PCY - Parokya ng Pag-Akyat sa Langit ni Hesukristo

21/01/2026

MUNTING HANDOG PARA KAY LOLO'T LOLA

Sa darating pong ika-22 ng Pebrero, 2026, ang Komisyon ng Kabataan ay magsasagawa ng isang Outreach Program para sa ating mga mahal na Lolo at Lola na nasa pangangalaga ng mga Madre sa EMMAUS HOUSE OF APOSTOLATES. Sila po ay mga lolo't lolang tahimik na nag-alay ng kanilang lakas at buhay para sa kanilang pamilya at komunidad - at ngayon, ang kailangan nila ay ang ating malasakit, pag-aaruga, at presensya.

Layunin po ng gawaing ito na matugunan ang kanilang pangunahing pangangailangan, makatulong sa pagpapanatili ng kanilang pasilidad, at higit sa lahat, ipadama sa kanila na sila ay mahalaga, inaalala, at hindi nag-iisa. Sa pagkakataong ito, kami po ay buong pagpapakumbabang kumakatok sa inyong mga pusong mapagbigay upang makiisa sa munting handog na may malaking kahulugan.

Narito po ang mga kagamitang maaari nating ialay bilang tanda ng ating pagkalinga at pagmamahal:
- Pagkain: Biscuit (tulad ng Skyflakes, Hansel, at iba pang walang palaman) at Instant Oatmeal
- Pangkalusugan: Adult Milk at Adult Diapers
- Personal na Gamit: Toiletries at mga damit (Daster, T-shirt, Shorts, at Pajamas)
- Pang-maintenance: Laundry Detergent, Panlinis ng Banyo, Walis, at Mop

Sa mga nagnanais pong magbahagi ng tulong, maging ito man ay in-kind o monetary, maaari po kayong makipag-ugnayan kina:
- Bro. Marvin Avanceña (Pangulo ng Komisyon ng Kabataan) https://www.facebook.com/PcyPPLH
- Bro. JC Magtalas (Pangulo ng Ministry of Altar Servers) https://www.facebook.com/people/Ministry-of-Altar-Server-Parokya-ng-Pag-Akyat-sa-Langit-ni-Hesukristo/100054500317931/
- Sis. Yzabella Ortega (Pangulo ng Komisyon ng Pamamahayag) https://www.facebook.com/PagakyatSaLangitniHesukristo

Maaari rin po nating ialay ang ating mga donasyon sa mga Banal na Misa. Pakilagyan lamang po ng tanda na ito ay para sa "Outreach Program para sa mga Lolo at Lola."

Sa bawat munting handog, may ngiting mabubuo. At sa bawat tulong, may pusong muling mapapalakas.

Maraming Salamat po sa inyong bukas na palad, wagas na pagmamalasakit, at pagmamahal sa ating mga nakatatanda. Pagpalain nawa kayo ng Panginoong Hesus na Umakyat sa Langit!

06/11/2024

PABATID!

Sa darating na ika-9 ng Nobyembre, araw ng Sabado, gaganapin ang Banal na Paglalakbay ng ating Parokya ngayong taon. Kaugnay nito at para sa ikaaayos ng daloy ng ating gawain, narito po ang talaan at puwesto ng mga kasama sa nasabing Pilgrimage. Mangyaring tandaan at sundin ang mga nakalaang puwang sa atin.

Maraming salamat po!

01/10/2024

𝙎𝙖 𝙞𝙮𝙤 𝙣𝙖𝙠𝙖𝙨𝙖𝙡𝙖𝙡𝙖𝙮 𝙖𝙣𝙜 𝙠𝙖𝙩𝙪𝙥𝙖𝙧𝙖𝙣 𝙣𝙜 𝙖𝙩𝙞𝙣𝙜 𝙥𝙖𝙣𝙜𝙖𝙧𝙖𝙥.

Mapagpalang araw po sa ating lahat!
Kaugnay ng patuloy na renovation ng Bisita ng Mahal na Birhen ng Lourdes, kami ay patuloy na kumakatok sa inyong mabubuting puso ng anumang tulong upang maisakatuparan ang pagpapagawa ng ating bahay-dalanginan.

Paunang pasasalamat po mula sa buong pamunuan ng SPPC-Taal!

For donation | PSBank
Account Number: 197110020488
Account Name: RCBMI Bisita ng Mahal na Birhen ng Lourdes

13/09/2024

08/09/2024

Maligayang Kaarawan, Mahal naming Ina!

Ngayon, ika-8 ng Setyembre, ay buong galak naming ginugunita ang iyong kapanganakan, O Mahal na Birheng Maria, ang dakilang anak nina San Joaquin at Santa Anna. Sa araw na ito, kami ay puspos na nagpapasalamat sa iyong patuloy na paggabay sa aming buhay, lalo na sa mga kabataan ng aming Parokya.

Sa iyong dakilang pagmamahal at pag-aaruga, nawa'y lumalim pa ang aming pananampalataya, at higit kaming maging masunurin sa mga aral ng iyong Anak na si Hesus. Mahal naming Ina, ipanalangin mo kami, ngayon at magpakailanman.

Viva La Virgen!

01/09/2024

PARISH PILGRIMAGE 2024 | PROVINCE OF LAGUNA

Ang banal na paglalakbay ay matagal ng kaugnay ng ating pananampalataya. Ang pagsasagawa nito ay nagbibigay sa atin ng mga biyaya ng langit mula sa Diyos. Kaugnay nito, ang ating Parokya ay muling maglalakbay sa darating na ika-9 ng Nobyembre, araw ng Sabado, sa Lalawigan ng Laguna upang dalawin at manalangin sa limang simbahan mula sa iba't-ibang bayan nito:

Pila, Laguna | National Shrine and Parish of San Antonio de Padua
Pagsanjan, Laguna | Diocesan Shrine of Our Lady of Guadalupe
Longos, Laguna | Parokya ng San Juan Bautista
Paete, Laguna | Parokya ni Santiago Apostol
Pakil, Laguna | Parokya ng San Pedro de Alcantara, Dambana ng Mahal na Birhen ng Turumba

Nagkakahalaga ang banal na paglalakbay na ito ng Php 1,600.00 na kinapapalooban ng Pilgrimage Kit at Tshirt. First come, first serve seating ang basehan para sa ikaaayos ng mga sasakyan.

Maaari po kayong magpareserve ng inyong mga upuan hanggang ika-15 ng Setyembre, 2024 at ang deadline po ng payment ay sa ika-15 ng Oktubre, 2024.

Para sa mga nagnanais na sumama at makiisa, maaaring makipag-ugnayan kay Sis. Liezel Reyes (09386625754), sa opisina ng ating Parokya, at sa mga Pangulo ng Sub-Parish Pastoral Councils.

28/08/2024

KAPISTAHAN NI SAN AGUSTIN NG HIPONA
Obispo at Pantas ng Simbahan

Si San Agustin ay isinilang noong ika-13 ng Nobyembre, 354, sa Tagaste sa hilagang Africa. Ang kanyang mga magulang ay sina Patricio at Santa Monica. Ang kanyang ama ay pagano at opisyal na Romano samantalang si Monica ay isang masugid na Kristiyano, sinikap niyang hubugin sa pamumuhay na Kristiyano ang kanyang anak. Noong taong 370, nag-aral siya sa Cartago ng retorico sa pagnanais na maging isang manananggol sa batas at iniukol ang sarili sa pananaliksik sa mga kaalaman ukol sa mundong ito at unti-unting tinalikuran ang pananampalatayang Kristiyano. Siya ay nakisama sa isang babae sa loob ng 15 taon at sila’y nagkaanak, si Adeodato. Nagkaroon siya ng hilig sa pilosopiya at noong 373, siya ay sumapi sa Manikeismo, isang heretikong sekta.

Matapos magturo sa Tagaste at Cartago, nagtungo siya sa Roma noong 383 at nagbukas ng paaralan ng retorico, subalit nang sumunod na taon ay lumipat siya sa Milan. Doon hinikayat siya ng kanyang ina na making sa mga paliwanag ng Obispo ng Milan, si San Ambrosio. Sa pamamagitan ng pakikinig sa mahusay na Obispo, naantig ang kanyang puso at nagbagong-loob, at nagpabinyag sa naturang Obispo noong gabi ng Muling Pagkabuhay, taong 387, sa gulang na 33. Tinugon ng Diyos ang mga panalangin at pagpapakasakit ng kanyang ina. Nang sila ay pabalik na sa Africa namatay si Sta. Monica sa Italya subalit natupad ang kanyang minimithi na makita niya bago siya mamatay si San Agustin na isang matapat na Katoliko. Pagdating sa Africa, itinatag niya ang isang monasteryo sa kanilang lunsod. Noong taong 391, sa paghimok ng mga taga-Hippo siya ay inordenang pari at makaraan ang 5 taon hinirang siyang obispo. Siya ang nagging pangunahing pinuno ng Simbahan sa Africa sa kanyang kapanahunan.

Nagwakas ang kanyang paglilingkod bilang matapat na Obispo ng Hippo nang siya ay bawian ng buhay noong Agosto 28, 430, sa gulang na 76.


Amang San Agustin, ipanalangin mo kami!

Pagbati sa lahat ng mga mananampalataya at deboto ni San Agustin de Baliwag na ngayon ay nagdiriwang ng Kapistahan ng kanilang Mahal na Patron.

07/08/2024

PARISH PILGRIMAGE 2024 | PROVINCE OF LAGUNA

Ang banal na paglalakbay ay matagal ng kaugnay ng ating pananampalataya. Ang pagsasagawa nito ay nagbibigay sa atin ng mga biyaya ng langit mula sa Diyos. Kaugnay nito, ang ating Parokya ay muling maglalakbay sa darating na ika-9 ng Nobyembre, araw ng Sabado, sa Lalawigan ng Laguna upang dalawin at manalangin sa limang simbahan mula sa iba't-ibang bayan nito:

Pila, Laguna | National Shrine and Parish of San Antonio de Padua
Pagsanjan, Laguna | Diocesan Shrine of Our Lady of Guadalupe
Longos, Laguna | Parokya ng San Juan Bautista
Paete, Laguna | Parokya ni Santiago Apostol
Pakil, Laguna | Parokya ng San Pedro de Alcantara, Dambana ng Mahal na Birhen ng Turumba

Nagkakahalaga ang banal na paglalakbay na ito ng Php 1,600.00 na kinapapalooban ng Pilgrimage Kit at Tshirt. First come, first serve seating ang basehan para sa ikaaayos ng mga sasakyan.

Para sa mga nagnanais na sumama at makiisa, maaaring makipag-ugnayan kay Sis. Liezel Reyes (09386625754), sa opisina ng ating Parokya, at sa mga Pangulo ng Sub-Parish Pastoral Councils.