31/08/2026
ππππ: πππππππ π:πβππ
πππππ: βπππππππ ππ πππ πππππππ πππππππππβ
KEY POINT:
HOW DOES THE EARTHLY SANCTUARY WORK?
1. There was a restriction in worship
vv. 1β5
2. The sanctuary was external and limited
vv. 6β8
3. The old worship points to the new one
vv. 9β10
Kung ating babalikan ang Lumang Tipan, makikita natin kung gaano kahigpit at ka-detalyado ang mga alituntuning ibinigay ng Diyos tungkol sa pagsamba at paghahandog para sa mga kasalanan ng Kanyang bayan.
May mga itinakdang lugar, kagamitan, pari, paghahandog, at mga paraan kung paano lalapit sa presensya ng Diyos. Hindi maaaring basta-basta pumasok ang sinuman sa banal na lugar. Mayroong restriction sa worship.
Ngunit kung ating bibigyan ng pansin ang mga bagay na ito, makikita natin na ang mga ito ay hindi kailanman naging sapat upang tuluyang alisin ang kasalanan ng tao.
Ang mga handog at seremonya ay nagsilbing pansamantalang paraan ng pagtubos at paglilinis ayon sa itinakda ng Diyos. Ngunit hindi nito kayang baguhin at linisin nang lubusan ang puso at konsensya ng tao.
At dito natin makikita ang napakagandang plano ng Diyos.
Mula pa sa pasimula, mayroon nang plano ang Diyos kung paano Niya ililigtas ang Kanyang mga anakβat ang kaligtasang iyon ay matatagpuan lamang kay Jesus Christ.
Siya ang sumalo ng parusang nararapat para sa atin.
Siya ang naging tagapamagitan upang tayo ay magkaroon ng daan patungo sa Ama.
At Siya, na tunay na Diyos, ay nagpakababa at nagkatawang-tao upang abutin tayo sa ating makasalanang kalagayan.
Sabi sa Roma 5:8 (MBBTAG):
βNgunit pinatunayan ng Diyos ang kanyang pag-ibig sa atin nang mamatay si Cristo para sa atin noong tayo'y makasalanan pa.β
Kaya habang tinitingnan natin ang earthly sanctuary, hindi lamang tayo dapat tumingin sa mga kurtina, kagamitan, altar, pari, at mga handog.
Dapat nating makita si Jesus.
Ang mga bagay na ito sa Lumang Tipan ay anino ng mas dakilang realidad na darating. At ang realidad na iyon ay nahayag kay Cristo.
Kung ang lumang sistema ay nagbigay lamang ng anino, si Jesus ang katuparan.
Kung ang lumang sistema ay nagbigay lamang ng pansamantalang paraan upang lumapit sa Diyos, si Jesus ang nagbukas ng tunay at permanenteng daan patungo sa Ama.
Kung ang mga dating handog ay hindi kayang tuluyang mag-alis ng kasalanan, si Jesus ang perpektong handog na minsanan at sapat para sa lahat.
Kaya ang ating pagsamba ngayon ay hindi na nakabatay sa earthly sanctuary.
Hindi na tayo umaasa sa mga ritwal lamang.
Hindi na tayo umaasa sa mga panlabas na seremonya upang magkaroon ng access sa Diyos.
We come to God through Jesus Christ.
Sapagkat sinabi mismo ni Jesus:
βAko ang daan, ang katotohanan, at ang buhay. Walang makapupunta sa Ama kundi sa pamamagitan ko.β
β Juan 14:6
Si Jesus ang nag-iisang DAAN.
Si Jesus ang natatanging KATOTOHANAN.
At si Jesus ang BUHAY.
At Siyaβsi Jesusβay Diyos mula pa noon, Diyos ngayon, at Diyos magpakailanman.
Kaya habang pinag-aaralan natin ang earthly sanctuary, huwag nating kalimutan ang pinakamahalagang mensahe nito:
The old points us to the new.
The shadow points us to the substance.
And the sanctuary points us to Jesus Christ.
