09/03/2026
Isinagawa noong March 7, 2026 ang Women’s Month Celebration 2026 Kick-Off sa Barangay Holy Spirit sa pangunguna ni Barangay Captain Estrella “Star” Valmocina.
Kasama sa nasabing programa ang GAD Focal Person at Vice Chairman ng GAD na si Kagawad Joemar Lagarto, at ang mga kagawad na sina Lydia Ballesteros, Andy Adap, Orlie Angeles, Bunso Valmocina, at Cynthia Dacanay at SK Chairman Melody Bravo.
Nakiisa rin ang Women’s Desk ng Station 14 upang suportahan ang adbokasiya para sa kapakanan at karapatan ng kababaihan.
Dinaluhan ang aktibidad ng mga kababaihan mula sa iba’t ibang sektor ng komunidad tulad ng kasambahay, solo parents, persons with disabilities (PWD), at senior citizens.
Bahagi ng programa ang parade, Zumba Dance for All, at ang State of the Women’s Address (SOWA) na ibinahagi ni Kapitana Valmocina bilang pagkilala sa mahalagang papel at kontribusyon ng kababaihan sa pag-unlad ng komunidad.
Ang aktibidad na ito ay bahagi ng pagdiriwang ng National Women’s Month, na naglalayong itaguyod ang pagkakapantay-pantay, pagpapahalaga, at patuloy na pagbibigay-lakas sa mga kababaihan sa lipunan.
