05/10/2026
๐๐๐ ๐ ๐ฎ๐ง๐ข๐ญ๐ ๐ค๐๐ฒ ๐๐๐ง๐ญ๐ ๐
๐๐ฎ๐ฌ๐ญ๐ข๐ง๐ ๐๐จ๐ฐ๐๐ฅ๐ฌ๐ค๐ | ๐๐ค๐ญ๐ฎ๐๐ซ๐ ๐, ๐๐๐๐
Si Santa Faustina Kowalska ay isinilang bilang Helena Kowalska, ang ikatlo sa sampung magkakapatid, sa isang simpleng pamilya sa Poland. Bata pa lamang siya, malapit na ang kanyang puso sa Diyos. Mahilig siyang manalangin, masunurin sa kanyang mga magulang, at may malasakit sa mga taong nakararanas ng paghihirap.
Matagal nang nararamdaman ni Helena ang tawag ng Diyos na maglingkod bilang isang madre. Ngunit hindi ito agad pinayagan ng kanyang mga magulang. Sinubukan niyang mamuhay tulad ng ibang kabataan, ngunit hindi nawala sa kanyang puso ang paghahanap sa Diyos. Isang araw, habang nasa isang sayawan, nakaranas siya ng isang malalim na karanasan kay Hesus. Sa kanyang panalangin, narinig niya ang paanyaya na pumunta sa Warsaw at pumasok sa isang kumbento. Kahit wala siyang kasamang iba at tanging suot lamang niya ang kanyang damit, nagpunta siya at buong tapang na hinanap ang kanyang bokasyon.
Hindi naging madali ang kanyang paglalakbay. Ilang kumbento ang tumanggi sa kanya bago siya tuluyang tinanggap ng Sisters of Our Lady of Mercy. Doon niya natanggap ang pangalang Sister Maria Faustina of the Blessed Sacrament. Sa kumbento, hindi naman siya gumawa ng mga bagay na kapansin-pansin sa mundo. Naging kusinera siya, hardinera, at tagabantay ng kumbento. Sa mga simpleng gawaing ito, patuloy niyang minahal at pinaglingkuran ang Diyos.
Sa kanyang pananalangin, nakaranas si Santa Faustina ng mga pagpapakita at mensahe mula kay Hesus tungkol sa Banal na Awa ng Diyos. Isinulat niya ang mga ito sa kanyang talaarawan, na naging daan upang mas makilala ng maraming tao ang mensaheng: ang awa ng Diyos ay laging bukas para sa atin. Mula rito, lumaganap ang debosyon sa Divine Mercyโang larawan ni Hesus na may mga sinag na p**a at bughaw, ang Chaplet of Divine Mercy, ang Divine Mercy Sunday, at ang pagninilay sa oras ng kamatayan ni Hesus.
Pumanaw si Santa Faustina noong Oktubre 5, 1938, sa edad na 33. Makalipas ang maraming taon, siya ay idineklarang santo ni Pope John Paul II noong Divine Mercy Sunday noong 2000. Ang buhay ni Santa Faustina ay nagpapaalala sa atin na hindi kailangang maging dakila sa paningin ng mundo upang maging instrumento ng Diyos. Sa simpleng pamumuhay, pananalangin, at pagtitiwala, maaari nating maipadama sa iba ang Kanyang awa.
