18/06/2026
Yung pag-attend ni Sen. Joel Villanueva sa session, hindi naman ibig sabihin na kampi siya sa isang political group o alliance. Sa simpleng salita, ginagawa lang niya ang trabaho niya bilang senador.
Parang sa normal na trabaho lang. Kahit sobrang pagod ka na, kahit naiinis ka sa boss mo, kahit may mga bagay kang hindi sinasang-ayunan sa opisina, pumapasok ka pa rin dahil responsibilidad mo iyon. Hindi dahil gusto mo lahat ng nangyayari, kundi dahil trabaho mo at may obligasyon kang gampanan.
Ganun din sa mga senador. Ang trabaho nila ay dumalo sa mga session, makilahok sa mga diskusyon, at siguraduhing tuloy-tuloy ang paggana ng mga institusyon ng gobyerno. Hindi lahat ng aksyon ay dapat agad ikonekta sa political alliances o personal na panig.
Minsan, ang pagpasok at paggawa ng tungkulin mo ay hindi tungkol sa kung sino ang kakampi mo. Tungkol ito sa pagrespeto sa institusyon at pagtupad sa responsibilidad na ipinagkatiwala sa'yo ng taumbayan.
