UCCP Canaan East

25/05/2026

𝐋𝐈𝐍𝐆𝐆𝐎 𝐍𝐆 𝐏𝐀𝐆𝐊𝐈𝐋𝐀𝐋𝐀 𝐒𝐀 𝐌𝐆𝐀 𝐈𝐍𝐀
Mother’s Sunday Celebration - Mayo 24, 2026

Tagapagsalita: 𝐌𝐝𝐦. 𝐇𝐚𝐧𝐧𝐚𝐡 𝐌𝐚𝐫𝐢𝐞 𝐎. 𝐁𝐚𝐮𝐭𝐢𝐬𝐭𝐚

Isang mapagpalang pagdiriwang bilang pagkilala at pasasalamat sa mga ina na naging katuwang ng Diyos sa pag-aaruga, pagmamahal, at paggabay sa pamilya. 🌷
Sama-samang nagpuri, nagpasalamat, at nagbigay-pugay sa kabutihan at sakripisyo ng bawat ina.

Taos-pusong pasasalamat din kay Sis. Honesta Rillon sa ipinagkaloob na mga token para sa ating mga ina bilang pagpapadama ng pagmamahal at pagpapahalaga sa kanila. 💖

24/05/2026

16/05/2026

12/05/2026

Dancing with joy and faith as we celebrate 𝙑𝘾𝙎 2026 at 𝘾𝙖𝙣𝙖𝙖𝙣 𝙀𝙖𝙨𝙩 𝙇𝙤𝙘𝙖𝙡 𝘾𝙝𝙪𝙧𝙘𝙝
“𝘈𝘬𝘰 𝘢𝘺 𝘒𝘢𝘸𝘢𝘯𝘨𝘪𝘴 𝘯𝘨 𝘋𝘪𝘺𝘰𝘴”
every step, every smile, para sa Panginoon!🤍

No copyright infringement intended. Music belongs to the rightful owner. Used for church and inspirational purposes only. 🎶🙏

11/05/2026

𝐕𝐂𝐒 𝟐𝟎𝟐𝟔 𝐆𝐑𝐀𝐃𝐔𝐀𝐓𝐈𝐎𝐍 𝐃𝐀𝐘🎓

𝐏𝐀𝐑𝐓 𝟐

11/05/2026

𝐕𝐂𝐒 𝟐𝟎𝟐𝟔 𝐆𝐑𝐀𝐃𝐔𝐀𝐓𝐈𝐎𝐍 𝐃𝐀𝐘 😇
𝐌𝐀𝐘 𝟏𝟎, 𝟐𝟎𝟐𝟔

Hindi lang ito pagtatapos ng isang Vacation Church School, ito ay patunay na sa murang edad, may mga pusong hinuhubog ng Diyos upang maging liwanag sa mundong puno ng dilim.

Sa pagtatapos ng aming 𝙑𝙖𝙘𝙖𝙩𝙞𝙤𝙣 𝘾𝙝𝙪𝙧𝙘𝙝 𝙎𝙘𝙝𝙤𝙤𝙡 na may temang “𝗔𝗸𝗼 𝗮𝘆 𝗞𝗮𝘄𝗮𝗻𝗴𝗶𝘀 𝗻𝗴 𝗗𝗶𝘆𝗼𝘀", tunay na hindi sapat ang salita upang ipahayag ang saya at pasasalamat na aming nararamdaman. Sa bawat awit, kwento, aralin, laro, at panalangin, nakita namin kung paano kumilos ang Panginoon sa buhay ng bawat bata. Hindi lamang kaalaman ang kanilang natutunan, kundi ang mas mahalagang katotohanan na sila ay nilikha ng Diyos na may halaga, pagmamahal, at layunin🙌🏼.

📖: “At nilalang ng Dios ang tao ayon sa kaniyang sariling larawan, ayon sa larawan ng Dios siya nilalang; nilalang niya sila na lalake at babae.”

Una sa lahat, lahat ng papuri at pasasalamat ay sa ating Panginoong Diyos na siyang naging sentro ng VCS na ito. Siya ang nagbigay ng lakas, karunungan, proteksyon, at walang sawang biyaya sa bawat araw ng aming pag-aaral.

Maraming salamat sa aming masisipag at mapagmahal na mga g**o na naging instrumento upang maihatid ang Salita ng Diyos sa puso ng mga bata. Sa mga magulang, maraming salamat sa inyong tiwala, suporta, at patuloy na paggabay sa inyong mga anak upang lumaking may takot at pagmamahal sa Diyos.

Lubos din po kaming nagpapasalamat kay 𝗠𝗱𝗺. 𝗘𝘂𝗻𝗶𝗰𝗲 𝗗𝗶𝗮𝗻𝗲 𝗠. 𝗗𝘂𝗰𝘂𝘀𝗶𝗻, ang aming naging guest speaker. Maraming salamat po sa inyong makabuluhang mensahe, inspirasyon, at pagbabahagi ng Salita ng Diyos na tunay na nagbigay lakas at aral hindi lamang sa mga bata kundi maging sa lahat ng nakinig.

Maraming salamat din sa mga naglaan ng pagkain at pameryenda, sa aming mga panauhin, sponsors, volunteers, at sa lahat ng sumuporta sa anumang paraan, malaki po ang naging bahagi ninyo upang maging matagumpay ang VCS na ito.

Sa aming mga batang dumalo, nawa’y manatili sa inyong puso ang lahat ng aral na inyong natutunan. Lagi ninyong tandaan: kayo ay mahalaga dahil kayo ay kawangis ng Diyos.🤍

10/05/2026

𝐃𝐀𝐘 𝟒 | 𝐕𝐂𝐒 𝟐𝟎𝟐𝟔😇
𝐌𝐀𝐘 𝟗, 𝟐𝟎𝟐𝟔

Sa last day ng aming 𝘝𝘢𝘤𝘢𝘵𝘪𝘰𝘯 𝘊𝘩𝘶𝘳𝘤𝘩 𝘚𝘤𝘩𝘰𝘰𝘭 2026 sa 𝘊𝘢𝘯𝘢𝘢𝘯 𝘌𝘢𝘴𝘵 𝘓𝘰𝘤𝘢𝘭 𝘊𝘩𝘶𝘳𝘤𝘩 na may temang “𝗔𝗸𝗼 𝗮𝘆 𝗞𝗮𝘄𝗮𝗻𝗴𝗶𝘀 𝗻𝗴 𝗗𝗶𝘆𝗼𝘀", puno po ng pasasalamat ang aming mga puso sa lahat ng naging bahagi ng makabuluhang paglalakbay na ito. Sa loob ng ilang araw, maraming bata ang natuto hindi lamang sa mga kwento sa Biblia kundi pati sa tunay na kahulugan ng pagmamahal, kabaitan, paggalang, pagpapatawad, at paglilingkod sa kapwa bilang mga kawangis ng Diyos🙌🏼.

Masayang makita ang bawat ngiti, pakikilahok, at pagbabago sa puso ng mga bata habang sila ay natututo tungkol sa kabutihan ng Panginoon. Nagpapasalamat din kami sa mga magulang na nagtiwala at sumuporta, sa mga teachers, youth, volunteers, at sa lahat ng tumulong upang maging matagumpay ang VCS 2026.🤍

Nawa’y manatili sa puso ng bawat bata ang mga aral na kanilang natutunan at magamit nila ito sa araw-araw na pamumuhay. Hindi man dito nagtatapos ang aming pag-aaral, naniniwala kami na ito pa lamang ang simula ng mas matibay na pananampalataya at mas mabuting pagkatao para sa bawat isa.

09/05/2026

𝐃𝐀𝐘 𝟑 | 𝐕𝐂𝐒 𝟐𝟎𝟐𝟔😇
𝐌𝐀𝐘 𝟖, 𝟐𝟎𝟐𝟔

Sa ikatlong araw ng aming Vacation Church School 2026 sa Canaan East Local Church
na may temang: “𝗔𝗸𝗼 𝗮𝘆 𝗞𝗮𝘄𝗮𝗻𝗴𝗶𝘀 𝗻𝗴 𝗗𝗶𝘆𝗼𝘀", patuloy naming nasaksihan ang saya, pagkakaisa, at pagmamahal ng bawat batang dumadalo. Sa bawat awitan, kwentuhan, gawain, at aral na aming natutunan, mas lalo naming naunawaan na tayong lahat ay nilikha ng Diyos na may kabutihan, kakayahan, at pusong marunong magmahal.

Nakakatuwang makita ang mga bata na mas lumalapit sa Diyos habang natututong makisama, tumulong, at magbahagi ng kanilang mga ngiti at talento sa isa’t isa. Hindi man perpekto ang bawat araw, naging espesyal ito dahil sama-sama naming ipinapakita na ang bawat isa ay mahalaga at tunay na kawangis ng Diyos.

Taos-puso rin po kaming nagpapasalamat sa lahat ng mga magulang na nagtitiwala at sumusuporta sa aming gawain. Maraming salamat sa inyong pag-aalaga, paghatid, panalangin, at walang sawang suporta para sa mga bata. Gayundin sa mga teachers, volunteers, sponsors, at sa lahat ng tumutulong sa likod ng programang ito, malaking biyaya po kayo sa amin.