The Our Father Parish - Youth Ministry

04/05/2026

𝗕𝗔𝗥𝗔𝗡𝗚𝗔𝗬 𝗣𝗔𝗬𝗔𝗧𝗔𝗦 𝗡𝗘𝗘𝗗𝗦 𝗢𝗨𝗥 𝗛𝗘𝗟𝗣 | 𝗖𝗮𝗹𝗹 𝗳𝗼𝗿 𝗗𝗼𝗻𝗮𝘁𝗶𝗼𝗻𝘀 🆘📣

Mga Kalakbay! 👣

Nakakalungkot na balita ang sumalanta sa ating mga kapatid sa Payatas, Quezon City nitong nakaraang April 30, 2026. Isang malaking sunog ang naganap na nag-iwan ng 𝟱𝟴 𝗽𝗮𝗺𝗶𝗹𝘆𝗮 na nangangailangan ng ating tulong ngayon. Sila ay kasalukuyang nasa evacuation center.

Kabilang sa mga naapektuhan ay ang ating mga kabataang kalakbay mula sa Mother of the Divine Providence Parish kasama ang kanilang mga pamilya. Bilang 𝗞𝗮𝗯𝗮𝘁𝗮𝗮𝗻𝗴 𝗡𝗼𝘃𝗮𝗹𝗲𝗻𝗼, sama-sama tayo sa pagtutulungan at pagbangon ganitong panahon.

Ang COY Nova ay buong pusong nag-aanyaya para sa inyong suporta. Ang anumang donasyon ay makakatulong upang magbigay ng pagkain, tubig, at mga pangunahing pangangailangan (food, water, and basic necessities).

👕 𝗙𝗼𝗿 𝗜𝗻-𝗞𝗶𝗻𝗱 𝗗𝗼𝗻𝗮𝘁𝗶𝗼𝗻𝘀 (Clothes, Meals/Ready-to-Eat Goods, Toiletries/Diapers, Beddings): Maaring dalhin direkta sa MDPP Parish Office.

💸 𝗙𝗼𝗿 𝗠𝗼𝗻𝗲𝘁𝗮𝗿𝘆 𝗗𝗼𝗻𝗮𝘁𝗶𝗼𝗻𝘀:
Maaring magpadala sa pamamagitan ng:
- 𝗚𝗖𝗮𝘀𝗵: Lotz Leuterio (COY Nova iCare Program Coordinator)
- 𝗕𝗣𝗜: Carl Monjardin (COY Nova iCare Program Assistant Coordinator)

𝘔𝘢𝘢𝘳𝘪𝘯𝘨 𝘪-𝘴𝘤𝘢𝘯 𝘢𝘯𝘨 𝘘𝘙 𝘊𝘰𝘥𝘦 𝘴𝘢 𝘱𝘩𝘰𝘵𝘰 𝘱𝘢𝘳𝘢 𝘴𝘢 𝘮𝘢𝘣𝘪𝘭𝘪𝘴 𝘯𝘢 𝘵𝘳𝘢𝘯𝘴𝘢𝘤𝘵𝘪𝘰𝘯.

Malaki man o maliit, ang bawat donasyon ay mahalaga sa pagsisikap nating magbigay ng pagkalinga sa ating mga kalakbay.

𝙈𝙖𝙜𝙞𝙣𝙜 𝙡𝙞𝙬𝙖𝙣𝙖𝙜 𝙩𝙖𝙮𝙤 𝙨𝙖 𝙜𝙞𝙩𝙣𝙖 𝙣𝙜 𝙥𝙖𝙜𝙨𝙪𝙗𝙤𝙠 𝙣𝙖 𝙙𝙖𝙣𝙖𝙨 𝙣𝙜 𝙖𝙩𝙞𝙣𝙜 𝙢𝙜𝙖 𝙠𝙖𝙡𝙖𝙠𝙗𝙖𝙮 𝙨𝙖 𝙋𝙖𝙮𝙖𝙩𝙖𝙨.

30/04/2026

Sa mundong maingay at magulo, pipiliin kong tumahimik… at manatili sa piling Mo.

Halina at makiisa sa Prayer in the Way of Taizé dito sa The Our Father Parish Church, agad pagkatapos ng Youth Mass.
Isang gabi ng tahimik na panalangin, awit, at pagninilay… kung saan hindi mo kailangang magpanggap—pwede kang huminga, lumuha, tumahan, at makinig.

Baka sa katahimikan na ito, marinig mo ulit ang tinig Niya:
"Anak, nandito lang Ako." ✨

Tara? sa himig ng katahimikan, tayo'y manahan sa Kanya.

27/04/2026

✨ Mga Ngiti, Kwento, at Pusong Naglilingkod ✨

Silipin ang ilang tagpo mula sa ating Ka-Talk: Inter-Parish Youth Ministry Sessions kasama ang ating mga kabataan mula sa Altar Servers, Movers, Youth LeComs, at Youth Choir members. 💛

Hindi lang ito simpleng pagtitipon—ito ay naging espasyo ng pakikinig, pagbabahagi, pagkakaunawaan, pag-asa at pagmamahalan. Maraming salamat sa bawat isa sa inyo na nagbukas ng puso—sa pagbabahagi ng inyong kalagayan, karanasan, at mga pangarap para sa inyong ministry.

Dahil sa inyo, mas nagiging malinaw kung paano tayo mas makakatulong sa isa’t isa bilang iisang pamilya ng kabataan sa parokya. 🤝

Patuloy nawa kayong maging inspirasyon—hindi lang sa inyong ministry, kundi sa kapwa ninyo kabataan.

Padayon sa paglilingkod, lakad pasulong kabataan!

26/04/2026

Minsan hindi mo agad nakikita ang bunga ng paglilingkod…
pero sa bawat “oo” mo sa tawag ng Diyos, may pusong unti-unting nahuhubog. 🌱🤍

Naganap ang unang linggo ng Formation Series ng ating mga kabataang Volunteer Catechists (VolCats) bilang paghahanda sa paparating na May Flower Catechesis. Isang hakbang ng tapang at pagmamahal—ang piliing maglingkod at magbahagi ng pananampalataya sa mas nakababatang henerasyon. ✨

Sa pangunguna ng ating Catechetical Ministry Head at resident catechist ng TOFP, Kuya Jam, at sa pakikipagtulungan ng Social Action Ministry - CRA Team sa ilalim ni Kuya Dominick, patuloy na hinuhubog ang puso at kakayahan ng ating mga kabataan para maging handa sa misyon.

Kabataan, ito pa lang ang simula.
Patuloy nating pag-igihan ang bawat formation, bawat aral, at bawat pagkakataong matuto—dahil may mga munting tupang naghihintay sa ating paggabay sa Brgy. Sauyo ngayong Mayo. 🐑💛

Sa bawat pagtuturo, hindi lang kaalaman ang naibibigay—kundi pagmamahal ng Diyos na buhay at totoo.

Tara, VolCats! Patuloy tayong humubog, magmahal, at maglingkod. 🔥

25/04/2026

Pusong puno ng pasasalamat. 🤍✨

Sa ikalawang taon ng pagtitiwala at pag-iimbita ng St. Joseph Parish Youth Ministry—maraming, maraming salamat sa pagkakataong makasama at makipag-collaborate sa inyong taunang Saint Joseph Parish Youth Ministry: Youth Night! Isang biyaya ang maging bahagi ng gabing puno ng saya, talento, at higit sa lahat, pagmamahal ng Diyos.

Sa lahat ng kabataang game na game at excited na muling magtanghal, at sa mas marami at mas malakas na pwersa ng TOFP Youth Ministry na dumalo’t nakiisa—saludo kami sa inyo! 🔥

Sa ating mga ate’t kuya ng PYM Core, sa ating masisipag na Youth Advisers, kay Kuya Celso at Fr. Luke, at sa mga magulang na walang sawang sumusuporta—maraming salamat po sa inyong pagmamahal at paggabay.

Ang ating natanggap na gawad-pasasalamat mula sa SJP ay hindi lamang parangal, kundi patunay na ang ating pagsasama-sama, pag-aalalayan, pagtutulungan, at pagmamahalan—lalo’t higit sa Panginoon—ang siyang bumubuhay at nagpapasigla sa bawat isa.

Sa patuloy na paglalakbay, sama-sama pa rin tayo. Para sa kabataan. Para sa Diyos. 🙏✨

23/04/2026

🙏❤️🫡

𝑹𝒆𝒆𝒍 𝒍𝒐𝒗𝒆 𝒆𝒏𝒅𝒔 — 𝑪𝒉𝒓𝒊𝒔𝒕’𝒔 𝒓𝒆𝒂𝒍 𝒍𝒐𝒗𝒆 𝒓𝒆𝒎𝒂𝒊𝒏𝒔.

Buong galak na ipinapakilala namin ang mga tatanghal sa entablado ng ating taunang 𝗬𝗼𝘂𝘁𝗵 𝗡𝗶𝗴𝗵𝘁 na pinamagatang “𝗥𝗲𝗲𝗹 𝗟𝗼𝘃𝗲, 𝗥𝗲𝗮𝗹 𝗟𝗼𝘃𝗲” na inihahandog ng Saint Joseph Parish Youth Ministry.

Kabilang sa mga tampok na magbibigay-buhay sa gabing ito ang The Our Father Parish - Youth Ministry, na maghahatid ng kanilang husay at talento sa isang makabuluhang pagtatanghal.

Inaanyayahan ang lahat na makiisa sa darating na Abril 24 (Biyernes), ika-7:00 ng gabi, sa NPC Covered Court, pagkatapos ng ating Misa Nobenaryo.

Bilang bahagi ng nalalapit na Fiesta Galak 2026, halina’t sama-sama nating tunghayan ang isang gabing puno ng saya, talento, at makabuluhang pagninilay sa tunay na pag-ibig – ang pag-ibig ni Kristo – na isinabuhay ng ating mga kabataang lingkod.

Kita-kits, mga kabataan ni San Jose!


––––––––––
LIKE and FOLLOW us on:

Facebook: fb.com/sjpnpcpym
Instagram: instagram.com/sjpnpcpym

23/04/2026

Sa ikalawang magkasunod na taon.
Muli nating tinanggap ang invitation ng ating katokhayo, St. Joseph Parish. 🫰

Kabataan ng San Isidro Labrador Vicariate,, tayo't sama-sama magdiwang at maglinang ng talento sa "Reel Love, Real Love: Youth Night" hosted by SJP. ❤️

Paunang pasasalamat sa mga kabataan nating matiyagang naghahanda para sa performance ng TOFP dito at sa mga magulang na tuloy-tuloy ang suporta, nawa'y manood kayo at maging proud sa inyong mga anak. Salamat po! 🫡

[Sa ating PYM, ang instructions sa pagjoin dito ay nasa ating official group chat or maaring itanong sa inyong kanya-kanyang youth group coordinators.]😉

𝑹𝒆𝒆𝒍 𝒍𝒐𝒗𝒆 𝒆𝒏𝒅𝒔 — 𝑪𝒉𝒓𝒊𝒔𝒕’𝒔 𝒓𝒆𝒂𝒍 𝒍𝒐𝒗𝒆 𝒓𝒆𝒎𝒂𝒊𝒏𝒔.

Buong galak na inihahandog ng Saint Joseph Parish Youth Ministry ang kanilang taunang 𝗬𝗼𝘂𝘁𝗵 𝗡𝗶𝗴𝗵𝘁 na pinamagatang “𝗥𝗲𝗲𝗹 𝗟𝗼𝘃𝗲, 𝗥𝗲𝗮𝗹 𝗟𝗼𝘃𝗲.”

Inaanyayahan ang lahat na makiisa sa darating na Abril 24 (Biyernes), ika-7:00 ng gabi, sa NPC Covered Court, pagkatapos ng ating Misa Nobenaryo.

Bilang bahagi ng nalalapit na Fiesta Galak 2026, halina’t sama-sama nating tunghayan ang isang gabing puno ng saya, talento, at makabuluhang pagninilay sa tunay na pag-ibig – ang pag-ibig ni Kristo – na isinabuhay ng ating mga kabataang lingkod.

Kita-kits, mga kabataan ni San Jose!

Graphics by R. Raotraot and P. Quismundo


––––––––––
LIKE and FOLLOW us on:

Facebook: fb.com/sjpnpcpym
Instagram: instagram.com/sjpnpcpym

10/04/2026

✨ KA-TALK NA, KA-PAROKYA! ✨

We proudly adapts & presents:
💬 “Ka-Talk: Inter-Parish Youth Ministry Sessions”

This program is a localized adaptation of the Ka-Talk initiative of the Commission on Youth of the Diocese of Novaliches, na naglalayong katukin ang bawat ministry, makinig sa inyong kwento, at mas mapalalim pa ang samahan natin bilang kabataang naglilingkod. 💛

Sa bawat session, we will:
🤝 Connect and bond with one another
🗣️ Share experiences, concerns, and needs
🌱 Discover how we can better support each ministry
🔥 Be inspired to continue serving with joy and purpose

📅 Check out the schedules below and make sure to attend your assigned session!

This is your space. Your voice matters.
Tara na—mag-Ka-Talk, maki-isa, at sabay-sabay tayong magpadayon!