05/05/2026
Marhay na Aldaw Banwaan nin Dios.
Namomotan niamong mga Paratubod ki Cristo, ngunian harani na po an Aldaw kan Kafiestahan ni Seรฑor San Vicente Ferrer na satong pinipintakasi. An satong Konseho Pastoral nin Parroquia po ngunian naghahanda sa dakulang celebracion na ini asin naghahanap po nin paagi tanganing matabangan na magkaigwa nin pundo para sa nagrarani na pong pag-patindog kan bagong estruktura kan Simbahan. Kaya sa paghihingowang ini, nagtotoktok po sa saindo na maging parte kan Celebracion na ini sa paagi kan Pagbakal nin Tarpaulin na nagkakantidad nin sangribo (1000) an kada sponsor asin (5000) po an kada bluki kan Tarpaulin para sa limang Familia na ma-sponsor, na ipagdudukot sa kudal kan Simbahan bago mag-fiesta. Tanganing an pasasalamat mas lalo nindo pong mamatian, samo pong ipinagmawot na ilaag man po an saindong pangaran sa tarpaulin. (Nasa baba po an Sample kan ipapagibong Tarpaulin)
Sa mga kahaputan po pede man po na hanapon na lang si Mr. Danny Franco Bitara an PPC President o si Mrs. Ligaya Jr. B. Bio an PPC Treasurer.
Giraray po an Konseho Pastoral nin Parroquia sa pangengenot kan satong namomotan na Cura Parroco, Reb. Pd. Andres B. Baliwas, SOLT asin Parochial Vicar, Reb. Pd. Rally Gonzales, SOLT asin Chairman kan PPC, Mr. Danny Franco Bitara asin kan saiyang pag-iriba sa Konseho, ngunian pa lang po nagpapaabot na po nin dakulang pasasalamat sa masimbag kan pangapodan kan Parroquia na masuportahan an nagraraning pagpatugdok kan bagong Simbahan.
Danay man kitang ipagpamibi ni San Vicente Ferrer na tabangan igdi nin huli ta aram ta na si San Vicente Ferrer iyo an Patron kan Parapatugdok o Builders. Lugod mabuksan man po an satuyang mga puso sa dusay na Pagtabang para sa karahayan asin ikagagayon kan Simbahan. Kaya bilang mga Aki ni San Vicente Ferrer, kita an maataman igdi asin masuporta.
San Vicente Ferrer, ipamibi mo kami!
San Vicente Ferrer, tabangan man kami!
San Vicente Ferrer, danay man na ipamibi asin tabangan kami!
Maogmang Kafiestahan Seรฑor San Vicente Ferrer!
Bendecionan man lugod kita kan Dios na Makakamhan, An AMA, an AKI, asin nin ESPIRITU SANTO. Amen.
