21/07/2026
๐๐๐
๐๐๐๐๐๐๐๐ ๐๐ ๐๐๐๐๐ ๐๐๐๐๐ ๐๐๐๐๐๐๐๐๐
July 22 2026
๐๐๐
๐๐๐๐๐๐๐๐ ๐๐ ๐๐๐๐๐ ๐๐๐๐๐ ๐๐๐๐๐๐๐๐๐
July 22 2026
๐๐ก๐ข๐ง ๐ก๐ ๐๐๐๐๐ฆ๐๐๐ข๐ก
๐ ๐ด๐ฎ ๐๐๐ถ๐ ๐ป๐ถ ๐ฆ๐ผ๐น๐ผ๐บ๐ผ๐ป ๐ฏ : ๐ญ โ ๐ฐ
Barubanggi, sa sakong higdaan, napapangatorogan ko an sakong namomotan; hinanap ko siya, alagad dai ko nakua. Linibot ko an bilog na ciudad, an mga tinampo asin an mga plaza kaiyan. Hinanap ko an sakong namomotan. Hinanap ko siya, alagad dai ko nakua. Nahiling ako kan mga bantay na naglilibot sa ciudad. Hinapot ko sinda: โNanumpongan na nindo an sakong namomotan?โ Pakabayae ko sainda, nakua ko siya. Kinapotan ko siya asin dai ko binutasan sagkod na madara ko siya sa harong nin sakong ina, sa cuarto na sakong namundagan.
๐ป๐๐๐๐๐๐๐๐ ๐๐๐ ๐ฒ๐๐๐๐๐๐๐๐๐๐.
๐ฆ๐๐๐ ๐ข ๐ฅ๐๐ฆ๐ฃ๐ข๐ก๐ฆ๐ข๐ฅ๐๐๐
๐ฆ๐ฎ๐น๐บ๐ผ ๐ฒ๐ฏ : ๐ฎ, ๐ฏ โ ๐ฐ, ๐ฑ โ ๐ฒ, ๐ด โ ๐ต
๐บ๐๐๐๐๐: โ๐๐ป ๐๐ฎ๐ธ๐ผ๐ป๐ด ๐ธ๐ฎ๐น๐ฎ๐ด ๐ป๐ฎ๐ฝ๐ฎ๐ฝ๐ฎ๐ต๐ฎ ๐ฆ๐ฎ๐ถ๐บ๐ผ, ๐๐ฎ๐ด๐๐ฟ๐ฎ๐ป๐ด๐ป๐ฎ๐ป ๐ธ๐ผ๐ป๐ด ๐๐ถ๐ผ๐.โ
Magpahiling ka sako sa santuario; pahilingan sako an saimong kapangyarihan asin kamurawayan . . .
Huli ta mas marahay pa ki sa buhay an danay mong pagkamoot, kaya oomawon ka kan sakong ngoso. Pasasalamatan taka mantang buhay ako; iitaas ko an sakong mga kamot asin aapodon ko an saimong ngaran. . .
Magka-kakan an sakong kalag asin mababasog; maogmang mag-aawit ako nin pag-omaw saimo. Mantang naghihigda ako, nagigiromdoman taka; bilog na banggi ika sana an sakong iniisip. . .
Dayupot saimo an sakong kalag, inaataman ako kan too mong kamot. Alagad an mga nagmamawot na gadanon ako mahuhulog sa kairaroman nin daga. . .
๐๐ฉ๐๐ก๐๐๐๐๐ข
๐๐๐ฎ๐ป ๐ฎ๐ฌ : ๐ญ โ ๐ฎ, ๐ญ๐ญ โ ๐ญ๐ด
๐๐๐๐ง๐ค๐ ๐ฎ๐๐ฌ: Alleluia! Sabihi kami Maria, ano an nahiling mo sa dalan? Nahiling ko an kamurawayan ni Cristo na nabuhay liwat, nahiling ko an saiyang lolobngan daing laog. Alleluia!
Madurudiklom pa kan Domingong aga, nagduman na si Maria Magdalena sa lolobngan. Nahiling niyang hinale na an gapong isinara sa pintoan kan lolobngan. Nagdalagan siya pasiring ki Simon Pedro asin sa disipulo na padangat ni Jesus saka nagsabi: โKinua ninda sa lolobngan an Kagurangnan; dai mi aram kun saen ninda siya ibinugtak!โ Nagtindog na nagtatangis si Maria sa luwas kan lolobngan, asin mantang nagtangis, duminuko siya tanganing maghiling sa laog kan lolobngan. Nakahiling siya nin duwang anghel na nakaputi, nagtutukaw sa dating namugtakan kan bangkay ni Jesus: saro sa pamayohan asin saro sa pamitisan. Hinapot siya kan mga anghel: โBabae, tadaw ta nagtatangis ka?โ Nagsimbag siya: โHuli ta kinua ninda an sakong Kagurangnan asin dai ko aram kun saen ninda siya ibinugtak!โ Pakataram kaini, nagsalingoy siya asin nahiling niya si Jesus na nagtitindog duman; alagad dai niya aram na si Jesus idto. Hinapot siya ni Jesus: โBabae, tadaw ta nagtatangis ka? Si isay an hinahanap mo?โ Sa paghona na siya an hardinero, nagsabi si Maria saiya: โKun kinua mo siya, sabihi ako kun saen mo siya ibinugtak ta kukuahon ko siya.โ Nagsabi si Jesus: โMaria!โ Nag-atubang siya ki Jesus dangan nagsabi sa tataramon na Hebreo: โRabboni!โ (an kahulugan kaini: โMaestroโ). Sinabihan siya ni Jesus: โDai mo ako pagkapotan ta dai pa ako nakakasakat duman sa sakong Ama. Alagad dumuman ka sa mga tugang ko asin sabihan mo sinda na masakat na ako duman sa sakong Ama asin saindong Ama, sa sakong Dios asin saindong Dios.โ Kaya nagduman si Maria Magdalena dangan sinabihan an mga disipulo na nahiling niya an Kagurangnan. Inosipan ninda siya na an Kagurangnan iyo an nagsasabi saiya kan mga bagay na ini.
๐ด๐๐๐๐๐๐ ๐๐ ๐ฉ๐๐๐๐๐ ๐๐๐ ๐ฒ๐๐๐๐๐๐๐๐๐๐.
