31/05/2026
๐ก๐ฎ๐๐ถ๐ผ๐ป๐ฎ๐น ๐๐๐ ๐ฆ๐๐ป๐ฑ๐ฎ๐, ๐ ๐ฎ๐๐ฎ๐๐ฎ๐ป๐ด ๐๐ฝ๐ถ๐ป๐ฎ๐ด๐ฑ๐ถ๐๐ฎ๐ป๐ด ๐๐ฎ ๐๐ถ๐๐ถ๐ป๐ฒ ๐ ๐ฒ๐ฟ๐ฐ๐ ๐ฃ๐ฎ๐ฟ๐ถ๐๐ต
Masayang ipinagdiwang ng Divine Mercy Parish ang National BEC Sunday sa pamamagitan ng isang makabuluhan at masiglang pagtitipon na dinaluhan ng mga miyembro ng iba't ibang Basic Ecclesial Communities (BECs) ng parokya.
Nagsimula ang pagdiriwang sa pag-aalay ng Banal na Misa bilang pasasalamat sa mga biyayang ipinagkakaloob ng Diyos at bilang pagpapalalim ng pagkakaisa ng mga pamayanan ng pananampalataya.
Matapos ang Banal na Misa, nagkaroon ng makabuluhang talakayan na pinangunahan ng keynote speaker na si Rev. Fr. Samuel Bacosa. Sa kanyang mensahe, ibinahagi niya ang anim na mahahalagang diwang matututuhan natin sa pagninilay ng Holy Trinity Sunday na nagsisilbing gabay sa buhay ng mga Basic Ecclesial Communities:
1. Nagkakaisa โ Tulad ng Banal na Santatlo, tayo ay tinatawagan na mamuhay sa pagkakaisa bilang isang sambayanan ng Diyos.
2. Natatangi โ Bawat isa ay may kanya-kanyang kaloob, kakayahan, at tungkulin na mahalaga sa pamayanan.
3. Nagkakaugnay (Interdependence) โ Kailangan natin ang isaโt isa upang maisakatuparan ang misyon ng Simbahan.
4. Nagbabahaginan โ Ang pagbabahagi ng panahon, talento, at biyaya ay nagpapalago sa buhay-pananampalataya ng komunidad.
5. Nakikinig โ Ang pakikinig sa Diyos at sa kapwa ay mahalagang sangkap sa pagbuo ng isang buhay at nagkakaisang pamayanan.
6. Nagmimisyon โ Bilang mga Kristiyano, tayo ay isinugo upang ipahayag ang Mabuting Balita at maging saksi ng pag-ibig ng Diyos sa mundo.
Binigyang-diin ni Fr. Bacosa na ang mga katangiang ito ay hindi lamang makikita sa misteryo ng Banal na Santatlo kundi dapat ding maisabuhay ng bawat miyembro ng BEC upang maging mas epektibong instrumento ng ebanghelisasyon at paglilingkod sa Simbahan at sa komunidad.
Isa sa mga tampok ng programa ang Joyful Mysteries Role-Playing Contest, kung saan ipinamalas ng mga kalahok ang kanilang pagkamalikhain, husay sa pagganap, at malalim na pag-unawa sa mga misteryo ng Santo Rosaryo. Itinanghal bilang kampeon ang Our Lady of Holy Rosary, habang pumangalawa ang St. John Evangelist Chapel at pumangatlo ang San Isidro Labrador Chapel.
Naging mas makulay at masaya rin ang pagdiriwang sa pamamagitan ng ibaโt ibang intermission numbers at parlor games na nagbigay ng kasiyahan at nagpatibay sa samahan ng mga dumalo.
Sa kabuuan, naging matagumpay ang pagdiriwang ng National BEC Sunday sa Divine Mercy Parish, na muling nagpamalas ng diwa ng pagkakaisa, pakikibahagi, at buhay na pananampalataya ng mga Basic Ecclesial Communities sa parokya.
