Lingkod Kabataan ng Simbahan - ADELA

Lingkod Kabataan ng Simbahan - ADELA Religious Organization

25/06/2026

Daily Verse | Matthew 7:23, RSV

'Then I will tell them plainly, 'I never knew you. Away from me, you evildoers!
- Matthew 7:23, RSV

May bestfriend ako na matagal ko nang kaibigan. Hindi kami yung tipong araw-araw na naguusap. Minsan aabutin pa ng ilang araw bago magreply. Madalang din kaming magkita.

Pero nakakatuwa kasi kapag nagkita kami ulit, parang walang nagbago. Walang awkward na “dka marunong magreply noh?” Tuloy lang ang tawanan, kwentuhan, at asaran. Kahit hindi kami laging nagkakausap, alam naming nandyan pa rin kami para sa isa’t isa.

Narealize ko tuloy na hindi lahat ng relationship nasisira dahil lang sa distansya. May mga relationship na matatag dahil may connection pa rin kahit hindi laging nagkikita. Hindi katulad ng iba dyan, “Napagod” daw. Eme.

Pero iba rin kapag relationship na natin kay Lord. Kasi sa Kanya, hindi sapat yung “okay lang yan, Lord, alam Mo naman mahal Kita kahit hindi tayo naguusap.” Syempre kailangan pa rin nating maglaan ng oras para sa Kanya. At sa totoo lang, hirap din ako minsan.

Nagdadaily Mass ako sa Cathedral, pero hindi ibig sabihin nun na lagi akong focused. Minsan habang naghohomily si Father, may sarili nang buhay yung isip ko. Minsan nga yung malaking electric fan sa kisame ang kalaban ko.

Habang ongoing ang Mass, ang nasa isip ko, “Matibay naman siguro yung turnilyo niyan no?” “Malalaglag kaya yan?” “Lipat kaya ako upuan? Para kapag nalaglag edi safe ako”

Minsan naman, nakatingin lang ako sa altar pero yung utak ko nasa ibang planeta na, minsan sa pagkain, o kaya sa isa dyan na matagal magreply. Ay mali.

Narealize ko na normal lang palang mahirapang magfocus. Hindi lang sa pagdarasal. Hindi lang sa Misa. Pati nga sa klase e.

May mga panahon din na ganado tayong magdasal, magbasa ng Bible, magsimba, at magserve. Pero pagkatapos ng ilang araw o linggo, bumabalik na naman tayo sa dating routine. Nagiging busy. Napapagod. Nawawalan ng gana.

At minsan naiisip natin, “Nakakahiya naman kay Lord. Paulitulit na lang akong pabalikbalik.” Pero ang magandang balita, hindi sumusuko ang Diyos sa atin.

Hindi naghahanap si Lord ng taong perfect magdasal. Ang gusto Niya ay yung taong kahit paulitulit nadidistract, pinipili pa ring lumapit sa Kanya.

Kasi ang tunay na pagmamahal ay hindi nasusukat sa kung gaano ka katagal nakafocus. Minsan nasusukat din ito sa kung ilang beses kang bumabalik. Ako nga ginawa kong lima ang second chance e☺️

Kelan mo huling binigyan si Lord ng buong atensyon mo?

-nonefromtheabove



24/06/2026

Daily Reflection | Isaiah 49:1

“The Lord called me before my birth; from within the womb He called me by name.”
— Isaiah 49:1, NLT

Alam nyo nakakalungkot din minsan. Kapag mga kalokohan ang pinopost ko, ang daming react. Minsan ilang minuto pa lang, may haha, tas may nakacomment na agad. Pero kapag Biblical reflection, parang hirap na hirap pa kayong magheart e noh? Joke lang.

Minsan nga iniisip ko rin, “May nagbabasa pa ba nito?” Kasi aminin natin, nakakadiscourage din kaya noh kapag naglaan ka ng oras magsulat tapos parang walang nakakapansin.😞

Pero habang ginagawa ko ito may na realized ako. Syempre dapat lang noh.

Ganito rin siguro minsan ang buhay natin noh? Madalas nating sukatin ang halaga ng isang bagay base sa dami ng pumapansin.

Kapag maraming likes, feeling natin may value. Kapag maraming react, feeling natin may impact. Kapag kaunti lang, feeling natin wala nang kwenta. Kapag hindi hineart ni crush ang story, hindi ka na agad maganda?

Pero hindi ganun tumingin ang Diyos.
“The Lord called me… by name.”
-Isaiah 48:1

Hindi Niya ako tinawag dahil sikat ako. Hindi Niya ako tinawag dahil maraming tao ang pumapansin sa akin. Hindi Niya ako tinawag dahil marami akong achievements. Tinawag Niya ako dahil kilala Niya ako.

At siguro iyon din ang kailangan nating marinig ngayon. Hindi nakabase ang halaga natin sa dami ng likes, followers, o reactions na natatanggap natin. Hindi rin nakabase ang halaga natin sa opinyon ng ibang tao.

Kasi bago pa tayo mapansin ng mundo, kilala na tayo ng Diyos. Bago pa tayo magkaroon ng pangalan sa social media, tinawag na Niya tayo sa pangalan natin.

Kaya kung minsan pakiramdam mo walang nakakakita sa effort mo, walang nakakaappreciate sa ginagawa mo, o parang walang nakakapansin sa’yo, tandaan mo.

May Diyos na nakakakita. May Diyos na nakakaalam. At may Diyos na tumatawag
sayo sa pangalan mo.

At para sa mga nagbabasa nito, paheart naman po, hehe. Hindi para sumikat noh. Gusto ko lang malaman kung may gising pa, hihihi.

At syempre hindi ko dapat makalimutan. Ang tanong for today ay…

Kung walang nakakakita at walang papuri mula sa ibang tao, magpapatuloy ka pa rin ba sa paggawa ng mabuti?

-nonefromtheabove



21/06/2026

Daily Reflection | Matthew 10:30

“Even all the hairs of your head are counted.”
-Matthew 10:30

May mga tao talagang nagiiwan ng marka sa buhay ng iba. Hindi dahil sikat sila o may mataas na posisyon, kundi dahil pinili nilang magmahal, magpakabuti, maglingkod, at tumulong sa abot ng kanilang makakaya.

Nitong mga nakaraang araw, habang nakikiramay ang mga tao sa pagpanaw ng lola ko, mas lalo kong nakita kung gaano kalawak ang buhay na naabot niya. Bilang kapitana sa aming barangay, marami siyang natulungan. Bilang isang aktibong miyembro ng simbahan, marami rin siyang napagsilbihan. At bilang sumusuporta sa mga programa ng LIKAS, at ng aming parokya, lagi siyang handang magbigay kapag may mga kailangan.

Habang dumarami ang mga dumadalaw, nagkukuwento, at nagaalay ng dasal para sa kanya, iniisip ko. Hindi pala nasusukat ang halaga ng isang tao sa pera, posisyon, o mga nagawa niya para sa sarili. Minsan mas nakikita ito sa dami ng taong natulungan niya at nagmamahal sa kanya.

“Even all the hairs of your head are counted.”

Kung pati bilang ng buhok natin ay alam ng Diyos, mas lalo Niyang alam ang bawat kabutihang nagawa natin kahit walang nakakakita. Alam Niya ang bawat pagkakataong tumulong tayo, nagbigay tayo, o naging mabuti tayo sa kapwa.

“Not all of us can do great things. But we can do small things with great love.”
-St. Teresa of Calcutta (Mother Teresa)

Sa tingin ko, yun ang isa sa mga bagay na nakita ko sa buhay ng lola ko. Hindi nya kailangan ng malaking pagkilala. Ang mahalaga sa kanya ay makatulong sa kapwa at makapaglingkod sa Diyos. At ngayon, ang pagmamahal na ipinakita niya noon ay bumabalik sa pamamagitan ng mga taong nagmamahal at nagdarasal para sa kanya.

Nakakalungkot man ang kanyang pagkawala, pero masaya kami kasi nakapag pahinga na sya. Wala ng sakit. Ang isang buhay na ginugol sa paglilingkod at pagmamahal ay hindi basta nakakalimutan. Naiiwan ito sa mga taong natulungan, sa komunidad na kanyang pinaglingkuran, at sa mga pusong nakaranas ng kanyang kabutihan at pagmamahal.

Kapag dumating ang panahon na maalala tayo ng ibang tao, ano kaya ang maikukuwento nila tungkol sa kung paano tayo namuhay at nagmahal?

-nonefromtheabove

Please continue to pray for the eternal repose of the soul of my beloved Lola, Marilyn Pascua. May the Lord, whom she faithfully served throughout her life, welcome her into His loving embrace and grant her everlasting peace.

We also ask for your prayers for the family as we grieve her passing. Maraming salamat po sa lahat ng nakikiramay, nag-aalay ng dasal, at nagpapakita ng pagmamahal sa kanyang pamilya.



18/06/2026

Daily Verse | Matthew 6:10

“Your will be done, on earth as in heaven.”
— Matthew 6:10

Madalas gusto nating kontrolado ang lahat. May plano tayo, may timeline tayo, at may mga bagay tayong gustong mangyari. Pero hindi naman laging ganoon ang takbo ng buhay.

Kumbaga sabi nga ng iba “go with the flow,” pero hindi lang basta pagsabay sa agos. Bilang Kristiyano, ang ibig sabihin nito ay matutong sumabay sa direksyon na ibinibigay ng Diyos. Hindi natin alam ang lahat ng mangyayari, pero nagtitiwala tayo na may dahilan Siya sa bawat liko ng ating buhay.

Hindi ibig sabihin na titigil na tayong mangarap o gumawa ng paraan. Gagawin pa rin natin ang best natin, pero handa rin tayong tanggapin kapag iba ang naging sagot ng Diyos.

Minsan, mas nagiging magaan ang buhay kapag hindi natin pinipilit ang sarili nating plano at natututo tayong magtiwala sa plano Niya.

Pero ang tanong, handa ba tayong magtiwala sa plano ng Diyos, kahit iba ito sa plano natin??



Address

Adela
Rizal
5103

Telephone

+639487175259

Website

Alerts

Be the first to know and let us send you an email when Lingkod Kabataan ng Simbahan - ADELA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category