![— Pastor Richard Natnat Verse: Luke 19:1-10 📕[10] Ang Anak ng Tao ay naparito upang hanapin at iligtas ang naligaw.”...](https://img3.prayers1.com/409/494/1049249394094945.jpg)
17/05/2026
— Pastor Richard Natnat
Verse: Luke 19:1-10 📕
[10] Ang Anak ng Tao ay naparito upang hanapin at iligtas ang naligaw.”
Introduction:
Ano ba ang nakita ni Zaqueo kay Hesus kung bakit hinangad niyang makilala si Hesus?
Si Zaqueo ay isang maliit na tao na isang maniningil ng buwis, kinikilala siya ng mga Judio bilang traydor at isang makasalanan.
Ngunit paano ba na ang isang makasalanan ay naghangad makita ang Panginoon.
Bakit ang kaligtasan ay dumating kay Zaqueo?
1. SIMPLE CURIOSITY OF ZAQUEO
Lucas 19:3 📕
Sinikap niyang makita si Jesus upang makilala kung sino ito, ngunit sa dami ng tao, hindi niya ito makita dahil siya'y pandak.
—Because of his Curiosity He sought to see Jesus who he was;
Sikapin din nating kilalanin ang ating Panginoon.
Maraming tao lumalapit sa Panginoon upang pagalingin sila sa kanilang karamdaman ngunit si Zaqueo lumapit hindi Dahil sa karamdaman kundi dahil Gusto niyang makilala ang Panginoon.
Hindi naging hadlang ang kaniyang kapansanan upang makilala ang Panginoon.
Zaqueo gives effort to see Jesus.
Lucas 19:4 📕
[4] Kaya't patakbo siyang nauna sa dadaanan ni Jesus at umakyat sa isang puno ng sikamoro.
2. THE CALLING OF ZAQUEO
Lucas 19:5 📕
[5] Pagtapat ni Jesus sa lugar na iyon, tumingala siya kay Zaqueo at sinabi, “Zaqueo, bumabâ ka agad sapagkat kailangan kong tumuloy ngayon sa iyong bahay.”
Ang gusto ni Zaqueo makilala ang Panginoon ngunit ang gusto ng Panginoon baguhin si Zaqueo.
Hindi Si Zaqueo ang naghanap sa Panginoon kundi ang Panginoon ang tumawag at humanap kay Zaqueo.
The Calling of Zaqueo is urgent and Divine.
Ang tunay na tumanggap sa Panginoon ay may Kagalakan. 🍂
Lucas 19:6 📕
[6] Nagmamadaling bumabâ si Zaqueo, at tuwang-tuwang tinanggap si Jesus sa kanyang bahay.
3.Following the Lord cause opposition and persecution .
Lucas 19:7 📕
[7] Lahat ng nakakita nito ay nagbulung-bulungan. “Nakikituloy siya sa isang makasalanan,” sabi nila.
Ang tumatanggap sa Panginoon ay may pagsisisi sa kaniyang buhay at may kagalakang ipagamit ang kaniyang buhay sa Panginoon🍂
Lucas 19:8 📕
[8] Tumayo si Zaqueo at sinabi niya kay Jesus, “Panginoon, ipamimigay ko po sa mga mahihirap ang kalahati ng aking mga kayamanan. At kung ako'y may nadayang sinuman, isasauli ko ito sa kanya ng maka-apat na beses.”
Mga Bilang 5:5-7 📕
[5] Sinabi ni Yahweh kay Moises, [6] “Sabihin mo ito sa mga Israelita: Sinumang magtaksil kay Yahweh at makagawa ng masama sa kanyang kapwa ay [7] dapat umamin sa kasalanang kanyang nagawa, pagbabayaran niya ito nang buo maliban pa sa dagdag na ikalimang bahagi nito. Ito'y ibibigay niya sa ginawan niya ng masama o sa pinakamalapit na kamag-anak nito.
Ang tumatanggap sa Panginoon ay may kaligtasan sa Kaniyang Buhay . 🍂
Lucas 19:9-10 📕
[9] At sinabi sa kanya ni Jesus, “Ang kaligtasan ay dumating ngayon sa sambahayang ito sapagkat anak din ni Abraham ang taong ito. [10] Ang Anak ng Tao ay naparito upang hanapin at iligtas ang naligaw.”
Maging halimbawa si Zaqueo sa atin na
-handang kilalanin ang Panginoon.
-Handang masugatan makita lamang ang Kaluwalhatian ng Panginoon.
-Handang papasukin ang Panginoon sa Kaniyang buhay.
-Handang ipagamit ang buhay sa Panginoon .
-Handang magsisi at tumalikod sa kasalanan.
- handang tumanggap ng pag-uusig dahil sa pagsunod sa Panginoon.
🍂Sapagkat katulad ni Zaqueo hindi hadlang ang mga Kinakaharap mo sa Buhay upang kilalanin ang Diyos na may Likha sayo.
God bless Breatheren 😇❤
