24/03/2020
John 5:1-16
Libo-libo ka mga tawo ang gikaltasan sa kinabuhi. Milyon-milyon ka mga tawo ang mga naapektuhan. Ug bilyon-bilyon ka mga tawo ang nahasi ug nabalaka kaayo sa tibook kalibutan karong panahuna tungod lang sa usa ka matang sa sakit. Daghang mga hugon-hugon nga namugna, nga daw kini usa ka manipulado nga virus aron sa pagpakunhud sa kadaghanun sa mga tawo, ang uban pod nag ingon nga kini usa ka pamaagi aron paggun-ob sa usa ka nasud, ang uban nag ingon nga kini usa ka silot gikan sa kina-iyan kanatong mga katawhan, ang uban pod nag ingon, nga aron kita mahikamata sa tinood nga kinabuhi. Kini mga huna –huna ug pawing mga panglantaw lamang pero adunay posibilidad. Apan ang tinood nga anaa karon taliwala kanato nga angayan natung atubangon? Mao nga adunay virus (covid2019) nga maskin bisan unsang orasa, adlawa, taknaa o dapita pwede ta mahimong biktima. Kini ang angayan natung aksyunan, unsaon pag-undang dili ang hinungdan. Unsaon pag-alim dili ang pag blame.
Sa atong Ebanghelyo karon, nakita ug giayo ni Hesus ang usa ka masakiton nga tawo nga kini nag masakiton sulod sa 38 ka tuig. Walay imposible sa Ginoo kung kita mudangop lamang kaniya. Tinood adunay panahon nga kita sulayon, sakiton, ug mag-antos apan ang Ginoo kanunay naghatag nato ug oportunidad nga kita makapadayag sa atong mga panginahanglan ngadto kaniya. Si Hesus mingon: “Gusto kaba nga mamaayo”? ang Ginoo kanunay nga naglantaw, nagpakabana ug nag atiman kanato. Pero wiling bata nga mubarog, pas-anon ang atong banig ug mulakaw. Wiling bata mo cooperate sa Ginoo aron kita mamaayo? Nga usahay gani dili ta kasunod sa DOH o sa Gobyerno sa polisiya nga “self-quarantine” ug “social distancing”.
Sa panahon nato karon, sa crisis, sa kagubot, sa kabalaka, sa kasakit, sa kagool ug kahadlok. Are we aware that God is with us? That God cares us? That God protects us and God loves us? And are we willing to do the same to others kung unsa ang gibuhat sa Ginoo kanato? Nasayud bata nga ang Ginoo usahay maghimo kanato nga instrumento sa pag-atiman sa uban, sa pagtabang sa uban, sa paghupay sa uban ug pagdasig sa uban. Dili lang unta ta maghuna-huna sa atong kaugalingon para maluwas kundili para muluwas sa uban. Pamalandong Kini ni Bro. Rogie Edusma smt seminarian
