Spcy Sagrada Familia de Cut-cot

25/04/2026

Sa araw na ito, sama-sama nating ipagdiwang ang biyaya at pagmamahal ng Diyos sa pamamagitan ng Pistang Pasasalamat sa Sagrada Familia ng Cutcot.

Sa piling nina Maria, Jose, at ng Batang Hesus, nawa’y patuloy nating matagpuan ang tunay na diwa ng pagkakaisa, pagmamahalan, at pananampalataya sa bawat tahanan.

Halina at makiisa sa banal na pagdiriwang, at ialay natin ang ating taos-pusong pasasalamat sa lahat ng biyayang natanggap.

📅 Abril 26, 2026

4pm - Banal na Misa
5:30 - Maringal na Prusisyon

22/04/2026

𝐓𝐀𝐋𝐀𝐓𝐀𝐊𝐃𝐀𝐀𝐍 𝐍𝐆 𝐌𝐆𝐀 𝐆𝐀𝐖𝐀𝐈𝐍 𝐏𝐀𝐑𝐀 𝐒𝐀 𝐁𝐀𝐑𝐑𝐈𝐎 𝐅𝐈𝐄𝐒𝐓𝐀 𝟐𝟎𝟐𝟔

Triduo Prayer | Abril 23-25
4pm- Rosario at Panalangin sa Sagrada Familia

Misa Triduo
Abril 23-24 - 5pm- Banal na Misa
Abril 25 - 6pm Banal na Misa

Araw ng Kapistahan | Abril 26
3pm- Rosario at Panalangin sa Sagrada Familia
4:00pm- Banal na Misa
5:00pm- Prusisyon

26/01/2026

PABATID: Magalak Sambayanan ng Diyos sapagkat muli nating gugunitain ang Lingguhang Debosyon sa ating minamahal na pintakasi, San Isidro Labrador. Ang lahat ng mga Deboto at mananampalataya ay muling inaanyayahan bukas hanggang sa mga susunod na Martes, na makiisa sa ating pagdiriwang bilang pagpupuri at pagpupugay sa ating Panginoon sa patnubay ng ating pintakasi, San Isidro Labrador de Pulilan.

UMAGA:
5:00 N.U - Pagdarasal ng Santo Rosaryo at Nobena kay San Isidro
6:00 N.U - Banal na Misa at Pagpapahid ng Langis

GABI:
5:00 N.H - Pagdarasal ng Santo Rosaryo at Panalangin sa Takip-silim
6:00 N.G - Banal na Misa at Pagpapahid ng Langis

Viva San Isidro Labrador!

16/01/2026

PAMPAROKYANG KAPISTAHAN NG STO. NIÑO 2026

Sa darating na Linggo, ika-25 ng Enero, ay atin nang gaganapin ang Pamparokyang Kapistahan ng Sto. Niño. Isang pagdiriwang ng pagpupuri at pasasalamat kay Kristo, ang batang Sanggol. Isang paalala na tayo'y tumulad sa isang bata, may pusong dalisay, pananampalatayang buo, at kababaang-loob na may ganap na pagtitiwala sa Kanya. Narito ang mga talatakdaan sa ating pagdiriwang:

Enero 16-24, 2026
5:00 N.H - Nobenaryo
6:00 N.G - Banal na Misa

Enero 18, 2026 | Linggo
4:00 N.H - Nobenaryo
5:00 N.H - Banal na Misa

Araw ng Pamparokyang Kapistahan
Enero 25, 2026
7:30 N.U - Maringal na Prusisyon
9:00 N.U - Misa Pontifical

Ang lahat ay inaanyayahan na magdala ng kani-kanilang mga imahen ng Sto. Niño upang ito ay mabasbasan. Inaanyayahan din ang lahat ng mga Camarero ng Sto. Niño na gustong sumali sa Maringal na Prusisyon na magpatala sa ating opisina.

14/12/2025

PAANYAYA:

Sa ika-15 ng Disyembre 2025 ay magsisimula ang Simbang Gabi sa ating bisita, ganap na ika-7 ng gabi, sa Bisita ng Sagrada Familia de Cut-Cot.

Nasa ibaba po ang mga kulay na maaari nating isuot at mga intensyong iaalay sa bawat araw ng Simbang Gabi. Hindi po ito sapilitan mas mahalaga pa rin ang taos-pusong pakikibahagi sa Misa.

Halina’t tayo’y magsimba at sama-samang maghanda para sa kapanganakan ng ating Tagapagligtas na si Hesus. 🙏✨

21/10/2025

𝑲𝒂𝒑𝒊𝒔𝒕𝒂𝒉𝒂𝒏 𝒏𝒊 𝑺𝒂𝒏 𝑷𝒆𝒅𝒓𝒐 𝑪𝒂𝒍𝒖𝒏𝒈𝒔𝒐𝒅
Oktubre 21, 2025

Sa paggunita ng kapistahan ni San Pedro Calungsod, nakikisa ang SPCY SAGRADA FAMILIA DE CUTCOT sa pagdiriwang ng isang kabataang nag-alay ng kanyang buhay alang-alang sa pananampalataya. 🙏

Si San Pedro ay paalala sa amin na ang kabataan ay may kakayahang maglingkod nang buong puso — matapang, tapat, at may pusong handang magmahal tulad ni Kristo.

Nawa’y maging inspirasyon namin ang kanyang kabataan na puspos ng pananampalataya at pagmamahal sa Diyos. 🌿

San Pedro Calungsod, ipanalangin mo kami!
🩷SPCY SAGRADA FAMILIA DE CUTCOT 🩵

24/09/2025

Maligayang Kaarawan, Mons. Dars! 🎉🙏

Kaisa ang Bisita ng Sagrada Familia de Cutcot at SPCY Sagrada Familia de Cutcot sa pagbubunyi at pasasalamat sa Diyos sa biyaya ng buhay ng ating mahal na Rektor at Kura Paroko, Rdo. Mons. Dario "Dars" V. Cabral, P.C.

Dalangin namin na pagpalain ka ng ating Panginoon ng patuloy na kalakasan at karunungan upang magampanan mo nang buong puso ang iyong tungkulin sa paglilingkod at paggabay sa Sambayanan ng Diyos, lalo na rito sa bayan ng Pulilan.

Muli, isang Maligayang Kaarawan Mons. Dars! 🎂✨

16/09/2025

PABATID

Bilang paghahanda sa isang natatanging kaganapan sa ating parokya, ipinaaalam po sa lahat na hindi muna idaraos ang nakatakdang Banal na Misa sa darating na Sabado.

Ito po ay upang magbigay-daan sa isang makasaysayan at mahalagang pagtatanghal:

GLORIOSA: An Exhibit of the Vírgenes Coronadas de Filipinas
Setyembre 20, 2025

Inaanyayahan ang buong sambayanan na makibahagi at saksihan ang isang dakilang pagdiriwang ng pananampalataya at kultura, na tunay na karangalan at maipagmamalaki ng ating bayan.

27/06/2025

06/06/2025

📸 NAKUHANAN KA BA?
Baka andito na ang paborito mong litrato mula sa Flores de Maria 2025! 🌸

📲 SCAN MO NA ANG QR CODE SA POST NA ITO
para makita ang mga kuha mula sa Sagalahan at Banal na Misa sa Bisita ng Sagrada Familia de Cutcot.

I-download, i-share, at huwag kalimutang i-tag ang SPCY Sagrada Familia sa iyong post!

Salamat sa pagsama, pag-aalay, at pananampalataya. 💐

https://drive.google.com/drive/folders/1SuTwvdxAVOnHMKuqI7Zvvj5AoySg4gQg