29/08/2026
๐ข๐ฅ๐๐ง๐๐ข ๐๐ ๐ฃ๐๐ฅ๐๐ง๐ ๐๐๐๐๐ก ๐๐๐ฅ๐๐ก๐ ๐๐๐๐๐ ๐๐๐๐๐โ๏ธ
(๐๐ณ๐ข๐ต๐ช๐ฐ ๐๐ฎ๐ฑ๐ฆ๐ณ๐ข๐ต๐ข ๐ง๐ฐ๐ณ ๐๐ฆ๐ญ๐ช๐ท๐ฆ๐ณ๐ข๐ฏ๐ค๐ฆ ๐ง๐ณ๐ฐ๐ฎ ๐๐ข๐ญ๐ข๐ฎ๐ช๐ต๐ช๐ฆ๐ด)
O lubus mayupayang Ibpa, tatas mi la ring pusu mi keca king capasalamatan para caring macapagmulalang lelangan mu, kareti cayabe cami, para king calingapan mu a mamie kecami caring cailangan mi, at para king cabiasnan mu a mumugit king daralanan ning meto sicluban.
Tatanggapan mi la ring casalanan mi laban keca
at caring sablang lelangan mu.
E cami meging mayap a catiuala ning yatu.
E mi ya pekaintindian ing cautusan mung pamangasiua king yatu.
Ing makapadurut kecami ya ngeni ing magdusa pauli ning mali ming cararaptanan, at ngeni pupupulan mi ing pamanabusu at kealan masabal mi. Ing global warming atiu ne busal mi. Ding bagyu, albug, pamamakbung ring bulcan, at aliua pang calamidad lalu lang daracal at sisican.
Lalapit cami keca, O malugud a Ibpa mi, at manigapung capatauaran para caring casalanan mi. Pagparalampu mi, king ding caluguran mi at ing picapagalan ming atangcang pibandian ing micabus ibat king banta ning calamidad, natural at gauang-tau. Pagamu-amu mi keca ing gauan mu cami ngan responsabling catiuala ning lelangan mu, at maganaca ampon mapaniaup a siping-bale caring atiu king pamangailangan.
Amen.
Virgen de los Remedios,
Indu ning Capaldanan,
king nanu mang casakitan,
ipanalangin mu cami!
Santo Cristo del Perdon y Caridad,
Guinu ming mapamacalulu,
uling malugud ka kecami,
king Ibpa, ipamilatan mu cami!
Mal ming patulunan Apung Tali, Ipanalangin mu cami!
Stay Safe Everyone!
