https://www.facebook.com/1575879029341740/

Commission on Media for Evangelization - Prieto Diaz

Home
Philippines
Prieto Diaz
Commission on Media for Evangelization - Prieto Diaz

This page is a catholic organization (CME - St. Lawrence the Deacon) created to spread the messages of our Church through media.

12/04/2020

Domingo nin Pagkabuhay Liwat. Aldaw nin maogmang pakisumaro sa kamurawayan kan Pagkabuhay Liwat. Pakatapos kan pagayuno asin pagmundo, angay na an aldaw na ini magin balos nin kaogmahan. Ipinapahiling digdi an Pagkabuhay Liwat ni Christo, an mapara kan gabos na kamunduan. Happy Easter Sunday! ❤️

11/04/2020

Sabado Santo, mayo nin anuman na celebration sa aldaw nin Sabado Santo bag-o kan Vigilia Pascual, sa paghiling na an bilog na simbahan naglalamay sa lolobngan ni Cristo. Ining espiritu nin pag Mundo dadarahon sagkod sa enot na kabtang kan Vigilia. VIGILIA PASCUAL, ginigibo sa banggi. Digdi an simbahan naglalamay asin naghahalat na banggi masanglian nin liwanag, an nagmumundo matawan nin kaogmahan, an nagaayuno mabasog sa Eucaristia, asin an kagadanan masanglian nin pagkabuhay liwat. Ini an kahulugan kan misterio nin pagkabuhay liwat ni Cristo, na an gabos mabangon hale sa kagadanan nin kasal an pasiring sa buhay na daing kasagkoran. An celebration kaini iyo an pinaka centro kan saiyang pagtubos. Ini an bangging orog sa gabos, pinaorog huli kan pangyayaring dinaog ni Christo an kagadanan. Kan siya mabuhay liwat dinara Niya an gabos sa bagong buhay, bagong paglalang, sa kahadean nin Dios. An daan na buhay nakaagi na. An tawo nakabalik na sa Dios. Ining misterio nin bagong buhay ipinapahayag sa pinakahalangkaw na paagi kan mga celebrationes sa bangging ini. An Liturhiya kan Tataramon, Liturhiya kan Bonyag asin Liturhiya kan Eucaristia. An ilaw, CIRIO PASCUAL, simbolo ni Cristo an mabuhay liwat tanganing magtao nin bagong liwanag sa gabos. Digdi ipinapahiling an satong paglaom sa pagkamoot nin Dios.

10/04/2020

Viernes Santo, aldaw nin pag ayuno asin pagmundo nin huli kan kagadanan ni Cristo. An pag ayuno iniibahan kan pagromdom kan passion nin Kagurangnan. Kaya sa aldaw na ini an liturhiya pinop**nan sa paghinanyog kan istorya nin passion sosog ki San Juan, dangan an pagsamba kan krus asin tinatapos sa pag-ako nin communion. Siring man sa aldaw na ini, ipinapahiling an dakulang ejemplo nin pagkamoot ni Cristo na nag dusay kan Saiyang buhay para sa satuyang kaligtasan.

09/04/2020

Maray na aga po mga tugang na taga Prieto Diaz, an satuyang parokya pinapaabot po an information para sa cancellation kan satuyang mga prosesyon ngunian na alas 6:00 an banggi, asin an gabos na naka schedule na mga prosesyon digdi sa parokya. Dai na po malibot an satuyang Kura Paroko kan Blessed Sacrament, Crucified Christ, asin Risen Christ, nin huli sa pagsunod ta po kan mandate para maslalo po kitang makaiwas sa COVID-19. Minahagad po kami ki pasensya, dai na po kita ki prosesyon sa satuyang parokya asin mga paglibot sa laog kaining celebration kan Semana Santa 2020. Salamat po.

– CME Prieto Diaz

06/04/2020

Sa mga aldaw na inaapod niatong Lunes Santo, Martes Santo, asin Miercules Santo, padagos na pinaghohorop-horopan an pagsakit ni Cristo. An liturhiya sa aldaw na ini, nagpapahiling sato kan pagigin minasunod-sunod na sorogoon ni Cristo. An pangapudan sa lambang Cristiano sa laog kan mga aldaw na ini, iyo an arogon si Cristo sa satuyang buhay. An saiyang passion lugod magin burabod nin kusog para sato asin nin kapatawaran, ngani na kita maharayo sa kapangyarihan nin karat-an, asin madara sa kamurawayan nin pagka buhay liwat. Para sa mga tugang niato sa Parokya ni San Lorenzo Diakono, Prieto Diaz, maghimate po kamo kan Banal na Misa sa DZGN Fm Radio 102.3 Spirit FM sa oras na alas 5:15 an hapon. Asin sa harong lang po kamu magpamibi, mag ayuno asin maghorop horop. Dai kita ki Misa sa aldaw na iyan sa satuyang parokya. Salamat.

Info hali sa Commission on Media for Evangelization (CME), Prieto Diaz.

05/04/2020

Domingo nin Passion. Mga tugang, an Semana Santa minap**n sa Domingo nin Passion. An aldaw na ini sosog sa kinaugalian igwa nin duwang tema, an paglaog ni Jesus sa Jerusalem asin an saiyang passion nin pagsakit. Kaya yaon digdi mahihiling an pagbendecion nin mga Oliva o Langkoy, asin an pag procession palaog sa simbahan sa paggiromdom sa paglaog ni Jesus sa Jerusalem. An Oliva benibendicionan alagad ini dai nagiging anting-anting kundi benditadong bagay na nagpapahayag asin nagpapadanay nin pagkamoot, paglaom asin pagtubod sa Dios. Dai man paglingawan na sa aldaw na ini ginigiromdom na an paglaog ni Jesus sa Jerusalem, sarong pagkuyog sa kabotan nin Ama na iyo an saiyang pagtubos sa katawohan nin huli kan saiyang passion nin pagsakit. Sa ngonian mga tugang, satuyang paghorop-horopan ini asin dai mag luwas ki harong, sa laog lang kamo kan harong mamibi, mag ayuno asin magdangog kan mensahe nin Dios sa mga radio Asin TV's. Salamat. 🙏

– CME Prieto-Diaz.

04/04/2020

An parokya ni San Lorenzo Diakono sa Prieto Diaz, magkakaigwa nin banal na Misa sa oras na alas 6:00 an aga, buwas po ini,
April 5, 2020 sa parokya. Sa mga taga Poblacion, ini po mamati niato sa public address system kan satuyang parokya, alagad dai po ini nin presensya nin katawohan nin huli ta yaon man giraray kita sa pag sunod kan mandato, executive order asin protocol manungod sa pag iwas kan COVID-19. An Misa dai ta na po mailalaog sa cable TV, mahagad po kami ki pasensya, maghimati na sana kita sa public address system kan parokya asin guiromdomun na sa harong lang po kamo mag hinanyog kaining Banal na Misa. Salamat.

01/04/2020

Mga tugang ko sa pagtubod, para po sa maninigong information kan activities kan parokya ni San Lorenzo Diakono, Prieto Diaz, an mga nasabing activities o celebration kan Semana Santa, dai po ki presencia nin katawohan, labi na an mga misa asin mga Procession kan Crucified Christ, Blessed Sacrament, Risen Christ asin pag bless kan palm. Gigibohon sana ini kan Kura Paroko, ini po sa pag sunod ta kan COVID-19 Protocol, mandated asin Executive Order, arog kan ECQ, social distancing and stay at home. Mga kahimanwa, sa laog lang po kamo kan harong mag selebrar kan Semana Santa, mag pangadyi, mag horop-horop, mag ayono, mag pailaw kan kandila, asin manguros. Stay home and be safe. Ini po an info kan satuyang Parokya sa Prieto Diaz. Salamat.

20/01/2020

An parokya ni San Lorenzo Diakono sa pamumuno ni Rev. Fr. Alex Jerus, nag celebrar kan kafiestahan ni Sr. Sto. Niño sa paagi nin pagpamibi, banal na misa asin prosesyon. Kaiba sa prosesyon an street dancing presentation bilang pasasalamat sa mga grasya na iwinawaras satuya ni Sr. Sto. Niño..

06/11/2019

Ginibo an pinakainot na Parish Pastoral Council Meeting sa Parokya ni San Lorenzo Diakono, Prieto Diaz, sa pamumuno ni Rev. Fr. Alex Jerus, na nag asumir sa pwesto bilang Kura Paroko kan July 2019. Asin ma antabay satuya bilang Kura Paroko sa laog nin 5 taon, p**n na 2019-2024 sa Prieto Diaz.

28/09/2017

Blessed eve, everyone! Keep safe. Stay dry. 😊💕

21/08/2017

Parokya ni San Lorenzo Diakono - Mga Aktibidades kang nakaaging kapiyestahan.

Address

Prieto Diaz
4711

Website

facebook.com

Alerts

Be the first to know and let us send you an email when Commission on Media for Evangelization - Prieto Diaz posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Prieto Diaz?