What are the opening hours?

Monday 9am - 11pm Tuesday 9am - 11pm Wednesday 9am - 11pm Thursday 9am - 11pm Friday 9am - 11pm Saturday 9am - 11pm Sunday 9am - 11pm

https://www.facebook.com/402796419574833/

Himig Kalinaw, Commonwealth Avenue Corner Kasunduan Street, Quezon City (2026)

17/05/2026

Sa ikapitong Linggo ng Pasko ng Muling Pagkabuhay, ating ginugunita ang Kapistahan ng Pag-akyat sa Langit ng ating Panginoon o Ascension of our Lord.

Umakyat man Siya sa Langit, hindi ito nangangahulugan na hindi na natin Siya kapiling. Nangako Siya na ipapadala Niya ang Espiritu Santo sa atin na ating gugunitain sa susunod na Linggo at ito rin ang hudyat ng pagsisimula ng ating Simbahan higit na sa dalawang milenyo na ang nakalilipas.

Magsilbi nawang pag-asa ang Kanyang pag-akyat sa Langit sa ating buhay.

Ang awiting We Will Rise ay naaangkop sa Pakikinabang. Hindi habambuhay ay lagi tayong malulugmok sa dusa at kalungkutan. Kung may dalawa o higit pa ang nananalangin sa Kanya, kapiling natin Siya at tayo’y iaahon sa ating pagbagsak at mga pagsubok na kinakahaharap.

𝙽𝚘𝚝 𝚍𝚎𝚊𝚝𝚑, 𝚗𝚘𝚝 𝚕𝚒𝚏𝚎
𝙽𝚘𝚝 𝚘𝚗 𝚎𝚊𝚛𝚝𝚑 𝚘𝚛 𝚊𝚋𝚘𝚟𝚎
𝚆𝚒𝚕𝚕 𝚎𝚟𝚎𝚛 𝚜𝚎𝚙𝚊𝚛𝚊𝚝𝚎 𝚞𝚜 𝚏𝚛𝚘𝚖 𝚈𝚘𝚞𝚛 𝚕𝚘𝚟𝚎.

𝙷𝚎𝚛𝚎 𝚠𝚎 𝚝𝚊𝚜𝚝𝚎 𝚊𝚗𝚍 𝚜𝚎𝚎 𝚈𝚘𝚞𝚛 𝚐𝚘𝚘𝚍𝚗𝚎𝚜𝚜
𝙸𝚗 𝚝𝚑𝚎 𝚋𝚛𝚎𝚊𝚔𝚒𝚗𝚐 𝚘𝚏 𝚝𝚑𝚎 𝚋𝚛𝚎𝚊𝚍
𝙿𝚕𝚎𝚍𝚐𝚎 𝚘𝚏 𝚏𝚞𝚝𝚞𝚛𝚎 𝚑𝚘𝚙𝚎 𝚊𝚗𝚍 𝚐𝚕𝚘𝚛𝚢
𝙾𝚏 𝚘𝚞𝚛 𝚛𝚒𝚜𝚒𝚗𝚐 𝚏𝚛𝚘𝚖 𝚝𝚑𝚎 𝚍𝚎𝚊𝚍.

𝚆𝚑𝚎𝚗 𝚠𝚎 𝚎𝚊𝚝 𝚝𝚑𝚒𝚜 𝚋𝚛𝚎𝚊𝚍
𝙰𝚗𝚍 𝚒𝚗 𝚈𝚘𝚞 𝚋𝚎𝚕𝚒𝚎𝚟𝚎
𝚆𝚎 𝚋𝚎𝚌𝚘𝚖𝚎 𝚠𝚑𝚘𝚖 𝚠𝚎 𝚛𝚎𝚌𝚎𝚒𝚟𝚎
𝙰𝚗𝚍 𝚏𝚛𝚘𝚖 𝚍𝚎𝚊𝚝𝚑 𝚊𝚗𝚍 𝚜𝚝𝚛𝚒𝚏𝚎
𝚆𝚎 𝚠𝚒𝚕𝚕 𝚛𝚒𝚜𝚎.

10/05/2026

Sa ikaanim na Linggo ng Pasko ng Muling Pagkabuhay, winika ni Hesus sa Kanyang mga alagad ,”Ang tumatanggap sa mga utos Ko at tumutupad nito ang siyang umiibig sa akin. Ang umiibig sa Akin ay iibigin ng Aking Ama.”

Sa Kanyang muling pagkabuhay, marapat lamang na Siya ay ating ibigin dahil sa Kanyang mga aral na nagbibigay ng buhay at pagpapakasakit Niya sa Krus upang magsilbing hain sa Diyos nang tayo’y mailigtas sa ating mga kasalanan. Magagawa lamang natin ito kung Siya ay ating mamahalin sa pamamagitan ng pagsunod sa Kanyang mga utos. Ang utos Niya sa madaling salita’y mag-ibigan tayo gaya ng pag-ibig natin sa Diyos Amang nasa Langit.

Ang awitin na Pagkabuhay ni Hesus ay naaangkop sa Pakikinabang.

𝙰𝚝𝚒𝚗𝚐 𝚜𝚞𝚗𝚍𝚒𝚗, 𝚊𝚝𝚒𝚗𝚐 𝚍𝚒𝚗𝚐𝚐𝚒𝚗
𝙰𝚝𝚒𝚗𝚐 𝚒𝚙𝚊𝚐𝚖𝚊𝚕𝚊𝚔𝚒 𝚗𝚊 𝚜𝚒 𝙷𝚎𝚜𝚞𝚜 𝚊𝚢 𝚊𝚝𝚒𝚗𝚐 𝙳𝚒𝚢𝚘𝚜
𝙰𝚗𝚐 𝚝𝚞𝚗𝚊𝚢 𝚗𝚊 𝚔𝚊𝚕𝚒𝚐𝚝𝚊𝚜𝚊𝚗.

𝙼𝚊𝚐𝚊𝚕𝚊𝚔 ‘𝚙𝚊𝚐𝚔𝚊𝚝 𝚂𝚒𝚢𝚊’𝚢 𝚗𝚊𝚋𝚞𝚑𝚊𝚢
𝚃𝚒𝚗𝚞𝚋𝚘𝚜 𝚊𝚗𝚐 𝚜𝚊𝚗𝚕𝚒𝚋𝚞𝚝𝚊𝚗
𝙰𝚠𝚒𝚝𝚊𝚗 𝚗𝚊𝚝𝚒𝚗 𝚗𝚐 𝙰𝚕𝚎𝚕𝚞𝚢𝚊
𝙸𝚙𝚊𝚖𝚊𝚑𝚊𝚐𝚒 𝚊𝚗𝚐 𝚔𝚊𝚕𝚒𝚐𝚝𝚊𝚜𝚊𝚗.

𝙽𝚊𝚐𝚍𝚒𝚛𝚒𝚠𝚊𝚗𝚐 𝚜𝚊 𝚕𝚊𝚗𝚐𝚒𝚝 𝚖𝚐𝚊 𝚊𝚗𝚐𝚑𝚎𝚕 𝚗𝚊 𝚋𝚊𝚗𝚊𝚕
𝙰𝚝 𝚜𝚊 𝚕𝚞𝚙𝚊’𝚢 𝚖𝚊𝚗𝚊𝚕𝚊𝚗𝚐𝚒𝚗 𝚊𝚝 𝚖𝚊𝚐𝚙𝚞𝚛𝚒 𝚜𝚊 𝙰𝚖𝚊
𝙸𝚙𝚒𝚗𝚊𝚗𝚐𝚊𝚔𝚘𝚗𝚐 𝚔𝚊𝚕𝚒𝚐𝚝𝚊𝚜𝚊𝚗 𝚊𝚢 𝚗𝚊𝚛𝚒𝚝𝚘 𝚗𝚊
𝚂𝚊 𝚙𝚊𝚐𝚔𝚊𝚋𝚞𝚑𝚊𝚢 𝚗𝚒 𝙷𝚎𝚜𝚞𝚜 𝚊𝚢 𝚊𝚝𝚒𝚗𝚐 𝚗𝚊𝚍𝚊𝚖𝚊.

03/05/2026

Ngayong ikalimang Linggo ng Pasko ng Muling Pagkabuhay, natunghayan natin sa Ebanghelyo kung paano ipahayag ni Hesus na Siya ang daan, katotohanan, at buhay. Sa pamamagitan ng Kanyang kamatayan, tayo’y nailigtas sa ating mga kasalanan at ang tanging sandigan ay pananalig sa Kanya. Sa Kanyang Muling Pagkabuhay, tayo’y pinagkalooban ng panibagong buhay at pag-asa. Katotohanang Siya ay paroroon sa Ama at walang makakapunta sa Ama kundi sa pamamagitan Niya bilang daan tungo sa buhay na walang hanggan.

Nawa’y huwag nating kalimutan ang tagumpay ng pagliligtas ng Diyos sa bayang nilingap Niya simula pa man noong una.

Ang awiting Sa Iyong Muling Pagkabuhay ay naangkop na kantahin sa Paghayo.

𝚂𝚊 𝙸𝚢𝚘𝚗𝚐 𝙼𝚞𝚕𝚒𝚗𝚐 𝙿𝚊𝚐𝚔𝚊𝚋𝚞𝚑𝚊𝚢,
𝙱𝚞𝚘𝚗𝚐 𝚋𝚊𝚢𝚊𝚗 𝚊𝚢 𝚗𝚊𝚐𝚍𝚒𝚛𝚒𝚠𝚊𝚗𝚐.
𝙷𝚊𝚗𝚍𝚘𝚐 𝙼𝚘𝚗𝚐 𝚋𝚞𝚑𝚊𝚢 𝚍𝚞𝚕𝚘𝚝 𝚊𝚗𝚐 𝚙𝚊𝚐-𝚊𝚜𝚊𝚗𝚐 𝚔𝚊𝚝𝚊𝚛𝚞𝚗𝚐𝚊𝚗 𝚊𝚝 𝚔𝚊𝚕𝚒𝚐𝚝𝚊𝚜𝚊𝚗.

26/04/2026

Sa ikaapat na Linggo ng Pasko ng Muling Pagkabuhay, nakatuon ang Ebanghelyo kay Hesus bilang Mabuling Pastol o Good Shepherd na kapistahan din ginugunita sa buong Simbahang Katolika.

Kinikilala ng mga tupa si Hesus sapagkat Siya ang pastol na gagabay sa ating paglalakbay at magbibigay ng buhay na ganap at kasiya-siya. Kung kaya’t bilang mga tupa Niya, huwag nawa nating makaligtaan ang mga turo Niya na patungo sa buhay na walang hanggan.

Ang awiting Ang Panginoong Ang Aking Pastol na hango sa Salmo 23 ay naaangkop sa Awit ng Pakikinabang.

𝙰𝚗𝚐 𝙿𝚊𝚗𝚐𝚒𝚗𝚘𝚘𝚗 𝚊𝚗𝚐 𝚊𝚔𝚒𝚗𝚐 𝙿𝚊𝚜𝚝𝚘𝚕
𝚆𝚊𝚕𝚊 𝚊𝚔𝚘𝚗𝚐 𝚍𝚊𝚙𝚊𝚝 𝚒𝚔𝚊𝚙𝚊𝚗𝚐𝚊𝚖𝚋𝚊𝚗𝚐 𝚊𝚗𝚞𝚖𝚊𝚗.

𝙳𝚒𝚕𝚒𝚖 𝚊𝚝 𝚙𝚊𝚗𝚐𝚊𝚗𝚒𝚋, 𝚂𝚒𝚢𝚊 𝚊𝚗𝚐 𝚙𝚊𝚙𝚊𝚠𝚒.
𝙱𝚒𝚜𝚒𝚐 𝙽𝚒𝚢𝚊'𝚝 𝚔𝚊𝚙𝚒𝚝, 𝚝𝚊𝚝𝚊𝚐 𝚗𝚐 𝚍𝚒𝚋𝚍𝚒𝚋.
𝙰𝚗𝚐 𝚑𝚊𝚒𝚗 𝙽𝚒𝚢𝚊 𝚗𝚐𝚊 𝚊𝚗𝚐 𝚜𝚊𝚐𝚊𝚗𝚊 𝚗𝚐 𝚋𝚞𝚑𝚊𝚢
𝚃𝚊𝚑𝚊𝚗𝚊𝚗 𝚔𝚘'𝚢 𝙺𝚊𝚗𝚢𝚊𝚗𝚐 𝚙𝚊𝚐-𝚒𝚋𝚒𝚐.

19/04/2026

Tayo’y nasa ikatlong Linggo ng Pasko ng Muling Pagkabuhay. Nakaraang linggo, ating nasaksihan si Santo Tomas kung paano Siya nagduda sa pagkabuhay ni Hesus.

Sa ating Ebanghelyo ngayon, hindi nakilala ng Kanyang mga alagad si Hesus habang sila’y naglalakbay patungong Emmaus. Kanila lamang itong nakilala sa pamamagitan ng paghahati ng tinapay na kanyang unang ipanakita sa Huling Hapunan.

Sa ating buhay, sa gitna ng ating kalungkutan o pangamba, maligaya man tayo o napanghihinaan ng loob, nawa’y lagi nating isaisip na kapiling natin Siya habang tayo’y naglalakbay.

Ang awiting Bread of Life ay naangkop na awitin sa lahat ng panahon para sa Awit ng Pakikinabang.

𝚆𝚑𝚘𝚎𝚟𝚎𝚛 𝚎𝚊𝚝𝚜 𝚝𝚑𝚎 𝚋𝚛𝚎𝚊𝚍 𝚘𝚏 𝚕𝚒𝚏𝚎
𝚆𝚒𝚕𝚕 𝚗𝚎𝚟𝚎𝚛 𝚑𝚞𝚗𝚐𝚎𝚛, 𝚜𝚊𝚢𝚜 𝚝𝚑𝚎 𝙻𝚘𝚛𝚍.
𝙵𝚘𝚛 𝚊𝚕𝚕 𝚠𝚑𝚘 𝚎𝚊𝚝 𝚊𝚗𝚍 𝚍𝚛𝚒𝚗𝚔 𝚘𝚏 𝚖𝚎
𝚆𝚒𝚕𝚕 𝚗𝚎𝚟𝚎𝚛 𝚍𝚒𝚎 𝚋𝚞𝚝 𝚠𝚒𝚕𝚕 𝚛𝚎𝚌𝚎𝚒𝚟𝚎 𝚎𝚝𝚎𝚛𝚗𝚊𝚕 𝚕𝚒𝚏𝚎.

12/04/2026

Nasa ikalawang linggo na tayo sa Panahon ng Pasko ng Muling Pagkabuhay. Ngayon rin ay ipinagdiriwang ang Mabathalang Awa o mas kilala sa taguring “Divine Mercy” na itinalaga ni San Juan Pablo II bilang kapistahan ng buong Simbahan. Ito ay unang ipinahayag ni Hesus sa isang Madreng Polish na si Santa Maria Faustina Kowalska at naging debosyon sa Simbahang Katolika.

Katulad ni Hesus, matuto tayong magpatawad sa ating kapwa. Nasaksihan natin kung paano ipinagtatwa, ipagkanulo at tinalikuran si Hesus ng mga alagad habang Siya ay nagpapakasakit. Maging sa pagkabuhay, nagkaroon pa rin ng pagdududa katulad ni Santo Tomas. Dahil sa Kanyang pagmamahal at awa sa kanila, Siya’y nagpatawad at Kanyang sinabi, “Sumainyo ang kapayapaan.” Patuloy nawa tayong sumamba sa Diyos na buhay na hindi natin nakikita ngunit patuloy ang pag-uumapaw ng walang hanggang awa sa sanlibutan.

O Hesus, Hari ng Awa, kami ay nananalig sa Iyo.

𝙾 𝚙𝚊𝚜𝚊𝚕𝚊𝚖𝚊𝚝𝚊𝚗 𝚊𝚗𝚐 𝙳𝚒𝚢𝚘𝚜 𝚗𝚊 𝙿𝚊𝚗𝚐𝚒𝚗𝚘𝚘𝚗 ‘𝚙𝚊𝚐𝚔𝚊𝚝 𝚂𝚒𝚢𝚊’𝚢 𝚖𝚊𝚋𝚞𝚝𝚒
𝙰𝚗𝚐 𝙺𝚊𝚗𝚢𝚊𝚗𝚐 𝚙𝚊𝚐-𝚒𝚋𝚒𝚐 𝚊𝚢 𝚗𝚊𝚙𝚊𝚔𝚊𝚝𝚊𝚝𝚊𝚐 𝚊𝚝 𝚖𝚊𝚗𝚊𝚗𝚊𝚝𝚒𝚕𝚒

𝙰𝚗𝚐 𝚝𝚊𝚐𝚊-𝙸𝚜𝚛𝚊𝚎𝚕, ‘𝚋𝚊𝚢𝚊𝚊𝚗𝚐 𝚜𝚊𝚋𝚒𝚑𝚒’𝚝 𝚔𝚊𝚗𝚒𝚕𝚊𝚗𝚐 𝚒𝚑𝚊𝚑𝚊𝚢𝚊𝚐
“𝙰𝚗𝚐 𝚙𝚊𝚐-𝚒𝚋𝚒𝚐 𝚗𝚐 𝙳𝚒𝚢𝚘𝚜 𝚊𝚢 𝚑𝚒𝚗𝚍𝚒 𝚔𝚞𝚔𝚞𝚙𝚊𝚜!”

04/04/2026

Ngayon ay Sabado de Gloria, ang huling yugto ng Triduum at nasaksihan natin sa Ebanghelyo ang muling pagkabuhay ni Hesus!

Ito ang patotoo kung gaano kadakila ang Anak ng Diyos sa muli Niyang pagkabuhay. Nawa’y huwag tayong mawalay sa Kanyang maluwalhating kapangyarihan at habag. Pinatunayan Niya na hindi lahat ng bagay sa sanlibutan ay mauuwi sa kalungkutan. Bagkus, tayong lahat ay makatatamasa ng kaligayahan at patungo sa Diyos Ama.

Happy Easter!

𝙸𝚗 𝚖𝚢 𝚑𝚎𝚊𝚛𝚝 𝙸 𝚔𝚗𝚘𝚠 𝚖𝚢 𝚂𝚊𝚟𝚒𝚘𝚛 𝚕𝚒𝚟𝚎𝚜
𝙸 𝚌𝚊𝚗 𝚑𝚎𝚊𝚛 𝙷𝚒𝚖 𝚌𝚊𝚕𝚕𝚒𝚗𝚐 𝚝𝚎𝚗𝚍𝚎𝚛𝚕𝚢 𝚖𝚢 𝚗𝚊𝚖𝚎
𝙾𝚟𝚎𝚛 𝚜𝚒𝚗 𝚊𝚗𝚍 𝚍𝚎𝚊𝚝𝚑 𝙷𝚎 𝚑𝚊𝚜 𝚙𝚛𝚎𝚟𝚊𝚒𝚕𝚎𝚍
𝙸𝚗 𝙷𝚒𝚜 𝚐𝚕𝚘𝚛𝚢, 𝚒𝚗 𝙷𝚒𝚜 𝚗𝚎𝚠 𝚕𝚒𝚏𝚎 𝚠𝚎 𝚙𝚊𝚛𝚝𝚊𝚔𝚎

03/04/2026

Ngayon ay nasa ikalawang araw na tayo ng Triduum, ang Biyernes Santo sa Pagpapakasakit ng Panginoon. Sinamahan natin Siya kahapon sa huling mga sandali Niya kasama ang mga apostol. Ngayon ay nasaksihan natin ang panlilibak ng mga Hudyo at hinatulan ng kamatayan sa kamay ni Pontio Pilato. Pinasan ang Krus patungong Golgota.

Sa mga oras na ito’y nalagutan na ng hininga sa Krus si Hesus. Ito ay tanda ng pagmamahal Niya sa atin kaya’t handa Siyang magsakripisyo para sa ikapagpapatawad ng ating mga kasalanan.

𝚂𝚊𝚙𝚊𝚐𝚔𝚊𝚝 𝚐𝚊𝚢𝚘𝚗 𝚗𝚊 𝚕𝚊𝚖𝚊𝚗𝚐 𝚊𝚗𝚐 𝚙𝚊𝚐-𝚒𝚋𝚒𝚐 𝚗𝚐 𝙳𝚒𝚢𝚘𝚜 𝚜𝚊 𝚜𝚊𝚗𝚐𝚔𝚊𝚝𝚊𝚞𝚑𝚊𝚗, 𝚔𝚊𝚢𝚊'𝚝 𝚒𝚋𝚒𝚗𝚒𝚐𝚊𝚢 𝚗𝚒𝚢𝚊 𝚊𝚗𝚐 𝚔𝚊𝚗𝚢𝚊𝚗𝚐 𝚔𝚊𝚒𝚜𝚊-𝚒𝚜𝚊𝚗𝚐 𝙰𝚗𝚊𝚔, 𝚞𝚙𝚊𝚗𝚐 𝚊𝚗𝚐 𝚜𝚒𝚗𝚞𝚖𝚊𝚗𝚐 𝚜𝚞𝚖𝚊𝚖𝚙𝚊𝚕𝚊𝚝𝚊𝚢𝚊 𝚜𝚊 𝚔𝚊𝚗𝚢𝚊 𝚊𝚢 𝚑𝚒𝚗𝚍𝚒 𝚖𝚊𝚙𝚊𝚑𝚊𝚖𝚊𝚔, 𝚔𝚞𝚗𝚍𝚒 𝚖𝚊𝚐𝚔𝚊𝚛𝚘𝚘𝚗 𝚗𝚐 𝚋𝚞𝚑𝚊𝚢 𝚗𝚊 𝚠𝚊𝚕𝚊𝚗𝚐 𝚑𝚊𝚗𝚐𝚐𝚊𝚗.

02/04/2026

Ngayon ay Huwebes Santo o mas kilala sa taguring Maundy Thursday na hango sa salitang Latin na mandatum o utos sa wika natin at isa sa mga naging paksa ng ating mga pagbasa ngayon.

Tatlong pangyayari ang ating sinasariwa ngayong araw na ito. Una ay ang paghuhugas ni Hesus sa mga paa ng alagad Niya. Ito ay tanda ng pagiging halimbawa Niya bilang pinuno ng Simbahan na nang may kababaang loob. Ito rin ay upang maipakita Niya kung paano natin paglilingkuran ang ating kapwa.

Ikalawa ay ang Huling Hapunan na kung inyong mapapansin, ito ay natutunghayan natin Tuwing tayo’y dumadalo sa Banal Misa. Ang alak at tinapay na ating pagsasaluhan ay sumisimbolo kay Hesus. Sa pagkakataong ito, ating nasaksihan ang bagong utos Niya na magmahalan kayo tayo.

Ikatlo ay ang pagsama sa Kanya sa mga huling sandali sa Halamanan ng Gethsemane na ating makikita sa Altar of Repose bago pa man Siya dakpin upang patayin. Makikita natin ang Banal na Sakramento habang tayo’y nagtatanod at nagdarasal, tanda ng pakikiisa natin sa Kanya habang papalapit na Siya sa kanyang hantungan.

𝙽𝚊𝚗𝚐 𝚍𝚊𝚔𝚘𝚗𝚐 𝚍𝚊𝚙𝚒𝚝-𝚑𝚊𝚙𝚘𝚗, 𝚙𝚒𝚐𝚒𝚗𝚐 𝚗𝚐 𝙿𝚊𝚗𝚐𝚒𝚗𝚘𝚘𝚗
𝚂𝚊 𝚖𝚐𝚊 𝚔𝚊𝚒𝚋𝚒𝚐𝚊𝚗 𝚊𝚢 𝚖𝚊𝚐-𝚑𝚞𝚕𝚒𝚗𝚐 𝚑𝚊𝚙𝚞𝚗𝚊𝚗.
𝚂𝚊 𝚋𝚊𝚐𝚘𝚗𝚐 𝚜𝚊𝚕𝚞-𝚜𝚊𝚕𝚘, 𝚗𝚊𝚐𝚍𝚒𝚛𝚒𝚠𝚊𝚗𝚐 𝚊𝚗𝚐 𝚋𝚊𝚢𝚊𝚗
𝙰𝚗𝚐 𝚝𝚊𝚗𝚐𝚒𝚗𝚐 𝙺𝚊𝚗𝚢𝚊𝚗𝚐 𝚑𝚊𝚒𝚗 𝚊𝚢 𝚜𝚊𝚛𝚒𝚕𝚒 𝙽𝚒𝚢𝚊𝚗𝚐 𝚋𝚞𝚑𝚊𝚢.

29/03/2026

Ngayong araw ay ating ipinagdiriwang ang dalawang mahalagang pangyayari sa kasaysayan - ang pagpasok ni Hesus sa Jerusalem at ang pagpapakasakit Niya sa Krus. Ito rin ang panimula ng mga Mahal na Araw.

Nasaksihan natin kung paano pinatuloy si Hesus sa Jerusalem ng mga tao dala-dala ang mga palaspas at ipinagbubunyi Siya bilang hari. “Hosana sa Anak ni David!” Ito ang awit na maririnig sa pagpasok Niya. Sa kabilang dako’y sila rin ang nanlibak sa Kanya habang Siya ay nagpapakasakit buhat ang Krus ng ating kaligtasan hanggang sa kamatayan. Huwag nawa nating malimutan ang Kanyang kabutihang dulot sa atin tulad ng mga Israelitang nakasaksi sa Kanyang himala ngunit naging bulag pa rin sa huli.

Ang kantang Hosana Ang Aming Awit ay naaangkop na Pambungad na Awit tuwing Linggo ng Palaspas.

𝙷𝚘𝚜𝚊𝚗𝚊 𝚊𝚗𝚐 𝚊𝚖𝚒𝚗𝚐 𝚊𝚠𝚒𝚝 𝚜𝚊 𝙰𝚗𝚊𝚔 𝚗𝚒 𝙳𝚊𝚟𝚒𝚍.
𝚂𝚊 𝚗𝚐𝚊𝚕𝚊𝚗 𝚗𝚐 𝙳𝚒𝚢𝚘𝚜 𝚗𝚊 𝚜𝚊 𝚕𝚊𝚗𝚐𝚒𝚝, 𝚙𝚊𝚐𝚙𝚊𝚙𝚊𝚕𝚊’𝚝 𝚙𝚊𝚐𝚝𝚞𝚋𝚘𝚜 𝚜𝚊 𝚊𝚖𝚒𝚗.

22/03/2026

“𝙿𝚊𝚐𝚔𝚊𝚋𝚞𝚑𝚊𝚢 𝚊𝚔𝚘’𝚝 𝚋𝚞𝚑𝚊𝚢, 𝚗𝚊𝚋𝚞𝚋𝚞𝚑𝚊𝚢 𝚗𝚊 𝚜𝚒𝚗𝚞𝚖𝚊𝚗𝚐 𝚊𝚔𝚘’𝚢 𝚙𝚒𝚗𝚊𝚗𝚊𝚗𝚊𝚕𝚒𝚐𝚊𝚗 𝚊𝚢 𝚍𝚒 𝚖𝚊𝚐𝚙𝚊𝚙𝚊𝚗𝚊𝚒𝚐𝚊𝚗 𝚗𝚐 𝚔𝚊𝚖𝚊𝚝𝚊𝚢𝚊𝚗 𝚔𝚊𝚒𝚕𝚊𝚗𝚖𝚊𝚗.”

Ngayon ay ang ikalimang Linggo ng Kwaresma at sa Ebanghelyo, ating natunghayan ang isang himalang ginawa ni Hesus.

Ang awiting We Carry The Saving Cross ay naaangkop sa Pakikinabang at dito tayo ngayon magninilay.

Nasakaihan natin kung paano nagtagumpay sa kamatayan si San Lazaro at napatunayan na si Hesus mismo ang muling pagkabuhay. Ito ay paalala sa atin na kahit anupaman ang ating pagsubok na kahaharapin at madapa, tayo’y muling itatayo Niya nang may panibagong buhay at pag-asa.

𝙒𝙚 𝙘𝙖𝙧𝙧𝙮 𝙩𝙝𝙚 𝙨𝙖𝙫𝙞𝙣𝙜 𝘾𝙧𝙤𝙨𝙨 𝙩𝙝𝙧𝙤𝙪𝙜𝙝 𝙩𝙝𝙚 𝙧𝙤𝙖𝙙𝙨 𝙤𝙛 𝙩𝙝𝙚 𝙬𝙤𝙧𝙡𝙙, 𝙩𝙝𝙧𝙤𝙪𝙜𝙝 𝙩𝙝𝙚 𝙖𝙡𝙡𝙚𝙮𝙨 𝙤𝙛 𝙥𝙤𝙫𝙚𝙧𝙩𝙮 𝙖𝙣𝙙 𝙢𝙞𝙨𝙚𝙧𝙮. 𝙈𝙖𝙧𝙘𝙝𝙞𝙣𝙜 𝙩𝙤 𝙖 𝙙𝙖𝙬𝙣𝙞𝙣𝙜 𝙙𝙖𝙮 𝙩𝙤 𝙛𝙧𝙚𝙚𝙙𝙤𝙢 𝙖𝙣𝙙 𝙫𝙞𝙘𝙩𝙤𝙧𝙮, 𝙩𝙤 𝙂𝙤𝙙’𝙨 𝙡𝙞𝙛𝙚 𝙖𝙣𝙙 𝙚𝙣𝙙𝙡𝙚𝙨𝙨 𝙜𝙡𝙤𝙧𝙮.

Himig Kalinaw

17/05/2026

10/05/2026

03/05/2026

26/04/2026

19/04/2026

12/04/2026

04/04/2026

03/04/2026

02/04/2026

29/03/2026

22/03/2026

Address

Opening Hours

Website

Alerts

Shortcuts

Share

Category

Monday	9am - 11pm
Tuesday	9am - 11pm
Wednesday	9am - 11pm
Thursday	9am - 11pm
Friday	9am - 11pm
Saturday	9am - 11pm
Sunday	9am - 11pm