halip ay hingin ninyo sa Diyos ang lahat ng inyong kailangan sa pamamagitan ng panalanging may pasasalamat. At ang di-malirip na kapayapaan ng Diyos ang mag-iingat sa inyong puso at pag-iisip sa pamamagitan ni Kristo Hesus.

Sa wakas, mga kapatid, dapat maging laman ng inyong isip ang mga bagay na karapat-dapat at kapuri-puri: mga bagay na totoo, marangal, matuwid, malinis, kaibig-ibig, at kagalang-galang. Isagawa ninyo ang lahat ng inyong natutuhan, tinanggap, narinig, at nakita sa akin. Kung magkagayon, sasainyo ang Diyos na nagbibigay ng kapayapaan.

Ang Salita ng Diyos.

03/10/2026

𝗢𝗞𝗧𝗨𝗕𝗥𝗘 𝟬𝟰
𝘗𝘢𝘨𝘨𝘶𝘯𝘪𝘵𝘢 𝘬𝘢𝘺 𝗦𝗔𝗡 𝗙𝗥𝗔𝗡𝗖𝗜𝗦𝗖𝗢 𝗡𝗚 𝗔𝗦𝗦𝗜𝗦𝗜

Nang isilang siya sa isang sabsaban sa Assisi, Umbria, Italya, noong 1181, Francisco (munting Pranses) ang ipinangalan sa kanya dahil malimit maglakbay si Pedro Bernardone, na kanyang ama, sa pangangalakal ng damit sa Pransiya.

Sa kabataan ni Francisco ay walang mababakas ni isa mang tanda na siya'y makararating sa tugatog ng kabanalan, na hahangaan ng mga Katoliko at kahit ng mga hindi Katoliko. Siya'y isang lalaking lagalag at marangya, isang sundalong mahilig sa kamunduhan. Ngunit nang minsang magkasakit nang malubha sa bilangguan, nagbalik-loob siya sa Diyos.

Nang ibigay niya sa mahihirap ang kanyang kayamanan upang tuparin ang habilin ni Kristo sa Ebanghelyo, ay nagalit ang kanyang ama at itinakwil siya bilang anak.

Nabuhay siyang isang maralita sa gubat at namalagi sa pananalangin at pagpepenitensya sa simbahan ni San Damian. Pinaglingkuran niya ang mga dukha at maysakit; tinuring niyang "esposa" ang kahirapan, at ang mga kapatid naman ang araw, mga hayop at ibon.

Upang mapalaganap ang kanyang kilusan ay itinatag ni San Francisco ang Orden ng mga Paring Pransiskano, Madre Clarisa at Orden Tercera.

Taong 1224, tinanggap ni San Francisco sa kanyang katawan ang mga sugat ng Panginoon (stigmata) na tumagal hanggang sa dumating ang kapatid na "Kamatayan" noong Oktubre 4, 1226. Siya ang nagpasimula ng "belen" na inilalagay natin sa mga altar kapag dumarating ang Pasko.

Sa kanyang kapistahan bukas araw ng linggo ay magkakaroon tayo ng culminating activities sapagkat sya ang Patron kalikasan magkakaroon tayo tayo ng pagtatanim ng fruit bearing trees sa Santo Nino School of Roxas bilang pagtatapos ng season of Creation

Ganon din si San Francisco ng Assisi ay patron ng mga alagang hayop magkakaroon po ng pagbabasbas ng ating mga alagang hayop sa ating parokya sa ganap na 11:30 ng umaga. Siya din ay pintakasi ng kapayaan.

𝙎𝙖𝙣𝙜𝙜𝙪𝙣𝙞𝙖𝙣: Mons. Jose C. Abriol (Talambuhay ng mga Santo at mga Kapistahan ng Mahal na Birhen, ni-rebisa ng Daughters of St. Paul, Paulines Publishing House)

• 𝗣𝗔𝗡𝗔𝗟𝗔𝗡𝗚𝗜𝗡

Ama naming makapangyarihan, iginawad mo kay San Francisco ang pagkakawangis kay Kristo sa kusang pagpaparukha at pamumuhay na hamak. Matalunton nawa namin ang kanyang landas upang masundan namin siya at makaisa ka sa maligayang pag-ibig sa pamamagitan ni Hesukristo kasama ng Espiritu Santo magpasawalang hanggan. Amen.

03/10/2026

Oct. 2, 2026/ 𝐈𝐤𝐚𝐥𝐚𝐰𝐚𝐧𝐠 𝐚𝐫𝐚𝐰 𝐧𝐠 𝐩𝐚𝐠𝐝𝐚𝐫𝐚𝐬𝐚𝐥 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐲𝐨 𝐬𝐚 𝐚𝐭𝐢𝐧𝐠 𝐌𝐚𝐡𝐚𝐥 𝐧𝐚 𝐈𝐧𝐚𝐧𝐠 𝐌𝐚𝐫𝐢𝐚.

Kahapon ay matagumpay na isinagawa ang Ikalawang Araw ng Pagdarasal ng Banal na Santo Rosaryosa ating parokya. Sama-sama tayong nanalangin, nagpasalamat, at humingi ng patnubay at proteksiyon sa ating Panginoon sa pamamagitan ng pamamagitan ng ating Mahal na Birheng Maria.

Nawa’y patuloy na madama ang diwa kapatiran, pagkakaisa at pagmamahalan sa pamamagitan ng panalangin upang manatiling matatag ang ating pananampalataya

“Sa bawat butil ng Rosaryo, ito ay isang panalangin, isang pag-asa, at isang hakbang palapit sa Diyos.”

Salamat sa nangunguna sa pagdarasal ng Santo Rosaryo ang Santo Nino School of Roxas sa pangunguna ni Madam Yannie Abo. Kasama ang mga pamayanang simbahan ng Hapag ng Victoria sa pangunguna ni Sis.Florencita Galit at sa Palayan Victoria sa pangunguna ni Sis.Jocelyn Gan. Sa mga kabataang nagbigay ng pagpaparangal sa ating Mahal na Ina, maraming Salamat po kabataan ng pamayanan ng Hapag ng Victoria.

03/10/2026

Sabado ng Ika-26 na Linggo sa Karaniwang Panahon (II)

o kaya Paggunita sa Mahal na Birheng Maria tuwing Sabado

Job 42, 1-3. 5-6. 12-16
Salmo 118, 66. 71. 75. 91. 125. 130

Tumanglaw ka sa lingkod mo
at pagpalain mo ako.

Lucas 10, 17-24

MABUTING BALITA
Lucas 10, 17-24

Ang Mabuting Balita ng Panginoon ayon kay San Lucas

Noong panahong iyon, bumalik na tuwang-tuwa ang pitumpu’t dalawa. “Panginoon,” sabi nila, “kahit po ang mga demonyo ay sumusunod kapag inutusan namin, sa ngalan ninyo.” Sumagot si Hesus, “Nakita ko ang pagkahulog ni Satanas mula sa langit – parang kidlat. Binigyan ko kayo ng kapangyarihang tumapak sa mga ahas at mga alakdan, at yumurak sa kapangyarihan ng kaaway. Walang makapipinsala sa inyo. Gayunman, magalak kayo, hindi dahil sa suko sa inyo ang masasamang espiritu kundi dahil sa nakatala sa langit ang pangalan ninyo.”

Nang oras ding iyon, si Hesus ay napuspos ng galak ng Espiritu Santo. At sinabi niya, “Pinasasalamatan kita, Ama, Panginoon ng langit at lupa, sapagkat inilihim mo sa marurunong at pantas ang mga bagay na ito at inihayag mo sa mga taong ang kalooba’y tulad ng sa bata. Oo, Ama, sapagkat gayun ang ikinalulugod mo.”

“Ibinigay sa akin ng aking Ama ang lahat ng bagay. Walang nakakikilala sa Anak kundi ang Ama, at walang nakakikilala sa Ama kundi ang Anak at yaong marapating pagpahayagan ng Anak.”

Humarap si Hesus sa mga alagad at sinabi, na di naririnig ng iba: “Mapalad kayo, sapagkat nakita ninyo ang inyong nakikita ngayon! Sinasabi ko sa inyo maraming propeta at mga hari ang nagnasang makakita ng inyong nakikita ngunit hindi nila nakita. Hinangad din nilang mapakinggan ang inyong naririnig ngunit hindi nila napakinggan.”

Ang Mabuting Balita ng Panginoon.

02/10/2026

October 1, 2026 | Month of the Most Holy Rosary

As we begin praying the Holy Rosary, we entrust to God all that is in our hearts, through the gentle intercession of Mama Mary. May these moments of prayer remind us that faith is not always about having all the answers — it is about learning to trust, even when we cannot see what lies ahead.

With Mary, we pray. With Jesus, we hope.

Sto. Niño Parish Roxas

04/10/2026

04/10/2026

04/10/2026

04/10/2026

04/10/2026

04/10/2026

03/10/2026

03/10/2026

03/10/2026

02/10/2026

Address

Website

Alerts

Shortcuts

Share

Category

Listing takedown request