https://www.facebook.com/818402001834960/

Claret Youth Ministry Liwanag, Quezon City (2026)

24/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙩𝙪𝙣𝙖𝙮 𝙣𝙖 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙖𝙮 𝙣𝙖𝙜𝙨𝙞𝙨𝙞𝙢𝙪𝙡𝙖 𝙨𝙖 𝙥𝙪𝙨𝙤𝙣𝙜 𝙢𝙖𝙧𝙪𝙣𝙤𝙣𝙜 𝙢𝙖𝙜𝙥𝙖𝙠𝙪𝙢𝙗𝙖𝙗𝙖 𝙖𝙩 𝙢𝙖𝙜𝙢𝙖𝙝𝙖𝙡 𝙣𝙖𝙣𝙜 𝙬𝙖𝙡𝙖𝙣𝙜 𝙝𝙞𝙣𝙞𝙝𝙞𝙣𝙩𝙖𝙮 𝙣𝙖 𝙠𝙖𝙥𝙖𝙡𝙞𝙩.”

Sa aking paglahok sa Claret Youth Camp, isa sa pinakamahalagang aral na natutunan ko ay ang pagpapakumbaba at kindness. Narealize ko na ang kabutihan ay hindi lamang nagsisimula sa Diyos, kundi dapat din itong magsimula sa ating sarili. Sa pamamagitan ng pagpapakumbaba, mas nagiging bukas tayo sa pagtulong at paggawa ng mabuti sa kapwa nang walang pag-aalinlangan o pagdadalawang-isip.

Isa sa pinaka tumatak sa akin ay ang mga sessions at activities sa camp. Sa bawat sharing, ramdam ko ang bigat at lalim ng kwento ng bawat isa, pero kasabay nito ay ang gaan sa pakiramdam dahil pakiramdam ko hindi ako nag-iisa. Doon ko naunawaan na kahit iba-iba ang aming pinagdadaanan at hamon sa buhay, kami ay pinag-iisa pa rin ng pagmamahal ng Diyos.
Hinubog ako ng camp na ito upang maging mas matatag at mas handang tumugon sa tawag ng paglilingkod. Mas naintindihan ko na ang pagiging lingkod ng Diyos ay hindi lang natatapos sa loob ng simbahan o chapel, kundi sa araw-araw na pagpapakita ng pagmamahal, malasakit, at pag-unawa sa bawat taong aking makakasalamuha, lalo na sa mga nangangailangan.

Dahil sa mga natutunan at karanasang ito, mas lalong nag-alab ang aking puso sa kagustuhang maglingkod nang buong puso. Napagtanto ko na hindi ako nag-iisa sa misyong ito—marami kaming magkakasama na may iisang layunin: ang maging kamay at paa ng Panginoon dito sa mundo.

Ang baon kong liwanag mula sa Claret Youth Camp ay ang pag-asa at pagmamahal. Pag-uwi ko sa aming parokya, dala ko ang liwanag na ito upang maging inspirasyon din sa ibang kabataan na magpatuloy sa paggawa ng kabutihan at paglilingkod sa Diyos at sa kapwa.

𝗣𝗵𝗶𝗹𝗶𝗽 𝗔𝗻𝘁𝗵𝗼𝗻𝘆 𝗔𝘆𝗮𝗱
𝘊𝘠𝘔 𝘈𝘶𝘥𝘪𝘵𝘰𝘳
𝘈𝘭𝘵𝘢𝘳 𝘚𝘦𝘳𝘷𝘦𝘳, 𝘔𝘦𝘮𝘣𝘦𝘳

23/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝙒𝙖𝙡𝙖𝙣𝙜 𝙨𝙤𝙗𝙧𝙖𝙣𝙜 𝙖𝙗𝙖𝙡𝙖 𝙥𝙖𝙧𝙖 𝙨𝙖 𝘿𝙞𝙮𝙤𝙨—𝙨𝙖 𝙗𝙖𝙬𝙖𝙩 𝙤𝙧𝙖𝙨, 𝙢𝙖𝙮 𝙥𝙖𝙜𝙠𝙖𝙠𝙖𝙩𝙖𝙤𝙣𝙜 𝙢𝙖𝙜𝙢𝙖𝙝𝙖𝙡, 𝙢𝙖𝙠𝙞𝙣𝙞𝙜, 𝙖𝙩 𝙢𝙖𝙜𝙡𝙞𝙣𝙜𝙠𝙤𝙙.”

Sa aking paglahok sa Claret Youth Camp, natutunan ko na kahit gaano ka pa ka-busy sa school o work, may oras pa rin para sa Diyos. Narealize ko na hindi hadlang ang pagiging abala upang makipag-ugnayan sa Kanya at magpatuloy sa paglilingkod. Sa halip, mas nagiging paalala ito na sa bawat oras ng buhay, maaari nating piliin na lumapit sa Diyos at ialay ang ating ginagawa para sa Kanya.

Isa sa pinaka tumatak sa akin ay ang pagbisita namin sa kulungan. Sa mga payo at kwento ng mga Person Deprived of Liberty (PDL), lalo na ang kanilang pagsisisi, mas naunawaan ko kung gaano kahalaga ang bawat desisyong ginagawa natin sa buhay. Doon ko nakita na ang isang maling hakbang ay maaaring magdala ng malaking pagbabago sa direksyon ng buhay ng tao.

Hinubog ako ng camp na ito na maging mas bukas ang isip at puso. Natutunan ko na ang paglilingkod ay hindi lamang nangyayari sa loob ng simbahan, kundi pati sa simpleng pakikinig, pag-unawa, at pagdamay sa kapwa. Mas naging malinaw sa akin na ang tunay na serbisyo ay nagsisimula sa malasakit.

Na-motivate ako na ipagpatuloy ang aking paglilingkod dahil sa mga taong nakilala ko sa camp, lalo na ang mga PDL na naging paalala sa akin na piliin ang tama habang may pagkakataon pa. Ang kanilang mga kwento ay nagsilbing inspirasyon upang mas maging responsable ako sa aking mga desisyon at mas maging tapat sa aking pananampalataya.

Ang baon kong liwanag mula sa Claret Youth Camp ay ang mas matibay na pananampalataya, inspirasyon, at kagustuhang maging mas aktibo sa paglilingkod. Dala ko ang paalala na sa bawat sandali ng buhay, may pagkakataon akong maglingkod, magmahal, at lumapit sa Diyos.

𝗘𝗹𝗴𝗶𝗲 𝗧𝗶𝗻𝗱𝗼𝗴𝗮𝗻
𝘊𝘠𝘔 𝘔𝘦𝘮𝘣𝘦𝘳

22/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙩𝙪𝙣𝙖𝙮 𝙣𝙖 𝙠𝙖𝙗𝙪𝙪𝙖𝙣 𝙖𝙮 𝙢𝙖𝙩𝙖𝙩𝙖𝙜𝙥𝙪𝙖𝙣 𝙝𝙞𝙣𝙙𝙞 𝙨𝙖 𝙥𝙖𝙜𝙞𝙜𝙞𝙣𝙜 𝙥𝙚𝙧𝙥𝙚𝙠𝙩𝙤, 𝙠𝙪𝙣𝙙𝙞 𝙨𝙖 𝙥𝙖𝙜𝙩𝙖𝙣𝙜𝙜𝙖𝙥 𝙨𝙖 𝙨𝙖𝙧𝙞𝙡𝙞 𝙖𝙩 𝙥𝙖𝙜𝙠𝙖𝙠𝙖𝙞𝙨𝙖 𝙣𝙜 𝙗𝙖𝙬𝙖𝙩 𝙠𝙖𝙠𝙪𝙡𝙖𝙣𝙜𝙖𝙣.”

Sa aking paglahok sa Claret Youth Camp, isa sa pinakamahalagang aral na natutunan ko ay ang pagtanggap nang buo sa sarili kahit pa may mga kakulangan ako. Narealize ko na ang unang validation na hinahanap natin sa mundo ay dapat nagsisimula sa sarili. Sa pagtanggap at pagmamahal sa sarili, mas nagiging malinaw din kung paano natin mararanasan ang tunay na pagmamahal at pagtanggap ng Diyos sa atin. Naniniwala rin ako na lahat tayo ay may kanya-kanyang kakulangan, at sa ating pagkakaisa at pagbubuklod, doon natin nakikita ang pagiging buo at “solid” bilang isang komunidad.

Isa sa pinaka tumatak sa akin ay ang pagbisita namin sa loob ng kulungan. Hindi ko ito inaasahan, at para sa akin ay isang kakaibang ngunit makabuluhang karanasan ito. Doon ko mas naranasan ang tunay na buhay—hindi lamang bilang obserbador, kundi bilang isang taong nakikipag-usap, nakikinig, at nagbabahagi ng munting regalo sa mga preso. Isa itong karanasan na nagbukas ng aking isip at puso sa realidad ng buhay ng iba.

Hinubog ako ng camp na ito sa pamamagitan ng pagpaparanas sa akin ng iba’t ibang sitwasyon na nagpalalim ng aking pananaw sa buhay. Sa pagbisita namin sa mga preso, naramdaman ko na parang may mensaheng gustong iparating ang Diyos sa akin—na magpatuloy sa aking misyon at huwag matakot harapin ang mas malawak na katotohanan ng mundo.
Na-motivate ako na ipagpatuloy ang aking paglilingkod dahil nakita ko ang mga taong sa kabila ng bigat ng kanilang pinagdadaanan ay patuloy pa ring naniniwala, nagtitiwala, at kumakapit sa Diyos. Ang kanilang pananampalataya ay naging inspirasyon ko upang mas lalo pang maglingkod nang may buong puso at katapatan.

Ang baon kong liwanag mula sa Claret Youth Camp ay ang pagiging gabay sa iba—lalo na sa mga nalilito pa sa kanilang landas. Nais kong maging handang tumulong upang mas mapatatag ang kanilang pananampalataya at tulungan silang hanapin at yakapin ang kanilang misyon sa buhay nang may puso at katapatan.

𝗝𝗮𝗲 𝗠𝗵𝗮𝗿𝘂𝗶𝗻 𝗥𝗲𝘆𝗲𝘀
𝘊𝘠𝘔 𝘚𝘦𝘤𝘳𝘦𝘵𝘢𝘳𝘺
𝘚𝘖𝘊𝘊𝘖𝘔 𝘈𝘴𝘴𝘵. 𝘊𝘰𝘰𝘳𝘥𝘪𝘯𝘢𝘵𝘰𝘳

21/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙩𝙪𝙣𝙖𝙮 𝙣𝙖 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙖𝙮 𝙣𝙖𝙜𝙞𝙜𝙞𝙣𝙜 𝙗𝙪𝙤 𝙠𝙖𝙥𝙖𝙜 𝙣𝙖𝙩𝙪𝙩𝙪𝙣𝙖𝙣 𝙢𝙤𝙣𝙜 𝙢𝙖𝙠𝙞𝙣𝙞𝙜, 𝙢𝙖𝙠𝙞𝙞𝙨𝙖, 𝙖𝙩 𝙢𝙖𝙜𝙢𝙖𝙝𝙖𝙡 𝙣𝙖𝙣𝙜 𝙢𝙖𝙮 𝙥𝙖𝙜𝙠𝙖𝙠𝙖𝙞𝙨𝙖.”

Sa dami ng aral na ibinigay sa amin sa Claret Youth Camp, ang pinakamahalagang natutunan ko ay ang pagpapalalim ng pakikipagkapwa-tao. Nahubog nito ang aking kumpiyansa sa pakikitungo, pakikipag-usap, pakikiisa, at pakikibahagi ng aking mga karanasan at aral sa buhay. Natutunan kong maging mas bukas sa iba at mas handang makinig at umunawa sa kanilang mga kwento at pinagdadaanan.
Isa sa pinaka tumatak sa akin ay ang aming Amazing Race activity, kung saan nasubok ang aking kakayahan bilang lider ng aming grupo. Maraming hamon ang aming hinarap, lalo na sa pagbuo ng ideya dahil sa pagkakaiba-iba ng wika, karanasan, at kakayahan ng bawat isa. Dahil dito, nagkaroon kami ng hindi maayos na komunikasyon sa simula.

Bilang lider, pinili kong maging bukas at malinaw sa pakikipag-usap. Pinakinggan ko ang bawat opinyon, kakayahan, at ideya ng aking mga kasamahan. Sa pamamagitan nito, unti-unti naming nabuo ang maayos na plano at naging matagumpay ang aming samahan—walang away, kundi pagkakaisa at pagtutulungan.

Bilang lingkod ng Diyos at ng Simbahan, mas naunawaan ko sa camp ang tunay na halaga ng paglilingkod. Sa bawat session, mas lumalim ang aking pag-unawa sa Salita ng Diyos at sa aming misyon bilang kabataan. Naging mas malinaw sa akin na ang paglilingkod ay hindi lamang gawain, kundi isang tawag na may kasamang pananampalataya, pagmamahal, at layunin.

Naalala ko rin ang aking unang dahilan kung bakit ako naglilingkod—ang batang nais magkaroon ng maraming kaibigan, ang batang gustong mapalalim ang relasyon sa Panginoon, at ang batang may pusong handang tumulong sa komunidad. Ang camp na ito ang nagpaalala sa akin ng aking pinagmulan at nagbigay muli ng lakas at inspirasyon upang magpatuloy at maglingkod nang mas buong puso.
Ang baon kong liwanag mula sa Claret Youth Camp ay ang pagiging paalala na ako mismo ay maaaring maging ilaw—sa pamamagitan ng aking natutunan tungkol sa paglilingkod, pakikipagkapwa, at pagmamahal sa kapwa. Ang liwanag na ito ay nais kong ibahagi sa aking parokya upang maging inspirasyon din sa iba na magpatuloy sa paggawa ng kabutihan at paglilingkod sa Diyos at sa kapwa.

𝗝𝗼𝗵𝗻 𝗝𝗼𝗻𝗲𝗹 𝗚𝘂𝗿𝗽𝗶𝗱𝗼
𝘊𝘠𝘔 𝘊𝘰𝘮𝘮𝘶𝘯𝘪𝘵𝘺 𝘈𝘱𝘰𝘴𝘵𝘰𝘭𝘢𝘵𝘦 𝘓𝘪𝘸𝘢𝘯𝘢𝘨 𝘏𝘦𝘢𝘥
𝘚𝘖𝘊𝘊𝘖𝘔 𝘔𝘦𝘮𝘣𝘦𝘳

20/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙖𝙮 𝙝𝙞𝙣𝙙𝙞 𝙣𝙖𝙩𝙖𝙩𝙖𝙥𝙤𝙨 𝙨𝙖 𝙝𝙞𝙧𝙖𝙥, 𝙠𝙪𝙣𝙙𝙞 𝙡𝙖𝙡𝙤 𝙥𝙖𝙣𝙜 𝙩𝙪𝙢𝙞𝙩𝙞𝙗𝙖𝙮 𝙨𝙖 𝙥𝙖𝙩𝙪𝙡𝙤𝙮 𝙣𝙖 𝙥𝙖𝙜-𝙞𝙗𝙞𝙜 𝙖𝙩 𝙥𝙖𝙜𝙩𝙞𝙩𝙞𝙬𝙖𝙡𝙖 𝙨𝙖 𝘿𝙞𝙮𝙤𝙨.”

Sa aking paglahok sa Claret Youth Camp, natutunan ko ang kahalagahan ng pagiging mas open sa aking nasasakupan, pagpapahalaga sa kung anong meron ako, at ang marunong umunawa sa bawat isa. Mas naunawaan ko na ang tunay na pakikipagkapwa ay nagsisimula sa pagiging bukas ng puso at isip sa ibang tao.

Isa sa mga bagay na tumatak sa akin ay ang pagbabahagi ng kwento o karanasan sa iba. Ang sarap sa pakiramdam kapag may taong handang makinig sa iyong mga sinasabi at pinagdadaanan. Doon ko rin nakita kung gaano kahalaga ang komunikasyon at pakikipag-ugnayan sa ibang tao, dahil ito ang nagbubukas ng mas malalim na pagkakaibigan at pag-unawa sa isa’t isa.

Sa camp na ito, mas lumalim ang aking kaalaman at natutunan ko rin na maging mas marunong umunawa sa sitwasyon ng iba. Nagkaroon ako ng bagong kaalaman at karanasan na maaari kong ibahagi sa iba upang sila rin ay ma-inspire at matuto.

Mas tumibay din ang aking pananampalataya at dedikasyon sa paglilingkod. Narealize ko na kahit gaano kahirap ang pinagdadaanan ko, hindi dapat mawala ang aking serbisyo sa Diyos. Kahit may mga pagsubok, hindi ko Siya dapat talikuran, kundi lalo ko pa Siyang dapat paglingkuran nang buong puso.
Ang baon kong aral mula sa Claret Youth Camp ay ang pagpapatuloy sa misyong sinimulan ko—ang patuloy na pag-alab ng aking pananampalataya sa Diyos at ang pagbabahagi ng lahat ng aking natutunan sa iba. Ito ang magiging gabay ko upang mas maging tapat at mas masigasig na lingkod ng Diyos araw-araw.

𝗝𝗮𝗻𝗻𝗮 𝗠𝗮𝗿i𝗲 𝗖𝗼𝗻𝘀𝗶𝗻𝗰𝗶𝗻𝗼
𝘈𝘭𝘵𝘢𝘳 𝘚𝘦𝘳𝘷𝘦𝘳, 𝘈𝘥𝘷𝘪𝘴𝘦𝘳

19/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝙃𝙞𝙣𝙙𝙞 𝙖𝙠𝙤 𝙣𝙖𝙜-𝙞𝙞𝙨𝙖 𝙨𝙖 𝙡𝙖𝙗𝙖𝙣—𝙠𝙖𝙮𝙖 𝙠𝙤𝙣𝙜 𝙢𝙖𝙜𝙥𝙖𝙩𝙪𝙡𝙤𝙮 𝙙𝙖𝙝𝙞𝙡 𝙢𝙖𝙮 𝘿𝙞𝙮𝙤𝙨 𝙣𝙖 𝙡𝙖𝙜𝙞𝙣𝙜 𝙜𝙪𝙢𝙖𝙜𝙖𝙗𝙖𝙮 𝙖𝙩 𝙢𝙜𝙖 𝙩𝙖𝙤𝙣𝙜 𝙠𝙖𝙨𝙖𝙢𝙖 𝙠𝙤𝙣𝙜 𝙡𝙪𝙢𝙖𝙡𝙖𝙗𝙖𝙣.”

Sa aking paglahok sa Claret Youth Camp, natutunan ko na hindi lang tayo or ako ang may problema sa mundo kasi ako minsan ay minamaliit ko ang sarili ko sa mga bagay na kahinaan ko at lalo na sa problema ko parang gusto ko ng sumuko. Pero kapag pinapakinggan ko yung mga kwento nila parang naisip ko na laging lumaban sa mga bagay na kahinaan mo at magtiwala ka lang sa Kanya na nasa itaas at syempre may natutunan din ako especially how to connect and build relationships with others.

Isa sa pinakatumatak sa akin ay yung pinakuha tayo ng mga pagkain at panggatong. That time, hindi natin alam kung saan gagamitin, akala ko sa atin yun pero hindi pala. Kundi para sa mga bata pala yun. Natuwa lang ako sa part na yun kasa alam mo yung kahit napagod tayo doon sa pagkuha ng mga bagay na yun, ang sarap sa pakiramdam na makita silang maging masaya at walang iniinda na problema at syempre parang naging bata narin tayo doon nung araw na yun, sa paglalaro kasi minsan sa gawain natin parang hindi na tayo masyado nakakapaglaro. Basically ang sarap lng sa pakiramdam na bumalik sa pagkabata na walang iniinda or walang iniisip na problema about future.

At natutunan ko lang doon na wag masyado mag focus, bigyan din natin yung sarili natin ng time makabonding natin din yung mga family natin or friends na kahit small time may malaking impact parin sa’yo yun.

Hinubog ako ng camp na ito na maging matatag sa mga bagay na darating sa aking problema.

Mas na-motivate ako na magpatuloy sa paglilingkod kay God at mas maging matatag sa mga bagay na darating sa’yo o sa’tin, kasi andyan lang siya para tumulong sa atin.
Ang baon kong liwanag mula sa Claret Youth Camp ay ang mga ala-ala na magagandang nangyari sa akin, sa atin at kung paano lumiwanag yung ngiti sa puso natin na natutunan natin sa camp, hinding hindi ko yun makakalimutan.

𝗭𝗼𝗿𝗲𝗻 𝗧𝘂𝗺𝗮𝗴𝗻𝗮
𝘊𝘠𝘔 𝘊𝘰𝘮𝘮𝘶𝘯𝘪𝘵𝘺 𝘈𝘱𝘰𝘴𝘵𝘰𝘭𝘢𝘵𝘦 𝘗𝘰𝘰𝘬 𝘋𝘦𝘭𝘢 𝘗𝘢𝘻 𝘏𝘦𝘢𝘥 𝘢𝘵 𝘈𝘭𝘵𝘢𝘳 𝘚𝘦𝘳𝘷𝘦𝘳 𝘔𝘦𝘮𝘣𝘦𝘳

18/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙩𝙪𝙣𝙖𝙮 𝙣𝙖 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙖𝙮 𝙝𝙞𝙣𝙙𝙞 𝙣𝙖𝙨𝙪𝙨𝙪𝙠𝙖𝙩 𝙨𝙖 𝙡𝙖𝙠𝙞 𝙣𝙜 𝙜𝙞𝙣𝙖𝙜𝙖𝙬𝙖, 𝙠𝙪𝙣𝙙𝙞 𝙨𝙖 𝙠𝙖𝙩𝙖𝙥𝙖𝙩𝙖𝙣 𝙣𝙜 𝙥𝙪𝙨𝙤𝙣𝙜 𝙢𝙖𝙧𝙪𝙣𝙤𝙣𝙜 𝙢𝙖𝙠𝙞𝙣𝙞𝙜, 𝙪𝙢𝙪𝙣𝙖𝙬𝙖, 𝙖𝙩 𝙙𝙪𝙢𝙖𝙢𝙖𝙮.”

Sa aking paglahok sa Claret Youth Camp, natutunan ko ang kahalagahan ng pagiging present sa pagmamahal sa iba. Hindi pala laging kailangan ng malalaking gawa o engrandeng gestures para maipakita ang pagmamahal—minsan, sapat na ang makinig, umunawa, at samahan lang ang isang tao sa kanyang pinagdadaanan. Mas naunawaan ko rin na lahat tayo ay may kanya-kanyang struggles, kaya mahalaga ang pagpili na maging mabait, bukas, at handang umintindi sa isa’t isa. Doon ko mas naranasan ang “solidarity in love”—yung sama-samang paglalakad kahit hindi pare-pareho ang pinagdadaanan.

Isa sa pinaka tumatak sa akin ay ang mga small group sharing at ang mga simpleng moments na nagiging bukas ka sa mga taong hindi mo naman masyadong ka-close. Sa mga sandaling iyon ko naramdaman na kahit iba-iba kami ng pinanggalingan, marami pala kaming magkakaparehong pinagdadaanan at iniisip. Hindi lang ito tungkol sa mga activities, kundi tungkol sa pagiging totoo sa sarili at sa kapwa. Doon ko rin na-realize na hindi kailangang magsalita ng marami para maramdaman ng iba na naiintindihan at kasama ka nila.

Hinubog ako ng camp na ito na maging mas intentional sa aking paglilingkod. Mas naunawaan ko na ang pagiging lingkod ng Diyos at ng Simbahan ay hindi lang tungkol sa pagtupad ng tasks o responsibilidad, kundi tungkol sa puso kung paano mo ito ginagawa. Ang intensyon at pagmamahal sa bawat kilos ay mas mahalaga kaysa sa mismong gawain.

Mas na-motivate ako na magpatuloy sa paglilingkod dahil naranasan ko na hindi ito natatapos sa loob ng camp lamang, kundi bahagi ito ng araw-araw na buhay. Mas naging malinaw sa akin na kahit sa simpleng paraan—pakikinig, pagtulong, o pagiging present—ay maaari ka nang maglingkod. Nakaka-inspire din ang mga taong nakilala ko dahil nakita ko ang kanilang sinseridad sa serbisyo. Dahil dito, mas lalo akong na-push hindi lang maging participant, kundi mag-grow bilang tao at bilang lingkod. Naintindihan ko na kapag may pagmamahal at layunin ang paglilingkod, hindi ito nakakapagod kundi nakakapagpalalim at nakakapagpasaya.

Ang baon kong liwanag mula sa Claret Youth Camp ay ang mas malinaw na pag-unawa na ang tunay na paglilingkod ay nagsisimula sa pagiging totoo at present sa kapwa. Pag-uwi ko, dala ko ang paalala na hindi kailangang malaki o visible ang ginagawa para maging makabuluhan ito. Minsan, ang simpleng pakikinig, walang hinihintay na kapalit na pag-assist, at pag-encourage sa kapwa lingkod ay sapat na para makapaghatid ng malaking liwanag sa iba.

𝗛𝗮𝗻𝗻𝗮𝗵 𝗦𝗼𝗿𝗶ñ𝗼
𝘊𝘠𝘔, 𝘔𝘦𝘮𝘣𝘦𝘳

18/05/2026

𝐑𝐄𝐂𝐑𝐔𝐈𝐓𝐌𝐄𝐍𝐓

Ngayong ika-60𝘁𝗵 𝗪𝗼𝗿𝗹𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻𝘀 𝗦𝘂𝗻𝗱𝗮𝘆, inaanyayahan ka naming maging bahagi ng isang misyon na higit pa sa pagkuha ng litrato o paggawa ng pubmat — isang misyong maghatid ng Mabuting Balita sa digital na mundo. 📸✨

May hilig ka ba sa photography, videography, editing, livestream, o multimedia? O gusto mo lang matuto at maglingkod? Tara na sa Claret Media Team!

🎥 Open to all ages
🖥 Skills? Mapag-aaralan yan!
📍 Pumunta lamang sa parokya
🕣 8:30 AM at 5:00 PM

Ito ay bukas at para sa lahat ng mga nasasakupan ng San Antonio Maria Claret Parish at nais maglingkod sa parokya.

Hindi kailangan maging eksperto agad — sapat na ang pusong handang matuto at maglingkod. 💛

Ikaw na ba ang susunod na storyteller ng pananampalataya?

17/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙗𝙖𝙬𝙖𝙩 𝙙𝙚𝙨𝙞𝙨𝙮𝙤𝙣 𝙖𝙮 𝙢𝙖𝙮 𝙗𝙞𝙜𝙖𝙩, 𝙖𝙩 𝙨𝙖 𝙗𝙖𝙬𝙖𝙩 𝙥𝙖𝙜𝙠𝙖𝙠𝙖𝙩𝙖𝙤𝙣 𝙖𝙮 𝙣𝙖𝙧𝙤𝙤𝙣 𝙖𝙣𝙜 𝘿𝙞𝙮𝙤𝙨 𝙣𝙖 𝙥𝙖𝙩𝙪𝙡𝙤𝙮 𝙖𝙠𝙤𝙣𝙜 𝙢𝙞𝙣𝙖𝙢𝙖𝙝𝙖𝙡 𝙖𝙩 𝙜𝙞𝙣𝙖𝙜𝙖𝙗𝙖𝙮𝙖𝙣.”

Sa aking paglahok sa Claret Youth Camp, isa sa pinakamahalagang aral na natutunan ko ay ang kahalagahan ng buhay at kung gaano ako kamahal ng Diyos. Mas naunawaan ko na kahit may mga pagkukulang at pagkakamali ako, hindi nawawala ang Kanyang pagtanggap at paggabay sa akin. Natutunan ko rin na bawat desisyon na ginagawa ko, pati na ang mga taong pinipili kong makasama, ay may malaking epekto sa magiging direksyon ng aking buhay.

Isa sa pinaka tumatak sa akin ay ang mga moments ng reflection noong Day 3 hanggang Day 4, kung saan napilitan akong harapin ang sarili ko—ang aking mga nagawa, pagkukulang, at mga bagay na kailangan kong baguhin. Ngunit higit sa lahat, hindi ko makakalimutan ang nakasalamuha naming isang 76-year-old na tatay na nakabilanggo sa BuCor Zamboanga. Sa kabila ng kanyang edad at pinagdaanan, nananatili siyang nasa kulungan dahil sa maling desisyon at maling samahan, kahit nakapag-aral siya ng Architecture. Doon ko nakita kung paano kayang baguhin ng isang maling hakbang ang buong buhay ng tao.

Tumatak sa akin ang kanyang sinabi: “Salamat dahil pinadala kayo dito, anak. Malaking tulong kasi wala nang bumibisita sa amin. Chat-chat na lang tayo kapag nakalabas na si tatay.”

Sobrang bigat ng mensaheng iyon, ngunit sabay din nitong ipinakita sa akin kung gaano kahalaga ang presensya, pakikinig, at simpleng pagmamalasakit sa kapwa.

Hinubog ako ng camp na ito upang maging mas bukas, mas mapag-unawa, at mas handang maglingkod. Sa unang mga araw, natutunan kong makisama at makipag-ugnayan kahit may pagkakaiba-iba kami ng ibang participants. Sa mga sumunod na araw, mas luminaw sa akin na ang pagiging lingkod ng Diyos ay hindi lamang nangyayari sa loob ng simbahan, kundi sa araw-araw na pakikitungo sa kapwa—lalo na sa mga taong madalas nakakalimutan.

Na-motivate ako ng camp dahil mas nakita ko kung gaano kabuti ang Diyos sa akin sa pamamagitan ng mga karanasang ito. Lalo na sa kwento ng tatay na nakilala namin, mas naging malinaw sa akin kung gaano kahalaga ang bawat pagkakataon na ibinibigay sa akin ngayon. Dahil dito, mas pinili kong gamitin ang aking buhay sa tama at maglingkod nang mas buong puso, kahit may takot at pagdududa.

Ang baon kong liwanag mula sa Claret Youth Camp ay ang pag-asa, mas matibay na pananampalataya, at mas malalim na pag-unawa sa buhay. Uuwi akong handang ibahagi ang mga natutunan ko at maging instrumento ng liwanag sa iba. Dadalhin ko rin ang mga kwento at aral na aking narinig—lalo na ang kay tatay na nakabilanggo—bilang paalala na piliin ang tama, pahalagahan ang buhay, at patuloy na maglingkod nang may malasakit at pagmamahal sa kapwa at sa sarili.

𝗗𝗮𝗻𝗶𝗲𝗹 𝗞𝗶𝗺 𝗠𝗮𝗴𝗻𝗼
𝘊𝘠𝘔 𝘔𝘦𝘥𝘪𝘢 𝘛𝘦𝘢𝘮 𝘏𝘦𝘢𝘥
𝘛𝘪𝘯𝘪𝘨 𝘊𝘭𝘢𝘳𝘦𝘵 𝘔𝘦𝘮𝘣𝘦𝘳
S𝘖𝘊𝘊𝘖𝘔 𝘔𝘦𝘮𝘣𝘦𝘳

16/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙩𝙪𝙣𝙖𝙮 𝙣𝙖 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙖𝙮 𝙖𝙣𝙜 𝙥𝙖𝙜𝙡𝙞𝙢𝙤𝙩 𝙨𝙖 𝙨𝙖𝙧𝙞𝙡𝙞 𝙖𝙩 𝙖𝙣𝙜 𝙗𝙪𝙤𝙣𝙜 𝙥𝙪𝙨𝙤𝙣𝙜 𝙥𝙖𝙜-𝙖𝙖𝙡𝙖𝙮 𝙥𝙖𝙧𝙖 𝙨𝙖 𝙠𝙖𝙥𝙬𝙖.”

Sa aking paglahok sa Claret Youth Camp, isa sa pinakamahalagang aral na natutunan ko ay ang maging mas makatao, mapagkumbaba, at tunay na maalalahanin sa kapwa. Narealize ko na hindi dapat umiikot lamang sa sarili ko ang aking pag-iisip, kundi kailangan ding maging bukas sa pangangailangan ng iba. Mas naunawaan ko na ang tunay na pagmamahal ay naipapakita sa pamamagitan ng malasakit, pagbibigay, at paglilingkod nang walang hinihintay na kapalit.

Isa sa pinaka tumatak sa akin ay noong nanghingi kami ng food ingredients sa mga tindahan. Akala ko noong una ay para sa amin ang mga ito, ngunit nalaman ko na para pala iyon sa mga orphans. Doon ko mas naunawaan ang kahulugan ng pagiging selfless at ang tunay na diwa ng pagbibigay. Dagdag pa rito, tumatak din sa akin ang pagbisita namin sa mga preso. Sa karanasang iyon, nakita ko na kahit ang isang tao ay nagkamali, may pag-asa pa rin siyang magbago at karapat-dapat pa rin siyang mahalin at unawain.

Sa pamamagitan ng mga karanasang ito, nahubog ako bilang isang lingkod ng Diyos at ng Simbahan. Natutunan ko ang kahalagahan ng pakikinig, pag-unawa, at paglilingkod nang may pagmamahal at kababaang-loob. Mas naging bukas ang aking puso sa pagtanggap sa iba, at mas luminaw sa akin ang tunay na kahulugan ng pagiging lingkod—ang maglingkod hindi para sa sarili, kundi para sa Diyos at sa kapwa.

Dahil dito, mas lalo akong na-motivate na ipagpatuloy ang aking paglilingkod nang mas buong puso. Naging malinaw sa akin na ang paglilingkod ay hindi lamang gawain, kundi isang misyon na dapat ipagpatuloy at pagyamanin. Mas lalo akong naging inspired na ialay ang aking sarili at maging mabuting halimbawa sa aking mga kapwa lingkod.

Ang baon kong liwanag mula sa Claret Youth Camp ay ang paalala na maging ilaw sa iba sa pamamagitan ng kabutihan, pag-unawa, at pagmamahal. Ang lahat ng aking natutunan sa camp na ito ay hindi ko lamang iingatan, kundi ibabahagi ko rin sa aking mga kapwa lingkod sa parokya upang patuloy din silang maging instrumento ng liwanag sa iba.

𝗭𝗵𝗲𝗻 𝗔𝗻𝗱𝗿𝗲𝗶 𝗠𝗮𝗴𝗻𝗼
𝘊𝘠𝘔 𝘒𝘪𝘥𝘴 𝘢𝘯𝘥 𝘊𝘢𝘵𝘦𝘤𝘩𝘪𝘴𝘮 𝘏𝘦𝘢𝘥
𝘈𝘭𝘵𝘢𝘳 𝘚𝘦𝘳𝘷𝘦𝘳 𝘔𝘦𝘮𝘣𝘦𝘳

15/05/2026

𝗖𝗔𝗠𝗣 𝗗𝗜𝗔𝗥𝗜𝗘𝗦: 𝗣𝗮𝗴𝗼𝗱, 𝗣𝘂𝗿𝗽𝗼𝘀𝗲, 𝗮𝘁 𝗣𝗮𝗴𝗯𝗮𝗯𝗮𝗴𝗼

Mula sa mga pagod na hakbang, tahimik na panalangin, at mga aral na baon ng bawat kabataan — narito ang isa sa mga kwentong nabuo sa paglalakbay ng ating mga delegates sa Claret Youth Camp 2026. Isang patotoo ng pagbabago, pagtuklas sa layunin, at apoy ng paglilingkod na patuloy na nagliliyab sa puso ng kabataan.

Ating tunghayan ang kwento na ibabahagi sa atin:

“𝘼𝙣𝙜 𝙩𝙪𝙣𝙖𝙮 𝙣𝙖 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙖𝙮 𝙣𝙖𝙜𝙨𝙞𝙨𝙞𝙢𝙪𝙡𝙖 𝙨𝙖 𝙥𝙪𝙨𝙤𝙣𝙜 𝙢𝙖𝙧𝙪𝙣𝙤𝙣𝙜 𝙢𝙖𝙠𝙞𝙣𝙞𝙜, 𝙪𝙢𝙪𝙣𝙖𝙬𝙖, 𝙖𝙩 𝙢𝙖𝙜𝙢𝙖𝙝𝙖𝙡 𝙣𝙖𝙣𝙜 𝙬𝙖𝙡𝙖𝙣𝙜 𝙠𝙤𝙣𝙙𝙞𝙨𝙮𝙤𝙣.”

Sa aking paglahok sa Claret Youth Camp, isa sa pinakamahalagang aral na natutunan ko ay ang pagiging tunay na mapagpasalamat sa lahat ng bagay na meron ako. Napagtanto ko na may mga taong mas mabigat ang pinagdadaanan kaysa sa akin, ngunit sa kabila nito ay patuloy pa rin silang lumalaban at hindi nawawalan ng pag-asa. Dahil dito, mas natutunan kong pahalagahan ang bawat biyaya—malaki man o maliit—na dumarating sa aking buhay. Naging mas malinaw sa akin na hindi ko dapat sayangin ang mga ito, kundi gamitin upang maging mas mabuting tao at makatulong sa iba.

Isa sa pinaka tumatak sa akin ay ang unang session namin kung saan naghanap kami ng ingredients sa labas. Sa simula, nahirapan kami dahil maraming strangers ang aming nilapitan, ngunit ikinagulat namin ang kabutihang loob ng mga taong handang tumulong kahit hindi nila kami kilala. Pinaka tumatak sa akin ang isang Muslim na nag-abot ng tulong. Doon ko naunawaan na ang kabutihan ay hindi nakasalalay sa relihiyon o pagkakaiba, kundi sa puso ng taong handang magmalasakit. Ang karanasang iyon ay nagturo sa akin ng tunay na kahulugan ng unity at pagtutulungan.

Hinubog ako ng camp na ito sa aspeto ng empathy at pakikinig. Natutunan kong mas maging bukas sa pag-unawa sa sitwasyon ng ibang tao, lalo na sa mga dumaranas ng bigat sa buhay. Minsan, ang pinakamalaking tulong na maibibigay ay ang simpleng pakikinig at pag-unawa. Tinuruan ako ng camp na maging mas mapagpasensya at mas malalim umunawa, dahil bawat tao ay may kanya-kanyang laban. Bilang lingkod ng Diyos, mahalaga na matutunan nating magmahal nang walang kondisyon.
Na-motivate ako na ipagpatuloy ang paglilingkod dahil mas nakita ko ang realidad ng buhay ng iba. Naging mas malinaw sa akin na marami pa akong kayang gawin at maibahagi. Maraming taong nangangailangan—emosyonal man, pisikal, o sa pang-araw-araw na pangangailangan—kaya mas lumakas ang aking kagustuhan na tumulong sa abot ng aking makakaya. Umaasa ako na sa hinaharap, mas marami pa akong magiging instrumento ng kabutihan para sa iba.

Ang baon kong liwanag mula sa Claret Youth Camp ay ang alab sa aking puso na magpatuloy sa misyon ng paglilingkod. Hindi lamang ito isang simpleng karanasan, kundi isang inspirasyon na dadalhin ko sa aking pamilya, komunidad, at ministry. Nais kong ibahagi ang mga natutunan ko at maging inspirasyon din sa iba na magmahal at maglingkod. Ang liwanag na ito ang magsisilbing gabay ko sa aking faith journey bilang mas aktibo at tapat na lingkod ng Diyos araw-araw.

𝗝𝗵𝗼𝗺𝗮𝗿𝗸 𝗚𝗮𝗿𝗰𝗶𝗮
𝘊𝘠𝘔 𝘊𝘰𝘮𝘮𝘶𝘯𝘪𝘵𝘺 𝘈𝘱𝘰𝘴𝘵𝘰𝘭𝘢𝘵𝘦 𝘋𝘶𝘱𝘢𝘹 𝘏𝘦𝘢𝘥
𝘈𝘭𝘵𝘢𝘳 𝘚𝘦𝘳𝘷𝘦𝘳 𝘔𝘦𝘮𝘣𝘦𝘳

Claret Youth Ministry Liwanag

24/05/2026

23/05/2026

22/05/2026

21/05/2026

20/05/2026

19/05/2026

18/05/2026

18/05/2026

17/05/2026

16/05/2026

15/05/2026

Address

Telephone

Website

Alerts

Contact The Place Of Worship

Shortcuts

Share

Category