PCY San Isidro Labrador - Pulilan

16/06/2026

𝐌𝐀𝐑𝐀𝐌𝐈𝐍𝐆 𝐒𝐀𝐋𝐀𝐌𝐀𝐓, 𝐑𝐄𝐁𝐄𝐑𝐄𝐍𝐃𝐎 𝐏𝐀𝐃𝐑𝐄 𝐏𝐄𝐓𝐄𝐑 𝐂𝐎𝐋𝐋𝐈𝐍 𝐂. 𝐂𝐑𝐈𝐒𝐎𝐒𝐓𝐎𝐌𝐎!

Mula sa Komisyon ng Kabataan ng Pandiyosesis na Dambana at Parokya ni San Isidro Labrador, aming ipinapaabot ang taos-pusong pasasalamat sa iyong dalawang taong masigasig at mapagmahal na paglilingkod sa aming pamayanan.

Maraming salamat, Fr. Peter, sa iyong paggabay, inspirasyon, at walang sawang pagsuporta sa mga kabataan. Sa pamamagitan ng iyong mga salita, halimbawa, at pagmamalasakit, mas lalo naming natutunang mahalin ang Diyos, ang Simbahan, at ang paglilingkod sa kapwa.

Habang tinatahak mo ang panibagong yugto ng iyong misyon bilang lingkod ng Panginoon, dala namin ang aming mga panalangin at mabubuting hangarin para sa iyo. Bagamat may lungkot sa aming pamamaalam, nananatili ang aming pasasalamat sa mga ala-ala at aral na iyong iniwan sa aming mga puso.

Nawa’y patuloy kang gabayan, pagpalain, at palakasin ng Panginoon sa iyong bagong pamayanan na paglilingkuran.

Maraming salamat at paalam, Fr. Peter. Hindi ka namin malilimutan. Lagi kang mananatiling bahagi ng aming buhay at pananampalataya.

Pagpalain ka nawa ng Diyos sa lahat ng iyong mga paglalakbay at misyon.

Ingat po palagi, Padre! 🙏🏻

15/06/2026

𝑴𝒂𝒑𝒂𝒈𝒑𝒂𝒍𝒂𝒏𝒈 𝒌𝒂𝒂𝒓𝒂𝒘𝒂𝒏 𝒔𝒂𝒚𝒐!

Ang PCY DSPSIL-Pulilan ay bumabati kay Sis. Zyrah, isa sa mga miyembro ng ating komisyon, ng isang maligayang bati sa iyong kaarawan! 🎉

Nawa’y maging puno ng saya at di-malilimutang alaala ang iyong pagdiriwang kasama ang iyong mga mahal sa buhay!

Lubos ang aming pasasalamat sa iyong hindi matatawarang dedikasyon at kahandaang maglingkod na tunay na hinahangaan ng kapwa mo kabataan.

Patuloy nawa ang iyong pagiging tapat na lingkod ng kabataan, at nawa’y gabayan ka Niya sa lahat ng landas ng iyong hinaharap.
Mahal ka ng PCY! 😌

Maligayang kaarawan, Sis. Zyrah!

13/06/2026

13/06/2026

Tara na, sagJUAN na! LIBAD NA! 🌊🙏🏼

13/06/2026

Hep hep!👐

13/06/2026

𝐀𝐍𝐃𝐀𝐒 𝐌𝐀𝐊𝐈𝐍𝐆 𝐂𝐎𝐌𝐏𝐄𝐓𝐈𝐓𝐈𝐎𝐍 | 𝐕𝐈𝐂𝐀𝐑𝐈𝐀𝐋 𝐘𝐎𝐔𝐓𝐇 𝐃𝐀𝐘 𝟐𝟎𝟐𝟔

Nagkamit ng Unang Parangal ang mga Kabataan ni San Isidro Labrador sa Andas Making Competition sa Vicarial Youth Day 2026 na ginanap sa Pandiyosesis na Dambana at Parokya ni San Juan Bautista – Calumpit noong ika-12 ng Hunyo, 2026.

Higit pa sa isang obra, ang andas na ito ay nagsilbing salamin ng mayamang kultura, pananampalataya, at pagkakakilanlan ng bayan ng Pulilan.

𝗣𝗥𝗨𝗧𝗔𝗦 𝗔𝗧 𝗚𝗨𝗟𝗔𝗬
– Sagisag ng masaganang biyayang ipinagkakaloob ng Diyos, bunga ng Kanyang pagpapala at ng mga panalangin ni San Isidro Labrador.

𝗞𝗔𝗕𝗔𝗛𝗔𝗬𝗔𝗡 𝗔𝗧 𝗞𝗔𝗕𝗨𝗞𝗜𝗥𝗔𝗡
– Kumakatawan sa patuloy na paggabay at pagkalinga ni San Isidro Labrador sa pang-araw-araw na buhay at kabuhayan ng mamamayan.

𝗟𝗔𝗕𝗜𝗡𝗚-𝗦𝗜𝗬𝗔𝗠 𝗡𝗔 𝗠𝗔𝗟𝗜𝗟𝗜𝗜𝗧 𝗡𝗔 𝗕𝗔𝗡𝗚𝗞𝗔
– Sumasagisag sa labing-siyam na barangay ng Pulilan na nagkakaisang makibahagi at makisabay sa mayamang kultura ng mga taga-Calumpit, sa pagdiriwang ng Libad Festival, at sa debosyon kay San Juan Bautista, patron ng bayan ng Calumpit.

𝗕𝗔𝗧𝗔𝗡𝗚 𝗡𝗔𝗚𝗗𝗔𝗥𝗔𝗦𝗔𝗟
– Ang batang yari sa dayami at may hawak na Bibliya ay sumasagisag sa mga kabataang naglilingkod sa Simbahan na nananatiling matatag sa pananampalataya, kumakapit sa pag-asang nagmumula sa Diyos, at nagsisikap na isabuhay ang mga aral ni Kristo sa kanilang pang-araw-araw na buhay.

𝗜𝗦𝗗𝗔
– Simbolo ng pangingisda, isa sa mga pangunahing pinagkukunan ng kabuhayan ng mga mamamayan ng Calumpit.

𝗞𝗔𝗕𝗜𝗕𝗘
– Ayon sa tradisyon, ang kabibe ay isang sinaunang sagisag ni Santiago Apostol, ang patron ng Bikarya ng Plaridel.

Sa kabuuan, ang disenyo ng andas ni San Isidro Labrador ay sumasalamin sa matatag na pananampalataya ng mga Pulilenyo. Sa pamamagitan ng mga turo at huwarang pamumuhay ni San Isidro Labrador, nahihikayat tayong magpatuloy na maglingkod sa Diyos at sa ating kapuwa. Tulad ng isang magsasakang nagbubungkal ng lupa upang magbunga ng masaganang ani, ang mga Pulilenyo ay nagbubungkal ng lupa upang umani ng mga kaluluwa pabalik sa Diyos.

Viva, San Isidro Labrador! 🌾
Ariba, Pulilan! 💚
Luhooood!

13/06/2026

𝙉𝙖𝙧𝙞𝙩𝙤 𝙣𝙖 𝙖𝙣𝙜 𝙢𝙜𝙖 𝙠𝙖𝙗𝙖𝙩𝙖𝙖𝙣 𝙢𝙪𝙡𝙖 𝙨𝙖 𝙗𝙖𝙮𝙖𝙣 𝙣𝙜 𝙡𝙪𝙢𝙪𝙡𝙪𝙝𝙤𝙙 𝙣𝙖 𝙆𝙖𝙡𝙖𝙗𝙖𝙬!

Sa nagkakaisang tinig, sigla ng kabataan, at alab ng pananampalataya, matagumpay na nasungkit ng mga Kabataan ng Pandiyosesis na Dambana at Parokya ni San Isidro Labrador ang titulong 𝐂𝐇𝐀𝐌𝐏𝐈𝐎𝐍 sa Yell Competition ng Vicarial Youth Day 2026 na ginanap sa Pandiyosesis na Dambana at Parokya ni San Juan Bautista, Calumpit noong ika-12 ng Hunyo 2026.

Mula sa bayan ng lumuluhod na kalabaw, ating ipinagmalaki ang ating pagkakakilanlan bilang mga kabataang pinalakas, pinatibay, at pinagpala, at dito'y ipinahayag ang ating iisang misyon—ang dalhin ang Ebanghelyo at tumugon kay Kristo nang may buong puso.

Ang tagumpay na ito ay hindi lamang bunga ng husay kung hindi patunay ng pagkakaisa, pagtutulungan, at pananampalatayang bumubuklod sa bawat kabataang kabilang sa Pamparokyang Komisyon ng Kabataan.

Nawa patuloy tayong umariba at umarangkada bilang mga tagapaghatid ng Mabuting Balita. Sapagkat tunay ngang sa bayan ni San Isidro, ang kabataang may tuon kay Kristo ay hindi matitinag sa anumang hamon.

Viva, San Isidro Labrador! 🌾
Ariba, Pulilan! 💚
Luhooood!

12/06/2026

Sa diwa ng pagkakaisa, pananampalataya, at masiglang paglilingkod, buong galak na nakilahok ang Komisyon ng Kabataan ng Pandiyosesis na Dambana at Parokya ni San Isidro Labrador - Pulilan sa ginanap na Vicarial Youth Day 2026 na pinangunahan ng mga kabataan mula sa Pandiyosesis na Dambana at Parokya ni San Juan Bautista - Calumpit, taglay ang sigaw na: “𝐓𝐚𝐫𝐚 𝐧𝐚, 𝐒𝐚𝐠𝐉𝐔𝐀𝐍 𝐧𝐚, 𝐋𝐢𝐛𝐚𝐝 𝐧𝐚!”

Kasama ang mga kabataan mula sa iba't ibang parokya ng Bikarya ng Plaridel, naging makahulugan ang pagdiriwang sa temang: “𝐊𝐚𝐛𝐚𝐭𝐚𝐚𝐧𝐠 𝐓𝐢𝐧𝐢𝐠 𝐬𝐚 𝐈𝐥𝐚𝐧𝐠: 𝐓𝐚𝐠𝐚𝐩𝐚𝐠𝐝𝐚𝐥𝐚 𝐧𝐠 𝐄𝐛𝐚𝐧𝐠𝐡𝐞𝐥𝐢𝐬𝐚𝐬𝐲𝐨𝐧 𝐓𝐮𝐧𝐠𝐨 𝐬𝐚 𝐌𝐚𝐭𝐮𝐰𝐢𝐝 𝐧𝐚 𝐏𝐚𝐦𝐮𝐦𝐮𝐡𝐚𝐲.”

Hindi lamang ipinamalas ng ating mga kabataan ang kanilang talento at husay, kundi higit sa lahat, ang kanilang pananampalataya, pagkakaisa, at dedikasyon sa paglilingkod sa Diyos at Simbahan.

Mga Natamong Karangalan:

🏆 Champion:
Yell Competition

🥈 1st Runner-Up:
Andas-Making Competition

Ang mga tagumpay na ito ay patunay na ang kabataang Kristiyano ay may lakas ng loob na maging tinig ng Ebanghelyo at saksi ng matuwid na pamumuhay sa kanilang pamayanan.

Taos-pusong pagbati sa lahat ng mga kabataang lumahok, sa mga tagapagsanay, tagasuporta, at sa buong komunidad ni San Isidro Labrador.

Nawa'y patuloy tayong maging ilaw at inspirasyon sa kapwa kabataan.

Kabataang San Isidro, patuloy na lumilibad para kay Kristo!

¡Viva San Isidro Labrador! 🌾
¡Arriba Pulilan! 🙌

04/06/2026

𝑴𝒂𝒑𝒂𝒈𝒑𝒂𝒍𝒂𝒏𝒈 𝒌𝒂𝒂𝒓𝒂𝒘𝒂𝒏 𝒔𝒂𝒚𝒐!

Ang PCY DSPSIL-Pulilan ay bumabati kay Bro. Nash, isa sa mga miyembro ng ating komisyon, ng isang maligayang bati sa iyong kaarawan! 🎉

Nawa’y maging puno ng saya at di-malilimutang alaala ang iyong pagdiriwang kasama ang iyong mga mahal sa buhay!

Lubos ang aming pasasalamat sa iyong hindi matatawarang dedikasyon at kahandaang maglingkod na tunay na hinahangaan ng kapwa mo kabataan.

Patuloy nawa ang iyong pagiging tapat na lingkod ng kabataan, at nawa’y gabayan ka Niya sa lahat ng landas ng iyong hinaharap.

Mahal ka ng PCY! 😌

Maligayang kaarawan, Bro. Nash!