San Andres II, Quezon, Nueva Ecija

24/12/2025

22/12/2025

Ikawalong Misa de Aguinaldo

Habang papalapit tayo sa pagdiriwang ng pagsilang ng Tagapagligtas, makita nawa natin ang kagandahang-loob ng Diyos tulad ni Juan na dakilang Tagapagpakilala kay Hesus.

Mayroon din tayong natatanging misyon sa buhay: ang tanggapin ang Panginoon at ipamalita sa iba ang kanyang kagandahang-loob.

Disyembre 23, 2025
8/9

22/12/2025

Ikapitong Misa de Aguinaldo

Maririnig sa Ebanghelyo ang Awit ng Papuri ni Maria o ang “Magnificat.” Ipinahayag dito ni Maria kung paanong pumaloob ang Diyos sa kasaysayan ng sangkatauhan. Kung paano nilingap at kinahabagan ng Diyos si Maria, gayundin naman ang kanyang gagawin sa atin ang kanyang bayan.

Tayo nawa’y umawit ng ating sariling Magnificat sa ama na patotoo natin sa kagandahang-loob at kapangyarihan ng Diyos sa ating buhay.

Disyembre 22, 2025
7/9

20/12/2025

Ikaanim na Misa de Aguinaldo

Dakilang Ama, sa pagtatapos ng panahon ng Adbiyento, Sinisindihan namin itong kandila ng pag-asa, kapayapaan, kagalakan, at pag-ibig. Pagkalooban mo kami ng lakas ng loob na maibahahi ang iyong pagmamahal.

Lubos kaming nagpapasalamat sa lahat ng pagpapalang tinanggap namin sa pamamagitan ni Kristing aming Panginoon.

Disyembre 21, 2025
6/9

20/12/2025

Ikalimang Misa de Aguinaldo

Ang Misa sa araw na ito ay tinatawag na Missa Aurea o “Ginintuang Misa.” Ang kapistahan, mga titik na ginto, at liwanag ng mga kandila ay mga pagpapahayag ng dakilang biyayang idinulot ng mga salita ng Anghel Gabriel at ng tugon ni Maria.

Ngayon di’y ipahahayag ang simula ng buhay ni Hesus, ang salitang nagkatawang tao.

Disyembre 20, 2025
5/9

18/12/2025

Ikaapat na Misa de Aguinaldo

“Juan” ang pangalan ng magiging anak nina Zacarias at Elizabeth, na ang kahuluga’y “Mapagpala ang Diyos.”

Si Juan ang itinakdang maghahanda ng daraanan ng Panginoon. Magalak tayo at matuwasa biyaya ni Juan sapagkat ang kaligtasan ay tunay ngang nalalapit na.

Disyembre 19, 2025
4/9

18/12/2025

Ikatlong Misa de Aguinaldo

Hinirang si Jose bilang ama ni Hesus dito sa mundo sa pamamagitan ng pagpapahayag ng anghel sa panaginip. Siya ang magiging tagapangalaga ng Banal na Mag-anak. Tinupad ni Jose ang kalooban ng Diyos na kalingain si Maria at ang Dakilang Sanggol.

Manalangin tayong matulad sa pagiging bukas at masunurin ni Jose, upang atin ding matupad ang kalooban ng Diyos sa ating buhay. Amen.

Disyembre 18, 2025
3/9

17/12/2025

Ikalawang Misa de Aguinaldo

Itinatampok sa Ebanghelyo ang talaan ng ninuno ni Hesus. Inilalarawan nito ang pagpasok ni Hesus sa kasaysayan ng tao. Siya ang rurok ng kasaysayan ng Israel — ang Mesiyas nilang hinihintay. Kay Hesus naging ganap ang kahulugan ng kasaysayang ito.

Disyembre 17, 2025
2/9

15/12/2025

Unang Misa de Aguinaldo

Iniaalay natin sa Mahal na Birheng Maria ang siyam na araw ng ating paghahanda para sa pagdating ng pinananabikan nating Mesiyas. Sa ating paghahanda sa darating na pasko, inaanyayahan tayong magpakumbaba.

Nawa’y maging karapatdapat ang ating mga puso na maging sabsaban ni Hesus. Amen

Disyembre 16, 2025
1/9

15/12/2025

Ang lahat po ay inaanyayahang mag-alay ng ating pamaskong handog.

15/12/2025

MISA DE AGUINALDO

Narito po ang schedule ng ating siyam na araw na paghahanda para sa pagsilang ng ating Panginoon.

Disyembre 16, 18-24
5:00 ng umaga

Disyembre 17
4:30 ng hapon