08/08/2026
Pagninilay:
• Mapanuri at tapat ba ako sa katotohanan, o madali akong maniwala at magbahagi ng maling impormasyon at tsismis?
• Ginagamit ko ba ang aking kaalaman, oras, at kakayahan upang makatulong sa mga nangangailangan?
• Ginagawa ko bang gabay ang panalangin at Banal na Rosaryo upang manatiling matatag sa pananampalataya at katotohanan?
• Sa aking mga salita at kilos, naipapakita ko ba ang katotohanan nang may pagmamahal at kababaang-loob?
🙏Panginoon, Ikaw po ang lubos na nakakaalam ng lahat ng kasagutan, ng nilalaman ng aming puso at kalooban. Patuloy Mo po kaming gabayan at biyayaan ng Iyong Kalooban upang ganap naming maisakatuparan ang mga misyon ng Music Ministry na Iyong iniaatang sa amin. Ang lahat ng papuri, parangal at pasasalamat ay nararapat lamang saYo Ama, Anak at Espiritu Santo. Amen 💖
TINGNAN | Saintspiration ✨
“Angtunay na katotohanan ay hindi lamang itinuturo ng bibig, kundi isinasabuhay nang may pagmamahal at kababaang-loob. Tulad ni Santo Domingo de Guzman, ang pananalangin, paghahanap sa katotohanan, at masigasig na pagpapahayag ng Salita ng Diyos ang tumutulong sa atin na lumayo sa kadiliman ng kasalanan at maling paniniwala."
Si Santo Domingo de Guzman ay isinilang noong humigit-kumulang 1170 sa Caleruega, Espanya. Mula sa kanyang kabataan, ipinakita na niya ang malalim na pagmamahal sa Diyos at sa kapwa. Sa panahon ng matinding kagutom sa kanilang lugar, ipinagbili niya ang kanyang mahahalagang libro at ari-arian upang makatulong sa mga nagugutom, sapagkat para sa kanya, walang saysay ang kaalaman kung hindi ito ginagamit upang makatulong sa nangangailangan.
Noong 1216, itinatag niya ang Order of Preachers, na mas kilala bilang mga Dominikano. Sa halip na dahas o kapangyarihan ang gamitin sa pagpapahayag ng pananampalataya, pinili ni Santo Domingo ang daan ng panalangin, pangangaral, pag-aaral, at mapagkumbabang pakikipag-usap. Ang Veritas, o katotohanan, ang naging mahalagang bahagi ng kanyang misyon. Kilala rin siya sa kanyang malalim na debosyon sa Mahal na Birheng Maria at sa tradisyong iniuugnay sa pagpapalaganap ng Banal na Rosaryo.
Sa ating panahon, napakaraming maling impormasyon, kasinungalingan, tsismis, at maling katuruan ang mabilis na kumakalat, lalo na sa social media. Ipinapaalala sa atin ni Santo Domingo na bilang mga Kristiyano, tinatawag tayong maging mga tagapagdala ng katotohanan. Hindi ito nangangahulugang kailangan nating maging maingay o mapanghusga, kundi maging mapanuri, mahinahon, at tapat sa ating mga salita at gawa.
Higit sa lahat, itinuturo ng kanyang buhay na ang katotohanan ay dapat laging sinasabayan ng pagmamahal. Ang ating kaalaman at pananampalataya ay hindi lamang para sa ating sarili, kundi dapat maging daan upang makatulong, magturo, magbigay ng pag-asa, at mas mailapit ang iba kay Kristo.
Pagninilay:
• Mapanuri at tapat ba ako sa katotohanan, o madali akong maniwala at magbahagi ng maling impormasyon at tsismis?
• Ginagamit ko ba ang aking kaalaman, oras, at kakayahan upang makatulong sa mga nangangailangan?
• Ginagawa ko bang gabay ang panalangin at Banal na Rosaryo upang manatiling matatag sa pananampalataya at katotohanan?
• Sa aking mga salita at kilos, naipapakita ko ba ang katotohanan nang may pagmamahal at kababaang-loob?
Nawa'y maging inspirasyon si Santo Domingo de Guzman upang maging mga tagapagdala tayo ng katotohanan, masigasig na tagapagpahayag ng Salita ng Diyos, at mapagkumbabang lingkod ng ating kapwa. Nawa'y ang ating pananampalataya ay hindi lamang manatili sa salita, kundi maging buhay na patotoo ng pag-ibig ni Kristo.
