SJWP MEDIA Ministry

09/08/2026

02/08/2026

Ibinahagi ni Kuya Danny Reyes sa Sower Parish Evangelization School (SPES)
ang isang makabuluhang pagninilay para sa mga kabataang mag-aaral,
kung saan iniuugnay niya ang kasaysayan ng mga Israelita
sa disyerto sa ating mga pinagdadaanan sa buhay.
Ayon sa kanya, katulad ng paggabay ng Diyos sa disyerto upang hubugin ang pananampalataya
at katatagan ng mga Israelita bago sumapit sa Lupang Pangako,
ang edukasyon naman ay nagsisilbi ring ating sariling "disyerto."
Ito ay isang proseso ng pagsubok, pag-aaral, at pagtitiis na nag-aakay
sa atin patungo sa isang mas magandang bukas.

06/07/2026

Maraming salamat sa inyong sakripisyo at paglilingkod sa SanJoBal.
Maligayang Kaarawan po, Fr. Jojo!

05/07/2026

"Samahan po natin ng dasal yung mga panahong sinusubok
ang ating pananampalataya para maliwanagan ang ating isipan
at mahanap natin ang sagot sa mga tanong na mahirap sagutin ng tao."
__________________________
Bro. Johnson Manabat
on SPES opening, 5 July 26

05/07/2026

Kaninang tanghali ay ginanap ang dalawang mahalagang gawain sa ating parokya.

Pormal na binuksan ang panibagong batch para sa Sower Parish Evangelization School (SPES), kung saan magsisimula ang paglalakbay sa pag-aaral ng Salita ng Diyos ng mga bagong miyembro, isang bible study na ginaganap tuwing Linggo.

Kasabay rin nito ang Relaunching ng Scholarship Program sa ilalim ng Children's Ministry, na sa kasalukuyan ay may 30 iskolar mula sa iba't ibang antas ng pag-aaral—mula elementarya hanggang kolehiyo.

Maraming salamat po sa ating mga parishioners at sa lahat ng mga taong patuloy na sumusuporta sa mga programa at misyon ng ating parokya. Nawa'y patuloy tayong maging katuwang sa paghuhubog ng pananampalataya at kinabukasan ng bawat isa.

Pagpalain po tayong lahat!

05/07/2026

"Anumang pinapasan natin na wala si Kristo, wala ang Diyos
lalong nagiging mabigat. Do not remove Jesus from the cross that you are carrying."
_________________________
Rev. Fr. Henry Ferreras
on SPES opening 5 July 26

05/07/2026

Sa buhay pamilya, kapag ang mag-asawa ay nagtutulungan sa anumang suliranin,
nagiging magaan ang lahat. Lumalapit tayo sa Panginoon para matulungan tayo.
__________________________
Rev. Fr. Henry Ferreas
on SPES opening, 5 July 26