05/05/2025
Flores de Mayo | Martes - Sabado | 4:00 pm - 5:00 pm
📍 Parish Center, The Immaculate Conception Cathedral of Cubao
Ang lahat ay inaanyayahan na makibahagi sa ating Flores de Mayo, isang mahalagang tradisyon sa ating pananampalataya na nagbibigay parangal kay Birheng Maria. Sa taong ito ang ating tema ay:
🌟 “Paglalakbay sa Pag-asa Kasama si Maria” 🌟
Layunin ng programang ito na palalimin ang pananampalataya ng ating mga kabataan at buong sambayanan sa pamamagitan ng mga gawaing espiritwal, edukasyonal, at pamayanang makabuluhan.
🔔 Mga Bahagi ng Programa:
Pagdarasal ng Santo Rosaryo – Pagpapalalim ng debosyon kay Maria.
Pag-aaral sa tema – Magkaroon ng makabuluhang paglalakbay ngayong taon ng pag-asa kasama si Maria.
Pag-awit at Sayaw ng Papuri – Pagsasaya at pagpapahayag ng pananampalataya sa masiglang paraan.
Crafts at Interactive Activities – Malikhaing gawain na may kinalaman sa pananampalataya.
Pag-aalay ng Bulaklak kay Maria – Pagpaparangal at pagmamahal kay Maria.
🎯 Para Kanino ang Flores de Mayo?
Lahat ay inaanyayahan — lalo na ang mga kabataang edad 6 pataas — na makilahok. Mahalaga na sa murang edad ay nahuhubog na ang kanilang kaalaman sa pananampalataya, moralidad, at paggalang sa kapwa.
📌 Inaanyayahan ang bawat pamilya na suportahan ang mga bata sa kanilang pagdalo. Sama-sama nating itaguyod ang isang pamayanang Kristiyanong may pananampalataya, pag-asa, at pagmamahalan.
✨ “Sa bawat bulaklak na iniaalay, may panalanging bumabalot. Sa bawat hakbang ng paglalakbay, si Maria ang ating kasama.” ✨
