Our Lady Of Fatima Chapel - Payatas

15/08/2026

Maraming Salamat po! Padre Tony Ogarde, FDP sa pamumuno po sa aming Misa. 🩵

15/08/2026

Twentieth Sunday in Ordinary Time (Green)

UNANG PAGBASA
Isaias 56, 1. 6-7

Pagbasa mula sa aklat ni propeta Isaias

Ang sabi ng Panginoon sa kanyang bayan:
“Ayon sa katarungan
at laging matuwid ang inyong gagawin,
ang pagliligtas ko’y
di na magluluwat, ito ay darating,
ito’y mahahayag sa inyong paningin.”

Ito naman ang sabi ng Panginoon
sa mga dating dayuhan na ngayo’y
kabilang sa kanyang bayan,
buong pusong naglilingkod sa kanya,
nangingilin sa Araw ng Pamamahinga;
at matapat na nag-iingat sa kanyang tipan:
“Dadalhin ko kayo sa Sion, sa aking banal na bundok.
Ipadarama ko sa inyo ang kagalakan sa aking Templo.
Tatanggapin ko ang inyong mga handog,
at ang Templo ko’y tatawaging bahay-dalanginan ng lahat ng bansa.”

Ang Salita ng Diyos.

SALMONG TUGUNAN
Salmo 66, 2-3. 5. 6 at 8

Nawa’y magpuri sa iyo
ang lahat ng mga tao.

O Diyos, pagpalain kami’t kahabagan,
kami Panginoo’y iyong kaawaan,
upang sa daigdig mabatid ng lahat
ang iyong kalooban at ang pagliligtas.

Nawa’y magpuri sa iyo
ang lahat ng mga tao.

Nawa’y purihin ka ng mga nilikha,
pagkat matuwid kang humatol sa madla;
ikaw ang patnubay ng lahat ng bansa.

Nawa’y magpuri sa iyo
ang lahat ng mga tao.

Purihin ka nawa ng lahat ng tao,
purihin ka nila sa lahat ng dako.
Ang lahat sa ami’y iyong pinagpala,
nawa’y igalang ka ng lahat ng bansa.

Nawa’y magpuri sa iyo
ang lahat ng mga tao.

IKALAWANG PAGBASA
Roma 11, 13-15. 29-32

Pagbasa mula sa sulat ni Apostol San Pablo sa mga taga-Roma

Mga kapatid, ito naman ang sasabihin ko sa inyo, mga Hentil. Yamang ako’y apostol ninyo, pinangangatawanan ko ang aking ministeryo upang mangimbulo ang mga kababayan ko, at sa gayo’y maligtas ang ilan sa kanila. Kung naging daan ng pakikipagkasundo ng sanlibutan sa Diyos ang pagkakatakwil sa kanila, ang muling pagtanggap sa kanila’y para na ring pagbibigay buhay sa patay.

Ang Diyos ay hindi nagbabago ng isip tungkol sa kanyang mga kaloob at pagtawag. Dati, masuwayin kayo sa Diyos, ngunit ngayo’y kinahahabagan sa panahon ng pagsuway ng mga Judio. Gayun din naman sila’y naging masuwayin ngayong kayo’y kinahahabagan upang sila’y kahabagan din. Sapagkat hinayaan ng Diyos na maalipin ng kanilang kasalanan ang lahat ng tao upang maipadama sa kanila ang kanyang habag.

Ang Salita ng Diyos.

ALELUYA
Mateo 4, 23

Aleluya! Aleluya!
Ipinangaral ni Hesus
ang paghahari ng Diyos;
sakit ay kanyang ginamot.
Aleluya! Aleluya!

MABUTING BALITA
Mateo 15, 21-28

Ang Mabuting Balita ng Panginoon ayon kay San Mateo

Noong panahong iyon, si Hesus ay nagpunta sa lupaing malapit sa Tiro at Sidon. Lumapit sa kanya ang isang Cananeang naninirahan doon at malakas na sinabi, “Panginoon, Anak ni David, mahabag po kayo sa akin! Ang anak kong babae ay inaalihan ng demonyo at masyadong pinahihirapan.” Ngunit gaputok ma’y di tumugon si Hesus. At lumapit ang kanyang mga alagad at sinabi sa kaniya, “Pagbigyan na nga po ninyo at nang umalis. Siya’y nag-iingay at susunud-sunod sa atin.” Sumagot si Hesus, “Sa mga tupang naliligaw ng sambahayan ng Israel lamang ako sinugo.” Ngunit lumapit sa kanya ang babae, lumuhod sa harapan at ang sabi, “Tulungan po ninyo ako, Panginoon.” Sumagot si Hesus, “Hindi dapat kunin ang pagkain ng mga anak upang ihagis sa mga tuta.” “Tunay nga po, Panginoon,” tugon ng babae, “ngunit ang mga tuta man ay nagsisikain ng mumong nalalaglag sa hapag ng kanilang panginoon.” Kaya’t sinabi sa kanya ni Hesus, “Napakalaki ng iyong pananalig! Mangyayari ang hinihiling mo.” At noon di’y gumaling ang kanyang anak.

Ang Mabuting Balita ng Panginoon.

PANALANGIN NG BAYAN
Nais ng Diyos ang kaligtasan ng lahat at ipinapakita Niya ang Kanyang awa sa mga nagtitiwala sa Kanya. Buong tiwala, tulad ng babaeng Cananea, tayo’y manalangin: Ama namin, dinggin Mo ang aming panalangin.

Ama namin, dinggin Mo ang aming panalangin.

Para sa Simbahang Katolika: nawa’y maging tunay Siyang tanda ng pag-asa para sa lahat, at bukas na tanggapin ang mga dayuhan, mahihirap, at mga nakadarama ng pag-iisa. Manalangin tayo sa Panginoon.

Para sa mga pinuno ng mga bansa: nawa’y manaig sila sa pagiging walang-malasakit at paboritismo at magsikap para sa pagkakaisa, pagkakapatiran, at kapayapaan. Manalangin tayo sa Panginoon.

Para sa mga pinuno ng iba’t ibang relihiyon: nawa’y ang pagkakaiba ng paniniwala ay maging daan sa pag-uusap, pagtutulungan, at kapayapaan. Manalangin tayo sa Panginoon.

Para sa ating mga mag-anak at parokya: nawa’y lumago tayo sa pag-ibig at paggalang sa isa’t isa, at walang sinuman ang makaramdam na siya ay naiiba o napapabayaan. Manalangin tayo sa Panginoon.

Diyos naming Ama, punuin Mo kami ng Iyong Espiritu Santo upang matanggap namin ang Kanyang mga kaloob at maging handang magmahal nang walang hangganan at pag-aalinlangan. Hinihiling namin ito sa pamamagitan ni Kristo na aming Panginoon. Amen.

Punong Tagapagdiwang: Reb. Pdr. Tony Ogarde, FDP

05/08/2026

Sa pagdiriwang ng Kapistahan ni San Juan Maria Vianney, patron ng mga pari, taos-puso naming ipinapahatid ang aming pagbati at pasasalamat sa ng mga kaparian ng Sons of Divine Providence Congregation (FDP) - Delegations of Mary's Immaculate Concepcion - Philippines.

Maraming salamat sa inyong tapat na pagtugon sa tawag ng Diyos, sa inyong walang sawang paggabay sa aming pananampalataya, at sa pagiging buhay na larawan ng pag-ibig at malasakit ni Kristo sa Kanyang bayan. Nawa'y patuloy kayong palakasin ng Panginoon, pag-alabin ang inyong puso sa paglilingkod, at pagkalooban ng masaganang biyaya sa bawat hakbang ng inyong bokasyon.

Patuloy po naming ipinagdarasal ang bawat isa sa inyo.

19/07/2026

Sixteenth Sunday in Ordinary Time (Green)

UNANG PAGBASA
Karunungan 12, 13. 16-19

Pagbasa mula sa aklat ng Karunungan
Lahat ng bagay ay nasa ilalim ng iyong pangangalaga,
at walang ibang diyos na dapat mong pagsulitan ng iyong mga hatol.
Sa iyong lakas nagmumula ang iyong katarungan,
at maaari kang magpakita ng habag kaninuman
sapagkat ikaw ang Panginoon ng lahat.
Ipinamamalas mo ang iyong lakas sa nag-aalinlangan sa iyong ganap na kapangyarihan,
at pinarurusahan mo ang sinumang nakatatalastas nito ngunit nangangahas na di ka pansinin.
Walang hanggan ang kapangyarihan mo ngunit mahabagin ka kung humatol.
Maaari mo kaming parusahan kailanma’t ibigin mo,
ngunit sa halip ay pinamamahalaan mo kami nang buong hinahon at pagtitimpi.
Sa pamamagitan ng ginawa mong iyan ay itinuro mo sa mga taong makatarungan
na dapat din silang maging maawain.
At binigyan mo naman ng pag-asa ang iyong bayan,
sa pagkakaloob sa kanila ng pagkakataong makapagsisi.
Ang Salita ng Diyos.

SALMONG TUGUNAN
Salmo 85, 5-6. 9-10. 15-16a
P**n, ikaw ay mabuti
sa lahat ng nagsisisi.

Mapagpatawad ka at napakabuti;
sa dumadalangin at sa nagsisisi,
ang iyong pag-ibig ay mananatili.
Pakinggan mo, P**n, ang aking dalangin,
tulungan mo ako, ako’y iyong dinggin.

P**n, ikaw ay mabuti
sa lahat ng nagsisisi.

Ang lahat ng bansa na iyong nilalang,
lalapit sa iyo’t magbibigay galang;
sila’y magpupuri sa ‘yong kabutihan.
Pagkat ikaw lamang ang Diyos na Dakila
na anumang gawin ay kahanga-hanga!

P**n, ikaw ay mabuti
sa lahat ng nagsisisi.

Ngunit ikaw, P**n, tunay na mabait,
tapat at totoo, wagas ang pag-ibig;
lubhang mahabagi’t banayad magalit.
Ibaling sa akin ang awa mo’t habag,
iligtas mo ako at bigyan ng lakas.

P**n, ikaw ay mabuti
sa lahat ng nagsisisi.

IKALAWANG PAGBASA
Roma 8, 26-27
Pagbasa mula sa sulat ni Apostol San Pablo sa mga taga-Roma
Mga kapatid, tinutulungan tayo ng Espiritu sa ating kahinaan. Hindi tayo marunong manalangin nang wasto, kaya’t ang Espiritu ang lumuluhog para sa atin, sa paraang di magagawa ng pananalita. At nauunawaan ng Diyos na nakasasaliksik sa puso ng tao, ang ibig sabihin ng Espiritu, sapagkat ang Espiritu’y lumuluhog para sa mga banal, ayon sa kalooban ng Diyos.
Ang Salita ng Diyos.

ALELUYA
Mateo 11, 25
Aleluya! Aleluya!
Papuri sa Diyos Ama
pagkat ipinahayag n’ya
Hari s’ya ng mga aba.
Aleluya! Aleluya!

MABUTING BALITA
Mateo 13, 24-30

Ang Mabuting Balita ng Panginoon ayon kay San Mateo
Noong panahong iyon, inilahad ni Hesus ang talinghagang ito sa mga tao. “Ang paghahari ng Diyos ay katulad nito: may isang taong naghasik ng mabuting binhi sa kanyang bukid. Isang gabi, samantalang natutulog ang mga tao, dumating ang kanyang kaaway at naghasik ng masasamang damo sa triguhan. Nang tumubo ang trigo at magkauhay, lumitaw rin ang masasamang damo. Kaya’t lumapit ang mga alipin sa puno ng sambahayan at sinabi rito, ‘Hindi po ba mabuting binhi ang inihasik ninyo sa inyong bukid? Bakit po may damo ngayon?’ Sumagot siya, ‘Isang kaaway ang may kagagawan nito.’ Tinanong siya ng mga utusan, ‘Bubunutin po ba namin ang mga iyon?’ ‘Huwag,’ sagot niya. ‘Baka mabunot pati trigo. Hayaan na ninyong lumago kapwa hanggang sa anihan. Pag-aani’y sasabihin ko sa mga tagapag-ani: Tipunin muna ninyo ang mga damo at inyong pagbigkis-bigkisin upang sunugin, at ang trigo’y inyong tipunin sa aking kamalig.’”

PANALANGIN NG BAYAN
Panginoon, dinggin Mo kami.

Para sa Santo Papa, mga obispo, mga pari, at mga binyagan, itaguyod nawa tayo ng Diyos sa kabanalan at patnubayan tayo sa pag-akay sa iba patungo sa pagbabalik-loob. Kami ay nananalangin.

Para sa lahat ng naglilingkod sa pamahalaan, kumilos nawa sila nang may karunungan, katarungan, at pagpapakumbaba, habang itinataguyod ang pagkakaisa at naglilingkod sa iba nang may patas napagtingin at malasakit. Kami ay nananalangin.

Para sa mga nakararamdam ng kalungkutan, kabalisahan, o may mabibigat na pasanin, aliwin nawa sila ng Espiritu Santo at bigyan ng pag-asa at kalakasan. Kami ay nananalangin.

Para sa ating mga yumao, tanggapin nawa sila sa kapayapaan at kagalakan ng kaharian ng Diyos. Kami ay nananalangin.

Mapagmahal na Ama, Ikaw ay mabuti at punung-puno ng awa. Dinggin mo ang aming mga panalangin at tulungan kaming sumunod sa Iyong kalooban. Hinihiling namin ito sa pamamagitan ni Kristo na aming Panginoon. Amen.

12/07/2026

Fifteenth Sunday in Ordinary Time (Green)

UNANG PAGBASA
Isaias 55, 10-11

Pagbasa mula sa aklat ni propeta Isaias

Ito ang sinasabi ng Panginoon:
“Ang ulan at niyebe
paglagpak sa lupa’y di na nagbabalik,
aagos na ito sa balat ng lupa’t nagiging pandilig,
kaya may pagkai’t butil na panghasik.
Ganyan din ang aking mga salita,
magaganap nito ang lahat kong nasa.”

Ang Salita ng Diyos.

SALMONG TUGUNAN
Salmo 64, 10abkd. 10e-11. 12-13. 14

Nagbunga nang masagana,
binhi sa mabuting lupa.

Umuulan sa lupain, ganito mo kinalinga,
umuunlad ang lupai’t tumataba yaong lupa;
patuloy na umaagos ang bigay mong mga batis,
sa halamang nasa lupa, ay ito ang dumidilig;
ganito ang ginawa mo na hindi mo ikinait.

Nagbunga nang masagana,
binhi sa mabuting lupa.

Sa binungkal na bukirin ang ulan ay masagana,
ang bukirin ay matubig, at palaging basang-basa;
sa banayad na tag-ulan ay lumambot yaong lupa,
kaya naman pati tanim ay malago at sariwa.

Nagbunga nang masagana,
binhi sa mabuting lupa.

Nag-aani nang marami sa tulong mong gumagawa,
at saanman magpunta ka’y masaganang-masagana.
Ang pastula’y punung-puno ng matabang mga kawan,
naghahari yaong galak sa lahat ng kaburulan.

Nagbunga nang masagana,
binhi sa mabuting lupa.

Gumagala yaong tupa sa gitna ng kaparangan,
at hitik na hitik man din ang trigo sa kapatagan;
ang lahat ay umaawit, sa galak ay sumisigaw!

Nagbunga nang masagana,
binhi sa mabuting lupa.

IKALAWANG PAGBASA
Roma 8, 18-23

Pagbasa mula sa sulat ni Apostol San Pablo
sa mga taga-Roma

Mga kapatid, sa ganang akin, ang mga pagtitiis sa kasalukuyan ay hindi maihahambing sa ihahayag ng kaluwalhatiang sasaatin. Nananabik ang sangnilikha na ihayag ng Diyos ang kanyang mga anak. Nabigo ang sangnilikha, hindi sa kagustuhan nito, kundi dahil sa ito ang niloob ng Diyos. Gayunman, may pag-asa pa, sapagkat ang sangnilikha ay palalayain sa pagkaalipin nito sa kabulukan, at makakahati sa maluwalhating kalagayan ng mga anak ng Diyos. Alam natin na hanggang ngayon ang sangnilikha ay dumaraing sa paghihirap. Hindi lamang sila! Tayo mang tumanggap ng Espiritu bilang unang kaloob ng Diyos ay napapahimutok samantalang hinihintay natin ang pag-ampon sa atin ng Diyos, ang pagpapalaya sa ating mga katawan.

Ang Salita ng Diyos.

ALELUYA

Aleluya! Aleluya!
Salita ng D’yos ang buto
na tanim ni Hesukristo
upang tumubo sa tao.
Aleluya! Aleluya!

Ang Mabuting Balita ng Panginoon ayon kay San Mateo 13, 1-9

Noon ding araw na iyon, si Hesus ay lumabas ng bahay at naupo sa tabi ng lawa. Pinagkalimpumpunan siya ng makapal na tao, kaya sumakay siya sa isang bangka at doon naupo. Nasa dalampasigan naman ang mga tao. At nagturo siya ng maraming bagay sa pamamagitan ng mga talinghaga.

“May isang magsasakang lumabas upang maghasik. Sa kanyang paghahasik ay may binhing nalaglag sa tabi ng daan. Dumating ang mga ibon at tinuka ang mga iyon. May binhi namang nalaglag sa kabatuhan. Sapagkat manipis lang ang lupa roon, sumibol agad ang binhing iyon, ngunit nang mapabilad sa matinding sikat ng araw ay natuyo, palibhasa’y walang gaanong ugat. May binhi namang nalaglag sa dawagan; lumago ang mga dawag at ininis ang mga iyon. Ngunit ang binhing nalaglag sa mabuting lupa ay nag-uhay: may tigsasandaan, may tig-aanimnapu, at may tigtatatlumpung butil ang bawat uhay. Ang may pandinig ay makinig!”

Ang Mabuting Balita ng Panginoon.

PANALANGIN NG BAYAN

Ang Diyos ang banal na Tagahasik. Manalangin tayo upang ang ating mga puso ay maging mabuting lupa, handang tumanggap sa Kanyang Salita at magbunga ng mabubuting gawa. Manalangin tayo: Panginoon, dinggin Mo ang aming panalangin.

Panginoon, dinggin Mo ang aming panalangin.

Para sa Santo Papa, mga obispo, pari, diyakono, at lahat ng nagpapahayag ng Salita: patuloy nawa nilang ibahagi ang Salita ng Diyos nang may pagmamahal at huwag kailanman mapagod. Manalangin tayo.

Para sa mga pinuno ng pamahalaan: mamuno nawa sila nang may karunungan at pangalagaan ang dangal ng lahat, lalo na ang mga mahihirap at mga nagdurusa sa kawalan ng katarungan. Manalangin tayo.

Para sa ating parokya: tumugon nawa tayo nang may tunay na pagkakawanggawa sa mga pangangailangan ng kapwa at sa daing ng mga dukha. Manalangin tayo.

Para sa mga kabataan: buong-puso nawa nilang labanan ang tukso ng kayamanan at mga kahumalingan ng mundo, maglaan ng oras na makinig sa Salita ng Diyos, at maging matatag sa pananampalataya. Manalangin tayo.

Ama namin sa Langit, Ikaw ang nagpapadami ng ani sa lupa. Dinggin Mo ang aming mga panalangin, palambutin Mo ang aming mga puso, at tulutan Mong lumago ang Iyong Salita sa amin. Hinihiling namin ito sa pamamagitan ni Kristo na aming Panginoon. Amen.

11/07/2026

Happy Feast Day! St. Benedict - Pray for us!

30/06/2026

Happy 14th Sacerdotal Anniversary po! Fr. Stan! 🥳

Sa pagdiriwang ng ika-14 na anibersaryo ng iyong pagpapari, Fr. Stan Achi, FDP, taos-puso kaming nagpapasalamat sa iyong tapat na paglilingkod sa Diyos at sa Kanyang bayan.

Nawa'y patuloy kang patnubayan ng Panginoon, puspusin ng biyaya, at palakasin sa bawat hakbang ng iyong bokasyon.

Maligayang Paggunita sa Ika-14 na Anibersaryo ng Iyong Pagpapari, Fr. Stan!

"𝙔𝙤𝙪 𝙖𝙧𝙚 𝙖 𝙥𝙧𝙞𝙚𝙨𝙩 𝙛𝙤𝙧𝙚𝙫𝙚𝙧, 𝙖𝙘𝙘𝙤𝙧𝙙𝙞𝙣𝙜 𝙩𝙤 𝙩𝙝𝙚 𝙤𝙧𝙙𝙚𝙧 𝙤𝙛 𝙈𝙚𝙡𝙘𝙝𝙞𝙯𝙚𝙙𝙚𝙠." — Psalm 110:4

Instaurare Omnia In Christo.

28/06/2026

Thirteenth Sunday in Ordinary Time (Green)
St. Peter’s Pence (Obolum Sancti Petri)

UNANG PAGBASA
2 Hari 4, 8-11. 14-16a

Pagbasa mula sa ikalawang aklat ng mga Hari

Minsan, si Eliseo’y nagpunta sa Sunem. May isang mayamang babae roon at siya’y inanyayahang kumain sa kanila. Mula noon, doon siya kumakain tuwing pupunta sa lugar na yaon. Sinabi ng babae sa kanyang asawa, “Natitiyak kong lingkod ng Diyos ang taong ito. Bakit di natin siya ipagpagawa ng isang silid para matuluyan niya tuwing pupunta rito? Bigyan natin siya ng higaan, mesa, upuan at ilaw.”

Nang magbalik si Eliseo, doon siya nagpahinga sa silid na inihanda sa kanya. Pagkaalis ng babae, tinanong ni Eliseo si Giezi, “Ano kaya ang maitutulong natin sa kanya?” Sumagot si Giezi, “Wala po siyang anak at matanda na ang asawa.” “Tawagin mo uli,” utos ni Eliseo. Nagbalik ang babae at tumayo sa may pintuan. Sinabi sa kanya ni Eliseo, “Isang taon mula ngayon ikaw ay magkakaanak.”

Ang Salita ng Diyos.

SALMONG TUGUNAN
Salmo 88, 2-3. 16-17. 18-19

Pag-ibig mong walang maliw
ay lagi kong sasambitin.

Pag-ibig mo, P**n, na di magmamaliw
ang sa tuwi-t’wina’y aking aawitin,
ang katapatan mo’y laging sasambitin.
Yaong pag-ibig mo’y walang katapusan,
sintatag ng langit ang ‘yong katapatan.

Pag-ibig mong walang maliw
ay lagi kong sasambitin.

Mapalad ang taong sa ‘yo’y sumasamba,
sa pagsamba nila’y inaawitan ka
at sa pag-ibig mo’y namumuhay sila.
Sa buong maghapon, ika’y pinupuri,
ang katarungan mo’y siyang sinasabi.

Pag-ibig mong walang maliw
ay lagi kong sasambitin.

Ang tagumpay namin ay iyong kaloob,
dahilan sa iyong kagandahang-loob.
Pagkat pinili mo yaong hari namin,
kaloob mo ito, Banal ng Israel.

Pag-ibig mong walang maliw
ay lagi kong sasambitin.

IKALAWANG PAGBASA
Roma 6, 3-4. 8-11

Pagbasa mula sa sulat ni Apostol San Pablo sa mga taga-Roma

Mga kapatid:
Hindi ba ninyo nalalaman na tayong lahat na nabinyagan kay Kristo Hesus ay nabinyagan sa kanyang kamatayan? Samakatwid, tayo’y namatay at nalibing na kasama niya sa pamamagitan ng binyag upang kung paanong binuhay na muli si Kristo sa pamamagitan ng dakilang kapangyarihan ng Ama, tayo nama’y mabuhay sa isang bagong pamumuhay.

Ngunit tayo’y naniniwalang mabubuhay tayong kasama ni Kristo kung namatay tayong kasama niya. Alam nating si Kristo na muling binuhay ay hindi na muling mamamatay. Wala nang kapangyarihan sa kanya ang kamatayan nang siya’y mamatay, namatay siya nang minsanan para sa kasalanan, at ang buhay niya ngayo’y para sa Diyos. Kaya dapat ninyong ibilang ang inyong sarili na patay na sa kasalanan datapwa’t buhay naman para sa Diyos sa inyong pakikipag-isa kay Kristo Hesus.

Ang Salita ng Diyos.

ALELUYA
1 Pedro 2, 9

Aleluya! Aleluya!
Ikaw, Kristo, ang humirang
upang kami’y maging bayan
ng pari at haring banal.
Aleluya! Aleluya!

MABUTING BALITA
Mateo 10, 37-42

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa kanyang mga apostol: “Ang umiibig sa ama o sa ina nang higit sa akin ay hindi karapat-dapat sa akin. At ang umiibig sa anak na lalaki o babae na higit sa akin ay hindi karapat-dapat sa akin. Ang hindi nagpapasan ng kanyang krus at sumusunod sa akin ay hindi karapat-dapat sa akin. Ang nag-iingat ng kanyang buhay ay siyang mawawalan nito, at ang nawawalan ng kanyang buhay dahil sa akin ay magkakamit nito.

“Ang tumatanggap sa inyo ay tumatanggap sa akin, at ang tumatanggap sa akin ay tumatanggap sa nagsugo sa akin. Ang tumatanggap sa isang propeta dahil sa siya’y propeta ay tatanggap ng gantimpala ukol sa propeta. At ang tumatanggap sa isang taong matuwid dahil sa siya’y matuwid ay tatanggap ng gantimpalang nauukol sa taong matuwid. At sinumang magbigay ng kahit isang basong tubig na malamig sa isa sa maliliit na ito dahil sa ito’y alagad ko – tinitiyak ko sa inyong tatanggap siya ng gantimpala.”

Ang Mabuting Balita ng Panginoon.

PANALANGIN NG BAYAN

Manalangin tayo na makasunod tayo kay Hesus, isuko ang ating mga takot at hangarin, at magtiwala sa Kanya. Buong kababaang-loob tayong manalangin: Panginoon, dinggin Mo kami.

Panginoon, dinggin mo kami.

Para sa Santo Papa, mga obispo, pari, at pinuno ng Simbahan: nawa’y sumunod sila kay Hesus nang may kababaang-loob at maging inspirasyon sa lahat. Manalangin tayo.

Para sa mga pinunong sibil: nawa’y maglingkod sila nang may integridad at malasakit, lalo na sa mahihina at nangangailangan. Manalangin tayo.

Para sa mga inaapi, kabataang sugatan, at mahihirap: nawa’y maranasan nila ang pag-ibig at pag-aaruga ng Diyos sa pamamagitan ng kapwa. Manalangin tayo.

Para sa ating lahat: nawa’y maging lakas ang ating paghihirap, katatagan ang takot, at pagtitiwala ang pag-aalinlangan habang sumusunod kay Hesus. Manalangin tayo.

Ama naming Diyos, tulungan Mo kaming ialay ang aming sarili kay Hesus at mamuhay sa Iyong pag-ibig tungo sa buhay na walang hanggan. Amen.

Punong Tagapagdiwang: Reb. Pdr. Kenneth Pineda, FDP

21/06/2026

‎𝑨𝑳𝑻𝑨𝑹 𝑺𝑬𝑹𝑽𝑬𝑹𝐒 𝑹𝑬𝑪𝑹𝑼𝑰𝑻𝑴𝑬𝑵𝑻 2026
‎
‎"𝑭𝒐𝒓 𝒎𝒂𝒏𝒚 𝒂𝒓𝒆 𝒄𝒂𝒍𝒍𝒆𝒅, 𝒃𝒖𝒕 𝒇𝒆𝒘 𝒂𝒓𝒆 𝒄𝒉𝒐𝒔𝒆𝒏." — 𝑴𝒂𝒕𝒕𝒉𝒆𝒘 22:14
‎
‎Have you ever felt a quiet calling in your heart to serve God in a more meaningful way? the Our Lady of Fatima Chapel - Ministry of Altar Server warmly invites young individuals to take a step closer to Him through service.
‎
‎Ngayon, ikaw naman ang tinatawag.
‎
‎Kapag narinig mo ang Kanyang tinig na nagsasabing, "Halika at maglingkod," lakasan mo ang iyong loob at sabihin:
‎
‎"𝗡𝗮𝗿𝗶𝘁𝗼 𝗽𝗼 𝗮𝗸𝗼, 𝗣𝗮𝗻𝗴𝗶𝗻𝗼𝗼𝗻."
‎
‎Isang tawag. Isang misyon. Isang paglilingkod.
‎
‎𝙌𝙐𝘼𝙇𝙄𝙁𝙄𝘾𝘼𝙏𝙄𝙊𝙉𝙎:
‎✅At least 9 years old and above
‎✅Must be baptized
‎✅Must have received First Communion
‎✅With a sincere desire to serve God and the Church
‎
‎
‎𝙏𝙄𝙈𝙀 & 𝙇𝙊𝘾𝘼𝙏𝙄𝙊𝙉:
‎📍 Our Lady Of Fatima Chapel - Payatas
‎🗓 Every Sunday after 6:00am Mass
‎
‎The application process will begin this 𝐒𝐮𝐧𝐝𝐚𝐲, 𝐉𝐮𝐧𝐞 21, 𝟐𝟎𝟐𝟔.
‎
‎For inquiries and concerns, you may message us on our Facebook account.
‎
‎Trisha Vecina
‎Giselle Vigayan
‎Rizza Clarice
‎
‎Step forward. Serve with humility. Grow in faith.

21/06/2026

Happy Father's Day! Sa ating mga haligi ng tahanan!

Nawa'y maging katulad kayo ni San Jose na Sposo ni Maria. 🩵💙