Fairview Park United Methodist Church

27/08/2026

Ang pananampalataya ay nakikita sa ating araw-araw na pamumuhay. Tinatawag tayo na maging mapagmahal, masipag sa paglilingkod, matatag sa pagsubok, tapat sa panalangin, at handang tumulong sa nangangailangan.

Ngayong araw, gawing praktikal ang iyong pagmamahal. Mag-encourage ng isang tao, tumulong sa nangangailangan, maging mapagpasensya sa mahirap pakisamahan, at patuloy na manalangin. Hayaan mong makita si Kristo hindi lamang sa iyong salita, kundi sa iyong gawa.

26/08/2026

Kapag tinatawag ka ng Diyos na tumulong o maglingkod, handa ka bang magpagamit sa Kanya?

May layunin ang Diyos sa bawat isa sa atin. Hindi man tayo katulad nina Moises at Aaron, maaari Niya tayong gamitin sa simpleng paraan upang tumulong, magbigay ng pag-asa, at gumawa ng mabuti para sa iba.

Tingnan ang mga taong nasa paligid mo ngayon. Kung may nangangailangan ng tulong, encouragement, o simpleng pakikinig, maging handang kumilos. Baka ikaw ang taong gustong gamitin ng Diyos para sa kanila.

25/08/2026

Sa mga bagay na kinatatakutan o inaalala mo ngayon, nagtitiwala ka bang hindi ka pabab.ayaan ng Diyos?

Tulad ni Moises, maaari tayong matakot at magduda sa ating kakayahan. Ngunit ang ating lakas ay hindi lamang nanggagaling sa kung ano ang kaya natin, kundi sa Diyos na kasama natin.

Kapag may mabigat kang responsibilidad o desisyon, ipaalala sa sarili: “Hindi ako nag-iisa; kasama ko ang Diyos.” Gawin ang iyong bahagi, humakbang nang may pananampalataya, at magtiwalang gagabayan ka Niya

22/08/2026

19/08/2026

Sa panahon ng bagyo at pagsubok, paano mo maipapakita ang pagbabago ng iyong pananampalataya, sa sarili mo at sa pagtulong sa iba?

Ang pananampalataya ay hindi lamang nakikita kapag maayos ang lahat. Sa panahon ng sakuna, makikita ang isang pusong binago ng Diyos sa pagiging mahinahon, responsable, mapagmalasakit, at handang tumulong sa nangangailangan.

Ngayong panahon ng bagyo, maging handa at makinig sa mga babala para sa kaligtasan. Kasabay nito, manalangin at tingnan kung may kapitbahay, kaibigan, o pamilyang nangangailangan ng tulong. Gawing konkretong pagkilos ang ating pananampalataya.

18/08/2026

Sa mga panahong akala mo ay hindi mo na kakayanin, nakikita mo ba kung paano ka iniligtas at inalalayan ng Diyos?

Hindi ibig sabihin na kasama natin ang Diyos ay wala na tayong haharaping problema. Ngunit ipinapaalala ng Awit na sa gitna ng matinding pagsubok, hindi Niya tayo iniiwan at hindi Niya hinahayaang ang problema ang magkaroon ng huling salita.

Balikan ang mga panahong muntik ka nang sumuko ngunit nakayanan mo. Pasalamatan ang Diyos sa Kanyang pag-iingat, at gamitin ang mga karanasang iyon upang mas magtiwala sa Kanya sa anumang pagsubok na kinakaharap mo ngayon.

15/08/2026

FPUMC Women’s Ministry at COA in collaboration with Nurture Ministry and UMYF.

To God be the glory!