RVA Kachin

Call Directions Website Contact the place of worship

RVA Kachin Radio Veritas Asia Kachin Service (RVA-KS) is one of the 15 language services broadcast to Myanmar ?

06/10/2026

KACHIN PROGRAM 06 OCTOBER 2026
----------------------------------------------

RVA Online Radio Lamang Ni Hpe, Lawu Na Hkringdat Ni De Mung Hpaw Madat Mai Ai.
Facebook : RVA Kachin
Website : https://rvajinghpawkachin.org
YouTube : KACHIN RVA
Wechat : RVA - Kachin Service
Email : [email protected]
Tik Tok - RVA_KACHIN


05/10/2026

Madu Karai Kasang Hpe N tam Mu dingsa Anhte A Myit Masin Salum Gaw Simsa lam N nga Ai

Daini na Ja Chyum Mungga hpe hti sumru yu ai shaloi e, Martha hte Maria a lam hpe na lu ga ai. Marhta gaw Madu Yesu hpe lu sha galaw daw na matu amu kyin taw nga ai aten hta, Maria gaw, Madu Yesu a lagaw n hpang e dung nga let, Madu a sharin shaga ai lam ni hpe madat taw nga ai lam hpe tsun da nga ai. Madu Yesu gaw Martha hpe nang gaw magam bungli ni hta sha myit pu ba taw nga ai ngu tsun ai shaloi, ahkyak madung hte kaga lamang lam ni hpe e garan ginhka nna, madung tawn da chye hparan galaw sa ra ai hpe sharin ya nga ai.

06 October 2026 ( Tuesday )

Mungga matut hti na👉https://shorturl.at/4cuMZ

Youtube link👉https://youtu.be/5VhC3mgo5U8


05/10/2026

Karai Kasang Hpan Da Ai Aten Ladaw Hpe Shakawn Shagrau Ai
-------------------------------------------------------------------------

Karai Kasang hpan da ai aten ladaw hpe shakawn shagrau, chyeju dum ai ( Season of Creation 2026 ) Missa Hkungga hpe ( 04 October 2026 ) ya shani, Myitkyina, St. Columban Cathedral hta Wa Saradaw hte Wa Jau ni nawng jau ya sai rai nga ai.

Wa Saradaw John Mung Ngawn La Sam A Missa hpaw hpang mungga hta;

☘️ Mungkan ga gaw tsawm dik la nga ai, Karai Kasang hpan da ai lam gaw tsawm dik la nga ai.

☘️ Daini hpan da Madu hpe chyeju dum shakawn shagrau ai n’htoi rai nga ai. Dai hte maren mungkan ga hta Karai Kasang hpan da ai hpe tsawra dik ai, shagrau sha-a chye ai myit masin salum ni hpe kasi madun ya ai Sanpra ai Asisi a poi n’htoi mung rai nga ai.

☘️ Anhte mung Karai Kasang hpan da ai lam ni hpe chye tsawra na myit masin salum ni hpe daini Karai Kasang gram ya u ga, myit masin salum hta e tsawra myit hte hpring zup u ga, ra nga ai shaman chyeju ni hpe hpyi la ga.




05/10/2026

Bible Sunday Masat Shingjawng Poi Galaw
--------------------------------------------------

Chyoi Pra Ai Chyum Laika Laban ( 04 October 2026 ) ya shani Chyum Laika hpe shakawn shagrau ai hku nna Shatapru Jau Ginwang ni, galaw lai wa ai, Chyum Laika hte seng ai shingjawng lamang rai nga ai.



05/10/2026

MAKAM MASHAM HKAJA LAMANG

Nawku Hpung kaji Kawa ni a sharin achyin ai lam ni hpe npawt tawn nna, Pastoral Constitution Gaudium et Spes gaw, mungkan sutgan ni mungkan ting de du na shara hte dai kaw na pru wa ai sutgan ni a shinggyim wuhpawng magam bungli hpe n-gun dat nna bai madi shadaw da nga ai.

Dai tara upadi hta “Karai Kasang gaw mungkan ga hte dai hta rawng ai lam yawng hpe masha yawng hte amyu bawsang yawng a matu dawdan da ai rai nna, hpan da ai arai yawng hpe shinggyim masha yawng tara rap ra ai hku garan gachyan lu na matu, tsawra myit hte n-gun ja ai tara rap ra lam a lam matsun npu hta… Shanhte a arai ni hpe jai lang ai shaloi masha ni gaw tara shang lu da ai shinggan arung arai ni hpe shanhte a matu sha n-ga, kaga masha ni a matu mung shanhte a akyu ara hku nna mu mada ra ai.


05/10/2026

KACHIN PROGRAM 05 OCTOBER 2026
---------------------------------------------

RVA Online Radio Lamang Ni Hpe, Lawu Na Hkringdat Ni De Mung Hpaw Madat Mai Ai.

Facebook : RVA Kachin
Website : https://rvajinghpawkachin.org
YouTube : KACHIN RVA
Wechat : RVA - Kachin Service
Email : [email protected]
Tik Tok - RVA_KACHIN


04/10/2026

Anhte A Makam Masham Gaw Magam Bungli Lawm Ai Makam Masham Rai Nga Ai
++++++++++++++++++++++++++++++++++++++++++++++++++++++++++++++

Daini na Ja Chyum Mungga hpe hti sumru yu ai shaloi e, Ahkyak dik ai tara lam ni hte kaja ai Samaritan masha a ga shadawn lam ni na la lu ga ai. Dai ni na Karai a mungga hta, ninggawn chyalai Madu Karai hpe myit masin mahkra nyan atsam marai mahkra hte tsawra na matu hte ni htep ai ni hpe tsawra na matu, kaja ai Samaritan a ga shadawn hte tsun shadum da nga ai. Ya daini na prat hta e, kaja ai Samaritan zawn re ai masha pru wa na ra nga ai. Hpa majaw nga yang, majan a majaw, shingra hpyen amyu myu a majaw, masha shada da rawt malang ai a majaw myit masin hkum hkrang ni hta e, ningma lu ai ni rai nga ga ai.

05 October 2026 ( Monday )

Mungga matut hti na👉https://shorturl.at/c1YC4

Youtube link👉https://youtu.be/rbM7Qp_7Jk8


Shatapru Jau Ginwang Ni Chyum Mungga Shagrau Lamang Galaw October 04, 2026 ya, daini na Chyoi Pra Ai Chyum Laika Poi Lab...
04/10/2026

Shatapru Jau Ginwang Ni Chyum Mungga Shagrau Lamang Galaw

October 04, 2026 ya, daini na Chyoi Pra Ai Chyum Laika Poi Laban shani hta Shatapru Jau Ginwang na, Chyum Laika Sasana hpung ( EC ) ni woi awn nna, Lawk shagu na hpung masha ni gaw Chyum Laika hpe shakawn shagrau ai hku nna Chyum Laika hti shakrai, hkrang shala ai hte mahkawn shingjawng ai lamang ni hpe St. Patrick Hall hta angwi apyaw rai, awng dang ai hte galaw la lu sai.

Shing jawng lamang hta

No ( 1 ) John Paul Lawk hpung masha ni

No ( 2 ) St. Thomas lawk hpung masha ni

No ( 3 ) Ma Yesu lawk hpung masha ni

kumhpa lu mat sai rai nga ai.

Lawk shagu na shang lawm shing jawng mat wa ai group shagu hta Num, La, Ma kaji pang kaw nna ramma, num hpung, la hpung ni yawng shang lawm shing jawng ai hpe mu lu ai gaw grai yu n'gun lu hpa rai nga ai hte kasi yu la hpa mung rai nga ai.

Shatapru Jau Ginwang gaw Chyum Laika shing jawng poi lamang hpe shaning shagu sharawng shara rai galaw ai jau gin wang mung rai nga ai.

Daini na Chyum laika shing jawng poi lamang hta mung jau ginwang kata, lawk shagu na hpung masha ni law law wa sa du yu n'gun jaw la nga ma ai.



Karai Kasang Hpan Da Ai Aten Ladaw Hpe Shakawn Shagrau Ai 04 October 2026Myitkyina Saradaw Ginwang a ginjaw Ramma ( DYC ...
04/10/2026

Karai Kasang Hpan Da Ai Aten Ladaw Hpe Shakawn Shagrau Ai

04 October 2026

Myitkyina Saradaw Ginwang a ginjaw Ramma ( DYC ) ni woi awn let SLRC – Student Learning Resources Center hte Justice and Peace Commission (JPC ) ni jawm hpawm nna Hpan Da Ai Lam A Ladaw ( Season of Creation 2026) hpe shakawn shagrau ai Missa Hkungga hpe Sanpra ai Francis Asisi a poi nhtoi hte hpawn rai ( 4 October 2026 ) ya jahpawt Myitkyina, St. Columban Cathedral kaw Wa Saradaw John Mung Ngawn La Sam hte Wa Jau ni nawng jau ya ai.
Missa Hkungga hta JPC ni hku nna “Asak Jaw Ai, Hkrung Ai Hka” a lam hpe myit sumru woi ai.
Hka gaw masha, du sat du myeng, nam maling, yi sun hkau na hte uhpung uhpawng ting hpe asak jaw ya nga ai. Daini anhte gaw asak hkrung mahkrung, tu matu yawng hpe hpan da ai Karai Kasang hpe chyeju dum na matu zup hpawng nga ga ai.
Alu ap ai aten hta Ramma ni hku nna hpan da ai lam a kumla ni rai nga ai Hka, Ga, Hpun Bawng hte Hkainu ni hpe hpai nna htunghking ka hkrang hte rai alu ap jaw ya ai.
Missa hkungga hta ramma ni law law hte nawku hpung masha ni law law mung sa du shang lawm ai.




04/10/2026

Karai Kasang Gaw Anhte Hpe Jaw Ya Ai Wa Re
+++++++++++++++++++++++++++++++++++

Daini anhte jawm sumru akyu hpyi na ga baw hpe “God is our provider, Karai Kasang gaw anhte hpe jaw ya ai wa re” ngu hpe la ga. Shawng nnan Chyum mungga hpe madat la ga, “Nye a Karai Kasang gaw Hkristu Yesu hta e shi a sut su nga ai hpung shingkang hte maren, nanhte ra kadawn ai lam shagu hpe jahkum shatsup ya na ra ai.” Hpilipi 4:19.

umsing lamu na na a Kawa gaw mungkan ting a matu Kaba ai Hkamja Dap rai nga ai. Ginding aga hpe shalan shabran ra ai aten hta marang jahtu ya nga ai. Ga ntsa e katsi kahtet ra ai shaloi, shi makoi nga ai shara kaw nna jan hpe shaga nga ai. Shi gaw dusat ni hpe shanhte a malu masha, namsi namsaw ni hpe shanhte a tsawm htap ai, u ni hpe shanhte a shingbyi shara, nang ngai hpe anhte ra kadawn ai lam yawng hpe jaw ya nga ai.

Mungga matut hti 👉https://shorturl.at/pdE5E

Youtube link 👉https://youtu.be/gCZYSutbtfY

✅Wenyi mungga hte akyu hpyi sumru ai lam hta myit lawm ai hte madat hkam la nna Wenyi Ninggun la nga ga.



Address

Buick Street , Fair View Park
Quezon City
1106

Telephone

+63742520010

Website

Alerts

Be the first to know and let us send you an email when RVA Kachin posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to RVA Kachin:

Shortcuts

Share

Category