St. Joseph Husband of Mary Chapel - Sitio Mawang, Tapaz Capiz

St. Joseph Husband of Mary Chapel - Sitio Mawang, Tapaz Capiz This is the Official page of St. Joseph Husband of Mary Chapel of Sitio Mawang Tapaz Capiz

✨ Madamo gid nga Salamat! ✨Sa ngalan sang mga katekista kag kabataan sang Kapilya ni San Jose Bana ni Maria, kami nagapa...
28/05/2026

✨ Madamo gid nga Salamat! ✨

Sa ngalan sang mga katekista kag kabataan sang Kapilya ni San Jose Bana ni Maria, kami nagapasalamat sing hugot sa tanan nga naghatag sang ila suporta, donasyon, oras, kag pagpakigbahin para sa madinalag-on nga pagpatigayon sang aton Summer Catechesis 2026 Closing Program. 💖

Ang inyo kaayo kag pagkamabinuligon nangin daku nga bulig agud mapalipay ang aton mga kabataan kag mapabakod pa ang ila pagtuo kag paghigugma sa Ginoo. Tungod sa inyo, nangin mas makahulugan kag malipayon ang ini nga selebrasyon.

Kabay pa nga ang Mahal nga Dios amo ang magbalos sang inyo tanan nga kaayo kag padayon kamo nga bendisyunan upod ang inyo bug-os nga pamilya. 🙏

“Ang Dios indi gid malipat sang inyo binuhatan kag sang paghigugma nga inyo ginpakita sa iya ngalan.”
— Hebreo 6:10

Madamo gid nga salamat sa inyo tanan nga donors, sponsors, kag supporters! 💕
To God be all the glory! ✨

2nd batch sang pagpakumpisar sang aton mga First Communicants.
23/05/2026

2nd batch sang pagpakumpisar sang aton mga First Communicants.

🌸✨ Day 18 | Flores de Mayo kag Summer Catechesis ✨🌸Padayon nga puno sang kalipay kag pagtuo ang aton ika-katorse nga adl...
19/05/2026

🌸✨ Day 18 | Flores de Mayo kag Summer Catechesis ✨🌸

Padayon nga puno sang kalipay kag pagtuo ang aton ika-katorse nga adlaw sang Flores de Mayo kag Summer Catechesis sa Kapilya ni San Jose, Bana ni Maria. 🙏💐 Ang mga kabataan kaupod ang mga katekista nagpadayon sa pagtuon sang Pulong sang Dios kag sa pagdayaw kay Birhen Maria pinaagi sa pag-ampo, mga leksyon, kag makahulugan nga mga aktibidad. 💛

📖 Pahinungod sa Istorya sang Biblia: Ang Pagkatawo ni Hesus
Ginpadala sang Dios ang Iya bugtong nga Anak nga si Hesus agud luwason ang kalibutan. Si Birhen Maria kag San Jose nagkadto sa Betlehem, kag didto natawo si Hesus sa isa ka hamili nga pasungan bangud wala sila sang matulugan. Gindayaw Siya sang mga anghel kag ginkadtuan sang mga manugbantay kag mga manggialamon agud simbaon ang bag-ong natawo nga Manluluwas. ⭐👶✨

Ini nga istorya nagatudlo sa aton sang pagkamapainubuson, paghigugma, kag paglaum nga dala sang pagkatawo ni Hesus sa kalibutan. Nagapahanumdom ini nga ang Dios nagahigugma gid sa aton kag pirmi nga kaupod naton sa tagsa ka tion. 🙏💖

Kabay pa nga pinaagi sini nga leksyon, magpabilin nga buhi sa aton tagipusuon ang gugma kag kapawa ni Hesus samtang nagapadayon kita sa aton pagtuo. 🌹

19/05/2026

✨ Day 19 sang Summer Catechesis 2026 ✨

Sa ikanapulo kag siyam nga adlaw sang aton Summer Catechesis, padayon nga nagatubo ang pagtuo kag paglaum sang mga kabataan pinaagi sa ila aktibo nga pag-upod sa mga leksyon, pagpangamuyo, hinampang, saot, kanta kag espiritwal nga mga aktibidad. 🌸🙏

Sa sini nga adlaw, ginpahanumdom sa ila ang importansya sang pagtuo sa Ginoo, pagrespeto sa isigkatawo, kag pagpakabuhi nga puno sang gugma kag pagkamabinuligon. Makita gid ang ila kalipay kag wala sang pag bahin bahinay samtang sila nagatuon kag nagapakigbahin sa tagsa ka aktibidad. 💖📖

Ini nga adlaw nangin mas masadya kag espesyal tungod sa color hunting games, kung sa diin sila nag subay sang bilog nga kapilya para pangitaon ang mga colored paper nga may nakasulat nga pangamuyo. Kag subong man sa mga pre-communicants sila naghimo sang activity “Color the Cross” katuyuan sini nga mapahanumdom sa ila ang importansya sang krus kag kung ano ang bahin sini sa aton pagtuluuhan.

Ang Summer Catechesis indi lamang pagtuon sang mga istorya sa Bibliya kundi isa man ka paagi agud mapalapit ang kabataan sa Dios kag matudluan sila sang mga maayo nga pamatasan nga ila madala sa adlaw-adlaw nga kabuhi. ✨

18/05/2026

✨ Day 18 sang Summer Catechesis 2026 ✨

Sa ikanapulo kag walo nga adlaw sang aton Summer Catechesis, padayon nga nagasidlak ang kalipay kag pagtuo sang mga kabataan samtang nagatuon sila sang mas madalom nga kahulugan sang paghigugma kag pagsunod sa Ginoo. 🙏💖

Pinaagi sa mga leksyon, pagpangamuyo, kanta, kag mga aktibidad, mas ginapalig-on pa gid ang ila espiritwal nga pagtuo kag ang ila relasyon sa pamilya, isigkatawo, kag sa Dios. Makita gid ang ila aktibo nga partisipasyon kag ang sinsero nga kalipay sa tagsa ka pagtililipon. 🌸📖

Ang sini nga adlaw isa naman ka pagpahanumdom nga ang kabataan amo ang paglaum sang Simbahan kag komunidad. Sa ila pagtuon sang mga pulong sang Dios, nagatubo man ang ila pagkamahigugmaon, matinumanon, kag mapinadayunon sa pagtuo. ✨

🌸✨ Day 16| Flores de Mayo kag Summer Catechesis ✨🌸Padayon ang kalipay kag pagtuo sa aton ika-katorse nga adlaw sang Flor...
17/05/2026

🌸✨ Day 16| Flores de Mayo kag Summer Catechesis ✨🌸

Padayon ang kalipay kag pagtuo sa aton ika-katorse nga adlaw sang Flores de Mayo kag Summer Catechesis sa Kapilya ni San Jose, Bana ni Maria. 🙏💐 Ang mga kabataan kaupod ang mga katekista nagtipon agud magtuon sang Pulong sang Dios kag magpalapit pa gid kay Birhen Maria pinaagi sa pag-ampo kag mga aktibidad nga puno sang pagtuo kag paghigugma. 💛

📖 Pahinungod sa Istorya sang Biblia: Ang Pagpadala kay Jonas sa Nineveh
Gintawag sang Dios si Jonas agud magkadto sa siyudad sang Nineveh kag magwali sa mga tawo nga maghinulsol sa ila mga sala. Sa una, wala nagtuman si Jonas kag nagpalagyo siya, pero pinaagi sa paggiya sang Dios, naintindihan niya ang importansya sang pagsunod sa kabubut-on sang Ginoo. Sang nagwali si Jonas sa Nineveh, naghinulsol ang mga tawo kag ginpatawad sila sang Dios. 🕊️✨

Ini nga istorya nagatudlo sa aton nga ang Dios puno sang kaluoy kag handa magpatawad sa tanan nga matuod nga nagahinulsol. Nagapahanumdom man ini sa aton nga dapat kita magsunod sa kabubut-on sang Dios kag magsalig sa Iya plano para sa aton kabuhi. 🙏💖

Kabay pa nga pinaagi sini nga leksyon, matun-an naton ang paghinulsol, pagsunod sa Dios, kag pagpakita sang gugma kag pagpasaylo sa isigkatawo. 🌹

✨ Day 17 sang Summer Catechesis 2026 ✨Sa ikanapulo kag pito nga adlaw sang aton Summer Catechesis, isa ka mabinungahon k...
16/05/2026

✨ Day 17 sang Summer Catechesis 2026 ✨

Sa ikanapulo kag pito nga adlaw sang aton Summer Catechesis, isa ka mabinungahon kag balaan nga tion ang nabatyagan sang tanan samtang ginhiwat ang pagkumpisal sang mga kabataan bilang preparasyon sa ila una nga pagbaton sang Balaan nga Lawas ni Kristo. 🙏✨

Pinaagi sa Sakramento sang Kumpisal, ginatudluan ang mga kabataan sang importansya sang paghinulsol, pag-ako sang sala, kag pagbaton sang kapasayloan kag gugma sang Dios. Isa ini ka matahum nga tikang sa pagpalapad sang ila pagtuo kag relasyon sa Ginoo. 💖

Sa ila una nga pagbaton sang Balaan nga Komunyon, puno sang kalipay kag himpit nga pagpasalamat tungod kay nabaton nila si Hesus sa Balaan nga Eukaristiya. Ini nga espesyal nga okasyon nagapahanumdom sa tanan sang gahom sang pagtuo, pagpangamuyo, kag pagtuo sa presensya ni Kristo sa aton kabuhi. 🌸📖

Madamo gid nga salamat Rev. Fr. Andromel Ambag, katekista, ginikanan, kag sa tanan nga nagbulig agud mangin malinong, balaan, kag madinalag-on ini nga selebrasyon. Kabay pa nga ang sini nga eksperyensya magapabilin sa tagipusuon sang mga kabataan kag mangin giya nila sa padayon nga pagtuo kag paghigugma sa Dios. 🌸

🌸✨ Day 15 | Flores de Mayo kag Summer Catechesis ✨🌸Padayon nga puno sang kalipay kag pagtuo ang aton ika-katorse nga adl...
16/05/2026

🌸✨ Day 15 | Flores de Mayo kag Summer Catechesis ✨🌸

Padayon nga puno sang kalipay kag pagtuo ang aton ika-katorse nga adlaw sang Flores de Mayo kag Summer Catechesis sa Kapilya ni San Jose, Bana ni Maria. 🙏💐 Ang mga kabataan kag sa paggiya sang mga katekista padayon ang pagtuon sang Pulong sang Dios kag sa pagdayaw kay Birhen Maria pinaagi sa pag-ampo kag makahulugan nga mga aktibidad. 💛

📖 Pahinungod sa Istorya sang Biblia: Ang Paghukom ni Solomon (The Judgement of Solomon)
Si Haring Solomon kilala sa iya kaalam nga halin sa Dios. May duha ka babayi nga nagaangkon nga sila ang matuod nga iloy sang isa ka lapsag. Agud mahibaluan ang kamatuoran, naghatag si Solomon sang isa ka pagsulay nga nagpahayag sang matuod nga gugma sang iloy. Paagi sa iya kaalam, nahibaluan niya kon sin-o ang matuod nga iloy sang bata. 👑✨

Ini nga istorya nagatudlo sa aton sang importansya sang kaalam, hustisya, kag matuod nga paghigugma. Nagapahanumdom man ini nga ang Dios nagahatag sang kaalam sa mga nagapangayo kag nagasalig sa Iya. 🙏💖

Kabay pa nga pinaagi sini nga leksyon, matun-an naton ang mangin matarong, maalam, kag mapinalanggaon sa aton isigkatawo sa tagsa ka adlaw.

15/05/2026

✨ Day 15 sang Summer Catechesis 2026 ✨

Sa ikanapulo kag lima nga adlaw sang aton Summer Catechesis, padayon sa gihapon nga puno sang kalipay kag mabinungahon ang pagtililipon sang kabataan samtang nagadugang ang ila ihibalo kag pagtuo sa Ginoo. Pinaagi sa mga pangamuyo, leksyon, saot, kanta, kag mga aktibidad nga mas nagabutong sa ila palapit pa gid sa Dios kag sa simbahan. 🙏

Sa sini nga adlaw, ginpahanumdom sa mga kabataan ang importansya sang maayo nga kabubut-ot, pag gamit sang kaalam sa husto nga pamaagi, pagrespeto, kag pagpakita sang gugma sa pamilya kag komunidad.

Isa gid ka gahigayunan para sa mga katekista kag ilabi na sa mga ginikanan nga makita ang ila mga kabataan nga aktibo nga naga partisipar sa mga aktibidades, makita man ang pagbinuligay, pagpalangga kag kalipay sa tagsa ka mga hilikuton✨

Address

Mawang Candelaria Tapaz Capiz
Roxas City
5814

Telephone

+639270784283

Website

Alerts

Be the first to know and let us send you an email when St. Joseph Husband of Mary Chapel - Sitio Mawang, Tapaz Capiz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category