15/08/2020
Dakilang Kapistahan ni San Roque
Dalangin namin na matuklasan na po ang gamot para sa pandemya na dulot ng Covid-19
San Roque
Ipanalangin mo kami...
PAGGUNITA KAY SAN ROQUE
Pintakasi Laban sa mga Epidemya at Salot
Agosto 16, 2020
NATATANGING PANALANGIN KAY SAN ROQUE
Sa Panahon ng Pandemya ng Covid-19
O Mapagmahal at Makapangyarihang Ama,
Sa pamamagitan ng anghel ay ipinangako Mo kay San Roque
Na iaadya Mo ang sinuman na tumawag sa kanya,
Laban sa anumang peste at nakahahawang mga sakit!
Ipinapanalangin namin na sa pamamagitan ni San Roque
Ay iaadya Mo rin ang aming mga tahahan, barangay at pamayanan
At ang buong bansa laban sa anumang kapamahakan,
Sa aming mga kaluluwa at katawan bunga ng pandemya.
O Kabanal-banalang SAN ROQUE,
Maawa ka sa mga nagkasakit at naghihirap bunga ng pandemyang ito.
Sa pamamagitan mo ay matamo nila ang kagalingan
Sa kanilang mga karamdaman, tulad ng pagpapagaling mo
Sa mga may sakit gamit ang KRUS sa iyong dibdib.
Ngayong ikaw ay nasa langit na, O SAN ROQUE!
Idulog mo ang aming mga panaghoy at pagtangis;
Harinawa ay matamo namin ang paglakas ng aming kaluluwa at katawan
Habang aming pinaglalabanan ang mga pagsubok
At hilahil bunga ng pangkalusugang krisis na ito sa aming buhay.
O SAN ROQUE, muling naming itinataas sa iyong pamamagitan!
Ang kaligtasan namin sa pandemya ng COVID-19.
Ito'y aming hinihiling sa ngalan ni Jesukristo, na aming Panginoon.
Amen.
San Roque, Pintakasi Laban sa mga Epidemya at Salot
Ipanalangin Mo kami laban sa pandemya ng COVID-19
