Ang Humayo - Parokya ng Pag-akyat sa Langit ni Hesukristo

01/04/2026

01/04/2026

01/04/2026

MIYERKULES SANTO NG MGA MAHAL NA ARAW

Si Judas Iscariote, isa sa Labindalawa, ay nakipagkita sa mga punong saserdote. “Ano po ang ibibigay ninyo sa akin kung tulungan ko kayong madakip si Hesus?” tanong niya. Noon din ay binilangan nila siya ng tatlumpung salaping pilak. Mula noon, humanap na si Judas ng pagkakataon upang maipagkanulo si Hesus.

Dumating ang unang araw ng Kapistahan ng Tinapay na Walang Lebadura. Lumapit kay Hesus ang mga alagad at nagtanong, “Saan po ninyo ibig na ipaghanda namin kayo ng Hapunang Pampaskuwa?” Sumagot siya, “Pumunta kayo sa lungsod at hanapin ninyo ang taong ito. Sabihin sa kanyang ganito ang ipinasasabi ng G**o: ‘Malapit na ang aking oras. Ako at ang mga alagad ko’y sa bahay mo kakain ng Hapunang Pampaskuwa.’” Sinunod ng mga alagad ang utos ni Hesus, at inihanda nila ang Hapunang Pampaskuwa.

Nang gabing yaon, dumulog sa hapag si Hesus, kasama ang labindalawang alagad. Samantalang sila’y kumakain, nangusap si Hesus, “Sinasabi ko: isa sa inyo ang magkakanulo sa akin.” Nanlumo ang mga alagad, at isa’t isa’y nagtanong sa kanya, “Ako po ba, Panginoon?” Sumagot siya, “Ang kasabay kong sumawsaw sa mangkok ang siyang magkakanulo sa akin. Papanaw ang Anak ng Tao, ayon sa nasusulat, ngunit sa aba ng magkakanulo sa kanya! Mabuti pang hindi na ipinanganak ang taong iyon.” Si Judas, na magkakanulo sa kanya, ay nagtanong din, “G**o, ako po ba?” Sumagot si Hesus, “Ikaw na ang nagsabi.”

31/03/2026

MARTES SANTO NG MGA MAHAL NA ARAW
Prusisyon ng Pagsasalubong nina Santa Veronica at Nuestro Padre Jesus Nazareno

Tuwing Martes Santo, inaalala sa ating Parokya ang madamdaming tagpo ng Pagsasalubong ni Santa Veronica at ng Panginoong nagpapasan ng Krus. Ito ay isinasagawa sa pamamagitan ng prusisyon at pagdating sa simbahan ay nagsasalubong ang dalawang imahen.

31/03/2026

MISA NG KRISMA | Pagsariwa ng Pangako sa Pagkapari

Mula sa Parokya ng Parokya ng Pag-akyat sa Langit ni Hesukristo, amin pong ipinapaabot ang aming malugod na pagbati sa Pagsariwa ng Pangako sa Pagkapari ni Rdo. Roman E. Caleon, sa Misa ng Krisma na gaganapin sa Katedral at Basilika Menore ng Inmaculada Concepcion na pinangunahan ng ating Minamahal na Lub. Kgg. Dennis Villarojo, ang Obispo ng Diyosesis ng Malolos.

Muli, isang malugod na pagbati, Father Roman! Dalangin namin na mas patatagin, palakasin, at pag-alabin pa ang inyong bokasyon sa paglilingkod at paggabay sa ating simbahan. Gabayan at pagpalain po kayo nawa ng Panginoong Umakyat sa Langit!

“Sumasaakin ang Espiritu ng Panginoon sapagkat hinirang niya ako upang ipangaral sa mga dukha ang Mabuting Balita.” (Lukas 4:18)