30/08/2026
7 years ago - nag-umpisa sa March 2020 ang kasagutan sa panalangin natin. Pero hindi agad ginhawa ang tugon Niya sa atin, kung hindi pandemic at ang pagkakataon para sa simbahan na paglingkuran ang komunidad.
March 2026. Alam na ninyo ang nangyari, at hindi naging madali ito para sa ating lahat. Pero marami sa atin ang tinawag para tumayo para sa mga tao, at panghawakan ang mga pangako ng Diyos, na Kanyang tinutupad dahil ang Diyos ay tapat.
He knew, even before. And He prepared us, and made us ready. ❤️
Pagpapala sa ating lahat!
Josue 1:3-9 RTPV05
[3] Gaya ng aking sinabi kay Moises, ibinigay ko na sa inyo ang lahat ng lupaing inyong mararating. [4] Ito ang magiging hangganan ninyo: sa hilaga ay ang kabundukan ng Lebanon; sa timog ay ang disyerto; sa silangan, ang malaking Ilog Eufrates; at sa kanluran, mula sa lupain ng mga Heteo hanggang sa Dagat Mediteraneo. [5] Walang makakagapi sa iyo habang ikaw ay nabubuhay. Sasamahan kita gaya ng pagpatnubay ko kay Moises. Hindi kita iiwan ni hindi pababayaan man. [6] Magpakatatag ka at lakasan mo ang iyong loob sapagkat ikaw ang mamumuno sa bayang ito sa pagsakop nila sa lupaing ibibigay ko sa kanila, ayon sa aking pangako sa inyong mga ninuno. [7] Basta't magpakatatag ka at lakasan mo ang iyong loob. Sundin mong mabuti ang buong Kautusang ibinigay sa inyo ni Moises. Huwag kang susuway sa anumang nakasaad doon, at magtatagumpay ka saan ka man magpunta. [8] Huwag mong kaliligtaang basahin ang aklat ng kautusan. Pagbulay-bulayan mo iyon araw at gabi upang matupad mo ang lahat ng nakasaad doon. Sa ganoon, magiging masagana at matagumpay ang iyong pamumuhay. [9] Tandaan mo ang bilin ko: Magpakatatag ka at lakasan mo ang iyong loob. Huwag kang matatakot o mawawalan ng pag-asa sapagkat akong si Yahweh, na iyong Diyos, ay kasama mo saan ka man magpunta.”
https://bible.com/bible/399/jos.1.3-9.RTPV05
Magandang umaga po sa mga kapatid. Nais po naming mag-anyaya para sa isang Prayer walk para sa ating komunidad, bilang proteksyon at pagpapala sa ating mga nakatira rito. Kasama sa mga ipagpapanalangin ay:
1. Proteksyon sa sakit
2. Proteksyon mula sa mga hindi magandang pangyayari sa komunidad, tulad ng kaguluhan na dulot ng nakaraang sunog at napapariwara nating mga kabataan.
3. Ginhawa sa lubhang kahirapan, kagaanan para sa araw-araw na pamumuhay
Bukas po ang imbitasyon para sa lahat, maging sa ating mga kapatiran sa ilang mga simbahan sa komunidad. At maging ang mga kapitbahay o sinumang may puso para sa komunidad. Kita-kita po tayo sa Sabado, Jan 26, alas-6 ng umaga. Magtitipon po muna sa 2F ng simbahan ng LSCC Nia bago umikot para sa ating Prayer walk.
Pagpapala po sa lahat.
