Saint Vincent Ferrer Maangas Chorale

20/04/2026

Celebrating my 3rd year on Facebook. Thank you for your continuing support. I could never have made it without you. 🙏🤗🎉

24/12/2025

[Diciembre 24, 2025] MISA VIGILIA SA SOLEMNIDAD KAN PAGKAMUNDAG NIN KAGURANGNAN NA SI JESU-CRISTO🕊️
9:00 PM - Eucaristiang Celebracion
Sponsor na Familia na madara kan Niño Jesus: Mr. & Mrs. Isidro Padron and Family
Sponsor kan Ikalimang Kandila: Mr. & Mrs. Jerwin Canillo and Family
Sponsor na Familia na mabotong kan Star: Mr. & Mrs. Dean Relleta and Family
Sponsors: PPC, BPC, Brgy. Officials, SK Officials, MYO Officials, TYO Officials and Unbound

• Sinisimbolo nin Kandila: CRISTO
• Pangaran kan Kandila: An Kandila ni Cristo
• Pagpapagiromdom kan Kandila: An Kabinian ni Cristo asin an Liwanag kan kinaban duminatong na.

LITURGIA NIN TATARAMON
Enot na Babasahon: Isaias 9:1-6
Salmo Responsorio: Salmo 96: 1-2, 2-3, 11-12, 13
Ikaduwang Babasahon: Tito 2:11-14
+ LUKAS 2:1-14

"Namundag ngunyan sa banwa ni David an saindong Paraligtas—an Mesias na Kagurangnan!" (LUKAS 2:11)

Pamibi:
O Dios, na naggibo kaining orog kasagrado na banggui na nagbabanaag kan bangraw kan tunay na liwanag, iwaras mo, kami namimibi, tanganing kami, na nakakaaram kan mga misterio kan saiyang liwanag sa kinaban, mapa-ogma man kan saiyang kaogmahan sa langit. Na nabubuhay asin naghahade kaiba mo sa pagkasararo kan Espiritu Santo, sarong Dios, sa kapanahonan kan mga panahon. Amen.

24/12/2025

21/12/2025

Dai po malingaw na mag atendir sa gigibuhon na advent recollection sa satuyang parokya

MARHAY NA ALDAW BANWAAN NIN DIOS!

An satong Parroquia po magkakaigwa nin ADVENT RECOLLECTION 2025 sa maabot na Diciembre 21, aldaw nin Domingo sa oras na Ala-una nin hapon(1:00 PM) na gigibuhon sa laog kan Simbahan na may temang, "Si Maria an perpektong modelo sa Panahon nin Adviento (Mary as a perfect model of Advent)."

Lugod magkatiripon po giraray kita sa aldaw na iyan bilang sarong Parroquia tanganing makapaghorop-horop ngunyan na Panahon nin Adviento o Panahon nin paghalat o pag-andam sa paaaboton na Mesias. Kaya po an gabos na parokyano ni San Vicente Ferrer iniimbitaran na magpartisipar (PPC, BPC, mga nasa Ministries, mga SK, MYO, TYO officials, Brgy. Officials, mga nasa Organizations and Associations asin mga Familia's).

Kita po maghorop-horop sa mga tataramon asin motibasyones na itatao kan satong namomotan na Cura Parroco, Reb. Pd. Andres B. Baliwas, SOLT asin Parochial Vicar, Reb. Pd. Rally V. Gonzales, SOLT.

MADYA PO KAMO, MAGDANGOG ASIN MAGHOROP-HOROP!

15/12/2025

07/11/2025

𝗢𝗥𝗔𝗧𝗜𝗢 𝗜𝗠𝗣𝗘𝗥𝗔𝗧𝗔
Tumang sa Bagyong"UWAN"

Mamomoton na Ama, Kaglalang asin Kagurangnan kan gabos, an saimong providencia nagpapadanay kan kinaban asin an saimong kadunogan nag-aantabay sa kalikasan.

Mapakumbaba kaming nag-aarang saimo na ilikay kami sa nagdadangadang na paghumâ nin bagyo, na sangkoban mo kami sa gabos na katibaadan, asin pakulpaon mo an gabos na bagyo nin buhay na naghuhuma samo.
Magi man kaming ligtas sa mga mamomoton mong kamot, mag-ugid kan saimong Kabotan sa gabos niamong inaagihan sa buhay, asin saimo maglingkod kaming pinaniwalaan kan saimong linalang, may pusong nagpapasalamat.

O Virgen nin Peñafrancia, samuyang INA, pamibian kami; kugosa kami kan saimong manto nin pagkamoot asin likayan kami sa gabos na calamidad.

Ini hinahagad mi ki Jesu Cristo samong Kagurangnan, kasaro kan Espiritu Santo. Amen.

Nuestra Señora de Peñafrancia, ipamibi mo kami!
San Vicente Ferrer, ipamibi mo kami!

Mag-iringat po an gabos!

12/10/2025

12/10/2025

"𝐃𝐚𝐩𝐚𝐭 𝐦𝐚𝐠𝐤𝐚𝐢𝐠𝐰𝐚 𝐤𝐢𝐭𝐚 𝐧𝐢𝐧 𝐩𝐮𝐬𝐨𝐧𝐠 𝐦𝐚𝐩𝐚𝐠𝐩𝐚𝐬𝐚𝐥𝐚𝐦𝐚𝐭... 𝐒𝐚 𝐭𝐚𝐡𝐚𝐰 𝐧𝐢𝐧 𝐦𝐠𝐚 𝐤𝐚𝐝𝐢𝐟𝐢𝐜𝐢𝐥𝐚𝐧 𝐚𝐬𝐢𝐧 𝐧𝐢𝐧 𝐦𝐠𝐚 𝐩𝐫𝐨𝐛𝐥𝐞𝐦𝐚, 𝐝𝐚𝐢 𝐤𝐢𝐭𝐚 𝐦𝐚𝐠𝐬𝐮𝐤𝐨 𝐬𝐚 𝐛𝐮𝐡𝐚𝐲 𝐤𝐮𝐧𝐝𝐢 𝐦𝐚𝐠𝐫𝐚𝐧𝐢 𝐤𝐢𝐭𝐚 𝐬𝐚 𝐊𝐚𝐠𝐮𝐫𝐚𝐧𝐠𝐧𝐚𝐧... 𝐧𝐢𝐧 𝐡𝐮𝐥𝐢 𝐭𝐚 𝐭𝐚𝐭𝐚𝐰𝐚𝐧 𝐤𝐢𝐭𝐚 𝐚𝐬𝐢𝐧 𝐚𝐚𝐤𝐨𝐨𝐧 𝐤𝐢𝐭𝐚 𝐧𝐢𝐧 𝐊𝐚𝐠𝐮𝐫𝐚𝐧𝐠𝐧𝐚𝐧... 𝐀𝐧 𝐩𝐮𝐬𝐨𝐧𝐠 𝐦𝐚𝐩𝐚𝐠𝐩𝐚𝐬𝐚𝐥𝐚𝐦𝐚𝐭 𝐛𝐢𝐧𝐮𝐛𝐮𝐤𝐬𝐚𝐧 𝐭𝐚 𝐚𝐧 𝐩𝐚𝐠𝐦𝐢𝐝𝐛𝐢𝐝 𝐬𝐚 𝐦𝐠𝐚 𝐛𝐢𝐲𝐚𝐲𝐚 𝐧𝐚 𝐭𝐢𝐧𝐚𝐭𝐚𝐨 𝐧𝐢𝐧 𝐃𝐢𝐨𝐬 𝐧𝐚 𝐧𝐚𝐠𝐭𝐚𝐭𝐚𝐨 𝐬𝐚𝐭𝐨 𝐧𝐢𝐧 𝐤𝐚𝐨𝐠𝐦𝐚𝐡𝐚𝐧... 𝐡𝐮𝐥𝐢 𝐭𝐚 𝐤𝐮𝐧 𝐤𝐢𝐭𝐚 𝐧𝐚𝐠𝐩𝐚𝐩𝐚𝐬𝐚𝐥𝐚𝐦𝐚𝐭, 𝐢𝐭 𝐢𝐬 𝐚 𝐡𝐞𝐚𝐥𝐢𝐧𝐠 𝐚𝐧𝐝 𝐟𝐮𝐥𝐥𝐧𝐞𝐬𝐬 𝐨𝐟 𝐨𝐮𝐫 𝐬𝐩𝐢𝐫𝐢𝐭𝐮𝐚𝐥 𝐥𝐢𝐟𝐞."

- Excerpt from the Homily of 𝐑𝐞𝐯. 𝐅𝐫. 𝐀𝐧𝐝𝐫𝐞𝐬 𝐁. 𝐁𝐚𝐥𝐢𝐰𝐚𝐬, 𝐒𝐎𝐋𝐓 on the 28th Sunday in Ordinary Time