15/05/2026
It's YAZ Testimony time! ⏰
Let's hear Ate Bea's wonderful testimony on how she surrender her life fully to God. ❤️🔥
“Alam ko na bawat isa sa atin may kanya-kanyang testimony sa buhay, pero ito ang testimony ko kung paano in-align ng Lord ang buhay ko.
Dati, nakakulong ako sa kasalanan. Nagmumura ako, nakikipag-away, naging suwail sa magulang, at maraming kalokohan ang nagawa ko.
Hanggang sa na-invite ako sa YA. Hindi ko alam na habang patuloy akong umaattend ng YA service, unti-unti nang kumikilos ang Panginoon sa buhay ko. Mas nakilala ko Siya at nakita ko kung ano ang kaya Niyang gawin sa buhay ng mga anak Niya.
Naging part ako ng ushering ministry at ng danz sa main service. Noong 2021, nagmiministry na ako sa main service at doon ko natutunan mag-pray at mag-devotion. Ginamit din ako ng Lord sa iba’t ibang ministry—nakapagturo sa children’s ministry, naging emcee, nag-encourage sa tithes and offering, sumayaw, naging worship lead at backup sa YA.
Pero kahit nasa ministry na ako, hindi ko pa rin maiwasang magkasala. Tuwing weekdays nasa kasalanan ako, tapos weekends nasa simbahan ako nagmi-ministry. Ibang-iba ako sa loob at labas ng simbahan.
Nagkaroon ng water baptism ang WOH Zytek at nagpabaptize ako, tinanggap ko si Lord, pero bumalik pa rin ako sa kasalanan. Nang magkaroon ulit ng water baptism, nagparebaptize ako pero ganoon pa rin. Naalala ko pa yung kantang “Christ Is Enough for Me,” lalo na yung line na “I have decided to follow Jesus, no turning back,” pero hindi ko iyon napanindigan.
Hanggang sa dumating ang camp noong 2022 na may title na TRAILBLAZER. Sumama lang ako noon para mag-enjoy at magkaroon ng experience, pero doon ko narealize na hindi lang pala basta camp iyon para sa akin. Naging correction at redirection iyon ng Lord sa buhay ko. Doon ko nakita na marami pa pala akong kailangang isuko at i-let go. Bago matapos ang camp, ang prayer ko ay, “Lord, pagkatapos ng camp na ito, itatama ko na ang mga mali ko at maglilingkod ako sa’Yo nang may malinis na puso.”
Pagkatapos ng camp, naging on fire ako sa paglilingkod. Nag-devotion ako at nagkaroon ng prayer time, pero dumating ulit ako sa point na bumalik ako sa kasalanan. Nagawa ko ulit yung mga pagkakamaling ipinangako kong iiwan ko na. Parang lahat ng natutunan ko sa camp na-wash out. Tinanong ko ang Lord, “Bakit ang hirap sumunod sa’Yo? Bakit nahihirapan akong magbago? Ano ba talaga ang kailangan kong gawin?”
Noong 2024, nagkaroon ng NYAS at napili akong makasama bilang representative ng STDC kaya naging free ang registration ko. Doon ko narealize na may plano pala ang Lord.
Sa last day ng NYAS evening rally, nagkaroon ng altar call. Hindi ako agad lumapit dahil iniisip ko na kahit ipag-pray ako, babalik lang din ako sa dati. Pero nakita ko na lang ang sarili ko na lumalakad papunta sa harap. Ang prayer ko noon, “Lord, mangusap Ka sa akin, katagpuin Mo ako ngayon.” Lumuhod ako at sinabi ko, “Lord, nandito ulit ako sa harapan Mo. I surrender my life to You. Tulungan Mo akong sumunod sa’Yo.”
Doon ko narealize na nangusap ang Panginoon sa akin. Ipinaunawa Niya na kapag fully surrendered ang buhay mo sa Kanya at may tunay kang desire na sumunod sa Kanyang plano at kalooban, kaya Niyang baguhin ang buhay mo, putulin ang bawat chain, at gawin itong bago at maganda. Ang kailangan lang ay tunay na pagsuko kay Jesus.
Pagkatapos ng NYAS, sinimulan kong iwanan ang dati kong buhay, hindi agad-agad, pero paunti-unti. Ini-let go ko yung mga bagay na naging hadlang sa pagsunod ko sa Lord at sinimulan kong maglingkod nang tapat at may malinis na puso.
Bumalik ako sa prayer time, devotion, at pagiging active sa fellowship ng simbahan, mga bagay na nakatulong para mas lumalim ang relasyon ko sa Panginoon.
Hanggang ngayon, patuloy pa rin akong ina-align at binabago ng Lord. May mga bagay pa rin Siyang kino-correct sa buhay ko, pero patuloy ko ring pinapagamit ang buhay at talento ko sa Kanyang ministry, hindi lang sa loob ng simbahan kundi pati sa labas.
Sabi sa 2 Corinthians 5:17, “This means that anyone who belongs to Christ has become a new person. The old life is gone; a new life has begun!”
Kapag isinuko mo na ang buhay mo sa Panginoon, huwag mo nang balikan ang dating kasalanan at buhay mo noon. Leave everything behind at patuloy kang lumakad sa pananampalataya habang pinanghahawakan ang pangako ng Lord na may malaking plano Siya para sa buhay mo.
Youth Alive, ang buhay mo ay hindi hanggang diyan lang. Kung nagawa ng Panginoon na i-align at baguhin ang buhay ko, kaya Niya ring gawin iyon sa buhay mo.
You will experience true change when you fully surrender your life to Him.
To God be all the glory.”
- Christel Dawn Laguardia
Namotivate at nainspire ba kayo sa testimony ni Ate Bea? We hope yes 🫵 at dahil diyan, See YA this Sunday at 2 pm! Kitakits! 🫶
