29/09/2026
𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧, 𝐒𝐚𝐧 𝐑𝐚𝐟𝐚𝐞𝐥 𝐀𝐫𝐤𝐚𝐧𝐠𝐡𝐞𝐥!
“𝗞𝗮𝘀𝗮𝗺𝗮 𝘀𝗶 𝗦𝗮𝗻 𝗥𝗮𝗳𝗮𝗲𝗹: 𝗚𝗮𝗯𝗮𝘆 𝗻𝗮 𝗧𝘂𝗻𝗮𝘆, 𝗞𝗮𝗹𝗶𝗻𝗴𝗮𝘆 𝗪𝗮𝗹𝗮𝗻𝗴 𝗛𝘂𝗺𝗽𝗮𝘆.”
𝙿𝚊𝚗𝚊𝚕𝚊𝚗𝚐𝚒𝚗 𝚔𝚊𝚢 𝚂𝚊𝚗 𝚁𝚊𝚏𝚊𝚎𝚕 𝙰𝚛𝚔𝚊𝚗𝚐𝚑𝚎𝚕
Dakilang Arkanghel San Rafael, tagapaghatid ng kagalingan at gabay sa aming paglalakbay sa buhay, kami ay buong kababaang-loob na dumudulog sa iyo.
Ingatan mo po kami laban sa sakit at pagkalooban ng mabuting kalusugan ang aming katawan, isip, at kaluluwa. Sa gitna ng aming mga suliranin, patatagin mo po ang aming pag-asa at pananampalataya sa Ama.
Ipanalangin mo po ang aming mga pamilya: pagbuklurin ang mga mag-asawa, paghilumin ang mga sugatang ugnayan, at panatilihin mo kaming naka-ugat sa pag-ibig ng Diyos.
San Rafael Arkanghel, pawiin mo po ang aming takot, pag-aalinlangan, at kapalaluan, at ihandog sa Ama ang aming mga kahilingan, lalong-lalo na ang aming ipinagdarasal:
Ito ang aming samot dalangin sa pamamagitan ni Hesukristo, kasama ng Espiritu Santo, magpasawalang hanggan. Amen.
San Rafael Arkanghel, ipanalangin mo kami!
