El Shaddai- Ascension of Our Lord Parish

16/06/2025

DALAWANG MINUTONG PAGNINILAY ARAW ARAW
Salin sa Pilipino
Hunyo 16, 2025

[9] "Kaya manalangin kayo ng katulad nito: ‘Ama naming nasa langit, sambahin nawa kayo ng mga tao."
Mateo 6:9 ASND

PAGMUMUNI MUNI:

Bakit magkakabit ang panalangin sa Diyos bilang aking Ama ayon kay HESUS?

Bakit dapat kong matutunan kung paano manalangin?

Paano makakaroon ng epekto ang panalangin sa aking buhay?

HAKBANG SA PAGKILOS:

Binigyan tayo ni HESUS ng isang huwarang panalangin sa Mateo 6:9–13—hindi lang para ulit-ulitin, kundi para matutunan natin kung paano tayo makikipag-usap sa Diyos. Ang panalangin ay hindi lang tungkol sa pagbigkas ng tamang salita—ito ay tungkol sa pagkilala kung sino ang aking kinakausap at kinaka-ugnay, ang Diyos na aking Ama.

1. Kilalanin: Ang Diyos ay aking Ama at aking Hari. Ang Kanyang pangalan ay banal at karapat-dapat sa aking buong paggalang (1 Corinto 10:31). Ako ay Kanyang anak sa pamamagitan ni HESUS (Galacia 3:26). Ang tunay na panalangin ay nagsisimula sa pagkilala kung sino Siya—ang makapangyarihan, perpekto, at karapat-dapat sa papuri. Pararangalan ko Siya sa aking mga salita at gawa.

2. Ituwid Muli: Tinutulungan ako ng panalangin na muling ituwid ang aking puso sa kalooban ng Diyos. Tulad ni HESUS, gusto kong sabihin, "Hindi ang kalooban ko, kundi ang kalooban Mo ang mangyari" (Lucas 22:42). Ang Kanyang mga plano ay mas mahusay kaysa sa akin. Ititigil ko na igiit ang sarili kong kagustuhan at magtitiwala na ang Kanyang kalooban ang pinakamabuti para sa akin.

3. Umasa: Naglalaan ang Diyos para sa lahat kong pangangailangan— kalakasan sa bawat araw , kapatawaran, at proteksyon (Mateo 6:11-13). Hindi lang Siya handang tumulong; gustung-gusto Niyang gawin ito (Mateo 7:11), kaya magtitiwala ako sa Kanya sa halip na mag-alala. Patatawarin ko ang iba at magtitiwala sa Kanyang paggabay sa bawat hamon na aking kahaharapin.

Sa tuwing ako ay nananalangin, hindi lang ako nangungusap— ako ay lumalapit sa Diyos na nakakakilala at nagmamahal sa akin. Ngayon, pipiliin kong makipagniig sa Diyos na ating Ama!

07/06/2025

DALAWANG MINUTONG PAGNINILAY ARAW ARAW
Hunyo 7, 2025

[14] "PANGINOON, pagalingin nʼyo po ako at gagaling ako; iligtas nʼyo po ako at maliligtas ako. At kayo lang ang tangi kong pupurihin."
Jeremias 17:14 ASND

PAGMUMUNI MUNI:

Ang Panginoon ba talaga ang aking Papuri? Ito ba ang hangad ng buo kong puso na parangalan at luwalhatiin Siya sa bawat gawain ng aking buhay?

Inaasam ko ba ang Kanyang pagpapagaling at kaligtasan?

Nagsusumikap ba ako upang maging katulad Niya?

HAKBANG SA PAGKILOS:

Idineklara ng Bibliya na ang PANGINOON ang Diyos na Makapangyarihan sa lahat, ang naghahari sa lahat ng bagay at kayang gawin ang anumang hilingin ko ayon sa Kanyang kalooban. Kung kailangan kong gumaling, iyon ay magagawa Niya kung hihilingin ko, dahil Siya ang aking Manggagamot at ang aking Panginoon na Nagpapagaling.

Lagi kong aalalahanin na ang Diyos ay gumawa ng mga kamangha-manghang bagay sa aking buhay—ang Kanyang mga gawa ng pagliligtas at ang Kanyang patuloy na katapatan sa akin. Palagi ko Siyang pasasalamatan at papupurihan dahil Siya ay tunay na mapagkakatiwalaan na isakatuparan ang lahat ng Kanyang pangako at sa akin ay magliligtas kapag ako'y naliligaw.

Ako ay tinawag upang maging tapat at hindi upang masiraan ng loob, sapagkat ang aking pananampalataya ang nagsasabi na makakatanggap ako ng pagpapagaling, pagpapalaya, at ng walang hanggang gantimpala na inihanda ng Diyos para sa mga nagmamahal at nagtitiwala sa Kanya.

Dalangin ko na ako ay maging tapat sa gawaing ibinigay sa akin ng Diyos, at Siya ay pasalamatan na sa Kanya ay may pagpapagaling, kabuuan ng sarili, pag-asa, kagalakan, at kaligtasan—sapagkat si HESUS ang aking Panginoon at Tagapagligtas, at Siya ay karapat-dapat sa lahat ng PAPURI!

04/06/2025

DALAWANG MINUTONG PAGNINILAY ARAW ARAW
Hunyo 4, 2025

[5]"At dahil iniingatan nʼyo ako, nakakatulog ako at nagigising pa."
Salmo 3:5 ASND

PAGMUMUNI MUNI:

Kanino ako makakakuha ng proteksyon, pabor, at kalinga sa tuwing ako'y matutulog?

Ito ba ay likha ng daigdig, o mula sa kabilang daigdig — isang bagay na MAKALANGIT?

Saan ko mahahanap ng kapahingahan?

HAKBANG SA PAGKILOS:

Sa pagkaalam at paniniwalang ang Diyos ang aking Tagapagtanggol, maaari akong matulog nang mahinahon at mapayapa, nang walang anumang takot sa karahasan, problema, panganib, sakit, o anumang negatibong sitwasyon na maaaring mangyari habang ako'y natutulog."

Sa tuwing gigising sa umaga, na ligtas at nasa panatag na kalagayan, ang bawat araw ay kikilalanin ko bilang bagong patotoo sa KABUTIHAN at KATAPATAN ng Diyos sa akin.

Paaalalahanan ko ang aking sariling dahil marami ang kinukuha mula sa mundong ito gabi-gabi, at marami ang humihiga upang matulog at hindi na nagigising, hinding-hindi ako babangon mula sa aking higaan nang hindi ibinibigay ang aking mga unang iniisip sa PASASALAMAT sa aking Dakilang Tagapagtanggol at Tagapag-ingat.

Ako ay magbibigay ng pasasalamat at mga papuri kay HESUS na siyang laging NAGBABATAY sa akin at kung saan nagmumula ang lahat ng mabuting bagay. Ang aking KAPAYAPAAN at KAPAHINGAHAN ... ay nasa KANYA!

28/05/2025

DALAWANG MINUTONG PAGNINILAY ARAW ARAW
Mayo 27, 2025

[18] "at magpasalamat kayo kahit ano ang mangyari, dahil ito ang kalooban ng Dios para sa inyo na mga nakay Kristo HESUS."
1 Tesalonica 5:18 ASND

PAGMUMUNI MUNI:

Paano ako magpapasalamat sa lahat ng pagkakataon?

Paano ba naman ako makakasunod at "makapagbibigay ng pasasalamat sa lahat ng pagkakataon" kung ang aking kalagayan ay kahindik-hindik?

Ano ang maaaring magpalakas sa aking pasasalamat kung ang buhay ay tila puro kabiguan, panghihina ng loob, sakit, sakuna, at sunud-sunod na kamatayan?

HAKBANG SA PAGKILOS:

Gaano man kahirap ang aking mga kalagayan, makakahanap ako ng mga dahilan upang maging mapagpasalamat sa Diyos. Dahil kay HESUS, magpapasalamat ako na ang lahat ng bagay ay gumagawang magkasama para sa aking ikabubuti dahil ako'y Kanya (Roma 8:28).

Maaari din akong maging mapagpasalamat na ang biyaya ng Diyos ay sapat upang mapanatili ako sa bawat kalagayan (2 Corinto 12:9), at walang makapaghihiwalay sa akin sa Kanyang pag-ibig (Roma 8:38,39).

Malalaman ko ang kalooban ng Diyos sa pagkilala sa Salita ng Diyos. Mula sa aking taos-pusong pasasalamat, anuman ang mangyari, magpapasalamat ako sa Kanya dahil ito ang marapat kong gawin ayon sa Kanyang KALOOBAN, at dahil ang aking pasasalamat ay nagpaparangal at nakalulugod sa Kanya.

Ang mga pangako ni HESUS ay totoo at pinaniniwalaan ko Siya; walang katayuan ang makakakuha ng aking kagalakan at pasasalamat. Magpapasalamat ako sa bawat pangyayari dahil ang kabutihan, pag-ibig, biyaya, at awa ng Diyos ay HINDI NAGWAWAKAS. Mula sa kasaganaan ng aking puso, "Salamat HESUS sa LAHAT ng BAGAY!"

10/12/2022

10/12/2022

El Shaddai 15th victorious Anniversary in Ascension of our Lord Parish, Lagro

01/12/2022

El Shaddai Family Appointment
Nov. 27,2022
Healing Message

18/11/2022

Healing Message
El Shaddai Tuesday
November 15,2022